Dr.Fruita/ملك البسيونى

13/10/2025

لو مفكرين ان الاكل الصحي يعنى اكل طعمه وشكله وحش يبقى احفظوا الفيديو ده عندكم ✅
هيساعدكم تعملوا وجبات صحيه سهله وطعمها حلو …
لو عايزين أنظمة صحيه كاملة اكتبوا وجبات فى الكومنت او ابعتوا لرسائل الصفحة …
وعرفوني بتابعونا من اى بلد 🥰؟

10/10/2025

التغذية السليمة أثناء الدورة الشهرية 💗

الفترة دي مش بس "وقت تعب"، هي وقت الجسم بيطلب منك اهتمام خاص ورعاية حقيقية.

لان الهرمونات بتتغير، والطاقة بتقل، والمزاج ممكن يكون حساس… وهنا بييجي دور التغذية الذكية والمناسبة لحالتك👇

✅التغذيه الصحية والسليمة اثناء الدورة الشهرية بتقلل الام والتقلصات وكمان بتقلل لخبطة الحالة النفسية …

🔶ولذلك
🍲 ابدئي بالأكل الدافي والمغذي:
شوربة العدس، شوربة الخضار أو الدجاج لانها بتساعد الجسم يعوض السوائل والمعادن اللي بيفقدها، وبتدفّيه بلُطف.

🌿 المشروبات الدافئة كمان لازم تكون صديقة جسمِك في الأيام دي:
زى كوب ينسون أو حلبة أو قرفة مش بس بيريّح التقلصات، لكن كمان بيساعد على تهدئة الأعصاب وتنظيم الهضم.

🥬 غذي نفسك بما يفيدك:
خضار ورقي زي السبانخ والبقدونس لتعويض الحديد.

فواكه غنية بفيتامين C زي البرتقال والكيوي لزيادة امتصاص الحديد.

المكسرات بتديكى المغنسيوم الطبيعي وده بيقلل التشنجات.
كمان قطعه شيكولاته 🍫 غامقه بتحسن المزاج

🚫 وابعدي عن:
الكافيين الزائد، الأكلات المالحة جدًا، والسكريات المكررة لأنها بتزود الانتفاخ والتقلبات المزاجية.
وتجنبى تماما الوجبات الدسمة والسريعه على الاقل فى الفترة دى

💆‍♀️ خدي وقتك للراحة، نامي كويس، واعملي تمارين خفيفة،
جسمك مش ضدك، هو بس بيحتاج رعايه بشكل معين فى الفتره دى .

وتذكّري دايمًا… التغذية مش نظام قاسي، هي لغة حب بينك وبين جسمك. 🌸

واخيرا شاركى البوست مع كل السيدات إلى تعرفيها …واكتبوا اسئلتكم فى الكومنتات ..

تحياتى
د.ملك البسيوني
اخصائي التغذية ومؤسس اكاديمية د.فروتا لرفع الوعى الغذائي والتثقيف الصحى

09/10/2025

ليه السهر بيزود الوزن وليه مهم نغير عادتنا لعادات صحيه ،،
حتى لو بتاخد أدويه لنزول الوزن او هتعمل جراحة سمنه لازم تبقى عارف المعلومة دى ان الادوات دى كلها مش اداه سحريه لو مغيرتش العادات الغلط إلى بتعملها ….
✅اكتبوا استفساركم فى الكومنتات …
اعملوا مشاركة للفيديو 🥰

#اكسبلور #فولو #السعودية #عرب #مصر #فوتو⁩

03/10/2025

✅متنسوش تكتبوا اسئلتكم واقتراحاتكم في الكومنتات 👇

✨ لو حاسه إن هرموناتك ملخبطة ومؤثرة على مودك، نومك، أو حتى وزنك… في شوية حلول خارقة وسهلة تقدري تبدأي بيها من النهاردة:

1️⃣ الأكل الصح 🥗
قللي السكر الأبيض والمشروبات الغازية، وركزي على الأكل اللي فيه بروتين كويس (زي الفراخ، البيض، البقوليات) والخضار الملون. الحاجات دي بتثبت سكر الدم وبتخلي الهرمونات تهدى.

2️⃣ النوم الكفاية 😴
النوم أقل من 6 ساعات بيبوظ هرموناتك بشكل رهيب! حاولي تخلي نومك منتظم في نفس المعاد كل يوم.

3️⃣ الرياضة المعتدلة 🏃‍♀️
حتى لو 20 دقيقة مشي سريع في اليوم… ده كفيل يحسن حساسية الإنسولين وينظم هرمونات التوتر والاستروجين.

4️⃣ المية والسوائل 💧
جفاف الجسم بيأثر على كل حاجة، حتى المود! اشربي من 2–3 لتر مية على مدار اليوم.

5️⃣ التقليل من التوتر 🧘‍♀️
جرّبي التنفس العميق أو اليوجا أو حتى قعدة هادية مع نفسك. الكورتيزول (هرمون التوتر) لو علي طول عالي بيبوظ باقي الهرمونات.

6️⃣ فيتامين D والمغنيسيوم ☀️🥜
أشعة الشمس والمكسرات والبذور بيساعدوا الجسم يوازن الهرمونات بشكل طبيعي

أمثلة على البذور اللي مفيدة جدًا في تنظيم الهرمونات:
بذور الكتان —- الشيا —-القرع—-دوار الشمس —-الحلبه
دي ممكن تضاف على الزبادي، السلطة، العصير أو حتى تتاكل كوجبة خفيفة.

تحياتى
د.ملك البسيوني
اخصائي التغدية ومؤسس اكاديمية د.فروتا لرفع الوعى الغذائي والتثقيف الصحي..

03/10/2025

صباح الخير 💚
نضيف كمان ان الشيكولاته الخام بتحسن النفسية والمزاج لاحتوائها على الفينيل إيثيل أمين ودا بيحفز افراز الدوبامين …

01/10/2025

معلومات تهم صحتك …
اكتبوا اسئلتكم فى الكومنتات …

30/09/2025

29/09/2025

فوائد الجنزبيل

28/09/2025

مقال هذا الأسبوع فى جريده الدستور واتكلمت فيه عن المكملات الغذائية:

لو كنتم من الناس إلى عندها اعتقاد ان المكملات الغذائية دى سحر 👇
يبقى لازم تقرأ المقال ✅

🔶تحياتى لكم جميعا
د.ملك البسيوني
اخصائي التغذية ومؤسس اكاديمية د.فروتا لرفع الوعى الصحي والتثقيف الغذائى

24/09/2025

23/09/2025

لقاء هذا الأسبوع واهميه عشبه الليمون 👇

د. ملك البسيونى : شاى الليمون والزنجبيل يحسن عملية الهضم وامتصاص العناصرالمفيدة للجسم د. ملك البسيونى - أخصائى التغذية العلاجية قنـــــــــــــــاة النيـــــ...