Diyaa Abdul Moniem

Diyaa Abdul Moniem Contact information, map and directions, contact form, opening hours, services, ratings, photos, videos and announcements from Diyaa Abdul Moniem, Cairo.

13/02/2025

نصيحة لله ..
لو انت من الناس اللي ملهاش طاقة عالصيام عامة، ويومك مبيمشيش غير بفنجان القهوة والحاجات دي ..
فابدأ عود نفسك من دلوقتي والحق اللي باقي من شعبان.

عشان لو دخلنا رمضان كده أول 7 او 8 او 19 يوم هيطيروا مننا ما بين السرير و الكنبة.

12/02/2025

كل ما تبص وراك وتحس ان اللي فاضل مش اد اللي فات ..

افتكر ان من رحمة ربنا ومن جمال ديننا انك ينفع تعوض اللي عدى .. ينفع بلحظة صدق و توبة خالصة تبدأ من جديد وكمان معاك رصيد.

02/10/2024

اشتقنا للي .. ايه للي دي ..

المهم
يوم ما يتفق معانا على معاد نتقابل فيه يقولنا قابلني في صلاة العشا بدل عالقهوة..
يوم ما يطمن علينا زي ما بيسألني ايه اخبار شغلك يسأل ايه أخبار وردك ..
يوم ما تخبط معانا ميقولش في مشكلة فالتسعير او التسويق ويقول ما تراجع اذكارك واستغفارك .. فقلت استغفروا ربكم.
اشتقنا لحد يقولنا على كتاب نقراه بدل مسلسل او فيلم نشوفه ..
اشتقنا لأبي عبيدة يفكرنا ان الدنيا أيام وتمضي فلا يهلكنا التكاثر ..
اشتقنا لأبي بكر يفكرنا أن الله يعطي لكل منفق خلفا .. تركت لهم الله و رسوله .. فمنحسبهاش بالورقة و القلم.

اشتقنا للذين يدعون ربهم بالغداة و العشي يريدون وجهه ..

01/10/2024

الظروف فرضت عليا سيناريوهات معينه ..

جملة بنرددها كتير لما الحياه بتدينا ضهرها او بتمشي عكس ما كنا عاوزين .. بس لو وقفنا مع نفسنا لحظة صدق هنلاقي ان الظروف قفلت علينا سيناريوهات معينه لكن مفرضتش علينا حاجه .. المشكلة اننا بنفضل ماسكين في السيناريو اللي يكاد يكون كل الشواهد بتقول انه مش مناسب ومش هيوصل، بنفضل ماسكين فيه عشان نرضي نفوسنا انها بتسعى وبتعمل اللي عليها او من ناحيه تانيه انها مجبرة على وضع ما وانها مش مقصرة وان لو الظروف اتغيرت هنعمل كذا و كذا ..

ببساطة لو لقيت نفسك عطلان في حاجه لمدة طويلة فانت على خطر كبير واحذر من التمسك بنفس الطريق لان مفيش حاجه هتتغير .. وغير الطريق .. اه هتخاف وهتتردد وده طبيعي بس طول مانت مش رابط سعيك بالنتيجه هتطمن شوية

النفس بتحب الناس تتعاطف معاها وده مش هيحصل الا لو حسوا وشافوا معانتنا وألمنا وده اللي بيخليك تلف في دايرة معينه طول الوقت ومتخرجش منها .. مانا لو خرجت الناس هتعرف منين اني اتفرهدت.

واخيراً هي كلها طرق صعبة وكل اللي عليك انك تختار المساحه اللي تستحق السعي والتعب.

01/10/2024

لو مسهلتهاش على نفسك هتصعبها هي عليك ..

خدها قاعده بقى في كل حاجه في حياتك .. جواز شغل خلفة دراسة علاقة طاعة عبادة ..

وده ملوش علاقة بانك هتقدر تعملها ، بس دعوة لانك تكون صادق مع نفسك ..

لانه فرق كبير انك تسعى وتلاقيها فعلا صعبة وبين انك تصعبها من البداية عشان متسعاش ..

وخلي دعائك بين ..

اللهم أعنى وقوني

وبين

اللهم يسر وهون علي.

30/09/2024

الجمع بين الدنيا و الاخرة ملوش غير طريق واحد وهو إنك تسعى للآخرة ومش شاغل بالك بالدنيا .. وقتها تأتيك الدنيا وهي راغمة.

لكن فكرة انا عاوز فلوس عشان اتصدق وابني جامع واكفل يتيم و و و .. ماهي الا الاعيب من النفس عشان تخلي شكل أهدافك نبيله وتحليها في عينيك وتحسسك أد ايه انت فعلا بتحب ربنا وبتسعاله ..

وللأسف طول ماحنا في الزوون دي لاطايلين دنيا ولا راضيين عن علاقتنا وسعينا لربنا سبحانه و تعالى ..

ومتخليهاش تلاعبك بشكل تاني وتقولك ما تيجي نسعى للآخرة طالما هي اللي بتجيب الدنيا ..

احنا فعلا محتاجين نفصل فصل تام
بين سعينا الدنيوي ونفرح و ننبسط ونروح و نيجي ونبقى صادقين مع نفسنا ان ده ليها .. ان لنفسك عليك حق.

وبين سعينا للاخرة و اللي ميكونش من وراه غير رضا ربنا والفوز بالجنه و النجاة من النار.

فاللهم أخلص لك نياتنا وأعمالنا 🤲

19/09/2024

متخليش النتيجة في اي حاجه بتعملها هي نهاية الطريق واتعامل معاها على انها مجرد معطى جديد في سعيك اللي عليه الدور وخصوصا لو جات عكس ما كنت تتمنى ..

فلو بتسعى لفلوس او منصب او شغلانة او جوازة او كلية او عربية ..

لو جات فاعرف ان ربنا بيقولك المعطى الجديد اللي دخل حياتك ماهو الا سبب لحاجه تانيه في نفس الطريق مطلوب منك تسعالها ..

ولو مجتش وانت متاكد ومطمن انك عملت كل اللي عليك عشان توصلها فبرده تاكد ان ربنا بيقولك ان عدم حصولك عليها ماهو الا معطى جديد لسعي اخر مطلوب منك ..

فمتضيعش عمرك بتجري ورا حاجه معينه ..
ومتوقفش عمرك على حاجه وصلتلها ..

النتيجة الوحيده الحتميه في الحياه دي هي الموت وللاسف مفيش سعي بعده.

24/08/2024

فرق كبير بين رجالة بتساعد فالبيت وكائنات بتساعد فالبيت عشان تبقى رجالة ..

24/01/2024

اللهم اجعل الدنيا لنا جسراً لا قصراً .. واجعل جسرنا في قلوبنا قصراً

خلي مفتاحك في جيبك ..هل تعلم يا صديقي ان كلنا ضحايا لحاجات معينه مكنش لينا يد فيها ؟! فلا تعتقد أبداً أن ما تمر به هو شئ...
27/11/2023

خلي مفتاحك في جيبك ..

هل تعلم يا صديقي ان كلنا ضحايا لحاجات معينه مكنش لينا يد فيها ؟! فلا تعتقد أبداً أن ما تمر به هو شئ جديد عن الكون اللي بنعيش فيه وأن الحياه انتظرتك كثيراً حتى تأتي لتمزقك أنت دون غيرك وتستمتع بمعاناتك .. نعم مشاعر الظلم والقهر وعدم الكفاية والتقليل من شأنك وغيرها من المشاعر التي تعانيها ثقيل ونعم التجارب مختلفه وليس هناك تجربة بتفاصيلها تشبه الأخرى ولكن كن على يقين أن ما تشعر به وتعانيه يشعر به الكثير والكثير و جميعهم يقولون
"محدش مر باللي أنا مريت بيه .. "

أعلم أن الكلام ثقيل وأنك تحتاج من يربط على كتفك ويحتضنك ويواسي مشاعرك، ولكني أعلم أيضاً أننا كثيراً ما نقوم بهذا الدور بشكل خاطئ و أننا ندعم هذه الفكرة - أننا ضحية - بداخلنا دون أن نشعر ..

ما نحتاجه أنا وأنت وكل من يعاني من شئ ما في حياته أولاً أن نعي و نفهم لماذا نعاني، وعند هذه المرحلة أنت لم تعد ضحية .. عدم فهمك يساعد الاخر على أذيتك.

نعم هناك أمور وعلاقات لن تستطيع أن تتركها وتذهب، ونعم أيضاً أوقات بيكون الصبر هو الحل .. لكن لو كل حاجه بتوجعك في حياتك بتتعامل معاها بمبدأ الصبر فلتعلم يا صديقي أنك عند هذه المرحلة من اختار أن يكون الضحية ولا تلومن وقتها من و ما يؤذيك.

لن يتغير أحد ولن يتغير شئ ما لم تتغير أنت ..

صعبة و تقيله بس اللي انت فيه وهتفضل فيه أصعب و أتقل ..

أنا و انت هنتحاسب على نفسنا و بس .. وخسارة يجي يوم نعرف فيه ان احنا ظلمنا نفسنا زي ما ناس تانيه ظلمتها.

ادعي كتير يا صاحبي واستعن بالله ولا تعجز ..

24/11/2023

عارف المشكلة فين يا صاحبي ؟!

في إنك بتعتقد في بعض الأمور انك طبقتها عشان اقتنعت بيها والحقيقة هي ان هواك كان ليه الدور الأكبر في ان عقلك يصورلك انه اقتنع ..

"لا يُؤمن أحدكم حتى يكون هواه تبعا لما جئت به" .. صدق رسول الله صلى الله عليه وسلم ..

الأصل ان هواك مش هيميل للمنهج وهيفرهد معاك في الحاجه التقيلة عليك ويصورلك انك لو عملتها بدون اقتناع فانت منافق مثلاً والحاجه السهله هيقولك انا مقتنع فيلا بينا ..

الاقتناع وسيلة لكن التسليم غاية ..

ولو قدمت الوسيلة على الغاية هتظبط معاك في حاجات وهتخيش منك في حاجات أكتر ..

إِذْ قَالَ لَهُۥ رَبُّهُۥٓ أَسْلِمْ ۖ .... قَالَ أَسْلَمْتُ

نقطة

23/11/2023

أما تعمل خير لحد .. اعمله عشان انت تستاهل انك تعمله قبل أي حسابات تانيه ..

سيدنا أبو بكر منع النفقة عن صحابي خاض في عرض بنته وبعدين رجع تاني يديهاله الضعف - وده بعد ما نزل قران يبرأها والصحابي اقيم عليه الحد - ضاعفها عشان ربنا قاله " ألا تحبون أن يغفر الله لكم" .. فمكنش منه إلا إنه قال .. بلي يا رب ..

فبلاش تحسبها بالعكس عشان هتحرم نفسك من خير كتير ..

Address

Cairo

Telephone

+201010948456

Website

Alerts

Be the first to know and let us send you an email when Diyaa Abdul Moniem posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Diyaa Abdul Moniem:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram