01/01/2023
👤 "أنا قررت اسيب شغل ماسجوتوفا"
👤"هو أنا دفعت ليه الفلوس دي كلها علي الكورسات مره واحده"
👤"أنا ححوش واخد الكورس ،كورس ايه يا اسراء اهدي شويه ،هو أنت اصلا محصلتيش على مردود مادي عوض الكورسات الي اخدتيها ،عشان تفكري تاخدي تاني🙉"
👤 "أنا حعتذر عن جلسه النهارده"
👤"أنا عايزه اتعلم علم الطاقه عشان اعرف ازاي احافظ عليها بعد الجلسات"
👤"اولادي وبيتي هما الاولويه بعدين شغلي"
👤 "أنت يا اسراء أم ،وليك بيت محتاج طاقتك ومش ملزمه ولا ربنا حيحاسبك لو مشتغلتيش"
👤 "مدام الشغل مش مغطي مصاريفي والتزاماتي وحيعوض غيابي عن اولادي وبيتي يبقي ملوش لزمه"
👤"يارب أنت عالم اني بجتهد ومش حقدر اساعد كل اللي حواليه بس بعمل اللي في سعتي وطاقتي "
كلها أفكار بتيجي في بالي كتير جدا وبتستنزفني حقيقي
خاصه لما بكون مرهقه نفسيا،جسديا،ماديا
🌹لكن سبحان الله بلاقي ربنا بيخرجني من الدائره دي ويبعتلي اشارات اني اكمل واعافر واجدد نيتي في ان ده علم نافع بنشره🙏🏻
🌸الاقي حد بعتلي مسج من حالاتي ازاي حياته اتغيرت ،وبقي احسن ويشكرني.
🌸 الاقي ناس عايزه تحجز جلسات ضروري معايا.
🌸ناس حواليه لما يعرفو عن العلم ده يدعموني ويساندوني عشان انشره.
🌸أقابل ناس بشوف مشكلتهم وببقى عارفه ان ربنا ممكن يكتبلهم الشفاء لو استخدمو التكنيك ده،فبحس مسؤوليه اتجاه اني ابلغ عن فوائد العلم واشتغل اكتر.
🌸ربنا يفتحها عليه في معرفه معلومه فاكتب بوست او انقل تجربه ناجحه ل حد معايا او حتي مع زمايلي.
✳️ لكن الصراحه لقيت اكتر حاجه بتستنزفني نفسيا
وهو أني أقابل ناس عايزين أقدم جلسات مجانيه لهم بدون مقابل
فبحس بالاحراج والزعل لما بقلهم اني مش حقدر أعمل ده،لاني شغلي يدوي،مش روشته دوا حكتبها، ولا نصيحه او استشاره
وبما اني ببذل مجهود بدني ،ونفسي،ومادي وكمان طاقه أنا اوقات برجع من بعض الجلسات مرهقه طاقيا جدا وبكون عايزه أنام بأي شكل 😅وفي ايام كنت بعتذر عن جلسات بسبب ده.
سبحان الله صادفت أمامي كوتش بتدي كورس عن الحدود
فقرأت الكتيب بتاعها وفي جمله مكتوبة عندها
🏵️أي حد يرسم حدود معاكي،فده معناه انه عايزه العلاقة دي تستمر بكل الحب والاحترام مش علشان يأذيكي 🏵️
قررت اطبق كلامها وأحاول تطبيقه وبدأت باول خطوه عن
توضيح حدودي😍 واوقف استنزاف
عشان انا انسانه بحاول أكون واضحه وبحب قيمه التقدير ،فقررت بتقدير نفسي أولا وعبر عن مشاعري 🤗
💐انا بحب جدا أساعد واللي يعرفني عن قرب حيشوف ده
ولكن أنا مش حقدر اساعد كل اللي حواليه وحساعد باللي حقدر عليه وفي طاقتي والله المستعان ، وبشكر ربنا انه منحني أعمل الافكار دي:
🦋أنا بفضل الله ترجمت فيديو عن تكنيك ماسجوتوفا العلاجي وشرحت كيفيه أداء التمارين عملت بمجهود مغلف بحب وسعاده انه ان شاء الله يكون سبب في دعم انسان ،نتايجه رائعه بجد وساعدني أنا أولا قبل تغيير ناس كتير ❤️تقدرو تشغلوه وحبعت اللينك تحت😍⬇️
🦋بفضل الله كنت عملت جروب مجاني من فتره عشان اقدم تمارين نعملها مع بعض لبرتوكولات خاصه بالمناعه، تحسين جودة النوم،دعم نفسي،وتنشيط وظايف المخ المعرفيه
والصراحه للأسف محدش كان مهتم فوقفت الجلسات الاون لاين.
🦋ربنا ألهمني اقدم ٣جلسات مجانية بكل حب واخلاص وبذلت فيها جهد ووقت كأني واخده اجر. وان شاء الله حستعين بالله وحجعلها عاده.
🦋 الحمدلله في جلساتي بلاقي اوقات ناس محتاجه جدا شغل اكتر فبزود الوقت عن ساعه وبدون مقابل وحالاتي عارفين ده عني.
🦋بحاول اقرأ كتير في التكنيك ده وانشر بوستات توعيه عن تأثيره العميق واللمميز في علاج مشاكل صحيه كتير.
🦋اخر حاجه دكتور سيفتلانا ماسجوتوفا من ضمن عطاءها وتضحياتها للعلم ده انها جعلت الكورسات متاحه لاي حد ياخدها عشان هي مقدره تكلفه الجلسات علي الاهل ،فأصبح ممكن تاخديها وتساعدي نفسك ،اطفالك ،اسرتك واي حد تحبي تساعديه.🌹❤️
ختاما حابه أقول كله توفيق من الله عزوجل ولا يكلف الله نفسها الا وسعها 🙏🏻وربنا يستخدمنا دائما ولا يستبدلنا
🌹🌹شكرا لوقتكم انكم تعرفو عن مشاعري وسعه صدركم وتفهمكم وتقبلكم لقيمه الوضوح،التقدير والحدود في حياتي ❤️
