coach_ Lamyaa Osman

19/08/2023

"الاكتئاب عند المراهقين"

له مجموعة من الاعراض منها السلوكية والعاطفية

☆الاعراض السلوكية:-

●العزلة الاجتماعية

●الأرق وقلة النوم

●البطء في التفكير

●عدم الاهتمام بالنظافة الشخصية

● افكار انتحارية

●إيذاء النفس ( زي الجروح والحروق )

●نوبات عضب غير مبرره

●سرعة الحركة

☆الاعراض العاطفية:-

●اليأس

●المزاج العصبي

● تراجع الثقة بالنفس

●شعور غير مبرر بالذنب

●الانعزال عن العائلة والمناسبات الاجتماعية

●افكار سوداوية

●صعوبة اتخاذ قرار

18/08/2023

📣📣📣" " 🎙️👰🤵

📢📢هانحطم الأسعار .. عندنا #طقم الصينى #للعروسة ب200جنية ..طقم السكاكين والمعالق ب 100جنية ..طقم الحلل البورسلين ب50جنية ..

🛑للأسف ده اللي بيهمنا في خطوة الاقبال علي #الجواز
بندور عالعروض المغرية وفرص التخفيضات الهايلة 👰🤵
🛑من أول مابتعرفي إنك حامل في بنت بتبدأى تجهزى في البطاطين وأطقم السرير و #الأجهزة الكهربية لكن عمرك علمتيها هتعمل إيه لمستقبلها اللي هيخليها تفهم يعنى إيه جواز ويعنى إيه حياه أسرية .
كتير مننا بياخدوا البنات من الدار للنار طالعه من بيت ابوها داخله بيت العريس بدون أى وعى أو فهم .

🛑هل دورنا كأهل بنتنا هتتجوز هو اننا نجهزها؟

🛑هل البنت مؤهلة نفسيا للدخول في علاقة؟

🛑طيب كلمتوها عن اختيار شريك الحياة؟🤵👰

🛑هل الطرف التاني ده مناسب او لا ؟

🛑هل اختيارنا له كان بناء علي رغبة البنت مثلا ولا ؟

" ليه دايما #بفشل في علاقاتي"

🛑كام مرة ارتبطي ومحصلش نصيب دايما بتقعي مع الاشخاص التوكسيك

🛑هل يعقل ان اختياراتك كلها غلط ولا انك مش عارفه معايير اختيار شريك الحياة ؟

🛑هل تعرفي #سيكولوجية الرجل والمرآة؟

هنعرفك من خلال ورشتنا ازاي تختاري صح وندور جوا خبايا نفسك ليه مبتكملش العلاقة

" انت كمان مش عارف تاخد خطوة الزواج "

اقولك اسبابك
_كل اصحابي اللي اتجوزو محدش مرتاح

_مش عاوز اخسر حريتي

_مش لاقي بنت مناسبة

طب تعالي نتكلم بهدوء ونشوف الاسباب الحقيقية اللي ممكن انت نفسك تكون مش واخد بالك منها

مؤلفات الكاتبة / ميادة عابدين
■كتاب بنت المتحرش
■كتاب طلق مراتك تحبها اكتر
■كتاب يستاهلو الدبح
⬛كتاب المفاجيع

مؤلفات الكاتبة/ لمياء أحمد عثمان
■كتاب رفيقتي في الجنة
■رواية طيف إنسان
■رواية ( human spectrum ) طيف انسان مترجم
■رواية استكانة

📢📢الورشة مدتها يوم واحد 🤵👰

هيتم تحديد موعد الورشة حين اكتمال العدد 📣📣📣🤵👰

📣📣للحجز والاستعلام /
التواصل واتس اب علي رقم / 01062390306

او الاتصال هاتفيا علي رقم/ 01118039820
"ورشة علي وش جواز " 🤵👰

#علاقات
#ارشاد
#زواج

مدرب معتمد
أخصائي علاج بالفن
أخصائي علاج معرفي سلوكي
أخصائي ارشاد اسري وزواجي
كاتبة

16/08/2023

الغضب هو اسهل طريقة بيستخدمها الطفل عشان يعبر عن رفضه لفعل او سلوك معين مش عاجبه
مستوي الغضب بيختلف من طفل للتاني
احيانا بنلاقي طفل يعيط شوية ويسكت ، وطفل تاني يصرخ ويتمادي فأظهار الغضب لحد ما تنفذ اللي عاوزه
في حين المبالغة بيكون الطفل عنده مشكلة سلوكية لازم نهتم بيها ونعالجها
للتواصل في حين وجود مشكلة
علي رسالة الصفحة
او علي برنامج الواتس اب الرقم الموجود بالصفحة

13/08/2023

الطفل الخجول
اطفال كتير بتكون فالبيت طبيعية وبرا البيت ساكتين جدا ( الخجل الاجتماعي)

■نكسب الطفل ثقة في نفسه وتبدأ الام تحكي للطفل انها كانت كده وهي صغيرة بس تخطت الامر

■بلاش عصبية مع الطفل الخجول لان ده هيعمله مشاكل نفسية اكبر

■منقارنش الطفل بغيره من الاطفال الاجتماعيين حتي لو كانوا اخواته

■نظهر قد ايه احنا بنثق فيه وفي امكانياته

■نصبر علي الطفل ونديه وقته عشان يقدر يتخطي الخجل

■اسمعيه طول الوقت وانتي عينك في عينه

■ بلاش خوف زايد عالطفل وحبسه داخل اطار الحماية الزايدة

■ساعديه يكون صداقات جديدة ، ويتعلم مهارات اجتماعية

■عززي ثقة الطفل بنفسه

١٥% من الاطفال بيتولدو بصفة الخجل الزائد فده شئ يطمنا ان الطفل طبيعي ولا داعي للقلق

11/08/2023

طفلك بينقل الكلام 😮

اتصرف ازاي لو ابني بينقل الكلام

■اولا هنتكلم معاه كتير عن الخصوصية وان كل حاجة بتخلص داخل نطاق الاسرة مش مسموح حد يعرفها

■ثانيا نلاحظ لو كان بيعمل كده لشد الانتباه ، نساعده يبرز مواهبه ونتكلم عنه بشكل ايجابي قدام الناس

■ثالثانلتزم بأي وعد نديه للطفل مهما كان بسيط ، ده هيقرب المسافات بينا

■رابعا نتجنب العنف بلاش ضرب لان الضرب هيخلي الطفل يعاند ويكرر الغلط

■خامسا غرز قيم الامانة والحب بين البشر

■واخيرا ( سرد قصص عن حفظ الاسرار بطريقة مشوقه ومناسلة للفئه العمرية )

09/08/2023

اكتئاب الاطفال ( الاختلال المزاجي عند الاطفال)

الاطفال ممكن جدا انهم يصابو بالاكتئاب

* من اعراض اكتئاب الاطفال:

_ نقص تقدير الذات

الطفل مش حاسس بأي انجاز بيعمله

_افكار الذنب

طول الوقت يلوم نفسه علي حاجات عادية جدا

_التشاؤم بخصوص المستقبل

ميتوقعش ابدا ان هيكون شخص ناجح ولا يكون عنده طموح

_قلة النوم وضعف التركيز

_ ضعف الشهية

_افكار انتحارية

عاوز يأذي نفسه بكل الطرق الممكنة

_نقص التركيز والانتباه

05/08/2023

معظم البنات الصغيرة بتكون متعلقة بوالدها بشكل كبير
وبنسمع منها كلمات زي( هتجوز بابا)
وتبدء تظهر غيرتها من مامتها
لو ده بيحصل بشكل بسيط فهو طبيعي لكن احنا ممكن بتصرفات معينة مننا نساعد ان ده يتحول لعقة اسمها (عقدة اليكترا)
😮😮😮
●اتصرف ازاي عشان ميحصلش كده
_تشاركي البنت فحاجات تخص البنات زي يلا نروح الكوافير ،ندخل المطبخ سوا ،نعمل شوبينج
وتكرري فكل حاجة حلوة بتعملوها كلمة( دي حاجات بنات ) بطريقة ترفيهية تسعدها
●دور باباها هيكون ايه؟🤔
_يقول للبنت محدش بيتجوز باباه انا باباكي
_يتودد ويتقرب من البنت لكن يعمل حدود يعني مثلا ( ممكن تخرجي برا مع ماما اغير هدومي )
خطوات بسيطة هتساعدنا نحافظ علي ولادنا انتبهوا

05/08/2023

اضرار الموبايل علي الاطفال

■ اضطرابات النوم
٧٥% من الاطفال المصابون بأضطرابات فالنوم يستخدمون الموبايل بشكل مستمر مما يؤثر علي مستوي تحصيلهم الدراسي

■صعوبة التركيز
الالعاب والفيديوهات تقلل من تركيز الطفل

■اكتئاب الاطفال
يتسبب بالاصابة بالاكتئاب و تشتت الانتباه

■العدوانية
يؤثر المحتوي الذي يشاهده الطفل علي درجة العنف لديه
والان الكثير من البرامج تجسد القتل والعنف بطريقة تفصيليه

■ادمان الاجهزة الالكترونية
١٥% من الاطفال المتراوح اعمارهم من ٨: ١٨ سنة يمكن وصفهم بمدمنين تكنولوجيا

■تؤثر علي الرؤية
تتأثر العين بشكل كبير مما يحدث ارهاق وصداع للطفل

■ يمنع استخدام الموبايل للاطفال حتي سن سنتين

■يجب ان يقتصر تعرض الاطفال من تلات الي خمس سنوات الي ساعة فقط كحد اقصي
■الاطفال ما بين ٦ و١٢ سنة ساعتين يوميا

05/08/2023

□ازاي انا كأم اتعامل مع طفلي العدواني :-

_تحاولي تستخدمي صيغة مختلفة عن صيغة الامر اما تطلبي منه حاجة

_امدحي تصرفاته السوية كتير عشان يكون مبسوط وهو بيكررها

_ تجنب السخرية من اي تصرف بيعمله قدام اي شخص قريبا كان اة غريب

_المكافأة حتي لو بكلمة لما يكون مطيع لوالديه

_تجاهل سلوك العناد وعدم التركيز عليه عشان ميزودش العناد

_نوضح للطفل ان زي ما له حقوق عليه واجبات بطريقة مبسطة تناسب سنه

_ لو زود العناد وفشلت كل المحاولات نلجأ للعاطفة
( لو بتحبني اعمل كذا ...)

05/08/2023

■ ابني بيكذب😮😮

الكذب عند الاطفال له اسباب

_ لاحظ تفرقة في المعاملة بينه وبين اخواته

_لاحظ انشغال اهله طول الوقت عنه فلجأ للحيلة دي لشد انتباههم

_سمع كتير كلمة انت كذاب ظلم فقرر يكون كذاب بجد

_شاف احد الابوين بيكذب قدامه

_ لاحظ ان محدش بيصدق من الاسرة فقرر يكذب عشان يكتسب ثقتهم