https://www.facebook.com/105896131379028/

Health Gossips, Cairo (2025)

01/03/2022

I am depressed!
For all new mothers, please listen

26/02/2022

٧ علامات تدل انك مش #حامل في ولد 👶

احنا كحوامل ومن اول يوم بنبقى عاوزين نعرف ايه 🤰 نفسنا نلاقي اي علامة تدل و تريح بالنا

و برغم ان البنت والولد دول رزق جميل من ربنا 🙏 بس برضه الصراع ده بيكون جوانا لا اراديا 🤷‍♀️

بعد بحث كتير في مواقع منظمة الصحة العالمية وكل كتب العلم تقريبا اكتشفنا ان مفيش اي علامة منهم حقيقة ولا حتي ليها اي دليل علمي و بالتجارب العلمية اللي تم اجراءها علي مستوي العالم اكتشفوا ان العلامات اللي جاية دي 👇👇 مش معناها ابدا انك عامل في ولد او بنت لانها بتتكرر في كل حمل علي اختلاف نوع الجنين.

١- لو نفسك جاية علي الحادق وعايزة تاكلي جبنة ده مش معناه انك حامل في ولد او بنت مش حقيقة 👶👶

٢- لو بطنك بالطول و بارزة لقدام 🤰 برضه مالوش اي معنى لان كل الاجنة بتتحرك نفس الحركات وشكل البطن بيختلف في النوعين ولد و بنت

٣- لو احلويتي تبقي بنت ولو ملامحك كبرت يبقي ولد، ده كلام فاضي ومش حقيقي ياما ناس حملت في ولد وكانوا زي القمر في الحمل، الفكرة ان الهرمونات وقت الحمل بتلعب دور كبير في تغيير شكل الجسم والملامح.

٤- لو لون البول بتاعك الصبح بدري علي الريق غامق يبقي ولد ولو فاتح يبقي بنت، مش حقيقي لان لون البول هيبقي فاتح لو بتشربي ماية كويس وغامق لو مقصرة في الماية لانها مهمة جدا في الحمل ومهمة علشان الماية حوالين الجنين.

٥- الكلف والعلامات اللي بيظهر في الجسم مش في الولد بس بيظهر في الاتنين علشان تغيير الهرمونات

٦- غثيان الصباح ده بيكون مش معناه انك حامل في ولد خالص هو هرمون الحمل بيسبب غثيان في الاتنين ولد و بنت وده لازم تستشيري الدكتور وتاخدي حاجة مضادة للغثيان او الترجيع.

٧- وجود خط تحت السرة غامق او فاتح مش بيعبر عن الحمل في ولد خالص ده بيكون موجود في اغلب الحوامل سواء بنت او ولد
في الاخر عاوزة بس اقولك ان السونار نفسه بيغلط اوقات في تحديد نوع البيبي اذا كان ولد ولا بنت فاكيد العلامات اللي ماما او #حماتك بتقول عليها مالهاش اساس علمي
وربنا يقومك بالسلامة

23/02/2022

٥ #اكلات ابعدي عنها خالص لو انتي #حامل

١- اللحوم #المصنعة بكافة انواعها زي اللانشون و البسطرمة والبولوبيف والهوت دوج الي اخره

٢- الاسماك المعلبة كلها لانها تحتوى علي زئبق لحفظه. لازم #الاسماك اللي تامليها تكون فريش و مطهية كويس

٣- العصائر المعلبة و اي حاجة فيها مواد حافظة ممنوعة

٤- #التمر ممنوع في #الحمل لحد السادس و بعد نهاية السابع ممكن نكتفي بتلات تمرت في اليوم كله لانه بيسبب طلق مبكر وبيسهل عملية الولادة علشان كده بننصح اول ما تكوني جاهزة للولادة كلي تمر

٥- بعض الاعشاب المنشطة للرحم ممنوعة زي القرفة و الزنجبيل

21/02/2022

#التمر مهم جدا للاطفال #الرضع بعد اتمام الشهر السارس وفيه فوايد كتير اوى هنعرضها ليكم.

وكل ام المفروض تعرف ان الرضيع لازم يبدا يدخله اكل من الشهر السادس حسب تعليمات منظمة الصحة العالمية ووزارة الصحة المصرية بجانب

ومن الاكلات المهمة والمفيدة للبيبي هو التمر و ممكن اضافته باكتر من طريقة

١- ممكن تحطي تمرة واحدة (شرط يكون مستوي زي العجين) علي ربع كوباية ماء مغلي جدا و تتركيه لمدة نص ساعة لحد ما يبرد و بعدين تضربيه بالماء في الخلاط كويس اوى و تصفيه كويس جدا و بعدها ضيفي عليه لبن الام المشفط او اللبن الصناعي حسب طريقة اكل طفلك.

٢- لو الطفل اكبر من سنة و نص ممكن نغلي ٣ او ٥ او ٧ تمرات مستوي طري في اتنين الي تلاته كوب ماء و بعدها نفرمه كويس جدا بعد التقشير و نديه للبيبي بالمعلقه علي زيادي او لبن او نضربه مع فواكه في الخلاط اما الماء المغلي فيه هنضيفه علي الاكلات الاخرى.
توصية منظمة الصحة و الدكاترة ان الحصة اليومية للطفل بعد ستة اشهر هي تمرة واحدة فقط يوميا و الاطفال الاكبر من سنه و نص ممكن حتي ٧ تمرات فقط يوميا

تابعونا البوست اللي جاي علشان نقولكم فوايد التمر للرضع

20/02/2022

انتي مش فاشلة!!

كل ما تفكري انتي وصلتي لاية في حياتك و تحبطي، كل ما تبقي محتارة انا فعلا حققت نفسي و حققت اللي انا عايزاه ولا انا تايهة ومش لاقية نفسي، كل ما تبقي مش فاهمة نظرتك لنفسك وتحاولي تبصي جواكي علشان تعرفي انتي فين من افكارك و عملتي ايه علشان بعد سنين كتير تقولي انا اهو، فكري و كياني واحلامي اهي. في الوقت ده هتحاولي تلاقي المخرج لقرار لازم تاخديه في حياتك. قرار بالتغيير، و ان اللي انتي فيه ده مش مكانك ابدا.
كتير مننا كسيدات وبنات بيوقعوا في الحيرة دي، بس الصح انك لازم تبتدي تعرفي انتي عايزة توصلي لفين في حياتك، عايزة تخسي... عايزة تغيري شكلك .... عايزة تعملي فلوس و تنجحي ..... عايزة تكبري في شغلك .... عايزة ترتاحي و تسيبي شغلك اصلا ..... عايزة تبتدي مشروع يجيبلك فلوس وتبطلي شغل وتستقيلي من وظيفتك.
كل ده لازم يعرفك حاجة واحدة بس....
ان هرموناتك مش مظبوطة 🤣🤣🤣🤣🤣🤣🤣🤣
منشن بقي علشان الفايدة تعم.

21/01/2022

لكل جدة وجد لسة شايلين ولادهم المتجوزين..

وكل جدة وجد بينسوا ألم ركبهم ومفاصلهم وضهرهم أول ما حفيدها او حفيدتهم ييجوا.. اعتقد كدة ان الحب اقوى
مسكّن للألم..

وكل جدة بتنسى ألم ضهرها بتقف الساعة ١ بليل عادي تحمر بطاطس لأحفادها وجد بينزل ٦ ادوار رغم وجع ركبه عشان ينقي الفراولة مخصوص لأحفاده..

كل جدة وجد قايمين بدور الام والأب بكل حب ورضا لولادهم وأحفادهم..

كل جدة وجد بينسوا مرضهم الشديد قصاد انهم يسمعوا منك ان حفيدتهم عندها سخونية..

كل جدة وجد بيحضروا تمرين حفيدتهم او حفيدهم ويتابعوه بحب شديد اوي نظرة عينهم فيها خام الحب..

كل جدة وجد بيفضلوا طول الاسبوع يحاربوا الوحدة ويستنوا
رنة منك على تليفونهم..

كل جدة وجد بيستنوا اخر الاسبوع عشانك وعشان احفادهم
ولما تروح لهم تلاقي ترابيزة الاكل عليها كل أكلك المفضل ووالدتك مغيره ملاية السرير ومجهزة لك بطانيتين وبيجامتك وفوطتك حتى شبشبك بتبقى مجهزاهولك..

لكل جدة وجد.. مليون شكراً انتوا والله الحياة لينا ولولادنا❤️

#منقول

04/01/2022

اما تقولي لجوزك مش هتعرف تنيم البيبي سيبني انا هنيمه و يقولك لا هعرف ملكيش دعوة
بعد خمس دقايق داخل عليكي و البيبي بيصرخ
انت: …. 😆✌️✌️✌️

منشن لاحلي بابا

#بابا

01/01/2022

٧ أطعمة من اهم مصادر فيتامين د

كلنا عارفين فوايد فيتامين د للصحة العامة وصحة القلب والعضم كمان بيساعد في تقليل الضغط العصبي و طبعا دوره الكبير في مساعدة الجسم وقت الدايت و خسارة الوزن

جسمنا بيكون فيتامين د بشكل طبيعي عند التعرض للشمس لكن ٥٠٪؜ من الناس جسمهم مش بيكونه ولازم يكون فيه مصدر خارجي
النهاردة هنكلمك عن اهم سبع مصادر لفيتامين د في الاكل علشان نضيفهم ليومنا و نستفيد

١- السالمون
٢- السردين و الرنجة
٣- زيت كبد الحوت
٤- التونة المعلبة لكن الدايت و يجب عدم الاكثار منها علشان ميزودش نسبة الزئبق
٥- صفار البيض شواء المزارع او البلدي
٦- الفطر عيش الغراب (المشروم) المعلب
٧- الاطعمة المدعمة بفيتامين د: يعني مضاف عليها وهي زي حليب البقر - عصير البرتقال - حليب الصويا- الحبوب الكاملة والشوفان

31/12/2021

منشن لمامي مواليد ٢٠٢١ - كل سنة و انتم طيبين يا بيبيهات 😂❤️

28/12/2021

White Noise الضوضاء البيضاء ظهرت مؤخرا وامهات كتير بدأوا يلجأوا ليها كحل امثل في تنويم الرضع، لكن الدراسات اثبتت ان الضوضاء البيضاء زي ما ليها فوايد لبعض الاطفال ليها برضه اضرار اوقات تانية. بعض الاطفال او بنسبة ٢٠ - ٣٠ ٪؜ من الرضع مش بيحبوا الضوضاء البيضاء دي خالص و بيحبوا يناموا في هدوء تامً او بيطمنوا اما بيسمعوا صوت البيت العادي لكن بهدوء و في اطفال تانيه بتحب تنام بدون اي صوت خالص و بالتالي المحاولة معاهم بالضوضاء البيضة مش هيجيب اي نتيجة. الدراسات كمان اثبتت ان الضوضاء البيضاء ممكن تسبب مشاكل في السمع عند الاطفال و تؤثر علي نموهم السمعي و العقلي و ده بسبب الصوت العالي و اللي الطفل مش بيقدر يستحمله ، وطبعا الطفل مش هيعرف يعبر انه مش حاببها فهيفضل يبكي و يعيط كتير بالاضافة الي انها لو صوتها اعلي من ٥٠ ديسيبل و محطوطة علي بعد اقل من مترين ممكن تضر السمع عنده علشان كده الاطباء بتوصي ان الطفل اللي متعود عليها في نومه ممكن الموضوع يكون مؤلم له لو النور قاطع او مش متاحة و يسببله ارق او تدهور في النوم. الرضيع او الطفل بشكل عام من الافضل ان يكون روتين نومه هو الطبيعي اللي واخد علي اصوات البيت و لو حابين الهدوء يبقي نشوف اهدى مكان في البيت قدر المستطاع و نعوده علي النوم في كل الظروف بصوره طبيعيه بدون مؤثرات خارجية يرتبط بيها ويكون صعب الاستغناء عنها . حقوق النشر محفوظة لصفحة Health Gossips

10/12/2021

تصرفاتك تدمر طفلك تماما
تعالوا نعرف احنا ازاي بندمر ولادنا بتصرفات بنعملها كل يوم

١- التنمر: كم مرة طلعنا اسماء تريقة علي ولادنا و سمحنا لنفسنا و لاهلنا انهم يتريقوا علي ولادنا وهما غضبانين او بيتصرفوا تصرف غلط؟ عيوطة - اراشانة - ست صغيرة - حمار - غبي - الي اخره
التصوف ده بشع لانه بيخلق عند الطفل ايمان انه هو كده فعلا وانه مفيش منه امل وانه استحالة هتاخدوا عنه فكرة كويسة حتي لو بقي كويس فبالتالي هيبطل يشتغل علي نفسه و يتقبل الاسم او الصفة اللي طلعتوه عليه وانتوا اللي هتعانوا في الاخر ده غير انه هيكرهكم

٢- انكم تستخفوا بغضب الطفل وحتي لو كان علي حق بنيجي عليه لمجرد اننا عيب نغلط الكبير. يعني لو حد كبير زعقله او منعه من حاجة دوغري بنغلط الطفل بدون ما نصدقه او حتي نديله فرصه يشرح و ده بيخلق انعدام صقة الطفل في نفسه

٣- اني ك ام او اب اروح احكي لاي حد عن حاجةً ابني حكالي عنها سواء قالي انها سر او مقالش ومثال علي كده لو ابني عمل حاجة غلط او لو غصب عنه عمل تواليت علي نفسه و جري عليا علشان اصلحاه الغلط و روحت قولت للناس او زعقتله قدام حد و التصرف ده بيخلق فجوة بسن الطفل و اهله و بيخليهم مش محل ثقة و بيبدا يروح يدور علي حد بره يثق فيه و يحكيله و دي كارثه بكل المقاييس

٤- اننا نوفر كل اللي الطفل عاوزه من لعب و حاجات حتي لو غلط او اننا نمنع كل حاجة مره واحده بدون حوار و بدون ما يفهم ده غلط ليه و ده صح ليه
واحده واحده الطفل هيتخلق عنده حاله من عدم الفهم و عدم ادراك الاشياء او الصح فين و الغلط فين

٥- ان الام و الاب ميكونوش قدوةً للطفل في الوقت الي هما طالبين منه يبقي افضل طفل في العالم بمعنى بابا و ماما يشتموه او يشتموا قدامه و بعدين يعاقبوه لو شتم ، انهم يكذبوا قدامه او يستخدموه في الكذب علي حد و يعاقبوه انا يكدب عليهم

٦- اقارن طفلي بابن خالته ولا اخته الكبيره ده تصرف بيخفي معالم شخصية الطفل و بيخليه طول الوقت بيحاول يعمل مجهود علشان يبقي شبه شخص بعينه حتي لو كان الشخص ده عايش في ظروف او حياه مختلفه و بيخليه مش بيركز علي اهدافه هو بيركز علي احلام حد التي و ميول حد تاني و يحاول يقلدها علشان يرضي بابا و ماما و بيمحي شخصيته المميزهو لو فشل في التقليد كمان هتبقي كارثه علشان هيبقي خسر الموديل و كمان ميعرفش نفسه ولا طموحه هو ايه

حاجات كتير لازم نعدلها في سلوكنا علشان نطلع جيل كويس ارحموا ولادكم

Health Gossips

01/03/2022

26/02/2022

23/02/2022

21/02/2022

20/02/2022

21/01/2022

04/01/2022

01/01/2022

31/12/2021

28/12/2021

10/12/2021

Address

Website

Alerts

Shortcuts

Share