Dr. Abeer Mohii Eldein د. عبير محي الدين - استشاري الاطفال و حديثي الولادة

15/06/2025

التدخين ممنوع في اي مكان يتواجد فيه الاطفال ما فيش حاجة اسمها اروح اوضه تانية
الي عايز يدخن في وجود أطفال يطلع برة البيت تماما ولما يرجع يغسل وشه وأيده ويغير هدومه

10/06/2025

الفراغ ده من اهم الحاجات اللي لازم وضروري نتفاداها لأنها ممكن تؤثر بالسلب علي اولادنا في فترات الاجازات
لازم نملا وقت ولادنا بحاجات
📍رياضة … لازم تمارين رياضية ، الرياضة مهمة زي الأكل والشرب والتعليم والرياضة للرياضة مش مهم خالص ميداليات ولا بطولات
📍كورسات … زي الرسم ، موسيقي ، أعمال فنية
📍تعليم … زي حفظ القران ، لغات او اي حاجة ليها علاقة بالكمبيوتر بس اهم حاجة يكون تعليم خفيف محبب علشان في النهاية دي اجازة ولازم الأولاد تنبسط
📍رحلات … زي فكرة المعسكرات اللي بتتعمل للأطفال يروحوا يباتوا ويتعلموا حاجات لطيفة ومفيدة وممكن الكشافة لو متاح بس اهم حاجة نكون متاكدين من الأمان والنظافة
📍زيارات .. لو متاح ممكن الاطفال يروحوا في زيارات للأقارب في الريف او مدن مختلفة ويقضوا وقت في اكتشاف أماكن جديدة
📍خروجات .. ممكن ننظم خروجات يومية للأطفال بصحبة الأهل بعد عودتهم ممكن حدائق مناسبة للأطفال تكون قريبة او زيارة لاماكن زي متاحف او اثار او نزهات في النيل او حتي تمضية وقت في التمشية مع توفير جو من المرح والبهجة بدون شد او توتر
📍شغل … ممكن لو في فرص عمل للأطفال مناسبة لسنهم سواء باجر رمزي او تطوعي
📍📍📍ومن هنا اتمني من اصحاب المشاريع او المكتبات او أماكن الترفيه الموجهة للأطفال زي الملاهي وحدائق الحيوان الصغيرة الموجودة في بعض المزارع او ما شابه أنهم يوفروا فرص عمل للأطفال في فترة الاجازات تساعدهم في تمضية وقت مفيد
واخيراً اهم حاجة تبعد عن الموبايل والشاشات والفراغ
حذاري من الفراغ او الموبايل بدون إشراف او رقابة
د عبير محي الدين
استشاري طب الاطفال

25/05/2025

طبق إيطالي بمكونات مصرية
مناسب لفترات الامتحانات وجبة خفيفة أثناء المذاكرة
افضل بكثير من الأكلات
المغلفة العالية الملح والدهون المهدرجة والإضافات الغير الصحية
جبنة قريش
شرايح طماطم
زيتون
جرجير
يا ريت دايما ندور علي البساطة والمكونات الطازجة مع ابتسامة مشجعة

30/03/2025

برنامج دكتورة أطفالنا وحلقة عن مخاطر الإفراط في السكر

https://youtu.be/cRLqr8soH5M?si=kz9T0Mvaj9dEMzwp

استشاري طب الاطفال و حديثي الولادة
زمالة الكلية الملكي

25/03/2025

الحلقة التالتة من برنامج دكتورة أطفالنا وموضوع ضعف الشهية عند الأطفال

https://youtu.be/yrm8nrwfaAU?si=ouSZLlGE9pzAI9V_

استشاري طب الاطفال و حديثي الولادة
زمالة الكلية الملكي

21/03/2025

https://youtu.be/_li7MrkYjBE?si=azvYUaPxRh1rA6FF
حلقة تقوية المناعة من برنامج دكتورة أطفالنا

استشاري طب الاطفال و حديثي الولادة
زمالة الكلية الملكي

20/03/2025

15/03/2025

مش معقول يا جماعة الولاد لسة لابسين فانلة كم ونص وربع ودفاية وبلوفر وجاكيت واتنين بنطلون علشان الدنيا هاترجع تبرد تاني كمان أسبوع

17/01/2025

❌❌❌غلط جدا
-أننا ناكل مطرح بعض حتي لو بين أفراد الأسرة
يعني الأم اللي بتحط الملعقة في فمها تدوق الأكل وبنفس الملعقة تدي أطفالها او نشرب من نفس الزجاجة او نتشارك كلنا في طبق واحد ونامل منه ونحط الشوك في الطبق بعد ما لمست الأفواه
-في امراض كتير ممكن تنتشر عن طريق مشاركة استخدام أدوات المائدة زي الهريس الالتهاب الكبدي جرثومة المعدة وامراض تانية كتير
ضروري جدا كل واحد يستخدم حاجته وتتغسل وتجفف جيدا بعد الاستعمال
📍📍📍خدوا بالكم

16/01/2025

ادوار البرد المنتشرة ومنها ادوار كتير قلبت وأطفال اتحجزت
نعمل ايه ؟؟ نتفاداها ازاي؟؟
نركزعلي للمناعة
📍يعني اكل صحي متوازن ويحتوي علي ⭐️ البروتين ( بروتين حيواني اعلي كفاءة بروتين نباتي مفيد بس لازم نمزج بين أنواع مختلفة زي العدس مع الفاصوليا والفول)
📍فيتامينات ⭐️ جوافة واحده في اليوم ممكن تديك تقريبا ما يقارب احتياجك اليومي من فيتامين سي
📍شمس وتهوية أساسي جدا في رفع المناعة اول ما الشمس تطلع تخرج ساعة في أماكن مفتوحة ولازم البيت تدخله الشمس ولازم تهوية مستمرة
📍النوم عدد ساعات متواصلة مش اقل من ٨ ساعات
الرياضة والحركة لازم حركة القعدة الكتير غلط الصحة في الحركة
📍تناول المكملات اللي بتحتوي علي مواد معززة ومقوية للمناعة باستشارة الطبيب والالتزام بالجرعات وبفترة العلاج
ما ينفعش جرعتين تلاتة ونوقف
📍ومسك الختام الحالة النفسية دي مهمة جدا. توتر وقلق يعني امراض هدوء وسعادة يعني صحة

استشاري طب الاطفال و حديثي الولادة
زمالة الكلية الملكي

20/11/2024

ممنوعات أثناء ادوار البرد
لبن سمك بيض شوكولاتة مانجو و……لستة كده اخترعها حد وماشية بيها الأمهات من قديم الأزل
لو سمحتم كل ده أساطير
احنا مش بنمنع اي أكلات إلا لو الطفل مصاب بالحساسية منها او عنده مرض يمنعه من تناول أكلات معينة
غير كده لا
يعني لو الطفل عنده برد يأكل عادي بطريقة صحية سمك ولبن وبيض وشوكولاتة بكميات
الاكلات دي فيها بروتين مفيد جدا ومضادات أكسدة وعناصر لتقوية المناعة
اهم حاجةً طريقة الطهي تكون صحية