17/07/2025
حاسس بملل؟ مش عارف انت جعان ولا زهقان؟ 😩🍫
فيه فرق كبييير بين الجوع الحقيقي والجوع العاطفي اللي بييجي من الملل!
يعني ساعات كتير بنلاقي نفسنا فتحنا التلاجة أو طلبنا أكل بس مش عشان جعانين… لأ، عشان زهقانين 😅
طب نعمل إيه؟
خد الخطوات دي وطبّقهم كل ما تلاقي نفسك رايح على الأكل ومش متأكد انت جعان ولا لأ:
🔥 ١. اسأل نفسك: “أنا فعلاً جعان؟”
ولا مجرد زهقان، متضايق، أو حتى حاسس بالفراغ؟ الجوع الحقيقي بييجي تدريجي، مش مفاجئ.
🔥 ٢. بدل الأكل بحاجة ممتعة!
– اسمع مزيكا بتحبها 🎧
– كلّم صاحبك 🌸
– اتحرك شوية، امشي أو اعمل ٥ دقايق تمارين 🕺
– اعمل حاجة بإيدك: ارسم، رتّب درج، نظّف حاجة صغيرة
🔥 ٣. اشرب كوباية مية الأول 💧
أوقات كتير بنفتكر إننا جعانين واحنا بس جسمنا محتاج سوايل.
🔥 ٤. لو فعلاً جعان؟
اختار حاجة تشبعك بجد وتحافظ على طاقتك، مش أول شوكولاته أو شبسي تقابلك 🍎🍿
افتكر دايمًا: مش كل إحساس محتاج أكلة… ساعات بس محتاج حضن، أو ضحكة، أو حتى شوية حركة. ❤️
انا هكون جنبك خطوه بخطوه لتغيير العادات ف الاكل وفي يومك علشان اساعدك توصل لاهدافك وترتقي بصحتك وحياتك ❤️
