https://www.linkedin.com/in/mona-m-mansour-55b979108

Mona Mansour - Career Development Coach, Cairo (2026)

02/01/2026

الكلام دا كتبته لبداية سنة 2022 وملقتش كلام افضل افكر نفسي وافكركم بيه كل سنة 💖✨
ضفت في 2023 حاجة واحدة هي "أصبر على ظهور النتائج ومتستعجلش...استمرار السعي في حد ذاته متعة"

وسنة 2024 ضيفت "حافظ على صحتك النفسية و الجسدية ومتخليش الشيطان يشتغلك علشان هو شاطر و شغلته الوحيدة أنه يوقعك و يلهيك عن أهدافك و يشكك في قدراتك و أهدافك و يضللك علشان متوصلهاش ... متخليش الشيطان يضخملك و يكبر ليك السلبي و يعمي عيونك بيها، كبر ربنا على كل معيق و ثق أنك هتعديه بربنا"
تقريباً مضفتش حاجة في 2025🤗
لكن في بداية 2026، وبعد انتهاء 2025 إللي كان شعارها ليا
Apply, Joy & Enjoy
واللي كان فيها Apply كتير، حابه أقول "ركز واسعى يكون عندك رؤية و vision واضحة وأسعى لتحقيقها ومتخليش مشتتات تبعدك عن رؤيتك وهدفك، واستعين بنقاط قوتك إللي هتساعدك تتأكد من رؤيتك "رسالتك بالحياة" وتضيف لحياتك معنى و تشجعك على الإستمرار وتزيد ثقتك بنفس وبخطواتك، وقتها هتكون راضي أكتر وبقوة أكبر.
دي بقى نقاط 2022 👇
حاجات بسيطة ممكن تخلي بالك منها وانت بتبدأ سنة جديدة
1- اسمح لنفسك تجرب حاجات جديدة هتساعدك تتعرف على نفسك اكتر وتتأكد من اللي عارفه عن نفسك.
2- اسمح لنفسك تخطأ وتتعلم من الخطاء دا ... الخطأ فرصة جديدة للتطوير والتعليم.
3- كون دائرة دعم قوية من أشخاص ذات ثقة وداعمين وإيجابيين حتى لو كانت الدائرة صغيرة .. بتفرق كتير في الرحلة.
4- اتعلم تعمل توازن في جوانب حياتك الحياة عمرها ما بتستمر بالاهتمام بجانب واحد أو اتنين بس.
5 - خطواتك البسيطة المستمرة أهم بكتير من الخطوات الكبيرة ... خطواتك الصغيرة هي اللي بتساعدك تعمل خطوات كبيرة.
6- اتعلم تكافئ نفسك على خطواتك البسيطة ... خصوصاً لو استمريت فيها أو كانت صعبه وتقيله في البداية.
7- اقعد مع نفسك كل فتره وصاحبها وحبها وشجعها وساعدها على التطوير ..هي اللي هتساعدك تكمل وتستمر.
8- جدد النيه قبل كل خطوه ... بتفرق كتير و بتيسر تنفذها.
9- أسأل كتير في أي حاجة حابب تتعلمها ... بس اختار الشخص الصح اللي تسأله.
10- خليك مرن في تنفيذ خطتك و خطواتك وأهدافك ...عليك السعي وعلى الله التوفيق.
11- طبق اللي اتعلمته وتعرفه وفي إيدك هيجيلك إللي متعرفوش وبعيد عنك.
12- كن انت و متسمحش لحد ولا لحاجة تحرمك من الحق دا .
13- خلي ثقتك في ربنا كبيرة حتى في أصعب المواقف و الظروف.
14- ثق بنفسك دائماً حتى لو أخفقت في مرة.
15- استثمر في نفسك وفي تفكيرك وفي التعليم ..هيختصر عليك كتير.
يارب عام كله خير و علم و نفع و تطوير و مساعدة و احسان و سلام و حب و تأثير و أثر ✨🙏💕

19/11/2025

ناس كتير بقت حاسة إنها لازم “تتطور” طول الوقت. ماينفعش تهدى، ماينفعش تكون "كفاية كده.
هل السعي للتطوير دايمًا صحي؟ ولا ممكن يتحول لضغط نفسي؟
هناقش الموضوع الساعة 12 مع الجميلة مها بهنسي على نغم إف أم
في برنامج سري بشكل نسبي 😉

16/09/2025

I’m honored to be collaborating with Abdulla Al Ghurair Foundation to deliver an online workshop:

“Networking for Success: Strategies for Early to Mid-Career Professionals”

Looking forward to connecting and sharing ideas with inspiring participants in the UAE 🙌

سعيدة بمشاركتي مع مؤسسة عبدالله الغرير في ورشة تدريبية بعنوان:

"شبكة العلاقات للنجاح: استراتيجيات للمهنيين في بدايات ومنتصف حياتهم المهنية"

ومتشوقة للتفاعل وتبادل الأفكار مع المشاركين الرائعين في الإمارات 🌟

09/07/2025

الحرية مش دايمًا شعور بييجي بعد الاستقالة… أوقات بييجي معاها فراغ تقيل.

بعد ما بتاخد خطوة كبيرة زي الاستقالة،
ناس كتير بتتوقع إن الإحساس الغالب هيكون: "حرية، راحة، حماس".

بس الحقيقة؟
في مشاعر تانية بتدخل على الخط... وده طبيعي جدًا.

من أبرز المشاعر النفسية الشائعة بعد الاستقالة:

😶 فراغ مفاجئ
😟 شك في القرار
😔 حنين لزملاء أو روتين (خاصة لو كانت العلاقات طيبة)
😵‍💫 ارتباك في الهُوية: "أنا مين دلوقتي من غير شغلي؟"
😕 ضغط داخلي: "المفروض أبدأ أشتغل على إيه؟"

وده غير:
⚠️ اضطراب في النوم
⚠️ نوبات بكاء بدون سبب واضح
⚠️ انسحاب اجتماعي
⚠️ توتر في العلاقات القريبة

وده مش معناه إنك مش واثق،
ولا إن القرار غلط…

ده معناه إنك إنسان واعي،
بيمر بمرحلة انتقالية كبيرة.

التغيير الكبير بيحرّك مشاعر كبيرة.

الاستقالة مش مجرد توقيع ورقي،
هي مرحلة نفسية ومهنية كاملة،
بتفكك جزء منك... علشان تخلّي مكان لشيء جديد يتبني.

و"المساحة بين القديم والجديد"،
مش لازم تتهرب منها… ولا تتسرّع فيها.

لو بتمر بالحالة دي:
🎧 اسمع نفسك
🌿 خُد وقتك
💬 ارجع لدائرة دعمك

ومن هنا… ممكن ترسم طريقك بشكل جديد،
على وعي، مش على استعجال.
ولو لسه بتحاول تطلع من المساحة دي،
أو مش عارف تبدأ منين...

💬 الجلسات الفردية خلال يوليو مفتوحة
نرسم فيها سوا طريقك الجديد،
بخطوات تشبهك، ووعي يسهّل عليك الانتقال.

✍️
|

03/07/2025

🎉 شهر ٧ دايمًا له مكانة خاصة عندي...
مش بس لأنه شهر عيد ميلادي، لكن السنة دي كان مميز أكتر من أي وقت فات.
قررت إنه يكون بداية جديدة ليا.

وإن أستخدم قوة البدايات :
▪ عيد ميلادي الهجري اللي جه في وقفة عرفة
▪ وبعدها على طول بداية سنة هجرية جديدة

ومعاهم بدأت أراجع نفسي بصدق:
أهدافي، والرؤية المرتبطة برسالتي، والشخص اللي حابة أكون عليه.
كانت لحظة مهمه لإعادة تقييم خطواتي.
وبدأت تظهر لي نفس الإجابة اللي كانت واضحة من زمان:

قرار داخلي رجع لي من سنين،
إني أرجع أركّز في الشيء اللي فعلًا بحبه،
وأستخدم نقاط قوتي في مجالات بتشبهني…
مش اللي بس بتتطلب مني.

دي مش أول مرة آخد قرار زي ده.
في بداية 2021 خدت نفس الخطوة، وقررت أخرج من الدوام الكامل.
لكن زي ما الحياة بتتغير وتتطور، أحيانًا بنرجع نتأقلم مع التغيير،
ورجعت فعلاً جزئيًا، ثم كليًا.

ومع الوقت واتساع الرؤية، رجع القرار…
لكن المرة دي، رجع أقوى وأنضج.

اتعلمت إن:
التغيير هو الثابت الوحيد،
وإن عدم استعدادنا للخطوات الجديدة ممكن يعطّلنا،
لكن الأهم دايمًا إننا نكون بنبني على "أساس" نرجع له وقت إعادة ترتيب قراراتنا.

والأساس ده هو وعيك:
* بنقاط قوتك
* بقيمك
* باهتماماتك الحقيقية
* برؤيتك أنت، مش توقعات الناس منك

النهاردة، أنا ببدأ رحلتي من جديد — مش من الصفر،
لكن من وعي أعمق.
واخترت إن يكون يوليو هو البداية المستمرة،
لرحلة مهنية وإنسانية أقرب لقلبي، ولرسالتي.

ولو حاسس إنك محتاج تعيد ترتيبك الداخلي،
وعايز تمشي طريق يشبهك،
خليني أساعدك تبدأه من نقطة واضحة:
أنت مين فعلًا؟ وإيه اللي يشبهك؟

📩 الجلسات الفردية مفتوحة خلال يوليو
بنرسم فيها خطتك للتطوير المهني، على أساس وعيك بنفسك، واختيارات فعلاً بتشبهك، وتوصلك لنجاح ورضا حقيقي في شغلك.

تقدر تسجل من خلال اللينك دا 👇
https://n9.cl/2rxug

26/06/2025

أحيانًا البدايات مش سهلة...
خصوصًا لما نحاول نبدأ وإحنا لسه شايلين من السنة اللي فاتت:
تعب،
إحباط،
أو حتى نجاحات خلّتنا نحس إننا "وصلنا".

لكن الهجرة علمتنا…
إن دايمًا في مساحات أكبر،
ورحلات لسه ما بدأناهاش.

لو لسه مش عارف/ة إيه الخطوة الجاية…
أو واقف/ة في مفترق طرق،
أو حتى بدأت، بس خايف/ة ترجَع تضيع البوصلة…

فـ اطمئن 💛💙

كل بداية مرتبكة،
ممكن تكون الطريق لأعمق نضج.

يمكن ما نقدرش نتحكم في ظروف الطريق،
لكن نقدر نتحكم في نيتنا وخطوتنا الجاية.

السنة دي…
خد/ي خطوة واحدة، بسيطة، حقيقية
وقول/ي لنفسك:
**"أنا أستحق أوصل، بس بطريقتي."**

💭
بداية العام الهجري مش مجرد لحظة تقويم…
هي لحظة نراجع فيها:
إحنا رايحين فين؟ وليه؟

هل الطريق اللي ماشيين فيه
بيوصل لمكان بننتمي له فعلًا؟
ولا محتاجين نبدأ هجرة جديدة…

هجرة من نمط حياة ما بقى يشبِهنا
من شغل بيسحبنا
من أفكار بتعطلنا
إلى مسار يعبّر عنا ويكبرنا

السنة دي، أتمنى لنا جميعًا:
هجرة واعية من الفوضى إلى التركيز،
ومن الإنهاك إلى الاتزان،
ومن مجرد العمل… إلى عمل له معنى.

💭
وإنت… ناوي/ة تهاجر من إيه لإيه السنة دي؟
شارك/ي تأملاتك…
يمكن نلهم بعض ونبدأ الرحلة سوا 🌿

05/06/2025

🐑 عيد الأضحى… وقفة مع الذات 🐑

العيد ما هو بس طقوس ومناسبات، هو دعوة ناعمة للتأمل… للتخفّف… وللرجوع لجوهرنا.

ومع كل "وقفة عرفات"، تجينا فرصة نادرة:
وقفة نراجع فيها أنفسنا، نتصالح مع قراراتنا، ونسمح لقلوبنا إنها تتنفس.

كأشخاص نطمح للنمو والتوازن، العيد ممكن يكون محطة نعيد فيها الاتصال مع قيمنا، ونراجع فيها طريقنا:
هل نمشي باتجاه يرضينا؟ هل اختياراتنا تنبع منّا ولا تُفرض علينا؟

العيد مشهد رمزي جميل عن النية الصادقة، والتضحية باختيار، والبدء من جديد بقلب مطمئن.
ومثل ما نحتفل مع أهلنا وأحبابنا، نحتاج كمان نحتفل بنسختنا اللي شغالين على تطويرها، خطوة بخطوة.

أتمنى لكم عيد يحمل سلام داخلي، ووضوح في الطريق،
ويكون بداية لفصل فيه شغف، اتزان، ونية حقيقية.

ويمكن نختم هذه الوقفة الصادقة مع الذات بسؤالين:
ما القيمة اللي أبغى أعيشها الفترة الجاية؟
وما الخطوة الصغيرة اللي أقدر أبدأ فيها بعد العيد؟

كل عام وأنتم في طمأنينة داخلية، وسَعَة في الروح، ووضوح في الخطوة القادمة. 🌿

01/05/2025

💡 العمل ليس مجرد مصدر دخل… إنه الطريق لاكتشاف الذات وعيش الرسالة.

في كثير من الأحيان، نعتقد أن العمل هو وسيلة لتحصيل المال فقط. لكن الحقيقة أن العمل هو أكثر من ذلك بكثير! فا ما هو العمل الذي يساعدني في اكتشاف ذاتي وعيش الرسالة؟ هذا التساؤل هو ما يجعلنا نبحث عن العمل الذي يُشبِهنا، الذي نرى فيه إحساننا ونُعبّر من خلاله عن رسالتنا.
حتى مع وجود المال الكافي، لا يزال لدينا حاجة عميقة للانتماء والتقدير، ولعيش معنى أكبر من مجرد الربح المادي.
في هرم ماسلو، بعد تلبية احتياجات الأمان والاستقرار، ننتقل إلى مرحلة الانتماء، ثم التقدير، وفي النهاية تحقيق الذات. هذا هو الهدف الأسمى لكل إنسان. ومن خلال العمل، نختبر ونحقق هذا الهدف، خاصة عندما نستخدم نقاط قوتنا، مثل ما أراه في منهجية CliftonStrengths، التي تساعد على الكشف عن قدراتنا الحقيقية.

العمل لا يُعتبر مهام يجب إتمامها أو عبئ، بل فرصة لتفعيل القيم التي نؤمن بها. وفيه نُختبر في إحساننا، في نيتنا الطيبة، وفي الطريقة التي نتعامل بها مع الآخرين. من خلال العمل، لا نُظهر قدرتنا على الإنتاج فحسب، بل نُختبر في مدى تقبلنا للتحديات وكيفية مواجهتها.

العمل ليس فقط وسيلة لتطوير مهاراتنا، بل هو أيضًا طريق لاكتشاف أعمق ذواتنا. في كل خطوة نخطوها، نحن نُظهر الإتقان والنية الطيبة، وهو ما يقترب بنا من الله، الذي أمرنا بالإحسان في أعمالنا.
والأجمل أن العمل أمر ديني لا يقتصر فقط على إتمام المهام، بل هو عبادة:
> "إن الله يحب إذا عمل أحدكم عملًا أن يُتقنه."
> "وقل اعملوا فسيرى الله عملكم."

عندما نعمل بإحسان، نزرع بذور النور في حياتنا وحياة الآخرين. وعندما نكتشف نقاط قوتنا الحقيقية ونُفعلها، نقترب من تحقيق رسالتنا في الحياة. العمل يصبح ليس فقط سبيلًا لعيش، بل فرصة لتغيير العالم من حولنا، بدايةً بأنفسنا.

✨ إذا كنت تشعر بأنك تحتاج إلى مساعدة لاكتشاف وتفعيل نقاط قوتك في مسيرتك المهنية، أو إذا كنت ترغب في تحقيق الذات من خلال عملك، أنا هنا لأساعدك.

📩 لحجز جلسة لاكتشاف نقاط قوتك أو لتحديد مسارك المهني، تقدر تسجل من خلال الفورم دا 👇 https://n9.cl/2rxug

05/04/2025

💭 حاسس إن الرجوع للشغل بعد رمضان والعيد مش سهل؟
خليني أقولك أن ده إحساس طبيعي، ومش بس إنت اللي حاسس كده.

فيه ناس رجعت مليانة حماس،
وفيه ناس لسه حاسين بتشتّت، أو مش عارفين يبدأوا منين.

وده طبيعي جدًا، لأننا خارجين من فترة فيها:
– روتين يومي مختلف (رمضان)
– طاقة روحانية عالية
– عدد ساعات عمل أقل
– وبعدين عطلة كاملة (العيد)

🔄 الرجوع بكامل طاقتك مش محتاج إنك تضغط على نفسك،
لكن محتاج شوية وعي، وخطوات بسيطة تساعدك تستعيد توازنك واحدة واحدة.

في البوست ده، هتلاقي خطوات عملية وسهلة،
هتساعدك ترجع للشغل وأنت أكثر تركيز وراحة واستعداد.

شاركنا إيه الخطوات إللي بالفعل كنت ناوي تعملها ؟

Mona Mansour - Career Development Coach

02/01/2026

19/11/2025

16/09/2025

09/07/2025

03/07/2025

26/06/2025

05/06/2025

01/05/2025

05/04/2025

Address

Telephone

Website

Alerts

Shortcuts

Share