https://www.facebook.com/108098985675182/

Dr Salah El-Deen "Therapist"

Home
Egypt
Cairo
Dr Salah El-Deen "Therapist"

خطوتك الأولى للهدوء النفسى تبدأ من هنا من حقك تتفهم من غير حكم✋🏻 🤍

16/10/2025

أنت مستني اعتذار؟
اعتراف بالخطأ؟
محاولة لتصحيحه؟
مستني من مين؟ من مصدر الأذى؟!!
مستني قفلة أفلام!!!

المتسببون في الألم ليسوا مسؤولين عن التعافي… التعافي ده شغلتك أنت… هم عملوا دورهم زي الفل وآذوك ومشيوا… أنت بقى مهمتك تتعافى…
التعافي بتاعك أنت… أنت وبس…

اللي أذاك خلص دوره في الحكاية… لكن التعافي دورك أنت ومفيش حـد هيقوم بيه غيرك…
ومازلنا في مدرسة الحياة نتعلم👌

14/10/2025

*‎ شخصيتك هي علامتك التجارية.*

متخافش انك تبين شخصيتك الحقيقية حتي بالعيوب الي انت عارفها عن نفسك.
مفيش حد منغير عيوب…
و الي بيخبي عيوبه بيبان عليه انه مش حقيقي.
الناس بتقدّر الشخص الحقيقي اكتر من الي بيستخبي ورا قناع انه شخص مثالي.

11/10/2025

السعاده ليست في غياب الالم
السعاده انك تتعلم ان تضئ رغم الالم ❤️

29/09/2025

عارف إيه اللي بيتعبك أكتر من الظروف؟ إنك تفضل تحارب نفسك وانت مش واخد بالك.
تحاربها لما تصحى شايل هم اليوم قبل ما يبدأ، ولما تقسى على نفسك عشان غلطت بدل ما تسامحها.
مش لازم تكسب كل المعارك… ساعات الراحة هي اللي بتصلح حاجات كتير لوحدها. طبطب على قلبك… محدش هيعمل كده غيرك. وكمل حتى لو الطريق مش واضح كله… ربنا دايمًا شايل لك المفاجآت الحلوة في آخر لحظة.

18/09/2025

اكتر حاجه طلعت بيها من الشغل والفرهده والمذاكرة والسفر. ان الانسان لازم يكون راضي عن نفسه
يعني قررت تشتغل قليل وتخرج وتهيص انبسط بقي وملكش دعوه بزميلك اللي مرتبه ضعف مرتبك
قررت تيجي علي نفسك وتتعب في الشغل وتحقق ذاتك حلو. ملكش دعوه باللي كل يوم منزل صورته وهو بيخرج او نايم في البيت
قررت تكمل دراسات عليا وتطلع عينك. فانت هتدفع ثمن ده وهتجني نتيجته برده
ملكش في الدراسات العليا حلو متزعلش بقي لما تشوف حد بيناقش قوله مبروك
هتتجوزي وتربي العيال وتقرحي بضحكتهم وحضنهم متزعليش علي الشغل
هتشتغلي وتخلفي. وتعملي الاتنين. متزعليش من التعب
مش هتتجوزي علشان شغلك مهم براحتك افرحي بنجاحك بقي ومتقوليش يا عيني عليا معنديش بيت

ارضوا عن قراراتكم هنرتاح كلنا ونبطل نضايق بعض باللي عندنا تعويضا عن الاحساس بالنقص

07/09/2025

مش دايمًا الظروف اللي ضدك… أوقات كتير دماغك هي اللي ضدك.
ابعد عن التفكير الكتير… واشتغل أكتر.
الحركة بتقتل الشك.

30/08/2025

الناس كلها مطحونة في الزمن ده.. اللي مطحون نفسيًا.. واللي مطحون ماديًا.. واللي مطحون في أحلامه.. واللي مطحون في صحته.. واللي مطحون اجتماعيًا..

لو هتكون رحيم بغيرك فـ انت أكيد إضافة حلوة له
لو هتحكم على غيرك يبقى أكيد قلتك معاه أحسن.

مقياس قدرتك على دخول علاقة هي مدى قدرتك إنك ترحم الشخص اللي قدام وهو يرحمك.. غير كدة قلة العلاقات أحسن.

الرحمة حلوة.. عشان الكل مطحون.

13/08/2025

‏الإنسان بـ الفِطرة كائن جزوع!

بـ معني: يحتاج إلى شخص يُطمئنه كُل خمس دقايق.

11/08/2025

لو أنت إنسان طبيعي، ماجربتش تُصنّف كـ مُصاب اضطراب القلق، وماجربتش الـ Anxiety attacks, فأنت في نعمه كبيره ومش حاسس بيها وواجب عليك تحمد ربنا ليل نهار كمان
مرض ماتقدرش توصفه وتعبر عنه لأنه غريب عليك، ولو وصفته ماحدش هيفهمك لأنه جديد عليه.

بتكون في أمان الله وتحس بدفعات أدرينالين في جسمك، خفقان، شعور مفاجئ ومُلحّ وقوي بالقلق والتهديد، أنت قاعد في سلام لكن جهازك العصبي مُتحفّز كأنك بتصارع شيء خفي مش مفهوم احساس صعب اووووييي

قعدتك الرايقة ودماغك الفاضيه دي نعمه وفضل وكرم من ربنا، العصف الذهني مُجهِد جدًا، كأن الدنيا كلها بتلاحقك!
صعب تفهم يعني ايه مريض قلق، إلا لو أنت مريض اضطراب القلق .

Address

Cairo

Telephone

+201098971246

Website

facebook.com

Alerts

Be the first to know and let us send you an email when Dr Salah El-Deen "Therapist" posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Salah El-Deen "Therapist":

Shortcuts

Want your practice to be the top-listed Clinic in Cairo?