جراح اعصاب أطفال Pediatric Neurosurgeon

21/01/2026

يوم واحد بس ممكن يفرق في حياة طفلك👶💔
اليوم الـ 28 من الحمل ــــــــــ
ممكن يحدد مستقبل طفل بالكامل.

الوقت اللي ممكن تكون فيه الام معرفتش لسه انها حامل.
في اليوم الـ 28 الأنبوب العصبي حول النخاع الشوكي يايقفل صح...
يا تبدأ رحلة مرض اسمه الضهر المفتوح (القيلة السحائية) 🧠

في حلقتنا الجديدة مع "دكتور خالد بسيم" 🎙️

هتسمع فيها عن:

▪️ إزاي المرض بيحصل.
▪️ دور الفوليك أسيد اثناء الحمل.
▪️ الاكتشاف المبكر.
▪️ أحدث طرق العلاج والجراحة.

المعلومة الصح💡
ممكن تحمي طفلك
قبل ما الدنيا كلها تعرف إنه موجود 🤍

📌 شوف الحلقة كاملة
💬 وسيب سؤالك ـــــــــ وهنجاوبك فورا.

21/01/2026

العيادة كلها حنفيات ...و الحمد لله
اعمار مختلفة و اسباب مختلفة
لكن كلهم أصبحوا بدون صمام

20/01/2026

اصبحت اجراحه كي الحنفيه بديل جيد جدا عن الصمام وفي حالات مختلفه وفي هذه الحاله كان الطفل يعاني من كيس مائي كبير بين فصاي المخ اضافه الى استسقاء وتم عمل من جرح صغير جدا فتح للكيس بالمنظار وفي نفس الجراحه تم عمل جراحه كي الحنفيه لعلاج الاستسقاء المصاحب للكيس وبذلك تم علاج المرضين من جرح واحد صغير وبدون استخدام صمام

واليوم حاضر الطفل بعد مرور شهرين على الجراحه وقد تم علاج المرضين والطفل في حاله ممتازه ويعود الى حياته الطبيعيه وبدون صمام

18/01/2026

نهاية الرحلة

الرحلة بدات من ٦ شهور باستسقاء شديد
ثم قرار الجراحة
ثم عمل كي الحنفية المعدلة عند عمر ٢٧ يوم فقط
و اليوم تنتهي الرحلة بمرور ٦ شهور علي الجراحة
لتستكمل الطفلة الجميلة حياتها بدون صمام

و بالرغم من ان اكبر عائق امام جراحة كي الحنفية المعدلة
هي الاعمار الصغيرة اي ما دون ٣ شهور
الا ان التعديلات الجديدة جعلت النجاح في تلك الاعمار
ممكنا بنسبة تتجاوز ال ٩٠%، و الحمد لله

06/01/2026

الطفلة لارين
بدون صمام

حاله الطفله لارين كانت تمثل تحدي كبير لان محيط الراس وصل الى رقم كبير جدا وهو 48 سم عند عمر ثلاث شهور فقط وكانت الراس كبيره جدا وفروه الراس اصبحت رفيعه للغايه

وفي مثل لتلك الحالات مشاكل الصمام بتزيد بدرجه كبيره بما في ذلك ان الجلد بيفتح وبيكشف الصمام او ان البطن بترفض امتصاص الماء

الام توجهت لعدد من الزملاء وكلهم انكر تماما ان في جراحه اصلا اسمها جراحه كي الحنفيه ولكن الام صممت انها تدي بنتها فرصه بالجراحه الجديده لعلمها بان مشاكل الصمام في مثل تلك الحالات المتقدمه بتكون اكبر واخطر

واليوم بيمر اكثر من شهر على الجراحه ومحيط الراس نزل والبنت حالتها الصحيه اتحسنت وعاد لها الشكل الطبيعي للطفل ونامل ان يستمر النجاح باذن الله

05/01/2026

لقاء مهم حول مرض الصلب المشقوق

05/01/2026

" انا بدون صمام "
الطفلة ايرين

28/12/2025

استسقاء المخ مش مجرد مرض
ده رحلة ألم ــــــــ
عمليات بتتكرر
صمامات بتتسد
وخوف ما بين كل عملية والتانية.

في حلقتنا النهاردة ـــــ بنحكي فيها عن أمل حقيقي🌱
توثيق لتجارب علمية حقيقية امتدت لسنوات ــــــــ

القصة بدأت بعملية اسمها "كي الحنفية"
نسب نجاحها زمان ما كانتش بتعدّي 30%...
وازاي مع الممارسة والتجربة العلمية قدرنا نطور "59 تعديل جراحي"، واللي رفعوا نسب النجاح إلى ما يقارب 95% ✨

في الطب ـــــــ التغيير الحقيقي مش بيجي بسهولة.
وعلشان كده قررنا نخوض طريق طويل من التحديات علشان نقدر نخلي الاطفال تعيش حياة طبيعية 💙

المعرفة والحقيقة دايماً بداية العلاج ــــــــ
علشان كده خلوا الامل يوصل لكل اللي محتاجه.

21/12/2025

بدون صمام ...و الحمد لله
الطفل الجميل احمد
استسقاء مصاحب لكيس مائي في المخ
تم فتح الكيس بالمنظار
ثم علاج الاستسقاء بجراحة كي الحنفيه المعدله

اليوم مر شهرين هي الجراحة
و هي اخر زيارة متابعة بإذن الله

21/12/2025

بعد عشرين شهر من جراحة كي الحنفيه المعدله
طفل سليم بدون متابعات او مشاكل
و الحمد لله

21/12/2025