NutriSmart

30/09/2025

بمناسبه المدارس واللانش بوكس
لازم ناخد بالنا بنحط ايه لولادنا ف المدرسه
(اللانش بوكس الصحي )

خضروات مقطعه بانوعها زي الخيار او الجزر او طماطم اوفلفل الوان *

فاكهه: اي فواكه يحبها الطفل زي الموز او التمر والعنب والجوافه اوالكيو عشان مليانه * فيتامين سي

نشويات صحيه : عيش بلدي او عيش توست اسمر او عيش دقيق كامل الحبه
بروتين : زي الجبنه القريش او البيضاء العادي ملح خفيف او بيضه يوميا او يفطر بيها ف البيت
منتجات البان: زبادي او رايب اوكوب لبن
دهون صحيه: مكسرات صحيه زي اللوز او عين الجمل.
او زيت الزيتون او الزيت الحار معلقه صغيره

26/09/2025

22/09/2025

تعرف ان البكتريا النافعه الموجوده ف جهازك الهضمي هي اساس مناعتك
وصحه جسمك وفي اكلات بتعملها خلل وبتخلي جهازك الهمضي كله متلخبط ومناعتك ضعيفه زي السكريات والحلوياات واكل الشارع
وكمان في اكلات بتحسنها وبتزودها وبتخلي جهاز الهضمي مرتاح من غير انتفاخات ولااي مشاكل ومناعتك قويه ودي هي الاكلات اللي فيها بروبايوتكس
زي الزبادي والرايب والكفيرر ( لبن في دول الخليج) والمخللات
والجبنه القريش
طب تعرف ان البكتريا النافعه دي نفسها بتتغذي علي اكل معين عشان تنمو وتزيد ف الجهاز الهضمي واسمه بريبايوتكس زي
التفاح والمشروم
والشوفان والموز
والبنجر والطماطم والبصل والتوم ..
حاول دايما تجمع ف اكلك بين البروبايوتكس والبريبايوتكس زي مثلا اسهل وجبه وهي زبادي بالموز ..
فيها البكتريا النافعه البروبايوتكس والغذاء اللي بتتغذي عليه وهو الموز البريبايوتكس .دمتم بصحه
قولولنا لو عندكم اي سؤال بخصوص البروبايتوكس وهل بتحرصوا عليها ف وجباتكم ولالا ؟
#صحه #دايت #تخسيس

22/09/2025

هل تعرف ان الحلويات والعصاير المعلبه او الجاهزه كلها سكر فركتوز .
واللي زيادته بتكون خطر ع الجسم وبتعمل مقاومه انسولين وكبد دهني وسمنه مركزيه وتكيس مبايض كمان.
ايه الحل ؟
هو اننا ناخد الفاكهه بصورتها الطبيعيه بدون ماتكون عصير ونقلل الحلويات تماما بقدر المستطاع
ونبعد كمان عن استخدام سكر الفركتوز المحلي الصناعي ودمتم سالمين

22/09/2025

طبعا كلنا عارفين ان البروتين الحيواني بيكون غالي علي بعض الناس .وللاسف هو مهم جدا جدا لانه يحتوي علي الاحماض الامينيه الاساسيه اللي الجسم بيحتاجها في كل وظايفه وعملياته الحيويه وفي بناء الخلايا والجلد والشعر والاظافر والعضلات وتقويه المناعه ولكن عندنا خبر حلو .ان البقوليات لما بتتحط مع النشويات بنقدر كده ناخد كل الاحماض الامينيه الاساسيه زي البروتين الحيواني .واكبر مثال هو الكشري اللي بنضيف فيه رز ومكرونه وشعريه مع حمص وعدس .وب كده يبقي اخدنا الاحماض الامينيه الاساسيه
الهامه جدا لحياه الانسان ..لو عندكم سؤال او عايزين نظام ابعتولنا

18/09/2025

دي بنوته ١٢ سنه كانت معانا من فتره والحمدلله نزلت كويس جدا
بتظبيط اكل فقط واول اسبوع نزلت ٤ كيلو وبدون اي ادويه والحمدلله وصلت لهدفها والشكل اللي هيا عايزاه.
وبصحه كويس

17/09/2025

هل تعلم ان الشاي له فوايد وموجود فيه مضادات اكسده
Polyphenols
بتعزز المناعه ولكن ممنوع ناخده اثناء الاكل عشان ماده ال tanic acid
اللي فيه بتتعارض مع امتصاص الحديد اللي موجود ف الاكل ..
يفضل شرب كوب او ٢ ف اليوم ولكن بعد الاكل بساعتين ومفيش مشكله لو عايز تحط عليه لبن هيبقي صحي بردو. وهتستفيد باللبن عادي
دمتم سالمين

12/09/2025

هل عارف انك لو عندك فيتامين دال عندك ناقص
الحرق هيقل جدا ومش هتعرف تنزل ف الوزن بسهوله

12/09/2025

معلومه مهمه اووووي ناخد بالنا

12/09/2025

خلي بالك من شراب الفركتوز او سكر الفركتوز
اللي موجود ف المحليات الصناعيه والفواكه والحلوياات الجاهزه الشرقيه والغربيه لانه ببساطه بيسبب كبد دهني مع الوقت ..
امنع كل الحلويات الجاهزه وكل فاكهه باعتدال ولو عندك نقرص قلل منه كمان لان سكر الفركتوز بيزود اليوريك اسيد والنقرص .دمتم سالمين

04/09/2025

بما ان بكره الجمعه وكلنا بنحب ناكل سمك بكره..لازم تعرف ان سمك البلطي حلو بس فقير ف الاوميجا والفيتامين د والعناصر الغذائيه الهامه للسمك ..مينفعش تعتمد عليه كوجبه اسماك تديك احتياجاتك من الاوميجا٣ ..لازم تاكل اسبوعيا مرتين ماكريل او مره ماكريل ويومين مكسرات طازجه غير مملحه زي عين الجمل واللوز وبذور الشيا كمان فيها اوميجا ولكن لازم تتنقع ف مايه نص ساعه قبل الشرب ..ولو مش هتعرف تاخد اوميجا من الاكلات دي يبقي لازم تاخدها ف هيئه اقراص .

01/09/2025

هل تعلم ان الانيميا وفقر الدم ممكن تسببلك ارتفاع مغلوط في نسبه الهمجلوبين السكري.
يعني لو مريض عنده انيميا وراح يقيس السكر التراكمي بتاعه هيلاقيه اعلي من النسبه الحقيقيه اللي عنده لانه السكر التراكمي بيعتمد علي هيمجلوبين الدم .لازم تظبط الانيميا كويس عندك عشان يكون تحليل السكر التراكمي مظبوط ..
#صحه #دايت