29/08/2024
4 سنين من النجاج و التعب و الشقي و الابتكار , 4 سنين شرحنا Dbt بروحنا و فلسفتنا المصرية , كنا شاهدين علي التغير و الكسرة و الالم و لسه شاهدين , خرجنا ناس كتير بقوا سفراء لمدرسة العلاج الجدلي السلوكي في حياتهم و علاقتهم , 4 سنين و لسه مكملين و بنستقبل ناس جديدة بفرح و بنودع ناس بدموع فراق ....
يعتمد القبول علي التخلي عن وهم السيطرة و الإستعداد لملاحظة وقبول الاشياء كما هي الآن ، دون إصدار الأحكام ( مارشا لينهان )
العلاج الجدلي السلوكي ثبتت فعاليته في علاج كثير من المشاكل و الاضطرابات النفسية مثل اضطراب الشخصية الحدية، كذلك مشاكل تنظيم المشاعر ، السلوكيات الإدمانية ،الإندفاعية ، مشاكل العلاقات، اضطرابات الأكل و الميول الإنتحارية.
لتحسين جودة الحياة
يمكن اي شخص يرغب في الانضمام أن ينضم
من ضمن طرق العلاج الجدلي السلوكي هو جروب المهارات :
هنتدرب فيه علي بعض المهارات الحياتية :
١- مهارات اليقظه Mindfulness skills: هي حجر الزاويه في التدريب ده و ممارستها بانتظام بيفرق كتير في جودة حياة الانسان وبيرفع قدرته على الاستمتاع بيها أو نقدر من خلال ممارسة اليقظه بنتعلم نعيش حياتنا بأستمتاع بدل ما نعيشها بشكل آلي غير واعي .
٢- مهارات تنظيم المشاعر. Emotion Regulation Skills: هي مجموعه من المهارات اللي بتعلمنا نفهم مشاعرنا و ازاي نعبر عنها كمان بتعلمنا إدارة المشاعر المؤلمه و تقليل أثرها علينا ، و بناء مشاعر ايجابيه على المدى القريب والبعيد عشان نبني حياه تستحق ان تعُاش .
٣- مهارات العلاقات الفعاله Interpersonal Effectiveness Skills: تشمل التدريب على مهارات الطلب والرفض ؛ ازاي أطلب احتياجاتي و اتمسك بأهدافي من العلاقه و ارفض اللي مش قابله فيها بدون ما أخسر العلاقه نفسها أو أخسر احترامي لذاتي .
كمان بنتعلم ازاي نبني علاقات جديده و ننهي العلاقات المدمره والمسيئه .
٤- مهارات تجاوز الأزمات Distress Tolerance Skills:
الازمات والمواقف اللي فيها ضغط شديد و بتكون مشاعري فيها عاليه جدا بشكل ممكن يخليني اتصرف باندفاع لمجرد اني مش قادر اتحمل ضغط الموقف وضغط المشاعر القوي و اللي ممكن تخليني ألجأ للسلوكيات الادمانية، باحتاج مهارات تجاوز الازمة علشان تخليني أقدر اعدي كل ده بأقل الاضرار و الخسائر
كمان مهارات قبول الواقع و بستخدمها لما تكون حياتي مش ماشيه زي ما أنا عايز أو ماشيه عكس رغبتي في وقت معين ، ومفيش أي حل متاح في الوقت الحالي او المستقبل القريب..
باقي اماكن محدودة جداً
للحجز و الاستعلام : 01124239057
