Haven -Mental Health-

26/11/2025

ليه أوقات الناس بتتصرف بطريقة مزعجة أو جارحة؟

الحقيقة… مش كل سلوك سلبي وراه شخص وحش.
أحيانًا الشخص بيتصرف بشكل سلبي لأنه مرّ بتعب داخلي، ضغط نفسي، إحباط، أو مخاوف مش قادر يواجهها.

ده مش بيعفيه… لكن بيوضح لنا إننا مش دايمًا محتاجين نحكم بسرعة.
مهم نحمي نفسنا ونحط حدود… وفي نفس الوقت، نحاول نفهم إن السلوك مش دايمًا بيعكس شخصيته الحقيقية.

25/11/2025

ليه مشكلتك محتاجة علاج نفسي؟
مش نصيحة من صاحبك؟
لأن صاحبك مهما كان بيحبك مش متخصص وممكن عن غير قصد يقلل من مشكلتك أو يغلط في نصيحته.
العلاج النفسي مش بس كلام، هو فهم وأدوات وخطوات بتساعدك تخرج من الدائرة اللي أنت فيها... 🧠💬🪄🛤️

23/11/2025

ليه الناس الكويسه حظها وحش

23/11/2025

✨ يوم مميز في Haven – Mental Health

إحنا متواجدين النهارده من 4 لحد 8 مساءً، والزيارة متاحة بحجز بميعاد محدد وبدون deposit.

الهدف من تحديد الميعاد هو ضمان راحتكم وتجنب الانتظار، والفرصة دي متاحة كل فترة في أيام مميزة لتجربة أكثر مرونة وسهولة.

لو حابب/ة تحجز ميعاد بسهولة ومن غير أي التزام مسبق، يسعدنا تواصلكم.

فريق Haven – Mental Health جاهز لاستقبالكم ودعمكم بكل اهتمام 💛🧠
للحجز أو الاستفسار: 01107557612

15/11/2025

10/11/2025

من واقع الجلسات النفسية
كتير من الناس بييجوا الجلسة وهم حاسين إنهم غرباء،
مش لأنهم لوحدهم فعلًا، لكن لأن محدش بيشوفهم زي ما هم.
إحساس النبذ والرفض بيوجع،
وبيخلي الشخص يشك في قيمته ومكانه في حياة الناس.

بس الحقيقة إن الغُربة دي بتبدأ تقل لما نلاقي مساحة آمنة نحكي فيها،
حد يسمعنا من غير حُكم،
ومع الوقت… نبدأ نرجع نرتاح في وجودنا، ونصدق إن لينا مكان وسط الناس.

08/11/2025

فيدباك زي دا بيفكرنا قد إيه التغيير ممكن يبدأ بخطوة صغيرة 🙏
شكرًا لكل شخص اختار يثق ويسمح لنفسه ياخد فرصة للتعافي🌼

#تجاربكم

07/11/2025

04/11/2025

غياب دور الأب أو الأم مش معناه دايمًا غياب جسدي…
أحيانًا الأب موجود لكن مش حاضر، والأم قريبة لكن مش سامعة.
الطفل والمراهق في الحالتين بيعيش فراغ عاطفي بيحاول يملأه بأي شكل،
بالعلاقات، أو السوشيال، أو التمرد، أو الصمت.
وجود الأهل الحقيقي مش في البيت… وجودهم في الوعي، في الاحتواء، في الأمان. 💛

03/11/2025