تربيتهم أمانة د/ هند أحمد السحيمي

06/02/2026

يا آيها الذين آمنوا صلوا عليه وسلموا تسليما كثيرا🤎🤎
#تربيتهمـأمانة

05/02/2026

الديسلكسيا (عسر القراءة)
اضطراب تعلم عصبي مزمن ..
يؤثر على قدرة الطفل على مهارات القراءة والتهجئة وربط الأصوات بالحروف ..🗣️
وده نتيجة اختلاف معالجة المخ لرؤية المثيرات ومش ليها علاقة بضعف النظر👀👌🏻
وبيتم تأهيلها بدمج التدريب على المهارات النمائية🧠 والتدريبات الأكاديمية ✍🏻
اتمنى الوعي بالاضطرابات دي يزيد 💔
واتمنى أكتر يبقى ليهم مكان صح في المدارس ويبقى فيه تدريب دائم للمُعلمين والمُعلمات في المدارس ونعرف نفهم الطفل صح مش بمنتهى السذاجة نقول بيدلع ومش عاوز يتعلم 💔
#تربيتهمـأمانة
#الديسلكسيا

ابنك نور بعد ما اتولد بشويه ما كنتيش تعرفي ان عنده مشكله وعرفتي حلها بعد كده ... ياريت نقول للناس عنها يمكن حد عنده نفس الحالة وما يعرفش ..

دي حاجه غريبه جدا ما بتبانش في الاطفال غير من اول ثالثه او رابعه ابتدائي بنتكلم من سن تسع سنين او اقل شويه .. نور جه في فتره انا اتهمته انه كسلان عشان دايما مش عايز يذاكر وما بيقعدش على بعضه كل ما اجي اذاكرله ..

كنت بعمل زي اهالينا واقوله يا ابني حط صباعك على السطر واقرا الكلمه يقولي لا الحروف هتعضني فانا اقوله انت بتستهبل ومش عايز تذاكر لحد ما ابتدى الموضوع ده يبقى غريب ..

هو دايما مش حابب المذاكره وعلى طول يتعب اول ما تقعديه على الكتاب ويجيله صداع ويبقى عايز يرجع وبطنه توجعه انا كل ده مش في دماغي انه ممكن يكون عنده حاجة.

كمان انا طول الوقت اقوله شايف اخوك بيذاكر ازاي وخلص الواجب كله لوحده وكل ده كان بيضغط عليه طبعا لحد ما لقيت المدرسه بتاعته وهو في ثالثه ابتدائي بتقول لي على فكرة نور ما بيعرفش يقرا وبيقول مش شايف الحروف !!!

افتكرت الاول ان عنده حاجه في النظر روحنا لدكتور عيون قالنا الولد زي الفل ... لغايه ما بالصدفه كنت قاعده مع الله يرحمها ويحسن اليها الفنانة سمية الألفي وبحكيلها لقيتها بتقولي خلي بالك ليكون عنده ديسلكسيا... قلت لها نعم ؟ انا ما اعرفش يعني اصلا

قالت لي لا دي حالة خاصة ولازم لها دكتور .. وطلع فعلا كده وبعد ما روحنا الدكاترة بقا عرفنا ان اللي عندهم ديسلكسيا دول بيشتغلوا بالفص اليمين في المخ اللي هو مسؤول عن الابداع مش الفص الشمال اللي مسؤول عن التعلم ..

فهما رؤيتهم للاشياء مختلفه عننا، احنا مثلا بنشوف الترابيزة دي 2D زي ما هي كده انما هو يشوفها كأنها 3D .. فكان مش عارف يقرأ فعلا عشان الحروف كأنها بتتحرك وبيقول هتعضني ..

عرفت بعد كده ان التعلم عندهم سهل لاي حاجه فيها صوره وفي جامعه في انجلترا مخصصة للطلبه اللي عندهم ديسلكسيا و جالنا منها دكتوره شافت حالته وراحت المدرسه قالت لهم علموه اللي هو حيحتاجه في حياته بس اهم من اي حاجة تانية، وحتى الامتحانات بتاعتهم المفروض تكون مختلفة، بتكون اختيارات ولازم الخط يبقى كبير عشان يقدر يشوف.

🗣️ الفنانة وفاء صادق

04/02/2026

شيتات تدريبية على مهارات الرياضيات في نمط متاهة😄✌🏻
تساعد على تنمية مهارات الانتباه والتركيز والتدريب على مهارات الجمع والطرح 👌🏻
#تربيتهمـأمانة
#تنميةمهارات
#رياضيات
#جمعـوطرح

04/02/2026

طبعااا ده الوقت اللي ينفع نقول فيه صباح الخير بليل 😂👌🏻
السهرة اللي بتيجي بعد جملة أخيراً نااامووا مع تنهيدة طووويلة👌🏻
حبيت أقولكم اطمنوا بيهم وطمنوهم بوجودكم ❤️
حضن أخر اليوم وهما متشعلقين في رقبتكم بالدنيا كلها ❤️
افرحوا بيهم وبشقاوتهم وباختلافهم مهما كان 👌🏻
خلوا دايمااا عندكم أمل في ربنا إن بكرة هيبقوا أحسن❤️افرحوا بكل خطوة نجاح وإنجاز مهما كانت صغيرة👌🏻
طول ما جوانا بينبض يبقى لسه هنتعلم علشانهم أكتر ونعلمهم أكتر وأكتر ❤️
ما تستنوش من حد شكراااا وتقولوا محدش حاسس بينا ويأثر عليكم .. اتعبوا علشان ضحكتهم اللي بتهون كل التعب 🫂❤️
عارفة قد ايه المشوار طويل ومُرهِق 💔
بس لو بصيتوا وشوفتوا بداية الطريق كانت كل أحلامنا حاجات بسيطة قد ايه هتعرفوا أنكم أبطااال بجد وكل أم فيكم ليها بطولة مختلفة محدش يعرف صعوبة تفاصيلها 🫂🫂❤️❤️
شكراً من القلب على كل مجهود بتعملوه ❤️❤️❤️
شكراااا على كل الصعاب اللي مريتوا بيها في هدوء وسكون وكملتوا بابتسامة حب ورضا تساوي الكون كله❤️❤️❤️
#تربيتهمـأمانة
#تخاطب
#تنميةمهارات

03/02/2026

زهقنا وزعقنا😡
واتنرفزنا وقولنا كلام عارفين أن غلط نقوله🤬🤬
بس مقدرناش نتحكم في نفسنا 💔
دي بعض الأساليب اللي ممكن اعملها علشان نحاول نصلح الدنيا تاني 🫂❤️
بس الأهم أننا منعتمدش عليها بشكل دائم وتبقى سبب يخلينا ننفعل عليهم طول الوقت 👌🏻
#تربيتهمـأمانة

03/02/2026

وحشتوووني جدااا❤️❤️
ووحشتني البوستات والاسئلة والرسايل ✌🏻❤️
و اكيد مش غريب عليكم اني اقولكم الفيس كان معلق الصفحة وقافل النشر والرسايل لمدة شهر 💔
عقابا ل قلة التفاعل 😏
اتمنى تكون أخر مرة لأني زهقت 😂🤌🏻
المهم بقى شكرااا جداا لكل حد سألني ليه مش بتنزلي حاجة واهتم و قد ايه بيفرق معاه تواصلنا هنا😘😘😘🫂🫂🫂🫂
شكرااا لوجودكم جميعا ❤️❤️❤️
#تربيتهمـأمانة

03/01/2026

ما نتوقعه هو ما سيكون واقعاً👌🏻
#تربيتهمـأمانة

03/01/2026

هل ترغبين في طفل أكثر ذكاءً؟ 🤔👌🏻
السر ليس فقط في الطعام أو التعليم…
بل في "الأب"!
قد لا يخطر ببالك أن أحد أهم أسرار تنمية ذكاء الطفل يبدأ من الأب، ومنذ الأيام الأولى من عمره!
الأب الحنون الذي يشارك طفله اللعب، يقرأ له، ويقضي معه وقتًا ممتعًا، لا يساهم فقط في سعادته… بل يُحدث فرقًا حقيقيًا في نموه العقلي وتطوره الذهني.🧠✌🏻

دراسة بريطانية حديثة كشفت أن الأطفال الذين يقضون وقتًا منتظمًا ونوعيًا مع آبائهم، يتمتعون بقدرات أعلى في التعلّم والتذكر والتطور قبل بلوغهم عامين!🙏🏻
الطفل لا يحتاج فقط إلى احتياجاته المادية… بل يحتاج إلى أب حاضر، مهتم، يشاركه التفاصيل الصغيرة: لعبة، حضن، أو
حكاية قبل النوم.

رسالة لكل أب:
وجودك الحقيقي في حياة طفلك، هو أعظم ما تهديه له… فهو يصنع منه إنسانًا أكثر ذكاءً وثقة وسعادة. ❤️❤️
#تربيتهمـأمانة

02/01/2026

⭕ إبنك مايتقفلش عليه باب أوضة لوحده.. لا وهو صغير ولا وهو مراهق! 🗣️🤦
تعالي أمشيهالك مرحلة مرحلة.👇

👶 المرحلة الأولى: وهما صغيرين (من أول يوم لحد 6 سنين)
الطفل في السن ده مش محتاج خصوصية… محتاج أمان!
يعني الباب مفتوح، النور داخل، وصوتك مسموع.

ممنوع يتقفل الباب عليه وهو نايم أو بيلعب،
لأن في لحظة ممكن يخاف، يقع، أو يحصل حاجة بسيطة وإنتِ مش حاسه بيه.

🎯 خديها قاعدة:
الأوضة مكان راحة مش عقاب.
ماينفعش يتربى على إن “القفل” يعني أمان،
خليه يتربى على إن “وجودك” هو الأمان.

---

👧 المرحلة الثانية: لما يبدأ يكبر شوية (7-10 سنين)
الطفل هنا بيبدأ يقول “سيبيني لوحدي شوية”
وده طبيعي، بس مش بمعنى إن الباب يتقفل عليه.

قولي له بلطف:

> “خد وقتك براحتك يا حبيبي، بس الباب يفضل موارب عشان أسمعك لو احتجتني.”

وخدي بالك…
لو بدأ يحب يقعد كتير لوحده، أو مايتكلمش، أو يتهرب منك،
ده وقتك تسأليه بهدوء “مالك؟” مش “إنت قافل ليه؟”

---

👦👧 المرحلة الثالثة: المراهقة (من 11 لحد 18 سنة)
ودي أهم وأخطر مرحلة في حياة الولد والبنت!

هما هيطلبوا خصوصية أكتر،
وده شيء صحي… لكن لازم يكون خصوصية فيها أمان، مش عزلة.

خلي بالك:
🔹 الباب المقفول بالساعات مش دايمًا راحة… ممكن يكون هروب.
🔹 الموبايل المقفول في الأوضة مش دايمًا تسلية… ممكن يكون خطر.
🔹 والسكوت الطويل مش دايمًا هدوء… أوقات بيكون وجىع.

🎯 دورك هنا إنك تكوني قريبة، مش مراقبة.
اسألي بنتك “عاملة إيه؟ بتحبي إيه اليومين دول؟”
واسألي ابنك “مالك؟ شكلك مش على طبيعتك، عايزة أسمعك.”

الفرق بين أم بتحقق وأم بتطمن…
إن الأولى بيتهربوا منها، والتانية بيحكولها كل حاجة 💛
---
🩵 خلي وجودك دايم في الخلفية:
مش لازم تدخلي الأوضة كل شوية، بس خليه يحس إنك قريبة،
بتسألي، بتلاحظي، بتتفقدي.
وفي نفس الوقت، بتدي مساحة محترمة ومليانة ثقة.
---
✨ الخلاصة:
مفيش باب يتقفل بينك وبين أولادك.
افتحي الباب، وافتحي الحوار، وافتحي حضنك قبل أي حاجة ❤️

خلي دايما علاقتك بيهم فيها أمان وثقة بينك وبينهم …
مش خوف ولا انغلاق 🫶

#تربيتهمـأمانة

02/01/2026

نحن يعاد تشكيلنا من حيث لا ندري 💔
#تربيتهمـأمانة