The healers hub

The healers hub A group of professionals certified therapist offering workshops , group therapy, 1:1 sessions&courses

23/04/2026

💫حاجات بسيطة … بس لو جربناها في يومنا فعلاً بتفرق ...

✅️قراية حاجة جديدة ( قصة او كتاب ) بتفصلنا عن السوشيال ميديا وتشغل الدوبامين في دماغنا

✅️التعامل أحيانا مع كائنات مختلفة حوالينا زي العصافير، القطط (التفاعل مع الطبيعة ) بيفعل جوانا ارتباط بالحياة بشكل تلقائي

✅️التمشية في حد ذاتها ولو عشر دقايق في مكان في ورد بيخلينا نتنفس احسن واهدى بنشوف ونبص حوالينا متع الجمال اللي ربنا بيطمنا بيها

✅️التدوين : كتابة طبعا أي حاجة حلوة ممتنين ليها في يومنا ولو صغيرة بنتطمن بيها ونطبطب على نفسنا في وسط زحمة اليوم اللي بننسنى فيه نقول لنفسنا اي شيء ايجابي

✅️اهم داعم لينا لازم نحاوط نفسنا "بدايرة أمان" ناس نحب نتكلم معاها من غير خوف ولا قلق ولا جلد للذات 🫂

📌📌 ومتنسيش احنا هنا في "Healers Hub " بنقولك انتِ مش لوحدك خدي خطوة لنفسك حتي لو صغيرة ❤️
اعملي Save للفيديو علشان تطبقي كل يوم خطوة من الخطوات دي وقولي لنا حسيتي بأيه ؟


21/04/2026

يعني إيه كورس كامل بيقدمه ٨ متخصصين مع بعض؟

يعني مش هتاخدي رأي واحد هتاخدي خبرة متكاملة من زوايا مختلفة 👌
يعني إيه؟
يعني بدل ما تفضلي تايهة بين فيديوهات ونصايح كتير، كل جزء في رحلتك هيكون ليه حد فاهمه ومتخصص فيه:

✨ يساعدك تفهمي جذور مشاعرك وجروحك القديمة
✨ يشتغل معاكي على الوعي والتقبل
✨ يدعمك في التحرر من العلاقات المؤذية
✨ يوجّهك تبني حدود صح وتحمي طاقتك
✨ يساعدك ترجعي لنفسك وتكتشفيها من جديد
✨ و يديكي أدوات عملية تمشي عليها خطوة بخطوة

الكورس ده معمول علشان “رحلة التعافي” تبقى واضحة قدامك مش عشوائية ولا مؤلمة لوحدك 💛

مش مجرد كلام تحفيزي
ده شغل حقيقي على نفسك + أدوات + تطبيق + دعم

سؤال ليكي بقى 👇
إيه أكتر حاجة حاسة إنها محتاجة تتظبط جواكي الفترة دي ؟



في حاجات كتير بنشيلها جوانا… من غير ما حد يحس بينا ضغط… وجع… إحساس بالوحدة… وأسئلة مالهاش إجابةوفي لحظات المشاعر دي ممك...
20/04/2026

في حاجات كتير بنشيلها جوانا… من غير ما حد يحس بينا
ضغط… وجع… إحساس بالوحدة… وأسئلة مالهاش إجابة
وفي لحظات المشاعر دي ممكن تبقى تقيلة جدًا لدرجة إننا نحس إن مفيش مخرج
بس الحقيقة إن دايمًا في طريق تاني… وفي ناس ممكن تسمع وتفهم وتساعد 🤍
علشان كده مستنيينكم في حلقة مهمة جدا مع د / ساندي مجدي طلبة
النهاردة الساعة 10 مساءاً
علي قناة الحدث ... انتظرونا
هنتكلم فيها بصدق عن التحديات اللي بتواجه المرأة وتصاعد حالات الانتحار
ونحاول نفهم المشاعر الصعبة اللي ممكن توصلنا لطريق مسدود
وإزاي نرجع نلاقي نفسنا تاني ونطلب الدعم من غير خوف
#وعي
#دعم
#صحة نفسية

❌️ مش كل سكوت معناه رضا… ساعات بيكون استغناء او انسحاب هادي من علاقة انتهت جواك. السكوت مش دايمًا هدوء…في سكوت بيبقى ورا...
19/04/2026

❌️ مش كل سكوت معناه رضا… ساعات بيكون استغناء او انسحاب هادي من علاقة انتهت جواك.

السكوت مش دايمًا هدوء…
في سكوت بيبقى وراه تعب كبير، ومحاولات كتير فشلت.

بتسكت مش عشان راضي…
لكن عشان استهلكت كل طاقتك في الشرح والعتاب والمحاولة
سكوت بييجي بعد وجع طويل
بعد ما بقيت حاسس إن وجودك زي غيابك
وإن مشاعرك مبقاش لها تأثير حقيقي

واحدة واحدة…
الحب بيهدى، الشغف بيختفي،
وتلاقي نفسك بتدور بس على راحة مؤقتة أو لحظة هدوء وسط الزحمة

لكن الحقيقة؟
اللي إنت فيه مش راحة…
ده توتر مستمر، صوت عالي، ضغط، وأوقات كتير إهانة وتهديد.
وفجأة تكتشف إنك اتغيرت…
مش نفس الشخص اللي دخل العلاقة دي
ضحكتك قلت و حضورك اختفى وهويتك بقت مش واضحة.
وده مش برود عادي…
ده اللي بنسميه "الانفصال العاطفي"
لما تبقى موجود بجسمك… لكن غايب بقلبك
ورغم إن كل حاجة جواك بتقول "كفاية"
و"امشي"
لسه في جزء منك واقف… خايف، متردد، مش قادر ياخد خطوة
يمكن لأنك مش فاهم ليه وصلت لكده
أو ليه مش قادر تتحرك رغم الألم

وعشان كده…
إحنا في كورس Me,myself&you مش بس بنتكلم عن العلاقات

✅️لكن بنفهمك إيه اللي جواك
ليه بتتعلق، ليه بتسكت، وليه أوقات كتير بتختار تفضل رغم الوجع

بنشتغل سوا على :

✅️إنك ترجع لنفسك
✅️تفهم احتياجاتك، وتحط حدود،
✅️وتاخد قراراتك من مكان واعي مش من خوف أو تعلق.

البوست الجاي هنتكلم علي :
📌ليه بنفضل واقفين مكاننا… ومش بنعرف نمشي رغم إننا تعبانين؟



مفاجأة… إنتِ لو هنتيه، هو هيسكت 🧐آه تخيّلي!عارفة المشكلة فين؟إنك خايفة تخرجي من منطقة الأمان اللي رسمتيها لنفسك (Comfort...
16/04/2026

مفاجأة… إنتِ لو هنتيه، هو هيسكت 🧐
آه تخيّلي!
عارفة المشكلة فين؟
إنك خايفة تخرجي من منطقة الأمان اللي رسمتيها لنفسك (Comfort Zone)
❌ خايفة تعبّري عن وجعك
⬅️ لتتوجعي بأبشع الكلمات
❌ خايفة تقولي “لا”
⬅️ لتلاقي كم من العقاب والخناق والخصام ومش عارفة توقفيه
❌ خايفة لو هربتي بنفسك وباللي باقي منك
⬅️ ما يرجعش ليكي تاني
بس المفاجأة اللي جاية أقولّهالك…
اغضبي
انفعلي
اصرخي
ارفُضي
إنتِ عارفة إنتِ كده بتعملي فيه إيه؟
إنتِ بتشلي تفكيره…
بتخلّيه يرجع خطوات لورا، ويقف يفكّر:
هو إنتِ فعلاً قدرتي تعملي كده معاه؟
طيب هو هيرد عليكي إزاي؟
في الأول…
هيرفض
هيهدد
هيخوّف
هيثور
وكل ما يعلى…
وإنتِ مع الوقت تفضلي ثابتة وقوية
هيبتدي هو يقل في ردود أفعاله…
ويفكّر:
“لو عملت كده المرة دي… رد فعلها هيكون إيه؟” 🤔
خليكي قوية 💪
غير متوقعة
وحاسمة
وليكي حدوووود واضحة وصريحة
وارفضي تجاوزها بأي شكل
وأوعدِك…
لو عملتي كده، حاجات كتير في حياتك هتتغيّر للأحسن ✨
دلوقتي قوليلي 👇
كام حد فينا بدأ ياخد الخطوة دي؟
وكام حد لسه واقف مكانه ومش عارف يبدأ
#حدود

#تعافي

صحتك النفسية مش رفاهية… دي أساس كل حاجة في حياتك 🤍لما نفسيتك تكون متوازنة، بتقدري تاخدي قرارات أوضح، تحطي حدود صح، وتتعا...
16/04/2026

صحتك النفسية مش رفاهية… دي أساس كل حاجة في حياتك 🤍
لما نفسيتك تكون متوازنة، بتقدري تاخدي قرارات أوضح، تحطي حدود صح، وتتعاملِ مع الضغوط من غير ما تنهاري.
إهمال مشاعرك مش قوة والتعود على الضغط مش طبيعي
وإنك تكمّلي وإنتِ من جوه تعبانة مش إنجاز
اهتمي بنفسك زي ما بتهتمي بأي حاجة مهمة في حياتك
اسمعي لمشاعرك بدل ما تكتميها و
خدي وقت ترتاحي من غير إحساس بالذنب
وافتكري إنك تستاهلي تكوني بخير مش بس "بتكمّلي وخلاص"

📌وإيماناً منا بأهمية الاهتمام بالصحة النفسية عملنا مبادرة " إنت مش لوحدك "
واللي قررنا فيها عمل رحلة دعم بورش عن الصحة النفسية

💫 اكتبي كلمة "وعي " وهنبعتلك
التفاصيل

قولي لنا ازاي بتتعاملي انتي مع مشاعر الرفض ؟ #مشاعر #تقبلـالذات #تعافي
14/04/2026

قولي لنا ازاي بتتعاملي انتي مع مشاعر الرفض ؟
#مشاعر

#تقبلـالذات
#تعافي

١٠ نصايح تقدري تطبقيهم في يومك علشان تبني علاقة أهدى وأأمن مع نفسك 🤍دعمك لنفسك مش رفاهية ده أساس توازنك النفسيوالخطوات ا...
13/04/2026

١٠ نصايح تقدري تطبقيهم في يومك علشان تبني علاقة أهدى وأأمن مع نفسك 🤍
دعمك لنفسك مش رفاهية ده أساس توازنك النفسي
والخطوات الصغيرة اللي بتعمليها كل يوم هي اللي بتفرق على المدى البعيد

قولي لنا فالكومنتات ايه النصيحة اللي حسيتي إنها قريبة منك وعايزة تبدأي بيها؟


13/04/2026

زي ما الورد ليه وقت يطلع فيه ويزدهر في الربيع🌸🌸🌸

إحنا كمان من حقنا ندي لنفسنا مساحة نهدى فيها ونرعى روحنا بهدوء.

من غير لوم، من غير جلد ذات، ومن غير إحساس دائم بالتقصير…
بس باحتواء، وصبر، وحنان على نفسنا.
كل حد فينا ليه وقت يزهر فيه وينور 🌸💫

#الدنياـربيع

#وعي
#تعافي

12/04/2026

💫التعافي من علاقة مؤذية مش إنك تنسي…

✅️ إنك ترجعي تشوفي نفسك بوضوح

✅️تفهمي ايه اللي حصلك وتفكي تأثيرة من جوالكي

✅️وترجعي تبني علاقتك مع نفسك

📌ايه اكتر خطوة حاسه انك تقدري تبدأي بيها ؟

شاركينا رأيك فالكومنتات

وهنساعدك تبدأي اول خطوة ليكي في طريق التعافي 💙




12/04/2026

لما تلاقي حد فاهم بعمق اللي بتمري بيه

وقادر يوجّهك بهدوء ،
ساعتها الرحلة نفسها بتبقى أخف وأوضح

✨️ كوتش / بسمة طه

كوتش علاقات وممارس DBT&CBT
Peat Process مدرب

⭐متخصصة في مساعدتك تفهمي نفسك بشكل أعمق،
وتفكي التشابك اللي جواكي…
سواء كانت مشاعر متراكمة،
أو علاقات مأثرة عليكي،
أو أفكار بترجعك لنفس النقطة كل مرة
الدور هنا مش مجرد كلام،
لكن دعم حقيقي يخليكي تشوفي الصورة بشكل مختلف،
وتبدأي تاخدي خطوات هادية بس ثابتة ناحية التغيير 💙




Address

Cairo

Website

Alerts

Be the first to know and let us send you an email when The healers hub posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to The healers hub:

Shortcuts

Share

Category