Omnity center مركز أمنيتي للتخاطب والاستشارات النفسيه.

16/04/2026

✌️✌️

---
15 ابريل
اليوم اللي بدأت فيه الرحلة لوحدي.
النهاردة بكمّل سنة كاملة وأنا بدير الأكاديمية لوحدي بمهنيتي بأسلوبي. بتفكيري
ف .
الحمد لله علي خطوات لم تكتمل ❤️🙏

سنة تعبت فيها بكل ما فيّ، وسهرت، واتعلمت، وصلحت، وشلت المسئولية على كتافي من غير ما أشتكي.

أخلصت في كل تفصيلة، وحبيت الولاد كأنهم ولادي، وكنت براعي ربنا فيهم في كل لحظة… في ضحكتهم، في أكلهم، في تعليمهم، حتى في دموعهم.

كانت سنة جميلة… مليانة فخر وتعب وحب.
سنة اتعلمت فيها إن النجاح مش بس أرقام
لكن هو رصيد كبير عند ربنا ، النجاح الحقيقي إنك تنام وضميرك مرتاح وإنك تزرع في طفل قيمة أو أمان.

لاكان هدفي كسبت ايه ولا دورت أنا طلعت بكام
وعشان كده سعيت انها تبقي مرخصة رسميا. لاننا معندناش حاجة نخبيها ولا نخجل منها الحمد لله ❤️❤️🥰… حلمي أقدم حاجة مميزة تسيب أثر، حاجة تكون *تجارة مع ربنا* قبل ما تكون شغل.
عشان لما أتسأل يوم القيامة: "شبابك فيما أفنيته؟" أقدر أقول:
أفنيته في تربية وتعليم ورعاية أطفال أهاليهم أمنوني عليهم
هدفي ان يكون عندي ولي الأمر اللي فاهم جدا احنا بنقدم ايه
في منظومة متكاملة
ومقدر ده
لا عايزين نبقي في منافسة مع حد. ولا حنا شايفين. حد لاننا مركزين في ورقتنا ❤️

*شكراً من قلبي* لكل ولي أمر آمن بيّ، وصدقني، وشجعني بكلمة حلوة.
وجودكم وثقتكم هما السبب اللي مخليني أكمّل وأحلم بالأحسن.

يارب تكون البداية لسنين جاية أجمل وأنفع… ودعواتكم ❤️. #تخاطب .

02/04/2025

09/02/2025

يعلن. مركز. الدكتوره. امنيه عبدالله ب شبرا مصر
دكتوراه. في علم النفس الاكلينكي
عن فترة رعايه. نهاريه من الثامنه. صباحا حتي الثالثه عصرا
للاستفسار
واتس اب
010 04448940

09/02/2025

17/11/2024

07/11/2024

خطوات عملية تساعدك تهدي ابنك من حالة الغضب

نوبات الغضب عند الأطفال ممكن تكون تحدي كبير للأهل، لكن مع شوية صبر وفهم، تقدر تهدي ابنك وتساعده يتعامل مع مشاعره بشكل أفضل.

بعض الخطوات العملية للتعامل مع نوبات الغضب:

1. فهم السبب
أول حاجة، حاول تفهم إيه السبب ورا نوبة الغضب. هل هو جوع، تعب، أو إحباط؟
فهم السبب هيساعدك في التعامل مع الموقف.

2. اسمعله
لما ابنك يبدأ يزعل، حاول تسمع له. خلي عندك وقت وتفاعل معاه.
لما يحس إنك معاه، هيتحسن مزاجه شوية.

3. استخدم لغة هادية
ماتقابلش الغضب بالغضب ولا العصبية بعصبية.
لازم تتكلم بهدوء. استخدم نبرة صوت مريحة، وابعد عن الصراخ.
قول له: "أنا معاك، خليك هادي."

4. قدّم خيارات
بدل ما تحاول تفرض عليه رأيك، قدّم له خيارات بسيطة.
مثلاً، لو هو زعلان عشان مش عايز يروح المدرسة، قول له: "تحب نروح بدري شوية، ولا نروح بعد شوية؟"

5. علمه التعبير عن مشاعره
شجعه إنه يعبر عن مشاعره بدل ما يحتفظ بيها جواه.
ممكن تقوله مثلاً: "لو كنت زعلان، قولي لي إيه اللي مضايقك."

6. استخدم تقنيات التنفس
علمه إنه ياخد نفس عميق ويخرجه ببطء.
ممكن تقوله: "خد نفس عميق، وحاول تطلع الهواء ببطء. ده هيساعدك تحس بالهدوء."

7. اقترح نشاط هادي
ممكن تقترح عليه يعمل حاجة بيحبها، زي الرسم أو اللعب بالكرة.
النشاط ده ممكن يساعده يخرج الطاقة السلبية.

8. احضنه
في بعض الأوقات، حضن بسيط ممكن يكون له تأثير سحري.
الأحضان بتحسس الطفل بالأمان، فحاول تحضنه لما يكون زعلان.

9. تحدث بعد الهدوء
بعد ما يهدأ، اتكلم معاه عن اللي حصل. اسأله إزاي حس وهو متعصب، وناقشوا مع بعض إزاي ممكن تتجنبوا الموقف ده في المستقبل.

10. كن قدوة حسنة
كون قدوة له في التعامل مع المشاعر. لما تشوف موقف يزعلك، حاول تتعامل معاه بهدوء. هو هيتعلم منك.

11. أظهر له الحب
دايمًا ذكر ابنك قد إيه أنت بتحبه، حتى في الأوقات الصعبة. كلمة بسيطة زي "أنا بحبك" ممكن تكون لها تأثير إيجابي كبير.

دي خطوات بسيطة ياجماعة لكن صدقوني تكرارها وتأثيرها له مفعول كبير اوى. باتباع الخطوات دي، هتساعد ابنك يتعلم ازاي يتعامل مع مشاعره بشكل أفضل، وكمان هتكونوا أقرب لبعض.