ساره الشامي -Sara ElShamy

08/04/2026

ليه ؟
ايه اللي حصل ؟ طيب انا غلطت في ايه ؟
ليه سابني ؟ وفيا ايه غلط علشان يحصل معايا كده ؟
مليون سؤال واللي عنده الاجابه مشي واختفى
عارفين كام بنت اتحطت في الموقف ده ؟
كام بنت اتزلزلت وانهارت من جواها في اللحظه دي
حب وحلم وعشم .. وفجاه نهايه بدون مبرر .. بدون سبب .. في لحظه
المشكله بتبقا اكبر لما البنت دي تكون من البنات اللي بيتقال عليها High Profile
ذكاء وشخصيه واخلاق ونجاح .. واحده مش عايزه من الحياه غير تحب وتتحب بصدق
عايزه تكمل الجزء اللي مش هينفع تكمله لوحدها ... عايزه حقها الطبيعي في الحياه ان يكون ليها حد يشاركها عاطفيا
النوع ده من البنات ألمها ووجعها مضروب في x10 بتكون داخله العلاقه بصدق بتحب بجد وبتشتري اللي معاها بجد
بتحترم وتقدر بجد .. وممكن كمان تكون استحملت وصبرت ...بس في الاخر بتتساب باسوء طريقه ممكن يتساب ييها حد
بدون تمهيد .. بدون تبرير ... بدون سبب .. على غفله
طيب ايه اللي حصل ؟
عملت ايه ؟
ليه ؟
ازاي ؟
امتا قرر يمشي ؟ امتا زهق ؟
والحب ؟ والذكريات ؟ والكلام ؟ والوعود ؟
عقلها في اللحظه دي بيشتغل اسرع من سرعه الضوء
ذكريات وافكار واسئله كتير كلها مالهاش اجابه
فراغ مرعب
ومحدش موجود يرد .. يفهم .. يريح .. يناقش .. يحاول يحل لو في مشكله .. يعاتب
بتكون اقرب للجنون في اللحظه دي
الاسوء اللي حواليها بيطالبوها تجمد وتستحمل وتنسى وتشوف غيره وتكمل .. ويفكروها بقوتها وجمدانها وقيمتها
طيب ومشاعرها .. وقلبها .. واحلامها .. وحياتها .. والمجهود اللي بذلته في العلاقه .. تسكتهم ازاي علشان تقدر تكمل زي مابيقولولها
اللي مرت بده مش شرط تكون علاقه عاطفيه بس او ارتباط
حتى اللي اتجوزت واتسابت بنفس الطريقه دي وجعها اصعب واصعب واصعب .. دي حياه اتبنت واتهدت وسنين ضاعت
موقف صعب وصعوبته لايمكن حد يحسها غير اللي مر بيها وعاشها ..

علشان كده انا موجوده اساعدك تعدي الكسره دي
واخليكي تعرفي تقفي على رجلك من تاني
وتعرفي تكملي حتى لو لسه مالقيتيش اجابه للحظه الغدر اللي عيشتيها
ابعتيلي على الواتس اب 010 61330450 دلوقتي واحجزي جلستك

06/04/2026

"تعبانة نفسياً ومش عارفة تروحي لمين؟" سؤال بتسأليه لنفسك كل يوم لما تحطي راسك على المخدة.. الكل بيطالبك تكملي، والكل شايفك العمود اللي شايل البيت، بس محدش فكر يسأل العمود ده "تعب ولا لسه؟".

🧠 ليه بتحسي إن الحمل فوق طاقتك؟ لأنك عايشة في مجتمع الأحكام.. بتخافي تتكلمي ليتقال عليكي نكدية أو بتكبري المواضيع. لأن صوتك مكتوم جواكي.. ومساحة الأمان اللي تقدري تكوني فيها "إنتي" من غير تجميل مش موجودة. لأنك محتاجة اللي يسمعك عشان يفهمك، مش عشان يرد عليكي بكلمة معلش.

💡 الحقيقة اللي لازم تعرفيها: إنك تطلبي مساعدة ده مش ضعف.. ده قمة الوعي بإنك إنسانة من حقها تعيش مرتاحة. الكبت بيولد انفجار، والفضفضة الصح هي أول طريق التعافي.

📩 في الجلسات: أنا بوفرلك المساحة الآمنة دي.. مكان مفيش فيه أحكام، مفيش فيه لازم ومفروض. هنرتب الأفكار المتلخبطة سوا، وهنسمع "الصرخة" اللي مكتومة جواكي ونطلعها بشكل صحي، عشان توصلي لبر الأمان النفسي اللي تستحقيه.

احجزي جلستك دلوقتي، وخلينا نبدأ رحلة التغيير من "ألم" لـ "أمل".
تواصلي واتس اب 010 61330450

او ابعتي على رسايل الصفحه وهنبعتلك التفاصيل

05/04/2026

عايز ترجع ثقتك بنفسك؟.. الـ 10 خطوات دول هما الخلاصة! 💪
كتير مننا بيعدي عليه وقت بيحس إن ثقته اتهزت، بس الخبر الحلو إن الثقة دي "مهارة" تقدر تبنيها من جديد. ركز معايا في الـ 10 خطوات دول:
1️⃣ بطل مقارنات: المقارنة هي "حرامي السعادة". قارن نفسك بنسختك بتاعة امبارح وبس، مش بحياة حد تاني على السوشيال ميديا. 🚫
2️⃣ اتصالح مع الـ "لا": كلمة "لأ" للحاجات اللي بتستنزفك أو مش مناسبة ليك هي قمة الثقة. وضع الحدود بيخلي قيمتك تعلى في نظر نفسك وفي نظر اللي حواليك. ✋
3️⃣ غير "الراديو" الداخلي: لو طول اليوم بتقول لنفسك كلام سلبي، أكيد هتحس بالضعف. استبدل النقد الهدام بكلمات تشجيع، كأنك بتتكلم مع أغلى صديق عندك. ❤️
4️⃣ اهتم بشكلك الخارجي: مش لازم براندات غالية، بس نظافتك الشخصية، ريحتك الحلوة، وهندامك بيديك دفعة ثقة فورية أول ما تبص في المراية. ✨
5️⃣ افرد ظهرك: لغة الجسد مش رفاهية. ارفع راسك، افرد كتافك، وخلي مشيتك فيها حزم. عقلك بيترجم الوضعية دي على إنها "قوة" وبيفرز هرمونات ثقة. 🚶‍♂️
6️⃣ احتفل بـ "أصغر" إنجاز: خلصت شغل وراك؟ قرأت صفحتين؟ كافئ نفسك. تعويد عقلك على الاحتفال بالإنجازات البسيطة بيبني ثقة حديدية. 🥳
7️⃣ واجه خوفك (حتى لو بترتعش): الثقة مش إنك متخافش، الثقة إنك تعمل الحاجة وأنت خايف. كل مرة بتواجه فيها موقف صعب، ثقتك بتكبر الضعف. 🦁
8️⃣ اتعلم مهارة جديدة: المعرفة قوة. لما تذاكر حاجة جديدة أو تتعلم مهارة في شغلك، بتحس إنك "تقيل" وليك قيمة، وده أساس الثقة. 📚
9️⃣ ابعد عن "مصاصين الطاقة": لو حواليك ناس طول الوقت بيحبطوك أو بيقللوا منك، انسحب بهدوء. الثقة محتاجة بيئة داعمة مش بيئة بتكسر المقاديف. 🛑
🔟 التقبل الذاتي: اقبل إنك بشر وممكن تغلط. الثقة الحقيقية هي إنك تحب نفسك بعيوبك ومميزاتك، وتعرف إن قيمتك مش جاية من رأي الناس فيك. 🌟
لو وصلت لهنا، اكتب "أنا واثق" في كومنت وابدأ من النهاردة! 👇
#وعي #تغيير

01/04/2026

يوم السبت 4 ابريل 2026
الساعه 7 م بتوقيت مصر

محاضره مجانيه عن ليه بنختار انماط شخصيات مؤذيه وبنرتبط بيها
للانضمام للجروب 👇

https://chat.whatsapp.com/F4TTJXdyzQXJA9kcpsGkxm?mode=gi_t

او ابعتي على الواتس اب وهيتم اضافتك 010 61330450

WhatsApp Group Invite

31/03/2026

خصم خااااص جدا لمده
٤٨ ساعه فقط
لكل عملائنا من خارج مصر
عرض ٣ جلسات بخصم خااااص جدا تواصل واتس اب 010 61330450

31/03/2026

البروتوكولات السحريه لصناعه كائن ( ابن امه ) المعتمد دوليا بختم النطاعه . المنهج الممنهج 🛑

إحنا هنا مش بنتكلم عن "حب الأم" الفطري، إحنا بنتكلم عن "جريمة تربوية" بتتم بدم بارد، والضحية فيها راجل بيعيش بجسم شحط وعقل طفل مربوط بحبل سري مبيتقطعش أبداً.

إزاي بقا بتتم البروتوكولات والاستراتيجيات الاعتماد دي ..

♦️ بروتوكول "الذنب المستمر" : الأم هنا بتزرع في ابنها فكرة إنه "مديون بوجوده" ليها. طول الوقت بتفكره بآلام الولادة، وسهر الليالي، وإنها ضحت بحياتها وطموحها عشانه. و النتيجة... راجل بيخاف ياخد أي قرار (جواز، شغل، سفر) عشان ميحسش إنه "خاين" أو "عاق"، فبيتحول لمجرد منفذ لأحلامها هي مش أحلامه هو.

♦️ استراتيجية "الأم الزوجة" : لما الأم بتفشل في علاقتها مع الأب، أو بتحس بفراغ عاطفي، بتبدأ تسحب ابنها لمنطقة "السند العاطفي البديل". هو اللي بيسمع مشاكلها، هو اللي بيطبطب، هو اللي "راجلها" الحقيقي. ( بتتجوزه نفسيا ) الحركة دي بتخلي الولد يحس بمسؤولية تجاه مشاعر أمه أكبر من طاقته، لدرجة إنه لما بيجي يتجوز، بيحس إنه "بيخون" أمه مع واحدة تانية!

♦️ سياسة "إعدام الاستقلال": ممنوع يغلط، ممنوع يختار لبسه، ممنوع يدخل المطبخ، ممنوع يعبر عن رأيه لو مخالف ليها. الأم بتعمله كل حاجة لدرجة إنه بيوصل لسن الـ ٣٠ وهو "عاجز وظيفياً". مبيعرفش يشيل مسؤولية بيت لأنه متعود إن فيه "سيستم" شغال بداله، هو مجرد "موديل" بيتحرك بالريموت.

♦️ الحب الوهمي الخيالي اللي مش هيلاقي زيه : أي واحدة تدخل حياته هي "عدو". الأم بتبدأ تشككه في اختياراته: "دي مش شبهنا"، "دي هتاخدك مني"، "دي مش هتعرف تريحك زيي". بتبني جدار عازل بينه وبين شريكة حياته عشان تضمن إن الولاء الأول والأخير يفضل لـ "العرش" بتاعها.

ايه بقا الأبعاد النفسية والاجتماعية لتنفيذ المنهج ده :
🔸️ انعدام الشخصية: بيبقى راجل "باهت"، معندوش "لا" واضحة، دايماً مهزوز وبيدور على الموافقة من برا ومش اي برا لا دي لازم ماما
🔸️ خراب البيوت: الجوازة بتبقى "تلاتة" مش "اتنين". الزوجة بتلاقي نفسها مش متجوزة راجل، دي متجوزة "مندوب" عن والدته، وكل خناقة في البيت بتتحول لقضية رأي عام عند الحماة.
🔸️ توريث العقد: للأسف، النوع ده من الرجالة غالباً بيطلع أجيال زيه، أو بيطلع ستات قوية بزيادة عشان تعوض غياب "الراجل الحقيقي" في البيت.

وطبعا ماننساش ختم الاعتماد ( بر الام وطاعتها واجبه .. علشان قلبي وربي مايغضبش عليك )

بس فيه شعرة رفيعة بين الراجل البار بأمه، والراجل اللي "أمه هي اللي بتمشي حياته". لو لقيتي العلامات دي في خطيبك، يبقى إنتي مش في علاقة مع "راجل"، إنتي في علاقة مع "مشروع تابع" تحت الإنشاء:

🌟 1. قاموس "ماما قالتلي":
لو لقيتي جملة "ماما بتقول" أو "سألت ماما وقالت" بتتقال أكتر من اسمك، اعرفي إنك قدام "نسخة كربونية". الراجل ده مبيخدش قرار في لون البدلة، ولا في مكان الخروجة، ولا حتى في "كلمة حلوة" يقولها لك، إلا لما ياخد الـ Approval من المصدر. هو هنا مجرد "متحدث رسمي" باسم الحجّة.

🌟 2. قانون "المقارنة المستفزة":
"ماما بتعمل الأكل بطريقة تانية"، "ماما لبسها أشيك"، "ماما صوتها مبيعلاش". المقارنة دي مش مجرد ملاحظة، دي "خطة ممنهجة" عشان يخليكي نسخة تانية منها، أو يوصلك رسالة إنك دايماً "نمرة 2" في حياته. هو مش بيدور على زوجة، هو بيدور على "أُم احتياطية" او بيتم اخضاعك انتي كمان لامه بس عن طريقه .

🌟 3. رادار "السر الحربي":
لو لقيتي إن مامتُه عارفة تفاصيل خناقتكم، وعارفة قولتي إيه وزعلتي ليه، وعارفة ميزانيته وتفاصيل شغلك.. فورا ارفعي الراية الحمرا. الراجل اللي "بينقل تفاصيل بيته" لأمه هو راجل "مخترق أمنياً"، معندوش خصوصية، وبيعتبر أمه هي "المرجع الأعلى" اللي بتفهم أكتر منك ومنه.

🌟 4. دراما "الذنب والابتزاز العاطفي":
لو شفتيه بيترعش لو أمه اتصلت ومردش عليها في ثانية، أو بيلغي خروجة معاكي عشان هي "قالتله قلبي مقبوض"، اعرفي إن فيه عملية "غسيل مخ" تمت بنجاح. الأم هنا بتستخدم "المرض المفاجئ" أو "الزعل المصطنع" كأداة سيطرة، وهو غارق في "فخ الذنب" اللي اتصنع له من صغره.

🌟 5. "رجل الظل" في المواقف الصعبة:
أول ما تحصل مشكلة بينك وبين أمه، بيختفي! أو يقولك "معلش استحملي دي أمي". هو مش بيصلح، هو بيجبرك "تخضعي" للسيستم. الراجل اللي مبيقدرش يحط حدود واضحة تحمي كرامة مراته من تدخلات أهله، هو راجل "منزوع الصلاحية".

النوع ده من الذكور ماينفعش يكون زوج ولا اب .. ابن امه لازم يفضل في حضن امه
اوعي تفتكري ان ممكن تحصل معجزه ويسترجل ويقرر يبقا مستقل
ولو حصلت المعجزه فعلا امه مش هتسمحله انه يستقل عنها وهيكون مصيرك انتي انها تنهيكي من حياة ابنها
العلاقه دي انتي بتتجوزي الام من ابنها
وللامانه الحالات دي علاجها والتعامل معاها بيكون صعب هو اه مش مستحيل بس صعب

لحجز الجلسات والاستشارات تواصل واتس اب على 010 61330450

26/03/2026

بعيدا عن الاسفاف اللي في الفيلم
وبعيدا عن ان البطل اسمه احمد 😂 فاللعبه خلصت خلاص
لكن تعالوا مع بعض نشوف اهم نقطه في الفيلم وهي نوعيه الرجاله Play Boy وغيرهم ياترى هما غلط ولا صح ؟؟؟
الحقيقه اللي محدش بيقولهالنا قبل الجواز ان مش اي راجل ينفع مع اي ست وان المسأله مش مسأله التوافق بين الاثنين في الامور و الجاهزيه الماديه والاجتماعيه والاخلاقيه والراحه النفسيه

لا خالص ..

في توافق من نوع تاني خاااالص .. توافق خيال ومزاج ورغبات وافكار وميول في الامور الخاصه ( فاهمين طبعا )

وهنا بقا القنبله الموقوته ... جوازات كتير بتموت اكلينيكيا بسبب كده تبص على الجوازه من برا تلاقيها تقريبا مافيهاش غلطه ... الزوج والزوجه كل واحد بيقوم بواجبه على اكمل وجه .. الاثنين بينهم حب ومشاعر واحترام ..... ومع ذلك الدنيا باظت ... او العلاقه بتحتضر ... بتتخنق ... بتنطفي ..
ومحدش عارف ليه ... حتى الزوج والزوجه اوقات مابيبقوش عارفين ايه اللي حصل ... ليه بقوا كده ... ليه العلاقه وصلت للبرود والزهق ده
حتى لما بنحاول نجدد بتتصلح الدنيا شويه ونرجع نزهق تاني
او التجديد ده ماوصلناش للنتيجه اللي محتاجينها

الجواز عامل زي التركيبه الكيميائيه لازم تتحط بنسب وبترتيب معين لان اي غلطه بتسبب مشكله او كارثه
واغلب الجوازات بتغفل في اولها عن انها تبص او تتاكد من التوافق في العلاقه الحميميه ... وده لاسباب كتير منها

♦️قله ثقافه او عدم فهم كافي بطبيعه العلاقه
♦️الاحراج والخجل من اننا نتكلم بصراحه
♦️معايير اجتماعيه ودينيه تمنعنا اننا نتكلم ونسال بصراحه في المواضيع دي
♦️ واوقات اصلا بيبقا قله معرفه هنتكلم ونسال في ايه اصلا

وهنا بنركز جدا على الامور والتوافقات الظاهره ( وهي جزء مهم مافيهاش نقاش ) بس المشكله اننا بنعتقد اننا بعدها هنبقا متفقين في كل حاجه
وتيجي الصدمه بعد الجواز ... مش مبسوطين .. او بعد فتره من محاولات التاقلم الاجباريه زهقنا ومابقناش قادرين نكمل
وبتتحول الجوازات لنوعين ..
نوع قرر ينفصل وينهي
ونوع قرر يكمل ويضحي بجزء مهم من سعادته ويكمل تأقلم

الخبر الحلو اننا ممكن وبمنتهي البساطه نقدر نكون فكره عن رغبات الطرف التاني سواء زوج او زوجه .. او اتنين مخطوبين ... حتى بدون ما نخوض النقاش في الامور دي وخصوصا قبل الجواز

يعني لو انتم لسه مخطوبين تقدروا تعرفوا ازاي تكونوا متوافقين مع بعض في العلاقه الحميميه ولو متجوزين تقدروا بردو تصلحوا العلاقه بينكم وتعملوا التجديد ده بطريقه صح مش بشكل عشوائي

اتواصلي معايا على الواتس اب 010 61330450
واكتبي توافق وهبعتلك التفاصيل

او اكتبي توافق في التعليقات وهنرد عليكي
او ابعتي على رسايل الصفحه

24/03/2026

لمتابعه الجلسات والكورسات المخفضه
والمحاضرات والاستشارات المجانيه
انضم لجروب الواتس اب 👇

https://chat.whatsapp.com/F4TTJXdyzQXJA9kcpsGkxm?mode=gi_t

او ابعت على الواتس اب وهيتم اضافتك 010 61330450

#كورسات #مجانيه #مخفضه

WhatsApp Group Invite

23/03/2026

"تعبتي من دور 'القوية' اللي شايلة كل حاجة لوحدها؟"

كل يوم بتغمضي عينك وفي قلبك تِقل مش عارفة توصفيه..

الكل شايفك القوية، الصبورة، والعمود اللي شايل البيت، بس مفيش حد سألك: "إنتي حاسة بإيه؟".

الضغط، الكبت، ومحاولة إرضاء اللي حواليكي على حساب نفسك مش قوة، ده استنزاف لروحك وطاقتك.

في جلساتنا، بنوفرلك المساحة اللي محتاجاها بجد:
🔸️ مساحة آمنة: احكي فيها اللي مخبياه عن العالم كله، بدون خوف من أحكام أو لوم.
🔸️ فهم وعمق: مش مجرد "فضفضة"، لكن ترتيب لأفكارك ومشاعرك عشان تفهمي نفسك صح.
🔸️خطوات عملية: هنحط إيدنا على جذور المشكلة عشان تبدأي رحلة تعافي حقيقية وتستردي توازنك.

إنتي مش لوحدك، ومن حقك تعيشي بسلام نفسي.
للحجز والاستفسار:
📩 ابعتي رسالة على الصفحة.
📞 أو تواصلي معانا على الرقم: 010 61330450
د. سارة الشامي
استشاري نفسي وأسري وعلاقات زوجية - لايف كوتش

19/03/2026

عيد فطر مبارك 🌙

العيد بييجي كل سنة بعد شهر تعب ومحاولة…مش كلنا خرجنا من رمضان زي ما كنا عايزين،
بس كلنا حاولنا على قد طاقتنا، وده في حد ذاته كفاية.

لو في حاجة ما كملتش،
لو في وجع لسه موجود،
لو في علاقة محتاجة قرار،
العيد ممكن يكون بداية خطوة صغيرة…مش حل كل حاجة، بس بداية مختلفة.

كل سنة وانتوا طيبين، ويا رب العيد يكون أخف على قلوبكم،
وأقرب لراحة نفسكم، ويعدي عليكم بهدوء تستحقوه.

18/03/2026

بمناسبه عيد الام
مش كل ام تستاهل تبقا ام
اولاد وبنات كتير دفعوا تمن لقب الامومه المزيفه
مع انسانه متجرده من كل معاني الاحتواء والحب والانسانيه
اكذوبه الامومه التي تنطبق على كل امرأه حملت وولدت واخدت لقب الام لمجرد الاثبات البيولوجي حتى لو ماتستاهلوش

بشر على مر التاريخ تم تجريدهم من حقوقهم وانسانيتهم وسلب ارادتهم الفكريه والعاطفيه امام امرأه حملت اللقب بيولوجيا
كم الخلل الفكري والنفسي والعاطفي الموجود عند الفئه دي من الامهات كفيل انه في بعض الاحيان يدمر حيات اولادهم للابد على كل الجوانب ويسيبلهم خلل في عقلهم ونفوسهم مابيقدروش يشفوا منه
تحت ايه .... تحت مسمى الامومه تيجي الحيزبون دي وتحصل على صلاحيات في التدخل بدون اذن او رغبه من اولادها وتطالب ببر وطاعه وتستخدم الابتزاز النفسي والسيطره والتهديد بغضب الإله او نزول اللعنات والويلات بدعوه غاضبه منها ترفعها في لحظه عدم رضا منها على سلوك او فعل او رفض او كلمه اعتراض او مطالبه باقل قدر من الحقوق الانسانيه والحريه في قرار يخص الابن او البنت

للاسف المعمل الاول لتدمير الانسانيه هو نفس المعمل لتكونيها
كام واحد وواحده دفعوا تمن تدخل النوع ده من الامهات في حياتهم
كام واحد وواحده حياتهم اتدمرت وضاعت
كام واحد وواحده احساسهم بالذنب قدام دموع التماسيح والتهديدات بغضب ربنا علشان قلبها مش راضي استسلموا لسجنها
مش كل ام تستاهل تبقا ام
ومش كل واحده كانت اصلا تستاهل تبقا ام

15/03/2026

ازمه هويه .... وفقدان المعنى للذات
كلنا شوفنا ازاي داليا خربت حياتها المستقره بايديها
واغلب الناس شايفين ان مافيش سبب
بس تخيلوا بقا ... ان في اسباب كتير اوي تخليها تعمل كده !!!
اولا داليا نشئت في بيئه مضطربه ... وضع الام كانت بتقوم بدورين الام والاب ... سواء بقا بسبب انفصال او فقدان بوفاه الاب مش هتفرق كتير .... بس ده جعل الام تجمد مشاعرها علشان تقدر تحافظ على كيان البيت وتنسى احتياجتها كست وكانثى
النوع ده من الامهات بيخلي الابناء وخصوصا البنات يكونوا متعاطفين معاها جدا وتكون هي صعبانه عليهم جدا جدا انها شايله اكتر من طاقتها وضحت بنفسها علشانهم ... وبيتحول الامر انهم بيشيلولها جميله انها مارمتهمش او سابتهم هي كمان ... وقصاد ده بيكون المقابل ورد الجميل ( الطاعه العمياء ) ومع الوقت الطاعه دي بتتحول لسيطره كامله من الام اللي مع الوقت بردو بتحول اولادها لعرايس ماريونيت مابيتحركوش غير بارادتها هي حتى لو على حساب هويتهم وكيانهم كبشر وده يفسر ليه داليا كانت ماشيه ورا كلام مامتها برغم انها كانت بتورطها وبتقطع اي وسيله لخط الرجعه والصلح
ثانيا .. آليه الدفاع اللي استخدمتها الام علشان تقدر تحافظ على كيان البيت ( انها تنفصل عن مشاعرها او تجمدها تماما وتستخدم عقلها فقط ) او انها تستخدم الاجراءات الاحترازيه لتامين حياتها ومستقبلها حتى لو بطريقه انها تهاجم بدون سبب ( علشان لو فكرت تاذينا يبقا نهاجمك احتياطي )
ده بيخلي الاولاد ( وخصوصا البنات ) بيتعلموا انهم يعيشوا بآليه الدفاع اللي استخدمتها الام على اساس ان ده اسلوب الحياه العادي والطبيعي وده اللي خلاها مقتنعه وقابله بسخين مامتها ليها على مصطفى جوزها وانها تهاجمه وتأذيه برغم ان مصدرش منه اي شيء غلط
ثالثا داليا نشئت في بيت الامر الناهي فيه ست العنصر الذكوري مش موجود ونشئت جواها ان عادي الست تعيش مش غير راجل .. وان الراجل عادي لو مشي الحياه هتكمل
دي الصوره اللي هي وعيت عليها وعاشتها علشان كده مافيش اي تفاعل او خضه من فكره الانفصال او الطلاق ماتهزتش ولا اضايقت ولا عيطت ولا اي حاجه لانه عادي
طيب ليه داليا قررت ده وقت عيد ميلادها الاربعين ؟؟؟🤔🤔🤔
لما بنقرب او بنتم ٤٠ سنه كلنا بدون استثناء بيحلصلنا عمليه مراجعه شامله لكل حاجه في حياتنا نبتدي نشوف ٤٠ سنه ضاعوا في ايه
ده السن اللي بينزل زي القلم على وشنا يفوقنا .. انا عمري ضاع في ايه وياترى ينفع اكمل في اللي انا فيه ده ؟

داليا ماكانتش بتكدب لما قالت انا كنت بدور على نفسي
هي فعلا كانت تايهه فجاه اكتشفت ان ٤٠ سنه راحوا وهي مش عارفه هي كانت فين ومين
وده لانها زي ماقولنا كانت عروسه ماريونيت مسلوبه الاراده
فقررت تقطع الخيوط ( من وجهة نظرها طبعا ) وتطلع للدنيا
فتهد كل القديم علشان تبدأ من جديد
داليا ماكانتش محتاجه تهد حياتها ... داليا كانت محتاجه تتفطم عن تاثير ونموذج مامتها وتقطع الخيوط اللي بتحركها

اسلوب مامتها اللي برغم انها معترضه عليه الا انها كانت متقمصه شخصيتها من غير وعي او ادراك
داليا كانت بتدور على نفسها وهويتها المنفصله كانت بتدور على معنى ليها ولذاتها وكيانها ... بس للاسف .. كانت بتدور بجهل