09/05/2025
فيه ناس بتهرب من المناسبات الإجتماعية و بيبقوا نفسهم يتكلموا، يشاركوا، يبقوا جزء من المجموعة، لكن جواهم فكرة بتقولهم :
– "هتقول حاجة غلط"
– "هيبصوا لك إزاي هيأخدوا فكرة عنك ازاي ؟"
– "أكيد هتتلخبط وتغلط "
وبتحس إنك متجمد وكلامك ملخبط لما تتكلم قدام ناس متعرفهاش خايف من نظرتهم وحكمهم عليك وياتري بيقولوا ايه عليا ؟
متوتر قبل كل اجتماع وبتستعد له قبلها بشهور وحاسس كأن الكاميرا متسلطة عليك وانك تحت المنظار
الناس بتقول عليك "انطوائيين" او مكسوفين
القلق الاجتماعي مش انطوائية ولا خجل ولا قلة ثقة في النفس ... ده صراع حقيقي جوه دماغك اللي بتخلي ابسط المناسبات والمواقف الاجتماعية كأنها حرب ومواجهة فتقرر تنسحب وتتجنب لأنك مش قادر تواجه مشاعر القلق التقيلة
والمشكلة؟ إن اللي حوليك ممكن يفتكروا إنك بتتجنب او مش مهتم .
أحب أطمنك ده اضطراب نفسي معروف، وله علاج فعال.
"لو بتعيش ده، اعرف إنك مش وحدك… واطلب المساعدة يمكن تستاهل تدي نفسك فرصة تفهم أكتر و تعيش حياتك ..
