Dr Shymaa Essam "فلنتعلم كيف نحياها"

  • Home
  • Egypt
  • Cairo
  • Dr Shymaa Essam "فلنتعلم كيف نحياها"

Dr Shymaa Essam "فلنتعلم كيف نحياها" Psychological and mental health
certified family and marriage counselor
certified relationship coach

18/11/2025

العتاب له تاريخ صلاحية مش متاح طول العمر ..بعدها هيضرك أنت بس...
لما انت تصمم انك تعاتب نفس الشخص علي نفس الأخطاء كل مرة ،،يبقي أنت اللي سمحت له انك تبقي مستباح و مهان ..ولا تلوم إلا نفسك..

17/11/2025

تعريف الشخص البجح ؟
هو أكثر شخص مقصر في حقك ولا يراك أصلا ،لكنه في نفس الوقت هيلومك كثير ،، هيتقمص كثير ،، هيتكلم عليك أكثر ،، هيطالبك بحقوق و واجبات واجبة التنفيذ عمره ماعملها معاك ،،، لو قداك ٥٠ ج هيحسسك انه عمل معاك واجب عمرك ووقف معاك ويلا بقي فين المقابل وفروض الولاء والطاعة..
الشخص اللي زي ده علي دماغه علي طول عشان يفوق وميعش عليك الدور....
كل شخص بجح وراه شخص مدالوش علي دماغه وفوقه...
دعوة عامة للتخلص من بجاحة الآخرين

30/10/2025

النسبة الأكبر من الخلافات الزوجية أو فشل العلاقة الزوجية هي جهل الرجل أو المرأة بأولوياتهم ،،،
واجباتهم كما يقرها الشرع والدين وليست الأهواء والأعراف ومعتقداتهم الشخصية ،،،
التمسك بوجهة نظر كل واحد من طرفه ،،
رغبة طرف أو الاتنين في المبالغة وتعظيم مجهوده في حين انه لايقدر أي مجهود أو تضحية يقدمها الطرف الآخر ويراها واجب وكما يقولون "كل الناس بتعمل كده ،معملتش شيء زيادة "

استشعروا عندما تتعاملوا مع الشريك قول الله تعالى
"وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ

15/10/2025


حلقة جديدة من #البودكاست مباشر على قناتنا على اليوتيوب
حلقة بعٌنوان :استكشاف الجذور النفسية الخفية للصراع الزوجي
حوار تحليلي يفكك التفاعلات العميقة والأدوار غير المعلنة في تأزم #العلاقات #الزوجية
#تابعونا
📅 الجمعة 10أكتوبر 2025
الساعة 8:00م بتوقيت القاهرة - مكة المكرمة - الأردن
✅ يمكنكم الاشتراك فى القناة من الرابط التالى لمٌتابعة البث:
www.youtube.com/.academy
✅تقدروا تتابعوا الحلقات السابقة للبودكاست من الرابط التالي:
https://tr.ee/SAZ0AE
#بودكاستات #لايف

28/09/2025

التعاطف والمواساة سمة عُليا ، مش كل الناس تقدر عليها..
التعاطف مش مجرد كلمات انا حاسس بك ،انت صعبان عليا ،هموت عليك .
التعاطف إن لمس القلب ،تُرجم إلي أفعال..
هيكون صاحب الألم هو صاحب الأولوية ،هسمعه ،هساعده ، هقف جنبه دون ملل ، لا اُنكر عليه ألمه أو اقلل منه ، هتنازل عن انانيتي في وجوده ، ..
أي حاجة غير كده،ليها اسم تاني مش عارفاه....

أكبر غلطة بنغلطها في حق انفسنا وهي سبب زعلنا وقهرتنا وصدماتنا هي الإنتظار ...الإنتظار ف المكان الخاطيء أو من الشخص الخطأ...
19/09/2025

أكبر غلطة بنغلطها في حق انفسنا وهي سبب زعلنا وقهرتنا وصدماتنا هي
الإنتظار ...
الإنتظار ف المكان الخاطيء أو من الشخص الخطأ
.انتظارك للاهتمام والسؤال من شخص لا يضعك في أولوياته.انتظارك للحب والود من شخص قلبه لا يعرف الحب . انتظارك للتقدير ورد الجميل من شخص أناني وجاحد
انتظارك التعامل بالأصول من شخص لايفهم في معناها غير لما تخصه...انتظارك إن اللي ظلمك يجي يعتذر ويطلب السماح
أو ان اللي خانك يجي يعلن ندمه واستحالة حياته من غيرك...
وانك تنتظر ان اللي أذاك وبيأذيك هيتغير في يوم من الأيام ..
هستستني كثير أوي وتتعب وتتقهر اكثر بكثير وساعتها متلومش إلا نفسك

17/09/2025

اللي ربنا أكرمه ورزقه بأب وأم اسوياء هتلاقيه بيتكلم عن البر لأهله بمنتهي الاريحية وبعضهم يتكلم بمعايير قهرية ويُنظّر علي خلق الله ويلومهم ويحسسهم بالتقصير والذنب .....وده لا ينفي ان معظمنا مقصر مع زحمة الحياة والمسئوليات ربنا يغفر لنا ويعيننا.....
لكن ممارستك لللوم والاتهامات بالعقوق لمن لا يسير علي هذه المعايير وانه هيدخل النار حدف ل واحد اُبتلي بأب وأم مؤذيين ،ظالمين ، مستغلين ، ناكرين أو عنيفين أو مدمرين لنفسية أولادهم مش ف مكانها الصحيح أبدا...
حضرتك ممكن تكون سبب عظيم ف فتنة الأشخاص دول واحساسهم إن الدين ظالمهم حاشا لله..
ربنا هو الحكم العدل المُطلع ...سبحانه قال ف كتابه الكريم في سورة البقرة
"لا يكلف الله نفساً إلا وسعها لها ما كسبت وعليها مااكتسبت"
وربنا سبحانه وتعالى لما أمرنا واخفض لها جناح الذل جعلها مقترنة بالرحمة وليس الذل المقترن بالإهانة وهضم الحقوق....
الحمد لله علي نعمة أبي رحمه الله عليه وأمي ربنا يبارك ف عمرها وصحتها ...


فيه ناس مبدأها في الحياةهنبقي حلوين وقت ما نبقي فاضيين ، مش وقت ما انتوا محتاجين....دول الأندال هتلاقيهم في عز ضعفك وكسر...
05/09/2025

فيه ناس مبدأها في الحياة
هنبقي حلوين وقت ما نبقي فاضيين ، مش وقت ما انتوا محتاجين....
دول الأندال
هتلاقيهم في عز ضعفك وكسرك و احتياجك مش موجودين ، بس في وقت مايجيلهم مزاج او يفضوا هيرجعوا ويتعاملوا عادي خالص بل ويطالبوك مش بس تتعامل عادي لأ ،ده انت لازم ترحب و تهلل وتحب وتقدر وإلا هتتلام وتطلع وحش ...
بس للأسف جيتوا بعد فوات الأوان ،بعد مااتبني ألف حيطة وحيطة واتبني سد نفسي بينك وبينهم واللي بنسميه ال
⛔البلوك النفسي🚧🤐⛔ ...
البلوك النفسي اني مبقاش فيه مشاعر تجاه الشخص ، اصبح بلا معني في حياتي ...مش مصدقة منك ولا كلمة ولا مشاعر ولا غيره ...اختفي الأمان في العلاقة بينا ...اصبح وجودك زي عدمه ...
بلوك للأندال

قد تكون انت فتنة أحدهم في الدنيا فاحذر ...احذر أن تكون فتنة شخص بدأ في الإلتزام ،فتنمرت وتهكمت وانتقدت حتي تراجع وانتكس....
16/08/2025

قد تكون انت فتنة أحدهم في الدنيا فاحذر ...
احذر أن تكون فتنة شخص بدأ في الإلتزام ،فتنمرت وتهكمت وانتقدت حتي تراجع وانتكس...
احذر أن تكون فتنة شخص طيب بالفطرة ، فاستغليته وأجرت علي حقه حتي كره طيبته ...
احذر ان تكون فتنة زوجة ضحت و تغافلت و صبرت علي أذاك ، فتجبرت و زدت من الأذي ما جعلها لا تجد للتحمل والصبر مكان في حياتها ....
احذري أن تكوني فتنة زوج استأمنك علي عرضه وماله وبيته ،ف خنتي الأمانة وافقدتيه الثقة في نفسه والحياة من حوله ...
احذر أن تكون فتنة أولادك في الدنيا بظلمهم تحت مسمي البر ،فتصنع منهم أجساد بلا مشاعر بلا شخصية أو روح
تجعلهم يشكوا في عدل الدنيا والدين ...
احذر أن تكون فتنة لمن يعمل تحت قيادتك في العمل ، فتستغل منصبك أو حاجتهم فتعاملهم بدونية وتحكم يقهرهم .....
وما أكثر الفتن
قال تعالى في
سورة النحل (الآية 25)
{ليحملوا أوزارهم كاملة يوم القيامة ومن أوزار الذين يضلونهم بغير علم ألا ساء ما يزرون}.
تذكرة لي ولكم
عافانا الله وإياكم ❤️

Address

Cairo

Website

Alerts

Be the first to know and let us send you an email when Dr Shymaa Essam "فلنتعلم كيف نحياها" posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram