Dr.Rania Kamel clinic

02/12/2024

👱‍♀️دكتور اتفقنا خلاص🙂 انا اخترت حبوب منع الحمل

👩‍⚕️تمام👍 . هفكر حضرتك تاني . أول مرة بنبتدي مع أول يوم في البريود و بناخدها مرة يوميا في موعد ثابت لمدة ٢١ يوم و بعدين ٧ أيام بدون حبوب و نرجع نعيد بنفس الترتيب ٢١ يوم حبوب و ٧ أيام راحة

👩‍⚕️خلال الفترة دي البريود هتنزل بس ملناش دعوة احنا لينا دعوة بعدد الأيام اللي هنريح فيها
👱‍♀️تمام يا دكتور فهمت و الله 🤗

بعد شهر ونصف

👱‍♀️ايه دة يا دكتور ؟!!! احنا ماتفقناش على كدة
بقالي شهر و نص باخد الحبوب و البريود منزلتش😡

👩‍⚕️بجد 🤔؟؟؟؟!!@

👩‍⚕️هو حضرتك أخدتيها ازاي ؟

👱‍♀️أبدا خلصت العلبة الأولى و ابتديت في الثانية😇
👩‍⚕️متواصل ؟؟

👱‍♀️اه

👩‍⚕️مش احنا قولنا راحة أسبوع 🤨

👱‍♀️آه ما أنا ريحت أسبوع و معملتش أي مجهود و مع ذلك منزلتش 😇

👩‍⚕️طيب لحظة بس 🤪هتواصل مع منظمة الصحة تسحب كل حبوب منع الحمل من السوق
👩‍⚕️و أنا كمان هريح أسبوع

02/12/2024

لما أول رسالة أشوفها من سيدة يمنية زارتني في العيادة من شهور و تفتكرني بدعوتها الجميلة
تفتكروا ببتدي يومي ازاي
بجد كلامكم و دعواتكم بتسعدني جدا

24/10/2024

عيادة دكتورة رانيا كامل
دلوقتي بتوفر ليكي سهولة التواصل video call مباشرة داخل وخارج مصر مع دكتور رانيا كامل
لو محتاجة استشارة طبية أو عاوزة تتابعي نتائج التحاليل و الأشعة الطبية 🌺
تقدري دلوقتي تنزلي ابلكيشن (Sina)
من علي App store
و Android app store
و كمان تقدري تحددي الموعد اللي يناسبك من خلال الأبليكشن 🌸
Now , you can communicate with Dr. Rania Kamel through video calls for consultantation and follow up of your investigations ,
You may use the below link and choose the convenient date and time
Sina
https://sina-app.com/iDVhpLghNgtL5jxv8

21/05/2024

شكراً من القلب❤️
شكراً ياأحلي نوران علي كل كلمة وحمدلله علي سلامتك أنت وياسين❤️

أستاذ مساعد و استشاري طب النساء و التوليد و تأخر الانجاب و التجميل النسائي

15/04/2024

طلعت من غرفة الولادة شكيت إني روحت السودان 😅 . ناس أد إيه جميلة و متكاتفة و فعلا قريبين من القلب بطيبة قلبهم و جمال أخلاقهم
و ألف مبروك لسارة الإبن يزن الجميل ربنا يحفظه

07/04/2024

مش عاوزة رنجة يا إبراهيم🐟

13/02/2024

خلي بالك
حالات كتير جات لي بعد ظهور الزوائد الجلدية دي بعد جلسات الليزر خصوصا في الأماكن الحساسة و منهم كتير بنات غير متزوجات
الزوائد دي بتنتج عن الإصابة بفيروس اسمه HPV
الفيروس دة بيصيب الرجال كمان على فكرة
الشكل دة أقل حاجة ممكن تنتج عن الإصابة بيه
و لازم تعرفي انه المتهم الأساسي في الإصابة بسرطان عنق الرحم و المهبل . كمان سرطانات الأعضاء التناسلية عند الذكور لا قدر الله
لازم تاخدي بالك كويس أوي
المركز اللي هتروحي له لازم يكون يكون موثوق فيه و تتأكدي كويس ان الجزء الملامس لبشرتك يكون معقم و مفتوح حالا ليكي
أوعي تعملي جلسات و انت عندك أي إلتهابات هتؤذي نفسك و تؤذي غيرك و دي أمانة
و أخيرا اطعمي ضد الفيروس سواء كنتي آنسة أو متزوجة . التطعيم متوفر و جرعاته سهلة
اسألي دكتورتك و اعرفي أكتر.

04/01/2024

٤٥ ورم ليفي تم استئصالهم من رحم بنوتة صغيرة
البنت دي أنا بعتبرها بطلة لأنها صبرت على أعراض صعبة كتير و الحمد لله و بفضله تم الحفاظ على الرحم

31/12/2023

For the most precious moms2023
Welcome to the lovely motherhood life
Happy new year

13/12/2023

شكرا نيفين
لما المساعدة تكون من القلب

24/11/2023

👩‍⚕️تعرفي ايه هو HPV ؟؟

🙍‍♀️لأ ايه الاسم الغريب دة

👩‍⚕️شوفي ...دة فيروس ليه عائلة كبيرة و كل واحد من العائلة دي ليه رقم .... يعني شجرة عائلة كبيرة أكبر من أولاد أبو طاحون

👩‍⚕️أكتر اثنين معروفين انهم مجرمين و مؤذيين و ممكن يسببوا سرطان هم رقم ١٦ و ١٨

🙍‍♀️عند السيدات فقط ؟؟ أصلنا دايما محظوظين

👩‍⚕️لا .... المرة دي الرجال ليهم نصيب كمان

🙍‍♀️طيب ايه الأماكن اللي ممكن يسبب فيها ؟

👩‍⚕️عنق الرحم ، المهبل ، الشفرات الخارجية و حتى الشرج دة بالنسبة للسيدات

🙍‍♀️طيب بالنسبة للرجال ؟

👩‍⚕️كمام ممكن يسبب سرطانات في الأعضاء التناسلية و فتحة الشرج

👩‍⚕️مش،بس كدة دة كمان في أنواع تانية مش بتسبب سرطان لكن ممكن تسبب مرض تناسلي مزعج جدا للسيدات... و الرجال برضو .... و دة بيكون عبارة عن زوائد جلدية كتير و جنب بعضها في المنطقة التناسلية

🙍‍♀️طيب في طريقة نقدر نقلل حدوث المشاكل دي عند السيدات ؟؟

👩‍⚕️أيوة طبعا ... و عند الرجال كمان على فكرة

👩‍⚕️في تطعيم مهم جدا و بيحتوي على أهم ٤ فيروسات ممكن تسبب المشاكل اللي قولناها

🙍‍♀️امتى السيدات تاخده و ازاي ؟؟

👩‍⚕️قصدك تسألي عن السيدات و الرجال مش كدة ؟؟
🙍‍♀️طيب ماشي و الرجال 😏

👩‍⚕️ممكن نبتدي مع البنات و...... الأولاد....... من سن 9سنين و ممكن السيدات و...... الرجال...... ياخدوه لغاية 40 سنة

🙍‍♀️بيتاخد ازاي للسيدات ؟؟

👩‍⚕️للسيدات و ..... الرجال ......بيكون من جرعتين ل ثلاث جرعات حسب دكتورك ما يقرر
و بيدي وقاية حوالي ١٠ سنين

🙍‍♀️و دة مهم يا دكتور؟

👩‍⚕️طبعا ... و كفاية اني أقولك ان منظمة الصحة العالمية قالت إنه يدخل من ضمن الروتين بتاع التطعيمات للرجال

🙍‍♀️طيب و السيدات يا دكتور ؟؟؟؟

👩‍⚕️😅😅😅و السيدات طبعا
👩‍⚕️واضح ان أحدهم مزعلك ...

03/11/2023

🤵‍♂️دكتور من فضلك تقولي للمدام انها مينفعش تسافر معايا .. 😃

👩‍⚕️دي شكلها أمنية مش نصيحة .. صح ؟ 😉

🤵‍♂️لا أصل أنا هسافر بالطيارة

👩‍⚕️عادي مفيش مشكلة

🤵‍♂️ينفع يعني؟ 🙄

👩‍⚕️آه طبعا

🤵‍♂️طيب هسافر ٦ ساعات 🥺

👩‍⚕️و ماله بس محتاجة شوية احتياطات هنعرفها لها
🤵‍♂️طيب هي في الأسبوع ١٣ مش هينفع في الأول 🥺
👩‍⚕️لا ينفع برضو ما دام مفيش أعراض خطورة زي مثلا مغص أو دم 🤵‍♂️😢😢

🤰أعمل ايه يا دكتور؟ 😃😃
👩‍⚕️أولا لازم تلبسي لبس فضفاض و مريح . الشوز كمان لازم يكون مريح و مش ضيق
☝️تشربي سوائل كتير
☝️تحركي القدم و الرجل بشكل منتظم
☝️السفر ٤ ساعات أو أكتر بنعتبره سفر طويل و ممكن ننصحك تلبسي شرابات ضاغطة
☝️ في بعض الأحيان تاخدي أسبرين حسب تقييم الحالة
☝️متنسيش كمان لو حضرتك مسافرة لأماكن فيها أمراض معدية . تعرفي الدكتور علشان لو في تطعيمات خاصة
☝️لما تسافري تاخدي بالك أوي من الماية مش بس اللي بتشربيها لا كمان الماية اللي بتتوضي أو بتغسل أسنانك بيها .
باختصار أي ماية تلامس الفم تكون مضمونة و بلاش طفاسة و الأكل من الشارع ممنوع
☝️الخضار و الفاكهة حضرتك تغسليهم بنفسك ☝️اللحوم كاملة النضج
☝️سوشي بلاش الله يرضى عليكي
☝️خلي بالك لو مسافرة بلد أوروبي تقرأي كويس المكونات و خصوصا لو في دهون محرمة أو كحول كتير بيكون من إضافات الأكل هناك
🤵‍♂️ مش قولت لك مش هتتبسطي
🤰متقلقش هتبسط برضو

🤵‍♂️دكتور في الشهر الكام ممنوع الحمل 🤔

👩‍⚕️دة بيختلف من شركة للتانية بس عموما معظمهم في الأسبوع ٣٦ و بيحتاجي تقرير من الدكتور ان مفيش خطورة

🤵‍♂️ياااه دة كدة فاضل ٢٤ أسبوع علشان أعرف أسافر 😱
🤰دة في أحلامك 🤌