Dr. Mohamed Tawfik Zakzouk - دكتور محمد توفيق زقزوق

28/04/2026

اللي بتشوفوه في الفيديو ده مش مجرد حالة طبية… ده أمل اتجدد وحياة جديدة بدأت.

مريض كان بيعاني من ضعف شديد جدًا في عضلة القلب، مع انسداد معقد في الشرايين التاجية، وبعد ما لف على أماكن كتير ومحدش رضي يعمله العملية لصعوبتها… بفضل الله قدرنا نجري له جراحة قلب نابض لتوصيل الشرايين التاجية بنجاح.

النجاح الحقيقي مش بيتقاس بس بخروج العملية بشكل ممتاز…
النجاح الحقيقي لما الخوف يتحول لراحة، والقلق يتحول لاطمئنان، والتعب يبقى بداية لحياة جديدة.

لأن شغلنا مش مجرد جراحة… شغلنا مسؤولية كبيرة، وثقة غالية، ورسالة لازم نكون قدّها.

ربنا يديم الصحة على الجميع.

26/04/2026

القصة اللي هحكيها دي مش مجرد حالة طبية.. دي حكاية أمل وتحدي حقيقي.

شاب عنده 33 سنة، كان عامل قبل كدة عملية تغيير صمام أورطي، ورجع لنا بتحدي أصعب وهو "تمدد في الشريان الأورطي الصاعد".

عمليات الإعادة (المرتجع) في الشريان الأورطي الصاعد بتعتبر من أدق وأخطر الجراحات، ونسب نجاحها عالمياً قليلة جداً، وده اللي خلى أماكن كتير تعتذر عن الحالة لصعوبتها.

لكن بفضل الله، وتوفيقه، قدرنا نجري الجراحة بنجاح وننقذ حياة الشاب.الأجمل من نجاح العملية هو الرابط الإنساني اللي بيتكون بيننا وبين أهل المريض.. لأن دور الجراح مش بيقف عند غرفة العمليات، دورنا الحقيقي نكون سند وثقة وأمل ليهم في أصعب اللحظات.

ربنا يديم الصحة على الجميع.

25/04/2026

كل عام وانتم بخير❤️🇪🇬

22/04/2026

تشرفت بحضوري وتكريمي ضمن فعاليات حفل صُنّاع الأمل الذي نظمته هيئة الأمم المتحدة للتدريب والإعلام، وسط كوكبة مميزة من الشخصيات المؤثرة وصنّاع التغيير.

حضور مشرف وقوي، ضم نخبة من القيادات والشخصيات العامة، مع مشاركة مميزة لوفود وشخصيات من المملكة العربية السعودية، إلى جانب عدد من الوزراء المصريين السابقين.

وزاد الحفل شرفًا بحضور معالي وزيرة الثقافة الدكتورة جيهان زكي، في أجواء مليئة بالإيجابية والإلهام.

فخور إني أكون جزء من مجتمع بيؤمن إن الأمل فعل… ورسالة… ومسؤولية

22/04/2026

مش كل مريض قلب يناسبه نفس القرار... ومش كل حالة شرايين ينفع نتعامل معاها بنفس الطريقة.

جراحة القلب النابض من التقنيات المهمة في حالات جراحات الشرايين التاجية، لكن الأهم من اسم التقنية نفسها هو اختيار الحالة المناسبة، والتوقيت المناسب، والقرار المناسب.

لأن في جراحات القلب، النجاح الحقيقي ما بيبدأش داخل غرفة العمليات فقط... النجاح بيبدأ من تقييم دقيق، وفهم كامل لطبيعة الحالة، وخطة علاج آمنة ومدروسة.

هدفنا دائمًا مش مجرد إجراء جراحي ناجح، لكن كمان إن المريض يدخل رحلته العلاجية مطمئن، ويخرج منها بأفضل نتيجة ممكنة.

21/04/2026

“مريض شاب من السودان… رحلة علاج بدأت بخوف كبير وانتهت بصداقة حقيقية ❤️
تم إجراء عملية استبدال الصمام الميترالي بنجاح، والحمد لله بعد 6-7 شهور حالته ممتازة 👌
أجمل حاجة في الموضوع مش بس نجاح العملية… لكن إن لحد النهاردة بيطمني عليه من السودان وبقينا أصحاب 🙏

الطب مش مجرد جراحة… الطب رسالة، وإنك تسيب أثر طيب في حياة مريضك هو ده النجاح الحقيقي
#السودان

20/04/2026

شرف كبير ليا رئيس القطاع الصحي واللجنة الطبية في الاتحاد الافروآسيوي Afro-Asian Union for Tourism, Crafts, Research, & ECommerce - AFASU
ألف مبروك دكتور محمد شقوير والمؤسسة المؤسسة العلاجية هيئة اقتصادية عامة
تحيا مصر 🇪🇬

أكد الدكتور محمد توفيق، رئيس اللجنة الطبية بالاتحاد الأفروآسيوي، أن المؤسسات العلاجية في مصر حققت طفرة كبيرة في تقديم الخدمات الصحية. وجاء ذلك على هامش حفل تكريم ال...

18/04/2026

تحياتي الكبيرة لأهل الصعيد الكرام ❤️
وتحية خاصة لأهل المنيا 💙

حالة كانت من أصعب الحالات… مريض بيعاني من ضعف شديد في عضلة القلب وانسداد معقد جداً في الشرايين التاجية، وكان فقد الأمل بعد رحلة طويلة من التعب.

بفضل الله، قدرنا نتدخل ونجري عملية توصيل الشرايين التاجية بتقنية القلب النابض، والحمد لله العملية تمت بنجاح 🙏

لكن النجاح الحقيقي مش بس في العملية…
النجاح في الثقة الكبيرة اللي المريض وأسرته حطوها فيّ بعد ربنا، وفي الفريق اللي اشتغل بكل إخلاص عشان نرجّع الأمل من جديد.

الحمد لله دائماً وأبداً
#المنيا

17/04/2026

️
الأبطال الحقيقيين مش إحنا… الأبطال هما الأطفال دول 👏

الصورة دي كانت من ضمن فعاليات الاحتفال بصُنّاع الأمل من قبل منظمة الأمم المتحدة للتدريب والإعلام، وكان شرف كبير إني أكون جزء من حدث ملهم زي ده 🌍

فرحتهم وحماسهم إنهم يتصوروا معايا كانت لحظة جميلة جدًا، بس الأجمل منها إني شايف فيهم قوة وإرادة تستاهل كل تقدير وتكريم.

الطب مش بس علاج… الطب كمان رسالة، إنك تكون قدوة، أمل، وكلمة طيبة ممكن تفرق في حياة حد صغير بيبصلك كأنه شايف حلمه قدامه.

مبسوط جدًا إني كنت جزء من اللحظة دي، ومؤمن إن الجيل ده هو اللي هيكمل ويصنع الفرق الحقيقيAfro-Asian Union for Tourism, Crafts, Research, & ECommerce - AFASUAhmed Rafat@topfansMazen ElshazleyHoweida Jamalellail
#مصر

14/04/2026

لقاء جميل مع الإعلامي المحترم أحمد رأفت في تكريم صُنّاع الأمل 🤍

اللي شدّني فعلًا بعد ما اتكلمنا، إني حسّيت قد إيه في تشابه كبير رغم اختلاف الطريق…
هو بينزل الشارع يسمع الناس ويحس بيهم،
وأنا بشوف مرضاي كل يوم وبحاول أكون قريب منهم قبل أي تدخل أو قرار.

في الآخر… الرسالة واحدة:
إنك تكون إنسان قبل أي لقب.

ربنا يقدر كل واحد فينا يكمّل في طريقه ويكون سبب في فرق حقيقي في حياة الناس
Ahmed Rafat مذيع الشارع جبر الخواطر

13/04/2026

دكتور محمد توفيق زقزوق يهنئكم بحلول شم النسيم

كل عام وانتم بخير❤️
شم نسيم سعيد🌟

12/04/2026

الحمد لله على نعمة التكريم 🙏

سعيد جدًا وفخور إني تم تكريمي بجائزة صانع الأمل من منظمة الأمم المتحدة للتدريب والإعلام، لكن الحقيقة…
أكتر حاجة لمست قلبي مش الجائزة نفسها،
لكن الحضور الدولي الكبير، والحضور السعودي المشرف 🇸🇦❤️

وفخور جدًا ببلدي 🇪🇬 إنها كانت على قدر الحدث، واستضافت فعالية عالمية بالحجم ده بشكل يليق باسم مصر وتاريخها 👏

والأهم من ده كله…
إني كنت وسط كوكبة حقيقية من صناع الأمل بجد 💫
ناس بتتحدى المستحيل كل يوم…
فيهم اللي بيرسم ببوقه ورجليه،
وفيهم اللي رغم إعاقته قدر يرفع أثقال ويكسر كل الحدود 💪

بصراحة… وأنا واقف وسطهم، حسيت إني أقل واحد فيهم…
وده شرف كبير ليا قبل ما يكون تكريم 🙏

التكريم الحقيقي إننا نفضل نحاول… ونسيب أثر طيب في حياة الناس
Afro-Asian Union for Tourism, Crafts, Research, & ECommerce - AFASU #قلب #مصر