سما لاب للتحاليل الطبيه

25/07/2025

24/07/2025

زميل عزيز عليا كان بيشتكي من تقل في التبول والم أثناء التبول
فورا طلبت منه تحليل بول كامل
وبالفعل دا كان شكل عينة البول تحت الميكروسكوب
اتضح أن العينه مليانه صديد 😭😭
دا شكل الصديد تحت الميكروسكوب
طيب يعني ايه صديد
الصديد دا عبارة عن خلايا دم بيضا
هتقولي ازاي خلايا دم ونزلت في البول ؟
ممتاااااااز
وهو دا حل اللغز
دي خلايا مناعية ماشيه في الدم
شافت حاجه غريبة في المسالك البولية فقررت تروح هناك
عشان كدا الصديد بيقولنا أن في التهاب في المسالك البولية
سواء مسالك بولية علوية زي الكلى والحالبين
او مسالك بولية سفلية زي المثانة وقناة مجرى البول
ولما بنلاقي فيه صديد يفضل وبشدة نعمل تحليل اسمه مزرعه وحساسية
يبقى نزول الصديد في البول أحد علامات وجود التهاب بالمسالك البولية
وعشان الالتهاب دا ممكن يكون بسبب
عدوى أو بسبب غير عدوى
بسبب عدوى زي
- عدوى بكتيرية
- عدوى فيروسية
- عدوى فطرية
- عدوى طفيلية
او بسبب غير عدوى زي
- حصوات
- املاح
- التهاب بروستاتا
- أورام
- غيرها كتير
والفيصل هنا واللي هيقرب التشخيص هو اختبار المزرعة والحساسية
اسأل الله أن يمتعكم بالصحة والعافية وراحة البال
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
احمد عيطه
استشاري التحاليل الطبية

13/07/2025

معلومه مش مهمه
في الحر الشديد في فئات معينة لازم تشرب مياه وسوائل أكتر من غيرها …..
_ الناس اللي طبيعتها بتعرق زيادة عن غيرها
في ناس الغدد العرقية عندهم نشيطة اكتر من غيرهم وطبيعتهم بيعرقوا بغزارة
الناس دي بتفقد مع العرق أملاح ومعادن من الجسم وبيحصل عندهم نقص في فيتامينات مهمة وبالتالي سهل يحسوا بهبوط مع ارتفاع درجة الحرارة

_الناس اللي بتشتغل طول النهار تحت الشمس
طبعا لازم يعوضوا سخونة الجسم وفقد العرق بمياه كتيرة طول فترة الشغل

_الناس اللي طبيعة عملهم بتستدعي الوقوف فترات طويلة او الجلوس فترات طويلة لازم يشربوا مياه وسوائل تساعد الدورة الدموية

_الناس اللي اتعرضت لجلطة قبل كدة أو في تاريخ للجلطات في العائلة. زي أم أو اب أو خالة أو عم ….
الناس دي بتكون عرضة لتكوين جلطات مع تعرض الجسم للحرارة وزيادة لزوجة الدم بسبب فقد السوائل .

_الحوامل :بيكون عندهم لزوجة في الدم نظرا للتغيرات المطلوبة في الحمل
وبالتالي شرب السوائل لتقليل لزوجة الدم مهم بالنسبة لهم جدا جدا جدا .

_الناس اللي عندهم سكر بيتكون عندهم حاجة اسمها اسيتون في الدم لو زاد بتعرض الجسم لمشكلة كبيرة وضروري يزودوا كمية السوائل في الجسم مع ارتفاع درجة الحرارة .

_أصحاب الوزن الزائد أيضا معرضين للجلطات مع الحر الشديد والعرق وشرب المياه بالنسبة لهم مهم جدا جدا .

_طبعا الناس اللي بتنزل جيم أو بتمارس رياضة أكيد مش محتاجين نصيحة بخصوص شرب المياه …
🫗🫗🫗🫗🫗🫗🫗🫗🫗🫗🫗🫗🫗🫗🫗🫗🫗🫗🫗🫗
دمتم بصحة وعافية .

احمد عيطه
استشاري التحاليل الطبية

08/05/2025

جرثومة المعدة مش مجرد "موجودة أو مش موجودة"… مهم نعرف "قد إيه موجودة"

مع دخول موسم الصيف وارتفاع حالات اضطرابات المعدة، بيزيد الإقبال على تحاليل جرثومة المعدة (H. Pylori). وهنا بييجي الفرق الحقيقي بين التحليل التقليدي القديم (qualitative) والتحليل الرقمي (quantitative).

التحليل الرقمي مش بس بيقول إذا كانت الجرثومة موجودة أو لا
لكن بيحدد كمان نسبة تواجدها بدقة، وده بيساعد الطبيب في:

- تقييم الحالة بدقة
- متابعة الاستجابة للعلاج
- اتخاذ قرار استمرار أو تعديل العلاج
- تشخيص أدق بالحسابات مش بالتقدير

عشان كدا
وفرنا في معمل سما لاب للتحاليل الطبيه بتفتيش السرو تحليل جرثومة المعده الرقمي بأحدث وادق الاجهزه الخاصة بالتحليل ده عشان يكون القرار الطبي مبني على أرقام حقيقية تخدم صحتك
لما تطلب تحليل جرثومة المعدة، اسأل المعمل:
هل التحليل رقمي؟ ولا بس بيقول "موجب أو سالب"؟
صحتك تستحق دقة أعلى.

استثمر في الدقة
استثمر في الثقة
اطمن ... نحن نهتم بك
معمل سما لاب للتحاليل الطبيه
تفتيش السرو
شارع السوق الجديد
مقابل موقف الجماليه
خلف معمل شطا
☎️ 011 25233321

04/04/2025

دائما نحاول أن نسعى لتحقيق التميز
دلوقتي تقدر تعمل تحليل الحمل الرقمي وجرثومة المعده الرقمي من غير انتظار كتير ودقة عالية وسعر على قد الإيد
لأن احنا عاملين عليهم خصم بمناسبة التركيب الجديد
مفيش انتظار تاني
هتاخد تحليل الحمل الرقمي وجرثومة المعدة الرقمي في نفس اليوم
ومش بس كده ده بخصم ٢٠٪؜
مستنيين ايه … نتمنى لكم السلامة
🟣🟣🟢🟢🟠🟠⚫️⚫️🔴🔴
سما لاب للتحاليل الطبيه
اطمن نحن نهتم بك
المعمل : اسكندريه الجديده - شارع السوق الجديد - مقابل موقف الجماليه
☎️011 25233321

11/02/2025

علاج للقبول اللارادي عند الاطفال

10/01/2025

اللهم آمين يارب العالمين

10/01/2025

السلام عليكم ورحمة الله وبركاته
خد بالك
الإفراط في المكملات الغذائيه زي الحديد والكالسيوم والزنك .. الخ الخ مش بيبقى كويس خالص 🥺🥺
عندك مثلا الجرعات العشوائية من مكمل الزنك بدون استشارة طبيب ممكن تضر اكتر ما تنفع و تقلل من وجود معادن مهمة في جسمك مما يؤدي لظهور أعراض سلبية زي التنميل و العصبية و عشان كدا بننصح دايما انك لازم تستشير الطبيب المختص او الصيدلي الماهر علشان صحتك تكون في امان .
متعكم الله بالصحة والعافية وراحة البال
🌳🌳🌳🌳

19/09/2024

الوصايا الخمس ومضاعفاتها لمرضي السكر :
١/ اهم حاجة لنجاح العلاج ومنع المضاعفات هو السيطرة علي مستوي الجلوكوز بالدم طوال الوقت .😭😭😭
٢/ التعامل بجدية مع اي ارتفاع في ضغط الدم . 😧😧
٣/ لازم تستخدم الادويه اللي بتقلل تأثير السكر علي الكليتين ودي بتتحدد بواسطة الطبيب تبعا للحاله المرضية . 😉😉
٤/ الإقلال قدر الإمكان من تناول البروتينات الحيوانية خاصة اذا ظهر زُلال في البول او حصل زيادة في نسبة الكرياتنين .
٥/ عمل فحص قاع عين بصفة دورية كل ٦ شهور او سنة بالكتير . 👀
٦/ عمل وظائف كلي وتحليل بول للبحث عن زُلال للتأكد من سلامة الكلى 🥺🥺
٧/ عدم ارتداء احذية ضيقة او السير عاري القدمين . 🤫🤫
٨/ فحص القدمين بصفة دورية لاكتشاف الخدوش او اي تغيير في لون الجلد . 🧐🧐
٩/ اتعامل مع مرض السكر أنة صديق وتتعايش معاه باحترام لمنع مضاعفاته الخطيرة . 💙💙
١٠/ مافيش أعراض ثابته للسكر وغالبا بيتم اكتشافة بالصدفة . 💜💜😭😭
١١/ الكشف المبكر عن مرض السكر مهم جدا .
١٢/ تغيير نمط الحياة وسلوكيات التغذية هم عنصر لنجاح العلاج . 🌹🌹
١٣/ مافيش حاجة اسمها علاج موحد او نظام تغذية موحد لمرضي السكر كل مريض مختلف عن التاني . ☺️☺️
١٤/ الرياضة الرياضة الرياضة . 🙅‍♂️🙅‍♂️🙅‍♂️
١٥/ ممنوع التدخين ممنوع التدخين ممنوع التدخين . 🥱🥱

=====================
مع سما لاب 🤝🤝 اطمن نحن نهتم بك
🏥 احمد حسن عيطه
👈 استشاري التحاليل الطبيه 💦💦 جامعة المنصوره
المعمل / تفتيش السرو - شارع السوق الجديد - عمارة الحاج حماده عيطه
011 25233321
=====================