Dr. Fatma Hegazy

20/09/2024

سالت واحدة كبيرة في السن ايه اصعب حاجة بتعمليها في المطبخ
تخيلت هتقولي محشي .. ديك.. رقاق 😋😋
لكن الحقيقة فاجئتني باجابتها
قالتلي ؛ " اصعب حاجة في المطبخ هو فنجان القهوه !!!
لاني لازم اعمله علي عين هادية خالص ،
ما انا لو عليت النار هيغلي،
ولو شيلت عيني من عليه لحظة ولا غفلت عنه ،
يفور ويغضب ويبهدل الدنيا !!"

اولادنا زي فنجان القهوه بالظبط
وعين البوتاجاز هي التربية
طول ما انت بتربي ولادك ، وبتعلمهم
ماتعليش النار، بلاش الضرب والعقاب المبالغ فيه
واوعي ترفع عينك من عليهم
اوعي تفتكر ان الاهمال والتجاهل هيعلمه الصح

بالعكس
عاقب بس افضل حنين
اغضب بس ماتخاصمش
قوله بحبك … بس ما حبتش تصرفك
فخور بيك …. لكن خجلان من فعلك
لسانك حلو … لكن اللفظ اللي قولته مش مناسب
انا قابلك … لكن رافض اسلوبك في الكلام معايا

واوعي تعلي نار التربية عليه ليغلي منك
او عينك تعفل عنه ليفور ويبهدل الدنيا 😉

10/09/2024

‏اللاءات الخمس من أجل بناء شخصية سوية لطفلك :

-لا تحقق كل رغباته .
-لا تحل له كل مشكلاته .
-لا تتحمل عنه أعباء مسؤولياته.
-لا تتسمح له بمخالفة قولنين البيت.
-لا تحقر شخصيته أو تعنفها أو تسخر منها.

07/09/2024

ونحن على أعتاب سنة دراسية جديدة وأغلب الدول هتلتزم بنزول الطلاب المدارس وتقليل الدراسة اونلاين وفي ظل سنتين من عزلة الأطفال في البيت وتردد الكثير من الأمهات على المتخصصين النفسيين بسبب مشاكل الانطوائية والانسحاب الاجتماعي والخجل الملازم للأطفال في هذه الفترة 😣
ياريت لو كل أم توصي ابنها/بنتها يقرب ويتصاحب على الأطفال الوحيدة المنسحبة حتى لو هيقعدوا جنبهم من غير ما يتكلموا بس بلاش يتنمروا عليهم أو يبعدوا عنهم متعمدين لأن المشكلة بتزيد معاهم وبتأثر عليهم نفسياً أكتر وأكتر ✋
اشعروا الأطفال بجزء من مسئولية الاعتناء بالآخرين ومحاولة مساعدتهم 👇
📌 أولاً هيكسبهم ثقة بالنفس عالية.
📌هيحسوا أنهم أشخاص ليهم فائدة ومتعاونين.
📌ثالثاً تعديل سلوك مزدوج للطفل المنعزل ليخرجه للاجتماعية وللطفل المتعاون المسئول صاحب بعض السلوكيات السلبية كل الأنانية وبداية ظهور التنمر والكسل والاعتمادية والعدوانية

28/04/2024

صح جدا دى مشاعر احلى واجمل من المذاكرة متخسريهاش

محتاجة اسمع رأيكم الأول
وبعدها هتكلم في الموضوع اكتر 👌🏻

21/09/2023

المهمه رقم"2"
صباح الخير يا ماما
البيت ياماما لازم تعملى فيه تغييرات علشان يبقى مناسب ليه ولاحتياجاتى
ممكن تغيرى إماكن الحاجات
ممكن تخبى حاجات جوه الدواليب
وتقفلى ابواب
وتستغنى عن بعض الحاجات اللى موجوده فى كل البيوت
شكل البيت ممكن يبقى مش زى ما كنتى تتمنى لبيتك
وممكن الناس لما تيجى تزورنا تعلق على كده وانت تزعلى
لكن يا ماما ده ضرورى علشان انا اتعلم
وعلشان افضل فى امان ماتحصليش حاجه خطر
وعلشان المشاكل اللى ممكن اعملها تقل
وانت اجهادك يقل
ما تبقيش مضطره كل شويه ترتبى حاجات وتصلحى حاجات
اوعدك يا ماما أن بكره انا هاكبر
واكون اتعلمت ازاى اتحرك فى البيت واحافظ عليه
وازاى ما اعملش فوضى
وايه المسموح ليه اعمله وايه مش مسموح
انت هاتعلمينى كل ده يا ماما
بس لازم فتره تختفى الحاجات اللى ممكن العب بيها وافسدها
لحد ما اتعود أنها ممنوعه
ولما تبداى ترجعيها بعد ما اكون اتعلمت تنفيذ الأوامر وبقيت بافهم كلامك
اسمحيلى المسها
وفهمينى اتصرف ازاى
انا بس عاوز استكشفها وهاسيبها من غير ما اكسرها
وقت ما اتعلم كل ده خليكى قريبه منى معظم الوقت
علشان تتدخلى. بالتوجيه
تمنعى فى أوقات
وتشجعينى وتعززينى فى اوقات اكتر بكتير
وبالصبر من غير ماتصرخى فى وشى
أو تضربينى هاتعلم كل اللى انت عاوزاه
وبكره نرجع نفرش بيتنا بكل الحاجات اللى كان نفسك فيها ويبقى البيت جميل زى ما بتحبى
وعد منى يا ماما
انا باحبك جدا

17/09/2023

💊 صيدلية التربية

💊 إذا رأيت ابنك يبكي فلا تضيع وقتك بإسكاته. أشر إلى حمامة أو غيمة بالسماء لينظر إليها وسيسكت، لأن فسيولوجية الانسان بالبكاء هي بالنظر للأسفل.

💊 إذا أردت الأبناءأن ينهوا اللعب فلا تقل لهم انتهوا الان، بل قل بقي خمس دقائق، ثم عد إليهم وقل بقيت دقيقتين ثم قل الان وسينهون

💊 إن كنت أمام مجموعة من الأطفال في مكان فيه ضوضاء عالية وأردت لفت انتباههم قل:"الذي يسمعني يرفع يده" الأول سيرفع ثم الثاني وتنتقل كالعدوى وسيصمت الجميع.

💊 قل لأبنائك
ناموا حتى نصحى لصلاة الفجر وسيكون همهم دائماً للآخرة ولا تقل ناموا غداً مدرسة حتى لا يصبحوا و همهم الدنيا .

💊 تمتع بأبنائك وهم صغار فسوف تمر الأيام بسرعة ولن يبقى لك من براءتهم وطفولتهم إلا مجرد ذكريات لاعبهم اضحك معهم مازحهم اخرج معهم ؛ كن كالطفل بينهم واجعل التعليم والأدب مع اللهو واللعب .

💊 اترك الجوال قليلا لو سمحت ، واغلق التلفاز أيضا لو تكرمت ، واعتذر من الأصدقاء لو تفضلت .
إني مشغول بأطفالي أيها الأحبة .
وكل هذا لا يعني سقوط الهيبة وضياع الشخصية وترك التأديب فالعاقل يعرف گيّــِْـفٍ يوازن الأمور ويتقن التربية .

💊 وعليك بالدعاء وطلب التوفيق من الله فهم سندك برحمة الله في الدنيا وقرة عينك بالآخرة

💊💊💊💊

💊 أمراض وأدويه

💊 طفلك يكذب ؟
الحل :
اعطه الامان ، فالطفل لا يكذب إلا إذا كان خائف وتحت ضغط التهديد ، أشعره بالأمان ثم عزز لديه قيمة الصدق .

💊 طفلك عنيد ؟
الحل :
لا تعانده اثناء عناده فهو يطبق ما يرى ! امنحه مزيدا من الحب والحضن .

💊 طفلك كثير الحركة ؟
الحل :
أشغله بأنشطة حركية ، وليخفف من تناول الشوكلاته لانها تزيد من حيويته ، أعطه مسؤوليات .

💊 طفلك لا يأكل جيدا ؟
الحل :
لا تغصبه أبدا ، حول تناوله للطعام إلى لعبة او منافسة ، زيّن له الطعام بالفواكه الملونة

💊 طفلك يضرب اخوانه الصغار ؟
الحل :
لا تقارنه باخوانه الأصغر ، وليكن حبك لهم بالعدل ولا تظهر ميلان قلبك لاحد منهم على الآخر .

💊 طفلك مدمن الالعاب الالكترونية؟
الحل :
تدرج معه حتى يقلل من ساعات اللعب ولا تحرمه فجأة فيقبل عليها بشغف اكثر من قبل .

💊 طفلك يتلفظ بألفاظ بذيئة ؟
الحل :
لا تصرخ عليه بل نبّه باللين وأخبره بأن نظافة اللسان من نظافة القلب وحاول معرفة المصدر .

💊 طفلك لا يصلي ؟
الحل :
نحبّبه في الله ، نشعره بأن كل النعم بما فيها النقود التي يشتري بها الالعاب والحلـِوى هي من الله .

💊 طفلك يمص اصبعه أو يقضم أظافره ؟
الحل :
طفلك يحتاج إلى الأمان فهو خائف من شيء ما يهدده او يشعر بدونية نتيجة مقارنته .

💊 طفلك سريع الغضب ؟
الحل :
لا تعره اهتماما ولا ترد عليه بغضب مماثل وعلمه أن يتوضأ إن غضب ، وقل له اهدأ ثم نتفاهم .

💊 ابنك ضعيف شخصية ؟
الحل :
امنحه ثقة ، واعطه مسؤوليات ، أعطه الأمان ، لا تشعره بضعف شخصيته، ادخله في أندية رياضيّة فلها أثر عجيب على النفس والجسم .

💊 طفلك ظهرت عليه علامات التالية :
عدم رغبة بالدراسة، صمت مفاجئ ، قضم اظافر ، خوف من الناس ، قد تكون بوادر اعتداء (انتبهوا )

💊 طفلك يتأتئ أثناء النطق؟
امدحه واكثر من تشجيعه ، لا تضحك على ما يقول واعرضه على أخصائي نطق لتدريبه على حسن النطق .

💊 طفلك لا يقبل يدك ولا رأسك ؟
الحل :
بادر أنت بذلك حتى يقلدك إلى أن يعتاد على ذلك

💊 ابنك سرق ؟
الحل:
لا تنعته بكلمة سارق
بل انصحه على انفراد ، دعه يرجع ما اخذه ، وابحث عن الأسباب التي ألجأته للسرقة وعالجها ، أشبع احتياجاته الماديّة والمعنويّة

💊 ابنك ظهرت عليه علامات البلوغ ؟
الحل:
علّمه آداب الطهارة وعزّز ثقته بنفسه ولا تسخر من شكله وصوته وبين له أنه أصبح مسؤلا عن سلوكه .

💊 طفلك لديه بوادر صعوبات تعلم ؟
الحل :
اعرضه على أخصائي موثوق لدى جهة معتمدة فورا لتدارك الصعوبة قبل أن تتضخم .

💊 ابنك بدأت تظهر عليه علامات الانوثة ؟
الحل :
قلل احتكاكه بالبنات بالتدرج ، اصحبه لمجالس الرجال ، ودرّبه على الخشونة المعتدلة .
وافعل العكس مع البنات إذا ظهرت عليها تصرّفات ذكوريّة .

💊 طفلك يعاند ويبكي أثناء استيقاظه؟
الحل :
امسح على رأسه بالهدوء وناده بأحب أسمائه واقرأ آية الكرسي بهدوء ، بدل الصراخ !

💊 طفلك بدأ يصرخ في محل الألعاب !؟
الحل :
في عينيه ، حاوره دون انفعال لا ترضخ لطلبه حتى لو سكت حتى لا يتعلم هذا الاسلوب .

💊 الإكثار من أسلوب :
إن نفذت كلامي فسوف أعطيك نقودا أو حلاوة يعلم الطفل أسلوب الانتهازية ومن بعدها الرشوة الخفية !

💊 من فضلك أرسل هذه النصائح لكل أب وأم فهي صيدلية تربوية رائعة .

💊💊💊💊

16/09/2023

🌹🌹🌹📢📢📢

ناس كتير سألوني
بتقولو يبطلو الموبايل والتلفزيون
طيب ادونا بدائل
ديه بداااائل ان شاءالله

التليفزيون و التاب و الموبيل و الكمبيوتر كلها حاجات ليها وقت محدد مسموح بيها علشان متضرش الطفل الوقت المسموح هو ساعتين في الأسبوع و من بعد 8 سنين ممكن ساعة في اليوم لكل أم تخطت الوقت ده بمراحل و ولادها بيقضوا ساعات من يومهم قدام الكرتون بغض النظر هو كويس ولا لأ حتي لو مقعداه قدام قناه تعليمية للأطفال و الكلام ينطبق علي قناة براعم اللي للأسف الشديد امهات كتير مضايقة انها بقت بأشتراك و أطفال كتير متأثرة نفسيا كأن حاجة مهمة أوي في حياتهم اختفت مش مجرد قناه ,لو تجاوزتي الوقت المسموح أي كان المحتوي ده سبب كافي ان طفلك سلوكه يسوء و تركيزه يقل علي جميع المستوايات طيب اصل هما بيزهقوا العب معاهم ايه ؟ طب هلهيهم في ايه لحد ما اخلص اللي ورايا؟ دي افكار تساعدك :
*اختاري اللي يناسب سن و شخصية طفلك و ممكن تاخدي الفكرة تطوريها او تبسطيها حسب سنه
1-مشاركة في تنظيف أو ترتيب البيت
2-احكوا حدوتة
3-اعملوا مسرح عرايس و خليهم هما يعملولك القصة و انت اتفرجي
4-الواح ورق كبيرة عالحيطة و يرسموا بخامات مختلفة الوان خشب,فرشة و الوان مياه,الوان اصابع ,لوح سودا و يرسموا بالطباشير مش كراسة رسم و علبة الوان و اقلب :D , و ممنوع كراريس التلوين الللي فيها رسومات جاهزة مطبوعة و هو يلون لأنها من معوقات الإبداع
5-العاب مطبوعة يحلوها زي الاختلافات و المتاهة و انهم يدوروا علي حاجات في مشهد
6-تتفرجوا علي فيلم قصير او كرتون عن قيمه معينه و تتناقشوا فيها
7-تتفرجوا علي اي مشهد من فيديو و بعدين تسألوا بعض فيه مثلا كانوا في مكان شكله ايه ؟لبسهم؟عددهم؟
8-بازل فيه من اول ال 4 قطع لحد ال 300 قطعة و اكتر
9-اي مكعبات مبتتجابش و نرميها للطفل و خلاص و بعدين نقول محبهاش لأ لازم نطور فيها مره نعملها عربية و نركب فيها لعبة تانية مره نعمل بيت علشان نمثل بيه حاجة تانية ,مره نعمل حيطة صغيرة علشان نداري ايدنا وراها في مسرح العرايس اتفقوا علي فكرة و سيبيه ينطلق فيها
10-تقليد اصوات كل واحد يقلد صوت حيوان او حاجة و الباقي يخمنوا
11- عروستي :دي ممكن تلعبيها مع ولادك و انت في المطبخ يقعدوا عالباب و تلعبوا اي حاجة موجودة في الشقة حد يوصفها و الباقي يخمنوا مثلا عروستي ؟ حاجة حمرا ,عروستي ؟ بتتاكل ,عروستي؟ بتتقطع عالسلطة (طماطم)
12- بدل ما نتعلم الحروف و الارقام عالورق نجيب طبق مليان رمل او ملح و الطفل يكتب بصباعه بعدين تلخبطوه و تكتبوا غيره و ممكن لوحده يعقد يرسم بنفس الطريقة
13-فصل الحاجات : مكرونة و عدس و طبقين و الطفل يفصل كل حاجة في طبق ممكن لو سنه صغير نخليه يفصل حاجات اكبر و اسهل و ممكن نطبق نفس اللعبة في فصل الالوان يعني يفصل كل الاحمر لوحدة و الابيض لوحد و ممكن نلعبها في سبت الغسيل يفصل لبس ماما عن بابا عن لبسه يعني كل لعبه مرنة و تنفع لأي سن ^_^
14-نعمل صلصال منزلي (كوب دقيق+نص كوب ملح+معلقة زيت+الوان طعام ) و نعجنها بمايه لحد ما تظبط و نخلي الطفل يعجنها بنفسه ,ممكن تقعد لأسبوع في التلاجة في كيس
15-أي حاجة يدوية شوية خامات الطفل يطلع منها حاجة
16-سينما : تضلموا الغرفة و تعملوا فشار و عصير و يبقي حد مهمته يحط الفشار في اكياس و حد يوزع تيكت و حد يظبط المكان و تتفرجوا علي اي فيديو حتي لو ربع ساعة ممكن مره عن الحيوانات مره طيور مره اسماك بلاش مش لازم كرتون
17-مخييم في الصالة :D مره في الاسبوع في الشهر اي كان المناسب تطلعوا مرتبة بره و تناموا كلكوا جمب بعض ده مفيد جدا للأطفال اللي لسه بتتعلم تنام لوحده بيبقي حافز حلو ليهم اننا كل فترة هنام كلنا سوا شرطها تكون بره مش في غرفة الاب و الام علشان الطفل ميرتبطش بالغرفة و يروحلها كل يوم
18-خيمة : كرسيين و فوقهم كوفرته او اي خيمة بشكل بسيط الطفل يتعلم يعملها و يعقد فيها يلعب اللي يحبه ,بيفرحوا بيها جدا :D
19-تمثيل : حد يمثل تعبير بالوجه و التاني يقول معناه (زعلان-فرحان) ممكن حد يمثل وظيفة ...
20- لعبة المطعم نعمل في يوم منيو و حد يبقي طباخ و حد جرسون و كده او اوبن بوفيه و نتعلم من خلالها اداب الطعام بشكل مبسط
21-هيحصل ايه ؟ نطرح سؤال افتراضي و كل واحد يجاوب زي هيحصل ايه لو السماء مطرت رز بلبن :D ؟ ممكن نبسط السؤال ,هيحصل ايه لو صحينا لقينا في البيت قطة ؟ ... طبعا لو ابنك بيترعب من القطط ده مش سؤال مناسب :D
22-سوق الخضار و الفاكهة :الأم تعمل بياعة في السوق و الأطفال يشتروا و يغسلوا و ياكلوا اللي اشتروه ^_^ و لازم تبقي متقنة يعني كل ما الام تتقمص اللعبة هتحلو
23-نعمل كيك او كب كيك و نحط اطباق كريمة,فواكه ,بسكوت ..و كل واحد يزوق حته (نبعد عن عجينه السكر لأن سكرها عالي و اي سكريات كتير بتهيبر الطفل)
24-الميك معاك : نجيب ميكروفون بيتباع ب 15 جنية و نركبه في السماعات و كل واحد يبقي ليه فقرة يطلع بقي يغني ,يحكي حدوتة ...فقرتك كأم ممكن تحمل رسالة غير مباشره عن اللي تحبيه
25-كمل الحدوتة : حد يبدأ مثلا كان مره واحد ماشي و فجأة ...التاني يكمل و لو الطفل مش عارف يتخيل ممكن اسيبله النهاية بس يعني كان فيه مره ولد قلمه ضاع فخد من مصروفه و راح المكتبة .... و الطفل يكمل
26-اجتماع عائلي : مره في الاسبوع تجتمعوا و كل واحد يقول اكله ليوم في الاسبوع الجي و تعملوا منيو الاسبوع فطار غدا عشا مكتوب و متعلق ده مهم جداااا في تعليم الطفل النظام و للأطفال اللي بتصحي ماما هفطر سندوتش جبنه بعدين تعمليه يقولك لأ بيض و ينتهي الموضوع بخناق لكن مع وجود الجدول هيقولك لأ بيض هتقوليله حاضر يا حبيبي هكتبها في منيو الاسبوع الجي و بس و بتعلمهم الإيثار بمعني بابا مختار في يوم ملوخية و فراخ و سلطة و رز جه اليوم ده و ابنك مش بيحب الملوخية بياكل سلطة و فراخ و رز بس مش بتعمليله اكل مخصوص و ده ينطبق علي باقي الايام لو الاب مبيحبش حاجة الطفل مختارها برضه هياكل باقي الموجود و ميتعملوش مخصوص ...
27-عكس الادوار : لمدة ساعة مثلا ابنك ياخد دور الام و انت تاخدي دوره و تعكسوا المهام انت ترتبي اوضته و هو يوضب حاجة في البيت من مهامك مثلا ,اللعبة دي بتبينلك ابنك شايفك ازاي و شرطها متنتقديهوش في اللعبة خالص لأن ممكن تلاقيه لما خد دورك بدأ يزعق و يحط ايده في وسطه فأكيد انت بتعملي كده :D
29-مكالمة : تخليه يكلم حد من قرايبكوا يسأل عليه
30-قولي ميزه : كل واحد يقول ايجابية في غيره بتبقي حلوة جدا و بتعرفي ابنك بيحب فيكي ايه
31-طبقين واحد فاضي و التاني في سفنجه و مياه و الطفل ياخد السفنجة يعصرها في الطبق الفاضي لحد ما ينقل كل المياة من ده لده
32-اضربني و انا اصد :D بتعلم الطفل يدافع عن نفسه تعملي كأنك بتضربيه و هو يمسك ايدك و يبصلك جامد و يقولك مبحبش حد يضربني مثلا تعضيه و تعلميه انه يسد مناخيرك و يسيب اول ما تفتحي بقك و كده
تفتكروا لو طفل عملناله كل التجارب و الاعاب دي في شهر يعني كل يوم فكرة واحدة هيطلع زي الطفل اللي بقاله شهر معظم يومه قدام كرتون ؟!
باقي المواضيع هتلاقوها في

02/09/2023

اعطي لطفلك فرصته حتى لو فشل يكفى شرف المحاولة

02/09/2023

02/09/2023

اه والله فيه اختراع اسمه كلام 😂

أه والله فيه بوق جواه لسان بيحركهم عقل وقلب….مساء الأمومة الهادئة