https://www.facebook.com/123214747550688/

Shimaa srour -شيماء سرور

Home
Egypt
Cairo
Shimaa srour -شيماء سرور

Contact information, map and directions, contact form, opening hours, services, ratings, photos, videos and announcements from Shimaa srour -شيماء سرور, Psychologist, Cairo.

أخصائى تأهيل نفسي بخبرة في التعامل مع الإضطرابات النفسية والسلوكية
عضو إتحاد المعالجين النفسين العرب.
مدربة لتقنية الحرية النفسية
درست تحليل الصدمات المؤدية للأمراض الجسدية
درست تحليل الحالة الشعورية عن طريق إختبار لوشر للألوان

31/12/2025

متنسوش نوايا السنه الجديدة 😍

23/12/2025

كل الصدمات اللى بنتعرض لها واحنا أطفال أقل من ٧ سنين بتتخزن فى اللاواعى بتاعنا وبناء عليه بتتشكل حياتنا طول عمرنا
حتى لو أتربينا مع أحسن أب وأم فى الدنيا
الصدمات بتكون رؤية طفل صغير شايف الدنيا بمشاعره بس
يعنى ممكن يتخلق عند طفل صدمة فقد ويفضل طول عمره حاسس إنه فاقد لمشاعر الحب والاهتمام من كل اللى حواليه لو بس وقت ما حب ماما تاخده فى حضنها وتطبطب عليه هى مكنتش فاضيه ومأخدش الاهتمام منها بالشكل اللى هو كان عاوزه .
وهكذا نوعيه المواقف اللى بتكون صدمات الطفوله .

تفضل الصدمه دى موجوده ومشاعرها بتتجدد كل شويه مع كل موقف كنت محتاج نفس الطبطبه دى وملقاهاش
وتتجدد المشاعر وكل مره احس الفقد تتخزن المشاعر فى الجسم وكل ما تتجدد المشاعر تتخزن اكتر فى خلايا الجسم وهكذا
لحد ما جسمك يبدا يعبر عن المشاعر الكتير المختزنه جواه بالالام
ما هو الألم لغة تعبير الجسم
وأوقات الجسم بيعبر بتوتر أو قلق أو panic attack
أو بنوبات غضب أو مخاوف ووساوس أو حتى غضب وسخط داخلى على البيئة المحيطة الاهل الأصدقاء بيئة العمل

يبقى ايه الحل
تسمع جسمك فى كل مره بيتألم ،عاوز يقولك ايه ؟
عاوز يعبر عن أيه ؟
تتعلم تفرغ مشاعرك ( تقنيات كتير ممكن تساعدك )
تعرف ايه الاسباب اللى عملت على تكوين المشاعر دى وتحلها .( تقنيات كتير نقدر نوصل بيها للأسباب )
تقف ثوانى وتقرر انك أولوية نفسك وصحتك الجسدية والنفسية نعمة تستاهل تحافظ عليها

لحجز الجلسات والاستشارات
واتس اب 01034222125
#صدمات

22/12/2025

رحلتك نحو الصحة النفسية تبدأ بخطوه …. أنا هنا لأكون داعماً لك فى كل خطوة 🥰

#صدمات

12/12/2025

صدمة القلة

وقت ما الطفل بيتعرض لصدمة بيحس فيها انه قليل
بيبقى قدامه قرار من اثنين
القرار الاول :
اما انه يتفاعل مع مشاعر القلة ويندمج معاها ويفضل حياته كلها حاسس انه اقل من اللى حواليه وانه صغير جدا وانه محتاج يعمل مجهود علشان الناس تقبله زى ما هو
وانه مهما عمل فى حياته بردو قليل .
القرار الثانى:
انه يقرر يرفض الشعور اللى حس بيه ويقول جوا نفسه لا قلة اية أنا احسن منكم كلكم ويتبنى سلوك الكبر
اه والله زى ما بقولك كده ( كبر )
ويتحول لطاووس ماشى نافش ريشه يظهر سلوكيات تعبر عن الكبر رافع مناخيره لفوق وبيقول يا ارض اتهدى ما عليكى ادى
ليه بقى بيعمل كده احسن الناس تشوف القله اللى هو رافضها

يتحول لشخص شايف نفسه احسن دايما من اللى حواليه
دايما بيتكلم بصيغه افضل ( احسن - اشطر -اجمل ) المهم يبقى فى حد اقل من القله اللى أنا حاسس بيها

لو انت احد الشخصيتين
محتاج تراجع نفسك وتشتغل على ادراكات القله وتحرر نفسك من المشاعر اللى اتكونت فى لحظه معينه فى حياتك وتنتبه لتصرفاتك
لان الاختبارات اللى هتتعرض لها وانت متبع سلوك الكبر
اختبارات كسر انف

راجع نفسك وربى نفسك قبل ما الدنيا تربيك بطريقتها

#صدمات

03/12/2025

امتى نستخدم تقنيه الحريه النفسيه
جزء من راوند ١

01/12/2025

أنوى استلام تدابير رب العالمين
لشهر ملئ بالفتح والوفرة والنور من رب العالمين
#نوايا

30/11/2025

ميعاد الورشه يوم الثلاثاء ٢ ديسمبر الساعه ١١ صباحا
اونلاين
الورشه هتكون مسجله وتقدرى تتابعيها اى عدد من المرات

هى ورشة علاجيه بالدرجة الاولى
تستخدم لعلاج وتحرير الاسباب الجذرية المسببه ل
-الأرق
-التوتر
- الغضب
-سرعة الانفعال
-الضغوطات اليومية
‏-نوبات الخوف والهلع
وغيرها كتير من المشاعر
تقنيه الحرية النفسية emotional freedom technique

27/11/2025

—-لو انت معالج نفسى أو لايف كوتش
وعاوز تتعلم تقنيه فعالة ومفيده لتحرير المشاعر وعلاج بعض الأمراض الجسدية تقدر تعلى من جودة جلستك .

—-لو انتى أم مضغوطه وعصبيه اغلب الوقت
___ لو انت طالب وضغط المذاكرة تعبك وعندك مشاكل مع التواصل
تقدر تتعلم معانا تقنيه الحريه النفسية
Emotional Freedom Technique

تستخدم لعلاج وتحرير الاسباب الجذرية المسببه ل
-الأرق
- القلق
-التوتر
- الغضب
-سرعة الانفعال
-الضغوطات اليومية
‏-panic attack
احلام اليقظه
التشتت وعدم التركيز
وغيرها كتير
احضر معانا الورشه اونلاين وتقدر تشوفها مسجله لاى عدد من
المرات

#الهروب

26/11/2025

ورشة علاجيه تستخدم لتحرير المشاعر وعلاج بعض الأمراض الجسدية بسهوله وفاعلية يمكن استخدامها بمفردها او ضمن خطة علاجيه

20/11/2025

فيلم in your dreams
فيلم كارتون ممتع للأطفال والكبار بيناقش فكره مهمه جدا
وهى فكره الهروب من الواقع عن طريق( الاحلام )
بنت صغيره عندها افكار كتير جدا ان اخوها لما جه الدنيا اخد اهتمام بابا وماما منها وده كون مشاعر رفض لوجوده
وفضلت طول الوقت زهقانه من اخوها وبتعامل بطريقه سخيفه وهو طفل بيلعب وبيتنطط طول الوقت
مضايقه من كركبته ومن العابه البايظه وصوته العالى وريحته الوحشه
سمعت باباها ومامتها بيتخانقوا وفهمت انهم ممكن ينفصلو وتتشتت بين بابا وماما وتتهدم الاسره السعيده اللى هى بتحبها
وهنا بدأت تهرب من الواقع للأحلام متخيله انها تقدر تغير الواقع عن طريق الاحلام
بس المفاجاه ان الحلم كان جميل ومنظم زياده عن اللزوم
وهى عايشه فى أحلامها عايشه اللى هى نفسها يتحقق فى الواقع بس من غير روح من غير حياه
بس وقت ما نرجع للواقع ونلاقيه مغاير للحلم يتولد سخط وغضب على الواقع اكتر واكتر ورفض اكتر واكتر للواقع والناس اللى موجودين فيه
لما فقدت اخوها فى الحلم عرفت اد ايه هى بتحبه لكن مكنتش عارفه تشوف كده فى الواقع من خلال عين الاعتراض اللى هى شيفاه بيها
الواقع ممكن يكون مؤلم ومش احسن حاجه نتمناها
لكن هو ده المكان الوحيد اللى احنا عايشين فيه
الماضى عدى وفات والمستقبل لسه مجاش
أنا لو مش عايش فى اللحظه الحاضره ( الواقع ) معناها انى مش عايش
حتى لو بحلم باحسن اماكن وفى حلمى بشوف احسن حاجه بس ده كله مجرد حلم ( وهم)

الحل فى انى أواجه الواقع واحاول اشتغل على نفسى لحد ما أتقبله وأصلحه وأجدد النوايا وأحرر المشاعر وأعدل الأفكار وأفك الصدمات المسببه للواقع ده
الهروب مش حل. الهروب انتحار بالبطئ
#الهروب

Address

Cairo

Website

facebook.com

Alerts

Be the first to know and let us send you an email when Shimaa srour -شيماء سرور posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Cairo?