Ihab Maged إيهاب ماجد

11/04/2026

مش كل مشكلة محتاجة وقت طويل...
بس كل مشكلة محتاجة فهم صح
الاستشارة النفسية بتساعدك تشوف اللي مش شايفه
وتديك خطوات واضحة تخرجك من نفس الدائرة اللي بتتكرر
لو تعبت من نفس النتيجة... يمكن محتاج طريقة مختلفة

11/04/2026

عيلتي الكبيرة ♥️
متعود دايمًا في كل خطوة مهمة في رحلتي المهنية
اخد رأيكم
اي من التصميمين افضل
هل الاخضر مع الاورنج رقم 1
ولا الاخضر مع الخضر الفاتح رقم 2

10/04/2026

احذر .. تجاهل الرد علي هذه الاسئلة يعيق مستقبل أطفالك !
ولادنا متبرمجين علي 4 اسئلة دايما بيدورا علي اجابتهم واجابتك ليهم هتحدد
اما هيكونو واثقين في نفسهم وعلاقاتاهم صحية ولا هيعانوا من الاحساس بالدونية وعلاقات سامة في المستقبل

10/04/2026

نقول مبرووك علينا كلنا ♥️
اخيرا حلم جديد بيتحقق ع ارض الواقع💪

ده موافقة من وزارة التضامن
تم اشهار
مؤسسة إيهاب ماجد لرعاية الطفل والأسرة
برقم ١٢٦٠٧

من أهداف المؤسسة
- نشر الوعي بأساليب التربية الصحيحة المبنية علي القيم والمبادئ
- تقديم كافة الخدمات من تعديل السلوك وتنمية المهارات والإرشاد الأسري للأسر الأكثر احتياجا

في موسسة إيهاب ماجد لرعاية الطفل والأسرة
نرعي الطفل - ندعم الأسرة - نرتقي بالوطن

استنوا الإعلان عن اول ورشة. مجانبة
للأطفال.
عن التحكم في الاندفاعية.
وقريبا هنفتح باب التطوع للناس اللي حابة تشارك معانا
مؤسسة_إيهاب_ماجد_لرعاية_الطفل_والاسرة #

10/04/2026

تأخر الكلام مش مرحلة وبتعدي لوحدها
كل يوم تأخير بيصعب المهمة أكتر
جلسات التخاطب بتدي لطفلك القدرة إنه يعبر ويتواصل بثقة
وكل ما تبدأي بدري… كل ما النتائج تكون أقوى وأسرع
ابدأ دلوقتي… قبل ما المشكلة تكبر

07/04/2026

أوعي تربي ابنك بناءًا علي نظرة الناس ليكي
تخيلي الموقف ده:
إنتي عند حماتك أو في تجمع عائلي، وابنك طلب الموبايل.. قولتيله "لأ" وفجأة.. الانفجار حصل

الولد بدأ يزن، يصرخ، ويرمي نفسه في الأرض.. وفي اللحظة دي، عقلك مبيفكرش في "إزاي أهدي ابني؟"، للاسف بيفكر في:

"يا خبر.. هما باصين لي إزاي دلوقتي؟" 😳
"حماتي أكيد بتقول عليا أم ضعيفة ومش عارفة أسيطر."
"يا ترى بيقولوا عليا معرفتش أربي؟"

رد الفعل الكارثي..
عشان تثبتي ليهم إنك "شديدة" وبتربي، تقومي ماسكة الولد بعنف، أو تلطشيه، وتسكتيه بالقوة.. ولما حد يقولك "حرام عليكي" تردي بحدة: "أصله قليل الأدب ولازم يتربى!"

الحقيقة المرة
إنتي من جواكي بتبقي هتموتي من الندم.. صعبان عليكي عياطه، ونفسك تخديه في حضنك وتعيطي جنبه، وبتفضلي ليلتها حاسة بذنب بيقطّع فيكي
⚠️ يا ست الكل.. اطلعي من سجن "كلام الناس":

ابنك أهم من برستيجك: الناس هتمشي وتنسى الموقف، لكن ابنك مش هينسى إنك وجعتيه

الطفل بيحس: لما بيلاقيكي مهزوزة ومكسوفة من الناس، بيضغط عليكي أكتر.

الثبات الانفعالي: لو الناس شافت إنك هادية وبتحلي الموقف بذكاء (حتى لو هو لسه بيصرخ)، هيحترموا قوتك وتربيتك أكتر بكتير من "الضرب".

نصيحة من القلب:
اتصرفي مع ابنك بناءً على اللي هو محتاجه فعلاً (احتواء، حزم هادي، أو تجاهل للزن)، مش بناءً على نظرة طنط فلانة أو حماتك.

انتي أم عظيمة.. بس محتاجة تثقي في نفسك شوية! ❤️

05/04/2026

04/04/2026

خدماتنا في الأكاديمية
نقدم مجموعة متكاملة من الخدمات النفسية لدعم:
الأطفال
الأسرة
الكبار
تشمل:
جلسات تخاطب
تنمية مهارات (انتباه – تركيز – اندفاعية - حركة)
جلسات نفسية للأطفال والمراهقين
جلسات نفسية للكبار
إرشاد أسري
اختبارات وتقييمات
هدفنا ليس فقط حل المشكلة…
بل بناء إنسان أقوى نفسيًا لديه المهارات اللازمة للمضي قدمًا

02/04/2026

عمر أبويا ما حضني…
جملة ناس كتير بتقولها… بس قليل اللي فاهم أثرها الحقيقي.

مش كل اللي ما اتحضنش اتكسر…
بس أغلبهم اتعلّم يخبي وجعه.

كبر وهو فاكر إن القسوة قوة…
وإن المشاعر ضعف…
وإن القرب خطر.

ما اتعلمش يقول: "أنا محتاجك"
ولا يعرف يحضن… حتى لو جواه محتاج ده أكتر من أي حد.

بس الحقيقة؟
هو مش بارد… هو اتربّى من غير دفا.

والمشكلة مش بس فيه…
المشكلة إنه ممكن يكرر نفس القصة مع ولاده…
من غير ما يقصد.

الحضن مش رفاهية…
الحضن لغة أمان.
الحضن بيقول للطفل:
"أنت مهم… أنت محبوب… وأنا معاك."

لو أبوك ما حضنكش…
ده مش ذنبك.

بس لو أنت ما حضنتش ولادك…
يبقى لازم تقف وتسأل نفسك:
أنا بكمل نفس القصة… ولا بغيّرها؟



#صحةنفسية

01/04/2026

ليه بقينا بنحضن ولادنا أقل؟
مش عشان مش بنحبهم…
لكن عشان إحنا نفسنا ما اتعلمناش إزاي نعبّر عن الحب بشكل آمن.
كبرنا على:
"الدلع يبوّظ"
"خليه ينشف"
"مايتعودش على الحضن"
فبقينا بنحب… بس من غير ما نلمس،
نخاف عليهم… بس من غير ما نطمنهم.
الحضن مش رفاهية…
الحضن رسالة أمان بتقول للطفل: أنا معاك مهما حصل.
ولو الحضن مش سهل عليك… ده مش عيب،
دي بداية وعي إنك محتاج تتعلم حاجة جديدة

31/03/2026

ليه ابني بيقول أنا مش شاطر؟

لو ابنك أو بنتك بين 6 و12 سنة…

اسمعني كويس
دي أخطر مرحلة بتبني إحساس الطفل بنفسه
عالم النفس إريك إريكسون سماها:
مرحلة الإنجاز مقابل الشعور بالنقص

في السن ده… الطفل بيبدأ يخرج من عالم اللعب
ويدخل عالم جديد اسمه:
"أنا أقدر أعمل حاجة"
بيبدأ يسأل نفسه كل يوم:
أنا شاطر؟
أنا ناجح؟
ولا أنا أقل من غيري؟

وهنا دورك بيبدأ بجد…
كل مرة تقول له:
"سيبها… أنت مش هتعرف"
أو تقارنه بغيره:
"شوف ابن خالتك أشطر منك إزاي"
أنت كده مش بتربيه…
أنت بتزرع جواه إحساس بالنقص

وفي المقابل…
لما تشجعه يحاول
حتى لو غلط
لما تفرح بمجهوده مش بس بالنتيجة
لما تديله فرصة ينجح بنفسه

أنت كده بتبني جواه أهم إحساس:
"أنا أقدر"

الطفل في المرحلة دي مش محتاجك تعمل له الحاجة…
هو محتاجك تؤمن إنه يقدر يعملها

خلي بالك…
طفل النهارده
هو راجل أو ست بكره
يا إما هيبقى واثق وبيجرب
يا إما هيخاف ويستنى حد يطبطب عليه

سؤال ليك:
آخر مرة شجعت ابنك على مجهود عمله كانت إمتى؟
مش على النتيجة… على المحاولة نفسها
يعني قولتله انا ملاحظ انك عملت مجهود كويس
ومقدر تعبك ومحاولاتك

31/03/2026

هل تعبت من تصرفات ابنك

في أكاديمية د. إيهاب ماجد، بنشتغل على تعديل سلوك الطفل من الجذور… مش بس بنوقف السلوك مؤقتًا.

✔️ العناد
✔️ الاندفاعية
✔️ الرد المستفز
✔️ العنف
✔️ الغيرة

كل سلوك وراه رسالة… وإحنا بنفهم الرسالة ونعلّم الطفل بدائل صحية يعبر بيها عن نفسه.

من خلال جلسات متخصصة، بنساعدك:

تفهم سبب السلوك
تتعامل معاه بطريقة صحيحة
تبني شخصية متوازنة وواثقة

ولادك مش محتاجين يتغيروا بالعقاب… محتاجين حد يفهمهم صح