22/10/2018
اي حبوب او ادوية، اعشاب، كريمات ، بودرة، لبوس حتى بتدعي انها بتخسس هي محض نصب وهراء وخزعبلات.
خسارة الدهون هي عملية بيولوجية حيوية عبارة عن:
أكسدة الدهون = حرق الدهون.
الحرق هو :تغذية الخلية على طاقة.
حرق الدهون بالتبعية خسارة دهون الجسم دائما.
وعلشان تحصل عملية اكسدة الدهون الجسم بيحتاج لتخليق عجزاً في الطاقة لكي تتوجه أكسدة الدهون او الاعتماد على دهون الجسم كمصدر طاقة الى الخلايا الدهنية.
ولما تاكل اقل من سعراتك او اقل من حجم نشاطك سواء نشاطك اليومي العادي او الرياضي يلجاء الجسم لتعويض العجز في الطاقة من دهون جسمك.
بدون عجز الطاقة، من الصعب —او المستحيل خسارة دهون الجسم.
الادوية مش بتعمل عجز طاقة ولا بترفع الحرق علشان تحرق دهون ، الادوية اغلبها بتلعب على النواقل العصبية في المخ لسد الشهية
والتركيبات الكيميائية و المواد المجهولة اللي بتشتغل على مراكز الشبع و الجوع في المخ خطيرة جدا
وانت اصلا بتكون عامل ريجيم ورياضه وبتنسب المجهود لحباية معمولة تحت بير السلم.😊
الادوية 3 انواع:
1- نوع بيسد الشهيه ودي اللي بتشتغل علي المخ ودي خطر واتمنعت قانونا من العالم ولكن بتتصنع في اماكن مجهولة وبتتباع في اماكن تخسيس لسه وضحاياها كتير جدا
2-نوع في مركب الكافايين واعشاب زي كابسيسين بترفع الحرق بنسبه بسيطه ومؤقته بسبب رفع ضغط الدم و دي خطيرة لو انت مريض صحيا
3-ونوع لو اكلت اكله دسمة الدوا ده بيشتغل على 20% من دهون الوجبة فقط مش دهون جسمك واثارة الجانبيه من اسهال وافرازات من الجسم مزعجة جدا
والكلام ينطبق على اي دوا يندرج تحت مسمى
Formula ,smart , slimming , Diet
او قاطع ومقلل للشهية . او اي وجود لكلمة
slim, max , o max , k max , fax
كل الادوية دي فيها مادة "السيبوترامين"
بتعمل على تثبيط إعادة امتصاص النّاقلات العصبيّة (Neurotransmitters) في الدماغ
ادارة الغذاء والدواء الأمريكية FDA ثبتت الدراسات الإكلينيكية أن له آثارا جانبية بيتسبب فى رفع ضغط الدم، وخطر على مرضى القلب والشرايين ويسبب الام في العضلات ، و لا يصلح الحوامل والمرضع والمراهقين تحت ال 18 ولا كبار السن فوق 65 سنة ومرضى الضغط و القلب وممكن يسبب أزمات قلبية وجلطات، ونوبات القلب المميتة .
في بعض الاشخاص ظهر عليهم اعراض متنوعه منها:
- احمرار العيون و عدم وضوح الرؤية و امراض الزغلله و التهابات العين
-اضطرابات الجهاز الهضمي مثل القيء و الاسهال أو الامساك و قرح المعدة
-الرعشة و الالتهابات العصبية و عدم القدرة على التركيز و اضطرابات الادراك و تشوه الذهن .
-هشاشة العظام و الام في المفاصل , تساقط الشعر و ضعف الاسنان و عدم انتظام ضربات القلب
أن الشركة الصانعة لسيبوترامين Sibutramine وهي شركة أبوت (Abbott) قررت منع توزيع الدواء لجميع دول أوروبا وبدأ مشروع التوقيف لسيبوترامين من قبل الشركة الصانعة في 21 يناير 2010. و تم سحبه من الاسواق في اوروبا وامريكا ومنع استخدامه.
وقررو ان الاعراض المصاحبة و الجانبيه اخطر من اي فايده مرجوه من الدويه دي.
يعني اي مركز تخسيس او عياده بيقنعك بدوا بيسد الشهية المفترض يتبلغ عنه ويتقفل
شوية مصادر في التعليقات من :
المكتبة الوطنية الأمريكية للطب
المعاهد الوطنية الامريكية للصحة
إدارة الغذاء والدواء الأمريكية
#منقول....سفاح_الفات
