25/07/2025
افكار غلط عند الوالدين :
👈 الاجازه جت يبقي نديلهم الموبايل يشغلهم ..
( مع ان خطورة ده كبيره عليهم لكن بتعملوا كده )
👈 الاجازه للراحه خليهم يناموا براحتهم ويصحوا براحتهم علشان تعبوا ايام الدراسه وحرام يبذلوا مجهود ..
( ماهو ده هيضيع منهم الاجازه و هيعلمهم الكسل وهيدخلوا الدراسه الجديده كسلانين )
👈 بلاش نخليهم يقروا فى الاجازه علشان نريحهم شويه عينيهم وميزهقوش ..
( بس كده غلط لان القراءه محتاجه استمراريه و بتنمى حاجات كتير زى المعلومات والثقافه و الفهم وكمان بتحسن مستواه فى القراءه نفسها )
👈 بلاش رياضه فى الاجازه علشان يريحوا جسمهم و يدخلوا الدراسه جسمهم مرتاح وصحتهم كويسه ..
( ازاى والرياضه اصلا هى اللى هتنشط ذهنهم وجسمهم وهتخليهم ملتزمين و نشيطين وحاسين بالمسئوليه وكمان مطيعين وحالتهم المزاجيه احسن وهيكتشفوا قدراتهم )
( كل دى افكار غلط لانك بكده بتخلق طفل كسول اعتمادى عليكم فى كل حاجه وضعيف الاحساس بالمسئوليه و حتى المذاكره اللى بتريحه منها فى الجازه علشان يستعد ليها مش هيقدر عليها وهيبدأ يتمرد ومش هيكون مركز )
👈 الاحساس بالمسئولية لازم يكون مستمر وطول الوقت
و فى كل المجالات ..
تحياتى واتمنالكم التوفيق 🌹
د. عاطف خلف 🌿🌿🌿
CDF continuous development foundation مؤسسة التطوير المستمر للتنمية
للاستشارات :
ت : ٠١٢٨٤٤٩٥٧١٠ - ٠١٠٩٠٨١١٠٩٣
ت واتس : ٠١٢٠٢٠٣٧٩٨٨
