Fatma Yousry-life coach

06/01/2026

الذكاء العاطفي المفرط 🤷🏻‍♀️

أحيانًا بيكون نعمة وأحيانًا يبقي جحيم

مش كل معاناة سببها اكتئاب أو حزن
في ناس بتتعب لأنها مصابة بوعي مفرط
لما تعيش في عالم بيقدّس السطحية عمقك ووعيك العالي ممكن يتحولوا لعقاب
عينك تبقى مجهر🔬…

تلقط تغيّر نبرة
تفهم المعنى اللي ورا الكلام
وتحلّل كلمة عابرة اتقالت من غير قصد
لساعات… ويمكن ليالي كمان

المشكلة مش في الإحساس
المشكلة في غياب التغافل 👌🏻
لأن أي شيء يزيد عن حدّه ينقلب ضده

حتى 👈🏻 .....(( الوعي))......👉🏻
ارحموا وعيكم
وارأفوا بنفسكم 🫂
مش كل حاجة محتاجة تحليل🧐
ومش كل إحساس لازم يتفهم فورًا 🌹

للأستفسار وحجز الجلسات يرجي التواصل علي
🥰👇🏻https://wa.me/message/BAEIM3CW5NXSB1


#فترضي😊❤️

31/12/2025

ختام سنة… مش وداع، ده وعي ✨
السنة دي ما كانتش سهلة
لكن كانت صادقة 🤍
كشفت…
كسرت…
وعلّمت
علّمتنا إن
مش كل خسارة فشل ☹️
ومش كل وجع عقاب،
وإن أحيانًا أقسى اللحظات
بتكون أصدق نقطة تحوّل في حياتنا🤍👌🏻
السنة دي
ودّعنا نسخ قديمة من نفسنا 👋🏻
نسخ كانت بتسكت أكتر ما ينفع
وتستحمل أكتر ما تستحق.
ودلوقتي
بنقفل السنة
مش وإحنا ناقصين
لكن وإحنا أوعى…
أهدى…
وأقرب لنفسنا من أي وقت فات.
ولو السنة دي تعبتك
فهي ما مشيتش هدر،
ولو كسرتك
فهي كانت بتشكّلك
مش بتدمّرك.
خلّي ختامها
امتنان مش إنكار،
وعي مش جلد ذات،
ووعد صادق لنفسك
إن السنة الجاية
هتكون بنسخة أصدق
وأقوى
وأرحم منك.
ومتنساش
تجدّد النيّة مع ربنا
في كل تفاصيل حياتك…
لأن النية
بتهوّن الطريق 🤍
اللهم اجعله عامًا
أخفّ على قلوبنا
أرحم على أرواحنا
وأوسع في الفتح والخير.
وشاركني 🤍
لو هتسمّي سنة 2026 اسم
هيبقى إيه؟
أنا عن نفسي
هسمّيه:

عام الفتح المبين✨🤲🏻

للأستفسار وحجز الجلسات يرجي التواصل علي 👇🏻

https://wa.me/message/BAEIM3CW5NXSB1


#فترضي😊❤️

16/10/2025

أنت الترمومتر الحقيقي للعلاقة اللي أنت فيها 💭

ببساطة متوهش نفسك بأسئلة عن هو عمل كده ليه؟ قال كده ليه؟ اتغير ولا لأ؟
وما تفضلش تحلل وتفصص في تصرفاته وعيوبه…
لأن كل ده تضيع وقت.

الحقيقة إن المقياس الحقيقي مش هو…
المقياس هو أنت👉🏻

بص على نفسك جوا العلاقة دي:
هل أنت مرتاح؟
هل مطمّن؟
هل بقيت بتحب نفسك أكتر ولا بدأت تفقدها شوية شوية؟

لو الإجابة فيها وجع، فخليك فاكر إن العلاقة اللي تكسرك أو تطفّيك مش اسمها حب،
اسمها درس أو جايز رساله ليك

وأقوى علامة على إن العلاقة صح،
إنك تكون جواها نسخة أهدى، أحنّ، وأقرب لنفسك❤️👉🏻


للأستفسار وحجز الجلسات يرجي التواصل علي 😊 👇🏻

https://wa.me/message/BAEIM3CW5NXSB1


#فترضي😊❤️

07/10/2025

09/09/2025

✨ ليه بتحس إنك في نفس الدائرة كل مرة؟؟

نفس الموقف بيتكرر… نفس الشعور… نفس الإحساس اللي بتحاول تهرب منه وبيرجعلك تاني!

يا تري هو ده سوء حظ ولا صدفة!؟ 🙁

الحقيقة هو لاده ولا ده

الحياة بتعيد علينا نفس المشهد لحد ما نسمع الرسالة اللي وراه
لحد ما نغيّر رد فعلنا… ونواجه نفسنا بالحقيقة اللي بنحاول نتجنبها 🫣

المواقف دي مش عشان توجعك…
هي عشان تحرّرك. عشان تقولك:

✨"في حاجة لازم تتغيّر جواك قبل ما تتغيّر براك."✨

أول ما الدرس يتفهم 👌🏻 الحلقة بتتكسر.⛓️‍💥

وساعتها تبدأ رحلة جديدة 🤍 بنسخة أقوى وأنضج منك. 💪🏻🌱

💭 شاركوني إيه أكتر موقف حسيت/ ي إنه بيتكرر في حياتك؟

للأستفسار وحجز الجلسات يرجي التواصل علي 😊👇🏻

https://wa.me/message/BAEIM3CW5NXSB1

#فترضي😊❤️

09/08/2025

✨ النية✨

هي أقوى وأسرع قوة قادرة تغيّر حياتك…

هي البوابة اللي تفتحلك طريقك للحياة اللي تستحقها،
وتقرّبلك أحلامك أكتر من أي وقت فات

لكن… هل النية وحدها كفاية؟🤔

أكيد لا

النية محتاجة وعي يوجّهها، وخطة تحوّلها لخطوات واقعية

وهنا بيجي دور

✨ *الكوتشنج*✨…

الكوتشنج هو المراية اللي تخليك تشوف الطريق أوضح 🔍، وتكشف العوائق اللي مش شايفها، وتدفعك تكمل لحد ما النية تتحول لحقيقة.

تقدر تقول:
النية هي الشرارة 🔥،
والكوتشنج هو البوصلة 🧭 اللي تحافظ إنك ما تضلش الطريق

لأن من غير خطة ووعي… النية هتفضل حلم جوا دماغك

للأستفسار وحجز الجلسات يرجي التواصل علي 😊👇🏻

https://wa.me/message/BAEIM3CW5NXSB1

#فترضي😊❤️

17/07/2025

الكوتشنج مش نصايح… الكوتشنج مراية نقية بتخليك
تشوف نفسك بوضوح، وتسمع صوتك الحقيقي من وسط الزحمة."

هو مساحة آمنة…
فيها مفيش صح وغلط، فيها فهم، واحتواء، وأسئلة بتفتح جواك أبواب مكنتش شايفها

الكوتشنج رحلة وعي…
بتختار فيها ترجع لنفسك، وتعيش حياتك بإدراك، مش بس بردود فعل.

مش لازم تكون تايه …
علشان تبدأ الرحلة،
يمكن بس محتاج لحظة صدق... وسؤال مناسب 💛

الكوتشنج
💗 رحلة وعي 💗

للاستفسار وحجز الجلسات يرجي التواصل علي 😊👇🏻

https://wa.me/message/BAEIM3CW5NXSB1


#فترضي😊❤️

01/07/2025

🔥 سؤال هزّ ناس كتير من جوّاهم 🔥

إيه "الوهم" اللي إنت عايش فيه ومُصمم تصدقه عن نفسك؟

🔍 وهم إنك مش كفاية؟

💔 وهم إنك ما تستحقش تتحب ؟

💪🏻 وهم إنك لازم تفضل قوي طول الوقت؟

كل واحد فينا عنده قصة بيقولها لنفسه كل يوم...

بس يا ترى القصة دي "حقيقة"؟ ولا "وهم" متغلف بصوت الخوف؟

💭 شاركني في الكومنت…
إيه أكتر وهم اكتشفته عن نفسك؟

للأستفسار وحجز الجلسات يرجي التواصل علي 😊👇🏻

https://wa.me/message/BAEIM3CW5NXSB1


#فترضي😊❤️

26/06/2025

🌙✨ كل عام وأنتم بخير بمناسبة العام الهجري الجديد ١٤٤٧هـ ✨🌙

يا رب عام جديد محمّل بالبدايات الطيبة، والرضا، والسلام الداخلي🤍

عام نلقى فيه أجمل الأقدار، ونعيشها بقلوب مطمئنة ومتصالحة مع كل شيء 💛

اللهم اجعل هذا العام
عام غفران لما مضى، وتيسير لما هو آت، ورضا يغمر القلوب…
واكتب لنا فيه الخير كله، واصرف عنا كل شر وسوء 🤍

🕊️ عام هجري سعيد علينا جميعًا

١٤٤٧هـ


#فترضي😊❤️

21/06/2025

إيه العادة الصغيرة 🧩 اللي هتبني أقوى نسخة منك؟ 💪

ساعات عادة بسيطة جدًا ممكن تغيّر كل حاجة في حياتك!
اكتبلي في الكومنت 📩،
إيه العادة اللي ناوي تبدأ بيها علشان تطوّر نفسك؟ 🔥✨

يمكن إجابتك تلهم حد تاني ❤️

للأستفسار وحجز الجلسات يرجي التواصل علي 😊👇🏻

https://wa.me/message/BAEIM3CW5NXSB1

#فترضي😊❤️

16/06/2025

تكمله البوست السابق 👇🏻

🖤🤍 المشاعر المركبة 🤍🖤.

خلينا نتفق إن المشاعر المركبة علامة على وعي عالي ونضج داخلي،
لكن الحقيقة؟ هي مرهقة جدًا!
لأنها بتحوي جواها مشاعر متضادة بتتخانق جوانا..
زي:
❤️ الحب × 😨 الخوف
🌱 الأمل × 😔 اليأس
😡 الغضب × 🥺 الحنين

وساعات بنقف قدامها مش عارفين نعمل إيه!

فـ السؤال هو:
إزاي أتعامل مع المشاعر المركبة واحتويها؟ 🤔

✨ أولاً: التقبل
اقبل كل مشاعرك زي ما هي، من غير إنكار ولا تصفية.
المشاعر مش لازم تكون "منطقية" علشان تبقى حقيقية.

🖋️ ثانياً: سَمِّي الشعور
اكتب كل شعور حاسس بيه، وبعدين اسأل نفسك:
"ليه حسيت كده؟" و"إيه الرسالة اللي ورا الإحساس ده؟"

🪞ثالثاً: افصل نفسك عن مشاعرك

أنت مش غضبك ولا حزنك.
أنت شخص بيمر بـ "تجربة شعورية مؤقتة".. وهتعدي.

🔍 رابعاً: اكتشف الاحتياج المخفي
وراء كل شعور احتياج...
ممكن يكون ناقص أو حتى مشبع زيادة عن اللزوم. اسأل نفسك: "أنا محتاج إيه؟"

⚖️ خامساً: اقبل التناقض
مش لازم تحس بشيء واحد بس..
ينفع تحس بحاجتين عكس بعض، وفي نفس اللحظة.

🫂 سادساً: شارك

كلم شخص عنده وعي، وتثق فيه، ويسمعك من غير ما يحكم عليك.

🕊️ سابعاً: الاستعانة بالله
وسيبتها للنهاية لأنها الأهم فعلًا..
ارجع لربك، وجدّد نيتك إنك بتساعد نفسك من باب السعي، مش الضعف.

---

💭 المشاعر المركبة مش لغز لازم يتحل، هي باب لفهم أعمق لروحك.. بس خُده بالرفق، مش بالعنف

للأستفسار وحجز الجلسات يرجي التواصل علي 😊👇🏻

https://wa.me/message/BAEIM3CW5NXSB1


#فترضي😊❤️

15/06/2025

🖤🤍 المشاعر المركبة 🤍🖤

في مشاعر كتير بنحسها… لكن لما نيجي نشرحها نحس إننا مش عارفين نوصفها.
فساعات نسكت… ساعات نبكي… وساعات نضحك واحنا مش فاهمين ليه.

المشاعر المركبة بتلخبطنا وبتوهنا…
تخلينا نوافق على حاجات إحنا رافضنها، ونرفض حاجات إحنا محتاجنها.
تقول حاضر وقلبك بيقول لأ…
تضحك وجواك صوت بيصرخ.

كتير منها بيجي من وجع قديم،
من ناس لغتهم غير لغتنا…
من خذلان بنحاول نتعود عليه،
فنتكلم بلغتهم ونمثل إننا فاهمين، بس جوانا في حوار تاني خالص… صامت.

آه تقدر توصفلي الحب، أو السعادة، أو الحزن…
لكن تقدر توصفلي تحس بإيه لما جواك حب وخوف في نفس الوقت؟
خذلان وحب؟
فرح وقلق؟
فعلاً… صعب.

طيب السؤال هنا:
هو طبيعي نحس كده 🤔؟
أيوه، طبيعي جدًا.
وعلى فكرة… ده مش بس طبيعي، ده مستوى أعمق من الوعي.

المشاعر المركبة مش لغز…
هي مراية الروح.
لأن في عمق كل شعور مركّب…
فيك إنت.

كل اللي مطلوب منك؟
ما تحكمش على نفسك.
ما ترفضش مشاعرك…
بس اسمح لنفسك تحس، حتى لو مش فاهم كل حاجة.

وعادي جدًا نتلخبط ❤️
هنتكلم في بوست تاني عن إزاي نحتوي المشاعر دي ونتصالح معاها.

للأستفسار وحجز الجلسات يرجي التواصل علي 😊👇🏻

https://wa.me/message/BAEIM3CW5NXSB1


#فترضي😊❤️