Heba Amer- Diet Art

11/01/2026

11/01/2026

🔺 الهرم الغذائي الجديد 2026… اتشقلب رسميًا! 🔻
تحت شعار: Eat Real Food Again 🥗
لسنوات طويلة كنا فاكرين إن
🍞 الخبز
🍚 الأرز
🍝 المكرونة
هم أساس التغذية الصحية…
وكانوا في قاعدة الهرم يعني كُل براحتك
📉 النهارده؟ القاعدة اتغيرت
ولأول مرة في التاريخ:
❌ النشويات لم تعد قاعدة الهرم الغذائي
📉 تم تقليل حصص النشويات من 6–11 حصّة يوميًا
⬇️ إلى 2–4 حصص فقط
⚠️ وده اعتراف ضمني إن الهرم القديم
ساهم في:
❌ السمنة
❌ مقاومة الإنسولين
❌ اضطراب وارتفاع سكر الدم
🆕 إيه فلسفة هرم 2026؟
مش كل السعرات زي بعض
ومش النشويات هي الأساس
🔝 الأولوية دلوقتي لـ:
🥩 بروتين حقيقي (لحوم – بيض – سمك – بقوليات)
📌 التوصية الجديدة: 1.2 – 1.6 جم بروتين / كجم وزن الجسم
✔️ الحفاظ على الكتلة العضلية
✔️ شبع أفضل
✔️ تحكم أقوى في الوزن
🥑 الدهون الصحية بقت عنصر أساسي
زيت زيتون – مكسرات – أفوكادو – أسماك دهنية
✔️ تدعم الهرمونات
✔️ تحمي القلب
✔️ تساعد على امتصاص الفيتامينات
🥦 الخضار والفاكهة… لكن بالشكل الصح
✔️ تنوع ألوان
✔️ ثمرة كاملة مش عصير
⚠️ لأول مرة أمريكا تحذّر من العصائر
حتى الفريش… بسبب تركيز السكر وقلة الألياف
🍞 النشويات موجودة… بس بحساب
✔️ حبوب كاملة فقط
✔️ طبيعية وغير مصنّعة
❌ دقيق أبيض
❌ منتجات Ultra-Processed
🚫 قمة الهرم = أقل كمية ممكنة
❌ سكر مضاف (ممنوع تمامًا تحت سن 4 سنين)
❌ مشروبات محلاة
❌ أطعمة فائقة المعالجة
👉 لا توجد كمية “آمنة” من السكر المضاف

تغذية 2026 بتقولك بوضوح:
🥗 أكل حقيقي
🧠 مبني على العلم
❤️ يحمي صحتك على المدى الطويل
مش دايت مؤقت…ده أسلوب حياه
وتقليل النشويات مش موضة❗ الهرم الغذائي اتشقلب وأكلنا كمان لازم يتشقلب معاه



#خسارةالوزن #تخسيس

31/12/2025

🎉عرض رأس السنة 🎉
بداية سنة جديدة = فرصة حقيقية نبدأ بيها صح 💪
مش دايت وخلاص… لكن خطة تناسبك، ومتابعة خطوة بخطوة
وعشان التغيير يكمل وتتشجعوا 👌عملنالكم
📉 خصومات بمناسبة السنة الجديده على برامج التغذية
✨ خطط مخصوصة
✨ دعم نفسي وتحفيز مستمر
✨ أكل واقعي ينفع نكمل عليه
⏰ العرض لفترة محدودة
📩 ابعتولنا علي الماسنجر الخاص بالصفحه
او علي الوتس اب :00201066913957
00966565632740
🔥 متأجلوش القرار صحتكم مهمه ❤️
ابدأوا رحلتكم معانا دلوقتي 💚

🩷







#تخسيس
#خسارةالوزن

27/12/2025

نبذه عن اللي بتعملوة فيا في الدايت
😂😂
ماشاء الله عليكو كل اسبوع مجهزين لي قايمه من الحاجات اللي عايزين تاكلوها ده غير البليله وحمص الشام وتشربو سحلب وهوت تشوكليت وتعكو كمان في الدايت وتخسو 😂😂انا بعد كده هوقف دايت في الشتا خاااالص واشتغل في الصيف بس عشان يبقي اقصي امانيكو تشربو كوبايه ميه ساقعه 🤣مشبرة 😂😂
انا خلاص توبت الي الله علي ايديكو 🤗🤗
بس خليني اقولكو ان الالتزام الحقيقي بيجي بالتدريج والتعود يوم بعد يوم وان الاستمرار في الدايت هو دايما اساس الوصول والنجاح... وان نجاحي الحقيقي وجزء من سعادتي لما بتعملو دايت وانتو مبسوطين وحاسيين انكو مش محرومين من حاجه ...الدايت عمرة ماكان حرمان الدايت هو توجيه صح لاختياراتك بمايناسب سعراتك وحالتك الصحيه ...شجعوها تكمل وتلتزم اكتر لحد ماتوصل ان شاء الله 🫶💪💪


#تخسيس
#خسارةالوزن

18/12/2025

براونيز الموز الصحيه فري جلوتين 😋😋
بدون دقيق بدون زيت وطعمها حلو اوي💗💗
اسهل واسرع سناك ممكن تجربوه وسعرات قليله جدا 👌👌
المكونات:
١ موزه مستويه(١٠٥ كالوري )
٣ م ص كاكاو غير محلي(٢٠ كالوري)
١ بيضه بدرجه حراره الغرفه(٧٢ كالوري)
فانيليا
رشه ملح
١ باكيت سكر ستيفيا (التحليه حسب الذوق )
نصف م ص باكنج بودر
١ م ك تشوكليت شيبس (٥١ كالوري)
التسويه :
في الميكروييف لمده دقيقتين
السعرات الحراريه :٢٤٨ كالوري
قسمتها علي ٩ قطع صغيرة سعرات القطعه:٢٧ كالوري👌👌👏👏

خدوا بالكو ماتزودوش في الكاكاو اوي عشان ماتطلعش مرة وتقدروا تزودا في كميه الستيفيا لو بتحبوا الحاجات مسكرة







#تخسيس

10/12/2025

صباحكو سعاده ⚘️⚘️
هو ليه النوم مهم في الدايت؟

٣٠%من ثبات الوزن سببه نوم سئ مش اكل !!

وده لأن لما تنامي أقل من 6 ساعات:

١-هرمون الجوع "جريلين" بيعلى… فجأة تلاقي نفسك جعانة من غير سبب.

٢-هرمون الشبع "ليبتين" بينخفض… يعني تاكلي ومتشبعتيش.

٣-معدل الحرق بينزل بنسبة ممكن توصل لـ 15–20%.

٤-الجسم يدخل وضع التوتر (Stress Mode)… وده يخليه “يمسّك” في الدهون ويعتبرها وسيلة حماية.

٥-يزيد هرمون الكورتيزول… وده مرتبط مباشرة بثبات الوزن وزيادة دهون البطن.

٦-المناعة والهرمونات بتتلخبط → فالجسم يرفض ينزل وزن حتى لو الأكل مظبوط 100%.

يعني إيه؟

ممكن تكوني ماشية على الدايت حرفيًا،
لكن جسمك شايف نفسه في "حالة إنذار" ومش مستعد يسيب الدهون!

✔️ إيه الحل العملي؟

🕖 نامي 7–8 ساعات متواصلة يوميًا.

🕘 مواعيد نوم ثابتة… جسمك بيحب الروتين.

☕ قللي الكافيين بعد الساعة 6 المغرب.

📱 اقفلي موبايلك قبل النوم بنص ساعة عالأقل (الضوء الأزرق بيعطل النوم).

🌬️ جرّبي تنفس عميق أو استرخاء 5 دقايق قبل النوم.

🚶‍♀️ لو تقدري… 10 دقايق مشي بعد العشا تساعد على نوم أعمق.

✨الخلاصه ان النوم مش رفاهية… النوم جزء من الدايت ونزول الوزن ..

وماتنسوش اللايك والشير.... وتابعنا عشان تفهم جسمك وتخس صح 👌👌ودمتم بصحه 🤍🤍

#

04/12/2025

19/11/2025

صباحكو سعاده 🥰🥰
🌸 ليه التغيير دايمًا صعب؟ وليه أول ما نبدأ دايت بنحس دايما اننا مش قادريين نكمل ؟

لأن مخّنا بطبيعته بيحب منطقة الراحة… بيحب العادات اللي اتعود عليها سنين، وعلشان كده أول ما نقرر نغيّر يبدأ يركّز على أي حاجة تعطلنا أو تخلّينا نأجل.

تخيّلي معايا…
بقالك أسبوع مافكرتيش في المحشي ولا المكرونة البشاميل،
وأول ما تبدأي دايت تلاقي مخّك بيقولك:
"هو أنا هعرف أعيش من غير المكرونة البشاميل؟"
مع إنك أصلًا مش بتاكليها كل يوم!

وتلاقي نفسك طول اليوم في الشغل مش بتاكلي حاجة،
بس أول ما تبدأي صيام متقطع تقولي:
"هو انا ازاي هصوم كل عدد الساعات دي من غير سناكس ولا اكل باليل؟!"

الحقيقة؟
ده مش جوع… دي مقاومة للتغيير😇😇
مخّك بيفكّرك بكل الحاجات اللي عمرك ما افتكرتيها قبل كده… بس علشان يسهّل عليكي إنك ترجعي تاني لمنطقة الراحة.

✨ الحل؟ بسيط جدًا:
ما تعمليش خطة لمده طويله ابدا…
فكّري في النهارده و بس ...
قولي لنفسك:
"أنا عايزة النهارده يعدّي مظبوط… ولما تنجحي تعدي اليوم هتلاقي نفسك بتحاولي تستمري وتكملي."

التغيير الحقيقي بيبدأ من يوم واحد صح… وبعدها يوم…... وبيبقوا عادة جديدة.

❤️ ادي لنفسك فرصة… وماتستعجليش... كل خطوة صغيرة بتفرق ..والمحاوله والاستمراريه هي اهم شئ👌👌..

13/11/2025

صباحكو سعاده 💗💗
هو احنا فعلاً ممكن يفرق معانا لما نوقف العيش أو الدقيق الأبيض؟ 🍞
أيوه طبعًا 🙌
لما نقلل النشويات المكررة، الجسم بيبدأ يعتمد على الدهون المخزنة كمصدر للطاقة 🔥
وده معناه إن معدل الحرق بيزيد، والأنسولين بيتظبط، فمفيش تقلبات في السكر في الدم ولا رغبة مستمرة في الأكل 👌
فهتحس إنك شبعان ومرتاح طول اليوم 👏👏

طب إزاي نقدر نزود من معدل حرق الدهون المخزنة؟
عن طريق إننا نضيف نظام الصيام المتقطع، ونبدأ أول وجبة بعد الصيام تكون وجبة لو كارب فيها بروتين ودهون صحية.

ودي كانت وجبتي بعد ١٤ ساعة صيام 👇
جبنه قريش كريمي عبارة عن :

(١٠٠ جم جبنة قريش +نصف كوب زبادي كامل الدسم+رشة زعتر بالسمسم+١ م ص زيت زيتون)
+بيضة مسلوقة+خس وخيار 🥒🥚

🔹 السعرات التقريبية: ٣٢٠–٣٥٠ سعر حراري
🔹 البروتين: حوالي ٢٨–٣٠ جم
🔹 الدهون: حوالي ٢٠ جم
🔹 الكربوهيدرات: ٦–٨ جم

وجبة مشبعة جدًا، ومناسبة لبداية اليوم في نظام لو كارب أو صيام متقطع 💪

قولولي بقى 👇
فطرتوا إيه النهارده؟
وبتقدروا تستغنوا عن العيش في فطاركم ولا لأ؟ 🤔🤔

06/11/2025

صباحكو سعاده 😍😍
لأن هدفي اننا نلاقي دايما تنوع في الافكار عشان مانحسش بملل من الدايت والاكل الصحي دول ٢٠ فكرة لفطار صحي ولذيذ😋😋

في منها متوازن وفي لو كارب وكيتو .. حبيت اشيرها معاكو للاستفاده ...انجوي

ماتنسوش اللايك والشير عشان توصلكو كل البوستات الجديده 💌💌

04/11/2025

ليه بنزيد في الوزن لما ناكل سكريات أو دقيق ابيض؟ 🤔
خصوصًا لو عندك مقاومة إنسولين أو Metabolic Syndrome؟

الموضوع مش سعرات بس… الموضوع هرمونات وتنظيم داخلي للجسم.
خلّيني أبسّطها👇

لما ناكل سكريات أو دقيق أبيض، سكر الدم بيرتفع بسرعة.
الجسم يقوم بإفراز الإنسولين علشان يدخل السكر للخلايا ويقلله في الدم.

✨ لكن هنا النقطة المهمة:
الإنسولين هو هرمون تخزين… مش حرق.
يعني لما الإنسولين يعلى = الجسم يدخل في وضع تخزين دهون.

ومع تكرار ده يوميًا (عيش – مكرونة – فطائر – حلويات):
الخلايا تبدأ ترفض الإنسولين وما تستجيبش له كويس.
وده اللي بنسميه: مقاومة الإنسولين.

واللي بيحصل بعدها هو سلسلة من الآثار:

• الجسم يفرز إنسولين أكتر
• معدل الحرق يقل
• تخزين الدهون يزيد
• والجوع يفضل مفتوح طول اليوم 🔄

بمعنى بسيط:
ممكن تكون بتاكل نفس الكمية… بس جسمك بقى بيخزن أكتر ويحرق أقل.

---

الحل مش إنك تمنع أكل أو تجوع نفسك ❌
الحل إنك تنظم الإنسولين ✅

وده يتم عن طريق:

1️⃣ اختار كربوهيدرات معقدة زي الشوفان، البطاطا، الأرز البني، والحبوب الكاملة
2️⃣ قلل الدقيق الأبيض والمخبوزات والسكريات
3️⃣ كل بروتين + ألياف في كل وجبة
4️⃣ حركة يومية ولو 30 دقيقة مشي 🚶‍♀️

---

السر الحقيقي لخسارة الوزن مش الجوع…
السر إنك تنظم هرموناتك. 💛

ماتنسوش اللايك والشير وتابعنا علشان تفهم جسمك وتخس صح ✨

02/11/2025

يسعدني مشاركتي في ملتقى الصحة العالمي 2025 بالرياض، حيث يجتمع أكبر الشركات العالمية وأحدث التقنيات الصحية!

كانت تجربة ملهمة للتعرف على مستقبل التغذية العلاجية وأجهزة التخسيس الحديثة، ومشاركة الخبراء من كل أنحاء العالم في رؤية صحة أفضل.

الملتقى أكّد لي أن المستقبل الصحي قائم على الذكاء، التحليل، والتكنولوجيا… انتظروني قريبًا بتفاصيل أعمق وخطوات عمليه هتغير مفهومكو عن الانظمه الصحيه ☘️☘️