25/02/2026
في الخاطرة إلي فاتت وإلي قبلها اتكلمنا عن شرطين للانفاق في سبيل الله
والنهارده جاية أقولك الشرط التالت
لَن تَنَالُوا الْبِرَّ حَتَّىٰ تُنفِقُوا مِمَّا تُحِبُّونَ ۚ وَمَا تُنفِقُوا مِن شَيْءٍ فَإِنَّ اللَّهَ بِهِ عَلِيمٌ} [آل عمران : 92]
🪄🪄الإنفاق حصرا مما نحب
الشرط ده ضروري وأساسي في الانفاق في سبيل الله وعشان نستحق جزاء الانفاق
الإنفاق مما نحب ممكن نشوفها بشكل بسيط إلي هو أنا بحب المال ف أنفق مال أو أنا بحب الشوكولا ف أنفق شوكولا
وممكن نشوفها بشكل أعمق شوية
إلي هو مما تحبون هنا المقصود بيها الحاجة إلي إنتي شغوفة بيها وبتستمتعي بيها ووقتك وإنتي بتعمليها مش محسوس
يعني الحاجة إلي بتحبي تعمليها حتى لو مفيش من وراها أي عائد مادي
لإن العائد النفسي والروحي كفاية أوي ليكي لإنه بيشبع كل ذرة فيكي
وحتى جهازك العصبي في الحالة دي بيكون ف وضع الاسترخاء والاستقبال
ف طبيعي ننال البر وكل أنواع الخير لما ننفق ونعطي من المساحة الحلوة المتناغمة مع حقيقتنا دي
وعشان كدا الشرط التالت كان الانفاق مما نحب مش من أي شيء وخلاص
والمعنى ده طبعا لا يلغي المعنى التاني إني أنفق من الشيء إلي بحبه مش من الشيء إلي خلاص معدش يلزمني أو خرب
ف بدل ما ارميه أطلعه كإنه صدقة أو عطاء وانفاق في سبيل الله
ربنا شرط الانفاق مما نحب عشان طاقتنا واحنا بنطلعه بيكون فيها غنى وثقة ويقين في عوض ربنا ف بنستحقه فعلا
كدا احنا خلصنا الشروط التلاتة للانفاق في سبيل الله وقبلهم زي ما قلنا قبل كدا تحديد النية
أتمنى تكون السلسلة دي ساعدتك تضبطي المساحة إلي بتنفقي منها جواكي عشان مجرد ما الداخل يتضبط إلي برة كله هيتغير
دمتي بحب واستنيني ف خواطر رمضانية جديدة لمواضيع تانية بزاوية نظر مختلفة🤍
رمضان كريم 😇
