27/12/2023
صباح الخير والفرحه والقلوب اللي ربنا جبرها❤️❤️
البوست ده عشان حاجتين مهمين ..
الأولي : الاسبوع ده كان فيه عيد ميلاد اتنين من اغلي ولادي علي قلبي
الأستاذ مصطفى والانسه لارين
ويمكن رغم فرحتي بولادتهم يوم ما اتولدوا كبيره لكن فرحتي اكبر بكتييير النهارده أن لسه اهلهم بيفتكروني في يوم ميلادهم وبيعتبروني جزء من فرحتهم بولادهم
عشان كده هحكيلكم النهارده قصتهم
الحاجه التانيه : إن قصه مصطفي ولارين وغيرهم كتير فيها رساله لازم توصل لحالات معينه اليأس والحزن مالي قلوبها ومقتنعه تماما أن للاسف مفيش أمل ... الحالات دي لازم تعرف أن فيه أمل أن شاء الله تفرح وربنا يرزقها بالخير
تعالوا بقي للقصه الجميله بتاعتنا النهارده
نبدأ بالاستاذ مصطفي
الأستاذ مصطفى ربنا كرمنا بيه بعد 10 مرات اجهاض متكرر لمامته
ايوه .. انت قريت الرقم صح 10 مرات
والدته مدرسه فاضله من أهل مدينه القناطر الخيريه .. شرفتني في العياده بعد الإجهاض رقم 3 وبعد فحص حالتها قرت اطلب لها بعض التحاليل
بس للاسف مكملتش المتابعه ولا حضرت الاستشاره لأن حد من معارفها نصحها بطبيب زميل آخر تكمل معاه وطبعا كالعاده قالها لا لا لا .. التحاليل المطلوبه دي مالهاش لازمه وهناخد حقن سيوله وهناخد جرعات اعلي و...و ...و ...و ..
وكانت النتيجه 10 مرات اجهاض أم مصطفي فعليا لفت فيهم علي جميع الدكاترة داخل وخارج مدينتها
وابتدينا من الاول ... وبفضل الله ربنا أكرمنا بالتشخيص الصح لحالتها وكانت النتيجه الأستاذ القمر ده ابني الغالي مصطفي 🥰🥰
سامعك علي فكره ياللي الحقد مالي قلبك و بتقول أن الحمل ده استمر وكمل صدفه .... بس انا آسف هوحع قلبك اكتر واقولك أن بعد مصطفي ربنا كرمنا بأخته خديجه بعد ما ربنا أكرمنا بفضله ووصلنا لحل المشكله بشكل نهائي ..
وهوجع قلبك اكتر واكتر واقولك أن مصطفي رغم أنه بعد 10 مرات إجهاض لكن مكانش اصعب حاله إجهاض متكرر عندنا .. لأن صاحبة الرقم القياسي عندنا هيا الانسه فاطمه بعد 14 مرة إجهاض لوالدتها وهبقي احكيلكم عنها قريب
أما بقي القصه التانيه هيا قصه الآنسه لااااارين
عارف انت لما ربنا يرزقك بقطعه من القمر بس معموله حلويات ومحشيه شيكولاته ربنا يبارك فيها ويحميها ويحفظها
لارين بعد 4 مرات إجهاض متكرر
التحدي الصعب في حاله لارين مكانش بس التغلب علي قناعة اليأس اللي عند مامتها اللي وصلت لها من تجاربها قبلنا
كانت كمان محدوديه فرص الحمل لسفر والد لارين خارج مصر واجازاته قصيره وعلي مسافات بعيده
وكان التحدي أننا نوصل للسبب والتشخيص السليم بإذن الله وبسرعه ... ونحط خطة العلاج بإذن الله وبسرعه ونساعد علي حدوث الحمل بإذن الله وبسرعه ونوصل لبر الامان والولاده علي خير بس دي بقي كانت علي مهلنا مولدناش بسرعه 😂😂 لحد ما الانسه لارين شرفتنا
واحقاقا للحق ... كان فيه جندي مجهول وراء نجاحنا في التحدي ده
وهو جد لارين ربنا يبارك فيه ويحفظه ويرزقه جولة العمر ... الراجل العظيم الطيب اللي عمري ما انسي زياراته واهتمامه ودعواته
أب حقيقي يحببك في خلفة البنات
واللي فعلا من غير دعمه في حاجات كتييييير في متابعه العلاج والاهتمام بالتعليمات لأم لارين يمكن مكناش نقدر ننجح لوحدنا 🫶🏾🫶🏾🫶🏾
والناس اللي بتسأل وعايزه تعرف ليه احنا في دار الامومه ودار الولاده بفضل الله متميزين ومختلفين في علاج الاجهاض المتكرر ولا نقارن بأي مكان تاني
هقولكم ليه بس علي الهواء مباشرة علي قناة نايل فاميلي وبرنامج طبيب العيله
اليوم الأربعاء 27 ديسمبر الساعه 4 عصرا ولمدة ساعه هنتكلم فيها عن الإجهاض المتكرر ازاي تتشخصي صح وتتعالجي صح
د/ كامل سالم
