دكتور هاني عبدالجواد. مركز القاهرة الدولي لجراحة العمود الفقري

  • Home
  • Egypt
  • Cairo
  • دكتور هاني عبدالجواد. مركز القاهرة الدولي لجراحة العمود الفقري

دكتور هاني عبدالجواد. مركز القاهرة الدولي لجراحة العمود الفقري نفخر بتقديم افضل تقنيات جرحات العمود الفقري للاطفال والكبار
أ.د / هانى عبدالجواد سليمان
00201115700566 …. 00201111032892 00201100421117 …. 00201110488834
(9)

الصوره دي من ١٨ سنه في احد مناسبات كتب كتابي العديدة. قولنا صيغه كتب الكتاب علي يد مأذون ٣ مرات في ٣ اماكن مختلفه و في ...
27/05/2026

الصوره دي من ١٨ سنه في احد مناسبات كتب كتابي العديدة.
قولنا صيغه كتب الكتاب علي يد مأذون ٣ مرات في ٣ اماكن مختلفه و في ٣ ايام مختلفه علشان نفرح كل الاطراف.
مره في بلد مراتي و مره في بلدي و الثالثه كانت الرسميه في مسجد الشرطة

27/05/2026

كل عيد و حضراتكم جميعاً بخير

عيد سعيد عليكم جميعاً

26/05/2026

من الألم الي الأمل

أحكيلكم موقف حصل معايا في الحج السنه اللي فاتت يمكن حد يستفيد منه في الأيام المباركة دي.زي ما قلت قبل كده، كنت في الحج م...
25/05/2026

أحكيلكم موقف حصل معايا في الحج السنه اللي فاتت يمكن حد يستفيد منه في الأيام المباركة دي.

زي ما قلت قبل كده، كنت في الحج مع والدتي وزوجتي، و والدتي ربنا يديها الصحة حركتها كانت صعبة، فكنا عاملين كل حاجة بحساب وبنحاول نوفر لها أكبر قدر من الراحة.

كنا قاعدين في منى في أبراج كدانة، وبعد ما رمينا الجمرات في أول يومين، جه اليوم الأخير، وقالولنا إن بعد الرمي هنطلع على مكة مباشرة و هيكون فيه شوية مشي. فقالوا إن اللي معاه كبار سن يفضل يوديهم الفندق الصبح بدري قبل الزحمة.

فأخدت والدتي وطلعنا الفندق، وخططنا إن والدتي توكلني في الرمي، وبعدها أنا و زوجتي ننزل بسرعة نرمي ونرجع في السريع. وطبعًا كنا فاكرين إن الموضوع بسيط: تاكسي يوصلنا قريب ونخلص بسرعة و علشان النصاحه كانت زيادة عندنا شوية قولنا نروح الظهر قبل الزحمة (الشمس كانت في كبد السماء و دا عرفته بعدين)

كلمنا الفندق وجابولنا عربية، لكن السواق قال من البداية إن الطرق كلها مقفولة بسبب حركة الحجاج الخارجة من الجمرات ناحية مكة، وإن الاتجاه العكسي شبه مستحيل توصل مكان الرمي

فضل يلف بينا حوالي ساعة، وفي الآخر نزلنا في مكان بعيد جداً عن الجمرات، يمكن بينه وبينها ٤ إلى ٦ كيلو، وقالنا ده آخري… الباقي تمشوه بقي ربنا معاكم

وقتها بدأنا نحس فعلًا بصعوبة الحج الحقيقية.
الشمس كانت نار… حرارة غير عادية… ومافيش أي ظل تقريباً.
وإحنا أصلًا خارجين على أساس إن المشوار في السريع و عربية من الفندق و دلع يعني راجع ف مكانش معانا حتى شمسية يا مؤمن😃.

واحنا ماشين مراتي فرفرت مني و وقتها بدأت أفهم فعلاً ليه ممكن ناس تتعب و تموت في الشارع من شدة الحر و الإجهاد.

وصلنا الحمد لله ورمينا الجمرات وربنا يسرها، لكن المشكلة كانت في الرجوع، كنا خلاص بقي مش هينفع نمشي ولا نجرب…

سألنا الناس نرجع إزاي الفندق

وكل واحد يقول طريق مختلف، وخوفنا نكرر تجربة التاكسي تاني.

وبالصدفة حد قالنا حاجة عظيمة بصراحة…

الحكومة السعودية — ربنا يكرمهم — كانت عاملة أوتوبيسات مجانية ومكيفة و عظيمة يعني تنقل الحجاج من الجمرات للحرم مباشرة، بأعداد كبيرة جداً وعلى مدار الساعة.

صحيح كان في زحام على الركوب، لكن والله كانت نعمة مقارنة بالمشي في الحر ده و اتصورنا الصورة دي بعد ما وصلنا بالأتوبيس و اتكتب لنا عمر جديد في اليوم دا.

ومن هنا حبيت أوصل نصيحتين لأي حد رايح الحج…

أولاً:

اوعي يا واد عمي تاخد عربية من من الفندق و تطلع في الاتجاه العكسي وقت أيام الرمي، لأن أغلب الطرق بتكون مقفولة وممكن تتبهدل جداً.

ثانياً:

استخدم أوتوبيسات المشاعر الرسمية سواء رايح أو راجع، لأنها تقريباً الوسيلة الوحيدة اللي بيكون لها مسارات مفتوحة ومنظمة وقت الزحام.

وربنا يكتبها لكل مشتاق، ويتقبل من الجميع.

كنت مفضي اليوم النهاردة ومفعّل نظام …بعد العيد…قوم جاتلي مريم من المغرب، عندها ٢٦ سنة، وعندها اعوجاج بشع بالعمود الفقري ...
25/05/2026

كنت مفضي اليوم النهاردة ومفعّل نظام …بعد العيد…
قوم جاتلي مريم من المغرب، عندها ٢٦ سنة، وعندها اعوجاج بشع بالعمود الفقري مصاحب له تحدب زي ما واضح في الأشعة اللي ورايا.وفي السن ده، ومع مستوى التشوة دا الدنيا بتكون صعبة وخطيرة حداً، لأن التشوّه تم إهماله لسنوات طويلة.

قولتلها يا مريم بعد العيد إن شاء الله، قالتلي أنا على سفر. قولتلها مش ناقص عندي غير يوم الاثنين، ومفضية أصلاً علشان اجازة العيد… ولو عملنا العملية الاثنين هتخرجي من المستشفى الأربعاء يعني صباح العيد قالتلي ميجراش. قوم حطيت مريم.

امبارح جالي بسملة من السودان، وعندها اعوجاج بالعمود الفقري ومحتاجة عملية.قولتلها بعد العيد. قالولي مفيش قبل؟ قولتلهم قبل إيه؟ مش ناقص غير بكرة… ولو عملناها بكرة هتخرج من المستشفى صباح العيد قالولي: تمام… إحنا جايين علشان العملية حتى لو هتتعمل يوم العيد قولتلهم لا بقى… بكرة مع مريم، علشان يوم العيد انا مرتبط و هكون عند أمي

من التوتر، أهل بسملة سابوا الأشعة في التاكسي امبارح… وحتى ماقالوليش.الساعة ٣:٣٠ قبل الفجر جالي تليفون إن الأشعة ضاعت من أهل بسمله . زعلت لحظة و و بعدين كنت مبسوط إن الحركة اللي بعملها بقالي سنين جابت ثمارها في اللحظة المهمة دي… بقالي سنين طويله أي أشعة لأي مريض هعمله عملية بصورها على الموبايل، تحسباً لأي موقف زي دا.

المهم… بدأت ببسملة، وبعدها مريم.
مريم كانت صعبة بصورة غير عادية…لكن ربنا يسر أمورها، والحمد لله البنات ال٢ بخير و اتصورت الصورة دي مع اشعة مريم بعد انتهاء اليوم.
و بعد فشل تفعيل نظام بعد العيد ربنا يباركلها في ايام العيد و كل سنه و حضراتكم جميعاً بخير

زي النهاردة من سنة كنت في رحلة الحج مع أمي وزوجتي…وكان عندي قلق رهيب طول فترة التجهيز لأن أمي كانت حركتها صعبة و طبعا ال...
24/05/2026

زي النهاردة من سنة كنت في رحلة الحج مع أمي وزوجتي…وكان عندي قلق رهيب طول فترة التجهيز لأن أمي كانت حركتها صعبة و طبعا الزحام و التنقلات في الحج مرهقة حتى للشخص السليم، فما بالك وهي كان عيد ميلادها الـ٨٠ كان يوم عرفة اللي فات.

وصلنا المدينة بالسلامة، وبعدها بدأوا يقولولنا نطلع الزيارات بقي. أول ما شوفت الأتوبيس لقيته عالي جداً كان في عيني كأنه جبل، فقلت طيب إحنا لو طلعنا الاتوبيس هننزل إزاي ب أمي
وهنا اشتغل بقي فكر الجراحين …و دول نوعية من الناس استغفر الله العظيم بيعيشوا دايماً يتخيلوا المشاكل قبل ما تحصل و تشوف في خيالك كل السيناريوهات الصعبة و تبقي مهمتك طول الوقت إنك تحاول تمنعها قبل ما تحدث.

طلعنا الأتوبيس بصعوبة، وطول الطريق بفكر هننزل إزاي و اقول لنفسي إيه اللي جابنا هنا ما كان كفاية المناسك ومش لازم الزيارات أصلاً علشان نكمل الحجه علي خير

لكن الحمد لله، اليوم عدى على خير، و اتصورنا عند جبل أُحد…و طلعنا و نزلنا و رحنا مسجد قباء و نزلنا و طلعنا و كان يوم لا ينسي.

Address

36 Makram Ebeid, Al Manteqah As Sadesah, Nasr City, Cairo Governorate
Cairo
12345

Telephone

+201111032892

Website

Alerts

Be the first to know and let us send you an email when دكتور هاني عبدالجواد. مركز القاهرة الدولي لجراحة العمود الفقري posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to دكتور هاني عبدالجواد. مركز القاهرة الدولي لجراحة العمود الفقري:

Shortcuts

Share

Category