https://www.facebook.com/197184377508435/

Dr / Hisham Abdelhady Clinic, Cairo (2025)

18/03/2025

https://www.facebook.com/share/r/12LHHQ5NJZo/

04/03/2025

https://www.facebook.com/share/r/15udsLLGJd/

15/05/2024

في البوست اللي فات عرفنا ايه الضعف العام بالجسم وايه اسبابه
أسباب الشعور بالضعف العام المرتبط بالحالات الصحية..

النهاردة هنتكلم عن الاسباب المرضيه التي تؤدي الى الشعور بالضعف العام...
قد يشعر الفرد بالضعف العام في بعض الأحيان نتيجة معاناته من مرضٍ أو حالةٍ صحية ما، ومن أبرز الأمراض التي من الممكن أن يكون الضعف العام علامةً من علاماتها أو من أعراضها هي الآتية:

الفشل الكبدي الحاد.
فقر الدم .
الارتجاج.
مرض السكر.
الألم العضلي التليفي.
أمراض القلب.
مرض الأمعاء الالتهابي.
السمنة .
قصور الغدة الدرقية، أيّ قلة نشاطها.
المعاناة من الاكتئاب.
مرض الانسداد الرئوي المزمن.

أعراض الشعور بالضعف العام:
بعد التعرف على أسباب الشعور بالضعف العام، فلنتعرف على أبرز الأعراض الشائعة المرتبطة بإصابة الفرد بالضعف العام في ما يأتي:

الشعور ببعض الآلام في العضلات.
الشعور بالنعاس الشديد خلال النهار.
مواجهة بعض الصعوبات في التركيز، أو حتى في تعلم بعض المهام الجديدة.
الصداع.
التهيج.
المعاناة من بعض المشكلات في الرؤيا، مثل: التشويش .
المعاناة من بعض اضطرابات الجهاز الهضمي التي تتمثل في كل من: آلام البطن، أو الإمساك، أو الإسهال في بعض الحالات الأخرى.

14/05/2024

النهارده هنتكلم عن اسباب الضعف العام بالجسم..
الشعور بالضعف العام يُعد من إحدى الحالات الصحية الشائعة التي يعاني منها العديد من الأفراد.
طيب... ايه هي أبرز أسباب الشعور بالضعف العام؟

اول حاجه النوم الغير كافي..
ده دايما بيبقى من استخدام التليفونات المحموله واجهزه الكمبيوتر او مشاهده التلفزيون فتره طويله قبل النوم...

ثاني حاجه عدم تناول الطعام بشكل جيد...
يعني لو باكل اكل فيه دهون كثير.. او اكل غير صحي.. ده بيخلي في اضطراب في مستوى السكر بالدم وبالتالي يسبب الشعور بالضعف العام..

ثالث حاجه الجفاف..
جسمنا دايما بيبقى في حاجه الى كميه سوائل معينه... ونقصان هذه الكميه يؤدي الى جفاف الجسم وبالتالي يؤدي الى الشعور بالضعف العام..

المره الجايه هنتكلم عن الاسباب المرضية اللي بتؤدي الى الشعور بالضعف العام في الجسم..

15/03/2024

واحنا في رمضان الشهر الكريم لازم نبقى عارفين احنا نقدر نكسر صيامنا على ايه.. كمان نبقى عارفين ايه اللي ما نقدرش نكسر صيامنا عليه..
الممنوعات اللي في رمضان بعد فتره صيام 12 ساعه هي كالاتي..
ممنوع الفطار على العصاير (دي هترفع مستوى الانسولين ) وهتخليك دايخ بعد الفطار..
كذلك ممنوع الفطار على عصير البرتقال (الاملاح والاحماض اللي فيه) هتتعب لك المعده..
كمان ممنوع نكسر الصيام على المعجنات (الحاجات دي كلها خميره وسكر ودقيق ) ..هتعمل لنا انتفاخ..
ممنوع الفطار على مشروبات الغازيه او مشروبات الطاقه (دي بتبقى كلها كافيين) هتاثر على جسمك..

14/03/2024

في الاول احب اهني المصريين والدول العربيه والاسلاميه بمناسبه شهر رمضان اعاده الله عليكم وعلينا بالخير ويتقبل الله اعمالنا وصيامنا..
طبعا الاسئله اللي بتتكرر كثير دلوقتي ازاي مريض السكر يكمل رمضان بصحه جيده وهل ينفع اصلا لمريض السكر الصيام ولا لا...
طبعا زي ما احنا عارفين ان في نوعين لمرض السكر النوع الاولي اللي بيعتمد فيه المريض على الانسولين وده الحقيقه صعب جدا ان هو يصوم وخصوصا لو كان جاي له في سن صغير وبياخد الانسولين اكثر من مره في خلال النهار...
اما بالنسبه للنوع الثاني لمرض السكر وفي المريض بيعتمد على تنظيم الاكل والعقاقير الدوائيه فده ممكن نسمح له بالصيام في حاله اذا كان السكر بتاعه منضبط...
طيب احيانا بيبقى في جزء من المرضى من النوع الثاني اضطر انه ياخذ انسولين علشان السكر بتاعه غير منضبط... السؤال اللي بيتسال في الحاله دي هل المريض ده ينفع يصوم؟..
الاجابه... إن المريض ده ممكن يصوم مع ضروره استشاره الطبيب في الاول.. لان كل مريض غير الثاني وممكن نسمح لمريض وما نسمحش للتاني..
عشان كده مهم جدا قبل قرار الصيام لمريض السكر اللي بياخد الانسولين استشاره الطبيب قبل ما ياخذ الخطوه دي حتى لا يحدث اي مضاعفات للمريض ويكون الصيام بطريقه آمنة...
تحياتى ...

26/07/2023

اتكلمنا البوست اللى فات على أعراض ومضاعفات حمى الضنك والنهاردة هانتكلم عن طرق الوقاية من الإصابة بحمى الضنك..
طرق الوقاية من هذا المرض بأكثر من طريقة..
اولها ..التقليل من الزياره الى المناطق الاستوائيه والتي يكثر فيها البعوض..
ثانيا: البقاء في اماكن ذات تهويه جيده ومكيفه...
ثالثا : الابتعاد عن الاماكن التي يكثر فيها المستنقعات والبعوض بكثره..
رابعا: وضع سلك عازل على منافذ المنازل التي تكون موجوده في اماكن انتشار البعوض..
رابعا: استخدام العلاجات التي تقي من لدغ البعوض..
خامسا: ارتداء ملابس واقيه والتي تقي من اللدغات التي قد تحدث من البعوض مثل ارتداء ملابس ذات اكمام طويله.. وبنطلونات طويله واحذيه وجوارب لتغطيه القدمين والقفازات لتغطيه الكفين..

23/07/2023

حمى الضنك من أنواع الحمى الشديدة والتي أصبحت منتشرة الفترة السابقة و تنتشر في المناطق الاستوائية وشبه الاستوائية يعني في المناطق الحارة وشديدة الحرارة ..ولها أعراض مشابهة لأعراض مرض الانفلونزا..
ومن ضمن هذه الاعراض:

1-ارتفاع الحرارة لدرجة تصل الى 40 درجة مئوية
2-ضعف عام ووهن في العضلات..
3-غثيان وميل للقيء..
4- تورم بالغدد اللمفاوية..
5-طفح جلدي...
وتحدث عادة طرق العدوى عن طريق لدغ البعوض المصاب بفيروس حمى الضنك والذي قد يحمله من مريض آخر.. ولا توجد عدوى مباشرة من مريض إلى آخر...
كما أن هناك علامات تحذيرية قد تؤدي إلى حدوث مضاعفات شديدة..
وهذه العلامات هي..
1- الألم الشديد في المعدة
2-زيف في البول أو البراز
3-نزيف من اللثة والأسنان.
4-نزيف تحت الجلد
5- سرعة وتلاحق معدل التنفس
6-ضعف وإرهاق عام

فى المرة القادمة إن شاء الله هانتكلم على طرق الوقاية ... وازاى نحمى نفسنا وأولادنا من الإصابة بحمى الضنك...

26/06/2023

قلنا في البوستات اللي قبل كدة إن الشخص العادي البالغ مش بالضرورة إنه ياكل بروتين حيواني كل يوم ..
النهاردة هانقول .. إيه الكميات المطلوبة علشان الجسم يستفيد منها في تكوين وبناء العضلات... واللى هي حوالي 65 جرام بروتين حيواني في اليوم أو نقدر نقول 130 جرام يوم بعد يوم يعني مش بالضرورة آكل لحوم كل يوم.. وعايز أقول لكم إن عدد الجرامات دى.. هي بالظبط قطعة تبقى قد علبة الكبريت.. مش أكتر من كده..
كل سنة وأنتم طيبين وعيد سعيد على الجميع وأتمنى لكم دوام الصحة والعافية..

24/06/2023

زي ما قلنا في البوست اللي فات إن في منافع وفوائد لتناول اللحوم.. إنما كمان في مشاكل وأضرار من زيادة تناول اللحوم والمشاكل دي هي:
إنها ممكن تصيب الجهاز الهضمي ب لا قدر الله الأمراض السرطانية التي تصيب الجهاز الهضمي.. كمان تناول البروتين الحيواني بكميات كبيرة من الحاجات اللي ممكن تؤدي إلى تكون أملاح حمض البوليك اللي ممكن تصيب المفاصل بمرض النقرس.. حاجه تانية مهمة جدا ومنتشرة جدا اللى هى أمراض القولون واضطراب حركية الأمعاء.. ده الحقيقة بيحصل مع الأشخاص اللي بيكثروا من تناول البروتين الحيواني لأن الهضم بتاعه بيبقى صعب وبالتالي سهل جدا إنه يكون الغازات اللي بتعمل بعد كده انتفاخ في القولون..
هو الحقيقة مش المفروض الواحد يأكل بروتين يوميا لأن الجسم ما بيحتاجش كل يوم بروتين حيواني... إنما ممكن أمد الجسم بالطاقة اللي محتاجها من خلال البروتين اللي موجود في الحبوب مثلا زي الفول أو العدس أو جميع الحبوب.. كمان البروتين الحيواني من الحاجات اللي ممكن تغير في درجة حموضة الدم وتعليها وده ممكن يؤثر شوية على عمل أجهزة الجسم الحيوية.. وكل ما يكون درجة حموضة الدم متجهه نحو القلوية ده بيبقى افضل..
طب ايه ممكن الكميات المناسبة لتناول البروتين الحيواني في اليوم؟
ده اللي هنعرفه البوست القادم ان شاء الله..

23/06/2023

في الاول احب اهني الشعب المصري بمناسبه العيد الاضحى المبارك... ربنا يعيده علينا جميعا بالله الخير والصحه والسلامه..
طبعا العيد الاضحى مرتبط بالاكل زي غيره من الاعياد الدينيه والمصريه... واحنا عارفين طبعا إن ده موسم أكل اللحمه لجميع أطياف الشعب ( الكبار والصغيرين والاغنياء ولمتوسطى الحال) .. والناس اللي بتقدر تضحي وتوزع من الأضحيه على اللي مش قادر يضحى... علشان الكل في الموسم ده ياكل من اللحوم اللي ممكن ما يكونش قادر ياكل منها في الأوقات الأخرى من السنة..
بس برده زي ما تناول البروتين الحيوانى ليه فوائد اللي منها ( بناء العظام والعضلات للاطفال الصغيرين اللي في مرحله النمو.. وكمان بتمد الجسم من احتياجاته من الزنك وفيتامين B اللي بيخش في تركيبات مهمه جدا زي الشعر والأعصاب والجلد وغيره من اعضاء الجسم... وكمان اللي بيقدر يمنع أو يقلل من الإصابة من الأمراض المناعية).. إنما كمان أحب أقول إن تناول اللحوم بكميات كبيرة ليها مشاكل.. وده اللي هانعرفه فى البوست القادم..

Dr / Hisham Abdelhady Clinic

18/03/2025

04/03/2025

15/05/2024

14/05/2024

15/03/2024

14/03/2024

26/07/2023

23/07/2023

26/06/2023

24/06/2023

23/06/2023

Address

Telephone

Website

Alerts

Shortcuts

Share