ثلاثون شهرًا - د. منار مبارز

27/07/2025

05/06/2025

كل عام وأنتم بخير 🤍💚🌴

29/05/2025

من يوم ما بدأت مهنتي وأنا دايمًا باسأل نفسي عن تعريف (الأمومة)!
وليه بتبدأ بكل هذا الزخم؟!
السنة الأولى من الأمومة... 🙊
السنة الصعبة... اللي كلها رضاعة وعياط ولخبطة نوم وحفاضات وقشط...
وبعدين تسلم للسنة التانية اللي فيها مغامرات الأكل والفطام والتدريب على النوم والحمام... 😅
كان عندي أسئلة كتير... بقالي سنين باجمّع أجزاء من إجابتها... وأخيرًا جت لي فرصة مع شوية شجاعة إني أتصدر للإجابة عن شوية الأسئلة دي...

هل السنين دي مجرد معاناة مستقطعة من عمر الأمومة؟!
ليه لازم نتعب كده؟!
هل خلق الله النساء لتعاني؟!
هل فيه حكمة؟!
هل فيه دور؟!
هل فيه مكاسب؟!
هل فيه علاقة حقيقية بتتبني بين الام والطفل بمجرد الرضاعة والأكل والنوم والفطام والحفاضات؟!
هل الطفل بس هو اللي بيكبر وبيتطور؟!
طب الأم... سواء أول أو ثاني مرة او حتى أكتر... هل الأم بتتغير؟! بتتطور؟! نفسيتها بتروح وتيجي فين؟!

ممتنة جدًا إني خدت الفرصة دي في منصة تعليمية زي بالعربي - مساعدة ذاتية بخبرة علمية
لمحتوى العربي محتاج كلام علمي وفي نفس الوقت إنساني عن الأمومة 🙌🏼
الأمهات محتاجة أدوات للمساعدة الذاتية بخبرة علمية... بالضبط زي شعارنا في "بالعربي" 👆🏼

لعل الكورس ده يكون البداية...
عشان الأمومة مش مجرد حياة شخصين ماشية بالتوازي، تفاصيل كتير قادرة تطلع لنا شخصين جداد تمامًا للحياة... ده مش بس ميلاد الطفل، لكنه ميلاد تاني ليكي كأم...
كل سنة أمومة وانتي طيبة 🌟🎁

الكورس مسجل على منصة بالعربي، التفاصيل واللينك والبرومو كود ل و في أول تعليق 👇🏼
عايزة رأيكم جدا، عشان اعرف أكمل في الخط ده ولا لا...

29/03/2025

الواحة بتكبر 🌴
مطلوب لواحة المعادي🌴

🌴أولا: استشاري رضاعة طبيعية
🌟سيدة
🌟طبيبة بشرية
🌟البورد الدولي للرضاعة الطبيعية (ساري)
🌟يفضل خريجي كورس الجمعية المصرية لاستشاري الرضاعة الطبيعية
🌟يفضل (لكن لا يشترط) أهل المعادي وضواحيها

🌴ثانيا: طبيب/طبيبة تغذية علاجية
🌟طب بشري
🌟شهادة تخصص في التغذية العلاجية من نقابة الأطباء المصرية
🌟يفضل خبرة اكلينيكية في تخصص طبي متصل بصحة الأم والطفل (اطفال، نساء، طب اسرة)
🌟يفضل (لكن لا يشترط) أهل المعادي وضواحيها

🌴ثالثا: اخصائي/أخصائية تغذية
🌟من غير الأطباء البشريين
🌟شهادة اخصائي تغذية من المعهد القومي للتغذية
🌟خبرة تحت إشراف طبيب في تغذية أي مما يلي: الحوامل و/أو المرضعات و/أو الاطفال و/أو السكر بأنواعه)
🌟يفضل (لكن لا يشترط) أهل المعادي وضواحيها

الأوراق المطلوبة:
🌟 السيرة الذاتية CV
🌟 شهادات التخرج، والشهادات الدراسية، وتسجيل النقابة
🌟 شهادة خبرة أو خطاب توصية من مكان سبق العمل فيه Recommendation letter
🌟 خطاب تعريفي حر، عن اسباب الانشغال والاشتغال بالمهنة، وسبب اختيار التقدم للواحة، وتصور عن طبيعة العمل بها
Cover letter

🌴ترسل الاوراق المطلوبة مجتمعة في فايل واحد فقط بصيغة pdf على ايميل الواحة:
Dr.manar.mobarez.clinic@gmail.com

🌴يبدأ تلقي الطلبات من الآن وحتى يوم ٥ ابريل، ويتم فرزها، ونبدأ في التواصل مع المتقدمين الذين تم اختيارهم بعد يوم ١٠ أبريل، على أن تبدأ المقابلات من يوم ١٥ أبريل.

19/03/2025

🌟اجازة العيد في الواحة 🌟
كل عيد وأنتم بخير، الواحة اجازة من يوم الأحد ٣٠ مارس وحتى يوم الجمعة ٤ أبريل 🙌🏼
🌴آخر يوم عمل في مارس هيكون السبت ٢٩
🌴أول يوم عمل في أبريل هيكون السبت ٥

أما بخصوص الكحك والذي منه، فأنا شخصيا هآكل كحك بعين الجمل وغريبة بالفستق، بحد أقصى ٣ قطع يوميا، بعد وجبة 😆
ليه؟ انا مشكلتي مش سعرات قد ما باحترم المؤشر الجلايسمي للأكل، اللي هيكون أحسن لو فيه مكسرات، وبعد وجبة متكاملة 👌🏼

اما أصدقائي زوار العيادة، فأنا هاسيبكم لضميركم ولرصة التعليمات اللي بنقعد نعيد ونزيد فيها في العيادة 😅
شقايا وتعبي عندك يا رب 🤣

للحجز تقدروا تبعتوا لنا على الواتس آب
http://wa.me/+201010429267
او تكلمونا على 01010429267

07/03/2025

يوم الاثنين ١٠ مارس/رمضان ٢٠٢٥ الساعة ٨ ونص مساءا على صفحة واحة د. منار مبارز -Manar Oasis و Wanas Fatem - ونس فاطم 🌴💚

23/02/2025

كل سنة وأنتم طيبين ورمضان كريم 🌴🌟

مع دخلة رمضان واستعدادات اهل الخير بشنط رمضان لأهلنا من رقيقي الحال، مهم اوي نعيد نظر في مكونات الشنط بحيث تكون من طيّب الطعام وأوسطه 🙌🏼
مش منطقي أبدًا الشنطة تبقى كلها نشويات ودهون مهدرجة ونرجع نقول للناس صحتكم تعبانة ليه، ونرجع ندور على مساعدات في أدوية ضغط وسكر ودهون دم... وبعدين نقولهم ليه مبتاكلوش فاكهة وخضار!😒

شنط رمضان ينفع يبقى فيها بدايل صحية نسبيًا... 💚
بروتين نباتي زي العدس والفول والفاصوليا واللوبيا..
خضار مجفف أو يستحمل التخزين زي الملوخية الناشفة والبطاطس..
فاكهة صحية زي التمر والزبيب..
دهون صحية زي الزيتون...
وزيت بدل السمن المهدرج..
علبة مربى بجودة معقولة قد تكون حلوى الشهر الكريم..
برطمانين عسل أسود وطحينة قد يكونوا حلوى ومصدر لطيف لدهون صحية...

انقلوا الأفكار دي لأي حد تعرفوه بيجهز شنط رمضان، ولو عندكم أفكار مناسبة اكتبوها في التعليقات 👌🏼

الخير مش تقضية واجب ده إحسان واتقان...
والأكل مش ملو بطن ده استثمار طويل المدى في الصحة...

خلوها في بالكم واللي يحتاج مساعدة في تصميم الشنط وبدايلها يبعت لي فورا بدون تردد 🙌🏼

23/02/2025

مواعيد شهر مارس في الواحة
🌴كل يوم ما عدا الجمعة 🌴

🌟مواعيد واحة المعادي 🌟
السبت والأحد و الثلاثاء والأربعاء من كل أسبوع
🌴الأحد و الأربعاء من ٧ مساء إلى ٩ مساءًا
🌴السبت من ١١ ظهرًا إلى ٤ عصرًا
🌴التلات من ٢ ظهرًا إلي ٤ عصرًا

🌟مواعيد واحة الرحاب🌟
🌴الاتنين من ١١ ظهرًا إلي ٤ مساءًا
🌴الخميس من ٧ مساءًا إلى ١١ مساءًا
🌟نستقبل حالات الغدد والتغذية والرضاعة في المعادي والرحاب ✌🏼
🌟الكشف بالحجز المسبق عن طريق الاتصال أو واتساب 💚
🌟يفضل الحجز قبلها بأسبوع علي الاقل، ونحاول دائمًا مراعاة حالات الرضاعة العاجلة 🙏🏼