الراجل اللي يفرح لنجاحك ويساعدك عليه وده مبيحصلش غير لو هو راجل واثق من نفسه وعايز يزقك ومش غيران منك
الراجل القوي اللي تتحامي فيه وتبقي واثقة ان محدش يقدر يزعلك و هو موجود لما يبقى سند
لما تعرفي تضحكي معاه من قلبك ويعيشك احساس انك طايرة
لما تثقي في عقله ورأيه و تحبي تسأليه وتسمعي منه
الكريم والكرم مش بس فلوس الكريم كريم مشاعر وكريم عطاء وحتى لو معهوش هيبان عليه كرمه
اللي يفهمك من غير ما تشرحي نفسك مش محتاجة معاه تبرري موقفك لانه مش حطك في وضع اتهام هو مصدقك وفاهمك
اللي بيحترمك ويحترم عقلك يشوفك كبيرة ويقدر كلامك وتبقى ليكي قيمة حقيقية عنده
لما تلاقي الراجل ده حافظي عليه♥️
28/04/2024
الحب مش واحد ينزل على ركبته ويقول بحبك وبعدين يأذيني
اكتر انسان مظلوم في العلاقة هو انسان مش عارف الفرق بين الحب والتعلق
الحب علاقة دافيه مليانة مشاعر جميلة
علاقة مفيهاش اذى نفسي
اما التعلق
هتلاقي نفسك مش مرتاح هتلاقي كل حاجة مش في مكانها
والمشاعر كلها مش بطبيعتها
القلق زايد الغيرة صعبة او معدومة
هتلاقي عياط وزعل كتير
وكل يوم هتسأل نفسك انا ليه مكمل بس برده هتلاقي نفسك مش عارف تمشي
اول خطوات التعافي انك تعرف الفرق بين الحب والتعلق وتفهم مشاعرك صح👏🏻
18/04/2024
انا ربنا خلقني ليه
عمرك سألت نفسك السؤال ده
*كلُ مُيسر لما خُلِق له* كلمة علقت في مخي من ساعة ما سمعتها من استاذنا الكبير دكتور أحمد الأعور في واحد من كورساته
يعني ايه بقى
يعني اعرف نفسك و شوف ايه الإنجاز اللي ربنا خلقك تحققه
🧷هل عشان أكون أم و أربي صح
🧷هل صاحب شركة و ناس كتير ربنا مخليني سبب رزقهم
🧷هل انا عالم ممكن افيد الناس بعلمي
🧷هل انا خبير في حاجة واقدر انشر خبرتي والناس تستفيد
🧷هل انا أب او أخ شايل عيلتي ومش مخليهم عايزين حاجة
طيب ليه ربنا اختارني للعمل ده هنا يجي السؤال التاني
🔍انا طبيعة شخصيتي ايه
🧷هل انا لين اقدر اساعد الناس
🧷هل انا قوي اقدر استحمل الأزمات واقوم ابني نفسي تاني
🧷هل انا صبور اقدر اتعامل
🧷هل انا كريم هل انا عصبي هل انا…..
١٠٠ سؤال انا ايه وربنا اختارني لايه
✅اهم حاجة تعرف ان مش كل الإنجازات معناها انك تبقى انجح واغنى واحد
✅الإنجاز الحقيقي لما تحس انك بتؤدي الدور اللي ربنا مسخرك ليه
✅تسعى وتشتغل وتحلم وتكبر من نفسك بس لازم تعرف
انت شاطر في ايه ✌🏻
Be the first to know and let us send you an email when Miar sebaq - life coach posts news and promotions. Your email address will not be used for any other purpose, and you can unsubscribe at any time.
