21/08/2025
اهم ٥ نقط لازم تعرفهم ..لو ناوي تاخد حقن التخسيس او بديلة التكميم ...
١- شرب كمية كافية من الماء 💧
المياه أساس نجاح أي برنامج للتخسيس، خصوصًا مع استخدام الحقن.
بتمنع حدوث الامساك اللي هو المشكلة الاساسية مع الحقن
المياه بتساعد على ترطيب الجسم.
بتحسّن عملية الحرق والهضم.
بتقلل الإحساس بالجوع الكاذب.
كمان بتساعد الكلى على التخلص من السموم والمواد الناتجة عن حرق الدهون.
💡 نصيحة: اشرب من ٢–٣ لتر مياه يوميًا، ووزّعهم على مدار اليوم.
--
٢- الاهتمام بتناول الخضروات 🥗
الخضار مليان ألياف وفيتامينات ومعادن.
بردو بتساعد على ان الجهاز الهضمي يعمل بطريقة طبيعية وتقلل حدوث الامساك
الألياف بتساعد على الشبع لفترة أطول.
سعراتها قليلة جدًا فبتساعد على التحكم في الوزن.
بتحافظ على صحة الجهاز الهضمي.
كمان بتحسّن توازن السكر في الدم.
💡 نصيحة: خلي نص طبقك في الغداء والعشاء عبارة عن خضروات.
---
٣- التركيز على البروتين 🍗🥚
البروتين عنصر مهم جدًا أثناء التخسيس.
بيحافظ على الكتلة العضلية من الفقد.
بيزود الإحساس بالشبع لفترة أطول.
بيساعد على زيادة معدل الحرق (الميتابوليزم).
💡 مصادر البروتين: اللحوم البيضاء، الأسماك، البيض، البقوليات، منتجات الألبان قليلة الدسم.
---
٤- تقليل أو منع السكريات والتسالي البسيطة 🍫🍟
السكريات والمقليات (الشيبسي – الحلويات – المشروبات الغازية) بترفع السكر بسرعة وتتحول لدهون.
بتسبب زيادة الجوع بعد فترة قصيرة.
بتوقف تقدمك في رحلة التخسيس حتى مع الحقن.
💡 بدائل: الفاكهة الطازجة بكميات معتدلة، أو مكسرات غير مملحة.
---احنا بنبني عادات صحية مستغلين فرصة اننا شبعانين.. علشان اما نبطل الخقن مانرجعش تاني
٥- لازم يكون تحت إشراف طبيب 👩⚕️
حقن التخسيس مش مناسبة لكل الناس.
الطبيب بيحدد الجرعة الصح حسب وزنك وحالتك الصحية.
بيتابع التحاليل والفحوصات اللازمة.
كمان بيقيك من المضاعفات أو الأعراض الجانبية اللي ممكن تحصل لو استخدمت بشكل خاطئ.
---
✨ الخلاصة: حقن التخسيس مش "سحر" لوحدها، نجاحها بيعتمد على أسلوب حياة صحي: شرب مياه كفاية، خضار، بروتين، منع سكريات، وتحت إشراف طبيب.
EVA Pharma
