28/04/2025
عمرك حسيت إنك مرهق من جوة ومش طايق حاجة حواليك؟
حاسس إنك بتجري ورا كل حاجة في نفس الوقت وفي الآخر مش مبسوط؟
ممكن تكون دي أعراض الاحتراق النفسي!
📌 تعالى نفهم سوا يعني إيه :
الاحتراق النفسي هو حالة إرهاق نفسي وجسدي وعقلي بتحصل بسبب الضغوط اللي بنعدي بيها كل يوم، سواء في الشغل، الدراسة، أو حتى وسط العيلة والصحاب.
وزي ما إحنا عايشين في عصر كله سرعة ومسئوليات كتير، طبيعي جدًا إن الضغط يزيد ويقلب بإرهاق.
📌 طب إيه أسبابه؟
١. ضغط الشغل: ساعات طويلة🫠، مفيش وقت لنفسك، ومفيش تقدير من اللي حواليك أو تقدير منك لنفسك.
٢. التوقعات العالية: عايز تبقى دايمًا رقم ١، وده بيخليك دايمًا تحت ضغط.
٣. قلة الدعم: مفيش حد تسمعله، أو يحس بيك… فتحس إنك لوحدك.
📌 إيه هي أعراضه؟
- تعب طول الوقت: حتى وانت نايم كويس.
- فقدان الشغف: الحاجات اللي كنت بتحبها بقت مملة.
- تقلبات مزاجية: توتر، زعل، أو غضب من غير سبب.
📌 طيب نتصرف إزاي؟
١. ظبط حياتك: لازم يكون في توازن بين الشغل وحياتك الشخصية… نظم وقتك وخلي في أولويات.
٢. اتكلم: احكي لحد قريب منك… أو حتى حد متخصص… الكلام بيخفف الضغط كتير.
٣. اهتم بنفسك: مارس رياضة، شوية تأمل يوميًا … هتفرق معاك.
٤. اتعلم تقول لأ: لما تحس إنك مش قادر… قول كفاية، متجيش على نفسك.
ببساطة… الاحتراق النفسي مش مجرد حالة نفسية بسيطة ممكن تتهاون فيها!
هو إنذار بيقولك: “إلحق نفسك”
وخد بالك… التغييرات الصغيرة بتعمل فرق كبير جدًا، وبتعيدلك طاقتك.
📌 تابعنا على تشانيل الواتساب من خلال اللينك ده :
https://whatsapp.com/channel/0029Vb8L0e1I1rcpZXrUUq2E
🖇️ Our Linktree :
https://linktr.ee/swy_initiative
َوِيٌّ
