20/08/2025
🧠 إزاي تعاقبي طفلك من غير ضرب أو صراخ؟
خلينا نلعبها سؤال وجواب 👇
👶 من ١ لـ ٣ سنين:
ابنك رمى الأكل عالأرض… تعملي إيه؟
1️⃣ تزعقي؟
2️⃣ تديله على إيده؟
3️⃣ تتجاهلي الموقف وتشغليه بحاجة تانية؟ ✅
➡️ في العمر ده الطفل لسه مش فاهم العقاب، أفضل حل = التجاهل والتشتيت 🎨🧸
👧 من ٣ لـ ٥ سنين:
بنتك رفضت ترتب لعبها… تعملي إيه؟
1️⃣ تحطيها عالكرسي دقيقة ؟ ✅
2️⃣ تزعقي وتحرميها من الخروج؟
3️⃣ تسيبيها على راحتها؟
➡️ هنا الطفل بدأ يفهم، "كرسي العقاب" ينفع لكن من غير صراخ أو إهانة ✋
👦 من ٦ لـ ٩ سنين:
ابنك كسر لعبته… إيه الصح؟
1️⃣ تجيبي له لعبة جديدة؟
2️⃣ تمنعيه من التلفزيون يوم كامل؟
3️⃣ تخليه يتحمل النتيجة وما يلاقي بديل؟ ✅
➡️ العقاب المنطقي هو الأهم: العقوبة تكون مرتبطة بالفعل.
👩🎓 من ٩ سنين وأكتر:
ابنك ما رتبش غرفته… إيه تعملي؟
1️⃣ تعاقبيه من نفسك؟
2️⃣ تسخري منه قدام الناس؟
3️⃣ تسأليه: "إيه العقاب المناسب في رأيك؟" ✅
➡️ الحوار أهم من العقاب… خليه يشارك
العقاب مش هدفه يوجّع أو يخوف
العقاب هدفه "يعلم" ويخلي الطفل مسؤول وواعي ✨
🚫 خلي بالك:
👊 الضرب مش بيربّي… الضرب بيزوّد العدوانية
👶 والطفل اللي بيتضرب بيتعلم يرد العنف بعنف
✅ التربية الصح = 💕 حب + 🗣️ حوار + 🧠 عقاب واعي
