Mariam Elshorbagy

24/08/2025

Last week 🤍🕊️🥰☕️

22/08/2025

بقالي كذا يوم بشقلب أفكار كتير في دماغي وأرتبها
كل فترة بتمر على الواحد المرحلة دي
لقيت نفسي بسأل السؤال ده
يامريم لو رجع بيكي الزمن تغيري إني طبع فيكي ؟
وأنا حد افتكر انه مندمش على حاجة عملها أو فشل مر بيه لأني بتعلم
بس هقول
بندم وندمت بجد لما بدي انطباع أولي وسريع عن حد
وبلاقي العكس بيحصل
وده بشوفه في المعاملات وناس كتير بسجيتها بتقع فيه
فخ الانطباع الأول
ولومت نفسي إني كبرت في السن ولسه بقع فيه
بس بنتدارك ده بعد ما ندفع فاتورة وقت وطاقة وحاجات كتير
ولكن الله المستعان..

13/08/2025

07/08/2025

27/07/2025

برودة المشاعر من العلامات المزعجة على وجود تعب نفسي
كون إنك تحس بمشاعر
على كافة أنواعها
من حزن ضيق غم غضب انهيار
ل حماسة فرح انبهار انبساط
ب قلق ترقب توتر خوف
شوف أد ايه مشاعر بيحس بيها الإنسان الطبيعي
لما بتدخل دايرة التعب النفسي
ومن كتر ما المشاعر دي كانت مكتومة جواك ومكنش ليها مستقبل يحتويها
بدأت تبقى متبلد المشاعر ..خاوي
أنا بقيت فاضي لاعارف أدوق طعم الفرحة ولا ينزل دموع من عيني

27/07/2025

25/07/2025

مش نهاية العالم ولا حياتك
بس في وقتها بتحس فعلاً ان روحك بتطلع

19/07/2025

في ناس مبقتش موجودة وسطينا
ومش شرط يكونوا ماتوا
ومش شرط الفراق تم بشكل وحش
أوقات الحياة بتضطرنا على حاجات
بنكون مجبورين عليها
أوقات نقول ياريتنا كنا عرفنا بعض قبل
أو ياريت ده محصلش عشان نبعد
بس
لما بتيجي السيرة بتنزل دموع من عينك لما بيتذكر الشخص ده
مع ابتسامة في نفس الوقت وتقوم قايل
ياااااه يا أخي والله وحشتني
مش حصلت معاك قبل كده ؟؟

17/07/2025

النهارده اتسالت سؤال ثوعباني شوية
هو الرجالة سرعتها في التخطي اكتر من الستات ليه ؟
كان ردي حاسم وقوي
التعميم ده مش صح
في ستات تخطت أسرع من رجالة كتير
وفي رجالة بتيجي العيادات النفسية عشان مش قادرة تتخطى ولا تنسى حب وعلاقات قديمة
وده مش عيب بالمناسبة وميهزش رجولة حد أبداً
المشاعر حاجة ثمينة ولما حد يدغدغها ويدشدش فيها ويسيبنا ويمشي من غير أسباب
بننهار ده طبيعي ده قمة الطبيعي
اللي مش طبيعي أننا نسيب نفسنا ومنستسلمش
ف بلاش تعميم مش في محله

14/07/2025

🤍🧡

13/07/2025

أقولكم على حاجة كنت بقول تفضل سيكريت جوايا ومقولهاش
بس هقولها بحمد ربنا ان يعني شوية شكلي اصغر من سني وبهتم بيه لأسباب كتير أهمها انه مش ملكي هو أمانة من ربنا لينا وبنحافظ عليها زي صحتنا
والحاجة الأهم بقا
مجالنا العلاج النفسي
بحسه زي المجال الرياضي احنا ك معالجين لينا عمر فيه
وده سببه مشروع ومفهوم اوي
ان اغلب عملاؤنا هما الشباب
العشرينات والثلاثينات من العمر
و gen z زي ما بنقول مواليد الألفينات الجامدين اللي سابقين الزمن (لقيت حد متسرع اكتر مني 😂)
يارب يبقالي لسه عقد كمان في المجال ده او عقد ونص بالكتير وأتقاعد بقا في مزرعتي السعيدة واولادي يتولوا الأمر من بعدي
وميبقاش باين برده عليا السن عشان مش هعمل أي عمليات تجميل 😂😂

11/07/2025

أقولكم حاجة من الآخر
هي مش بتبقى مبررات هي أولويات
لو أنت شخص قريب ومهم جداً بالنسبالي
هعرف أديك وقت
أنا وأنت نشحن فيه بعض
زي ما بنقول quality time
حتى لو مش كل يوم ولا كل أسبوع
ان شاءالله مرة كل فين وفين
ده يبقى الوقت بتاعنا
الكل مشغول
ولكن مش الكل بنفس الأهمية
خد بالك ومتبقاش تقيل على حد
وأنت التاني متبقاش تدي رسائل مزدوجة تحسسه انه قريب
وبعدين تقول ده ملزق وسخيف