مساحة آمنة للتعافي والدعم النفسي بالفن والحكي والدراما، والعلاج بالـ EMDR والمدارس العلاجية المختلفة. You're welcome to be part of this healing journey 💛
🎨 دعاء فتحي – Doaa Fathi
اخصائية نفسية، معالجة EMDR
متخصصة في التعبير بالفنون والحركة والحكي والدراما.
أقدّم جلسات دعم نفسي فردية، وجماعية، وورش تفاعلية للفن والتعبير.
أؤمن إن الشفاء بيبدأ من مساحة آمنة، مليانة صدق وحرية ورحمة.
بدأت رحلتي من 2014 على الأرض، ومن الطفولة جوايا، وسعيت طول الوقت أعيش كل تجربة قبل ما أقدّمها لحد غيري، ولأني مؤمنة انه ماينفعش اشتغل مع الناس من غير ما اكون انا كمان ماشية في طريقي للتعافي. وعشان اكون صادقة ومتفهمة رحلة كل شخص في طريقه للتعافي.
رسالتي مستمرة في التعلم، الإشراف، والتطور.
📌 الدراسة والتدريبات المتخصصة:
خريجة آداب علم نفس
معالجة EMDR معتمدة من Trauma AID – UK
تدريب AIR من جامعة مينيسوتا
تحليل نفسي لمدة 3 سنوات
تدريبات السايكوديناميك، المشورة، الفنون المجتمعية، قيادة المجموعات العلاجية
مشوار مستمر في دراسة صدمات الطفولة والاعتداءات النفسية والجنسية
🌀 الخدمات:
جلسات فردية (أونلاين/أوفلاين)
ورش ومجموعات دعم بالفن والحركة والحكي
دعم نفسي للاجئين والمصريين من خلال مبادرات وجمعيات دولية
مؤسسة مبادرة "ادعم نفسك والآخرين"
🌱 الصفحة هنا مش مركز علاجي… هي مساحة حقيقية للحكي والوعي، وشغف ماشي على رجليه
”ولا شيء يعطر حياتنا يمد في مداها، غير سيرة عاشت هنا أكتر صاحبها ما عاش“
Be a Giver and have Courage.
20/10/2025
"أنا مش متأكدة إذا كنت بعيش حياتي بالطريقة اللي أنا عايزاها، ولا بالطريقة اللي الناس متوقعاها… إزاي أوصل لذاتي الحقيقية؟"
--------
الذات الحقيقية هي الجزء اللي بيعبر عن قيمنا العميقة ورغباتنا وأحلامنا، واللي بنحس معاه بسلام داخلي.. اما الذات المزيفة فهي الصورة اللي بنظهر بيها علشان نرضي توقعات الآخرين
عشان تقربي من ذاتك الحقيقية:
✨ اسألي نفسك>> إيه الحاجات اللي لما بعملها بحس إني أنا فعلًا؟
✨ لاحظي>> فين بتحسي إنك مضطرة تمثلي أو ترضي غيرك
✨ جربي الجديد>> لأن التجربة بتوضح الفرق بين رغباتك وضغط المجتمع
✨ اسمعي لمشاعرك>> الراحة والحيوية علامة إنك على طريقك، بينما التوتر المستمر ممكن يكون إشارة إنك عايشة وفق توقعات غيرك
✨ التدريج>> مش لازم تغيري كل حاجة مرة واحدة، لكن خطوة بخطوة هتلاقي نفسك أقرب لنسختك الأصيلة
واعرفي.. ان الوصول للذات مش محطة واحدة، لكنه رحلة مستمرة طول العمر.. وكل خطوة صادقة مع نفسك بتقربك منها🌱
-----------
❓ وانت.. إيه الحاجة اللي بتحسسك أكتر انك قريب من ذاتك الحقيقية؟
أ. دعاء فتحي
أخصائية نفسية
30/09/2025
معادنا بكرة ان شاء الله.. منتظرينكم🙏🏻
و لسه فيه فرصة حضور للورشة المخفضة اونلاين، اذا تحبوا تنورونا، او تبعتوها لحد هتفرق معاه انه يبقي معاه أدوات ويفهم اكتر عن نفسه ودماغه، وازاي يعيش شوية راحة وهدوء من كل الاصوات الزحمة اللي فيها..
📌 هتتعلم فيها:
✅ إزاي توقف دوامة التفكير الزائد في وقت قصير
✅ خطوات عملية تهدي يومك وتخليك تركز
✅ تمارين سريعة من العلاج بالفنون ومدارس علاجية اخري تقدر تطبقها فورًا وتناسبك انت مخصوص.
✅ Restart حقيقي يخليك تكمل يومك بهدوء
⏳ المدة: ساعتين (الاربعاء ١ اكتوبر من 7م ل 9:00م)
📍 أونلاين – من بيتك
*مقدمة الورشة:*
ا. دعاء فتحي
اخصائية نفسية، معالج EMDR وتعبير بالفنون والحكي والدراما
---------
ابعتلنا علي الخاص للتسجيل او الاستفسار
العدد محدود لضمان جودة التفاعل
يوجد خصم خاص 20٪ للحجز المبكر.
للحجز:
+20 109 9460395
29/09/2025
كتير مننا بيستغرب ليه بيحس بمشاعر قوية أو ردود فعل "أكبر من الموقف"
السبب أحيانًا إن الموقف الحالي لمس ذاكرة قديمة من صدمة، والمخ بيستدعي الإحساس اللي اتحس وقتها، حتى لو الحدث الجديد مختلف تمامًا
📌 فهم النقطة دي مهم جدًا:
مشاعرك دلوقتي مش دايمًا مرتبطة باللي بيحصل "دلوقتي"، لكنها ممكن تكون انعكاس لماضي مازال له آثار جوانا لم تنته
وده اللي العلاج بيساعدك فيه:
تمييز بين الماضي والحاضر
إعادة تنظيم طريقة تخزين الذكرى
تهدئة المشاعر العالقة علشان تعيش اللحظة فعلاً
💡 رحلة التعافي بتخليك أقوى، وأقرب لنفسك الحقيقية
27/09/2025
🧠 هل عرفت قبل كده إن المخ بيخزن الذكريات بطريقتين مختلفتين؟
🔹 الذكريات العادية:
بيتم تخزينها في المخ بشكل متكامل: الصورة، الأصوات، المشاعر، الترتيب الزمني.. عشان كده لما نفتكر، بنقدر نحكي الحدث كقصة مترابطة
🔹 الأحداث الصادمة:
الوضع بيكون مختلف! تحت الضغط الشديد والخوف، بيحصل خلل في طريقة التخزين
الذكرى بتتخزن "مجزأة" في أماكن متفرقة من المخ (الصورة لوحدها، الصوت لوحده، الإحساس الجسدي لوحده).
وده يفسر ليه ساعات ننسى تفاصيل من الحدث، أو نفتكر حاجات "مقطوعة" ومش مرتبة
وكأن الذكرى مش قصة كاملة، لكن أجزاء متفرقة بتظهر فجأة (كوابيس، صور، إحساس جسدي)
💡 هنا بييجي دور العلاج النفسي (زي EMDR)، اللي بيساعد المخ إنه "يربط الخيوط" ويجمع أجزاء الحدث، عشان يتحول من ذكرى حية بتقتحم الحاضر إلى ذكرى مكتملة مكانها الطبيعي في الماضي
---
📌 خلي بالك:
لو في ذكرى معينة لسه بتأثر عليك ومش بتعدي، اعرف إن ده مش ضعف منك.. ده طريقة عمل المخ
العلاج ممكن يساعدك ترتب القطع المتفرقة وتستعيد سلامك الداخلي
#الصدمة #التعافي #ذكريات
23/09/2025
⚡ إيه هو الحدث الصادم؟
الصدمة مش بس حاجة "كبيرة" زي فقدان شخص عزيز أو التعرض لحادث..
المخ ممكن يعتبر حاجات مختلفة أحداث صادمة حسب شخصيتنا وتجاربنا السابقة
💥 أمثلة على أحداث ممكن المخ يسجلها كصدمة:
التعرض لحادث أو إصابة
فقدان مفاجئ لشخص أو علاقة
التنمر أو الإهانة المستمرة
الخيانة أو فقدان الثقة في شخص قريب
التعرض لعنف (جسدي، لفظي أو نفسي)
مواقف "صغيرة" في نظر الآخرين، لكنها كسرت إحساسك بالأمان في لحظتها
🌱 المهم هنا:
مش الحدث نفسه هو اللي يحدد، لكن ازاي استقبله عقلك وجسمك
📌 لو حسيت إن في ذكرى معينة لسه مأثرة عليك، اعرف إن التعافي منها ممكن ومتاح، سواء من خلال الجلسات الفردية أو ورشة افصل دماغك (تفاصيلها في اول كومنت)
#الصدمات #التعافي #القلق #الاكتئاب
22/09/2025
✨ لما نتعرض لصدمة، مشاعرنا ساعات بتتلخبط
ممكن نحس بخوف، غضب، ذنب، أو حتى فراغ وجمود..
وده طبيعي جدًا
الجسم والعقل بيحاولوا يحمونا ويستوعبوا اللي حصل
🌀 لكن مع الوقت، لو المشاعر دي فضلت معلقة أو قوية أوي، بتأثر على يومنا وعلاقاتنا وصحتنا
وهنا بيكون العلاج النفسي
وسيلة آمنة تساعدك تفهم وتدير المشاعر العالقة
💡 الرسالة المهمة:
انت مش لوحدك، والتعافي ممكن
21/09/2025
🌧️ ساعات بنحس إن دماغنا مليانة أفكار متلاحقة زي المطر الغزير..
صوت داخلي ما بيقفش، يخلينا تعبانين حتى واحنا قاعدين ساكتين..
لكن زي ما المطر بينظف الجو
التعبير عن اللي جوانا وتنظيم أفكارنا بيساعدنا نلاقي صفاء وراحة ✨
خطوة صغيرة النهارده ممكن تغيّر كتير:
📌 جرّب تكتب كل اللي بيدور في بالك على ورقة
📌 أو احجز جلسة تساعدك تسمع وتفهم نفسك أكتر
📌 او احضر معانا ورشة "افصل دماغك" اونلاين، يوم 1 اكتوبر (التفاصيل في اول كومنت)
إنت مش وحدك في رحلتك 🌿
#قلق
12/09/2025
🌀 أوقات كتير القلق بييجي في صورة:
تفكير مستمر مش عارف يتوقف 🧠
ضربات قلب سريعة 💓
صعوبة في النوم 🌙
إحساس إنك مرهق حتى من غير سبب واضح 😮💨
القلق مش ضعف.. هو إشارة إن جسمك وعقلك محتاجين دعم وراحة
العلاج رحلة.. خطوة بخطوة بتتعلم إزاي تهدي دماغك وتلاقي سلامك الداخلي 🌿
لو حابب تبدأ رحلتك معايا:
📌 احجز جلسة فردية
أو شارك في ورشة افصل دماغك عشان تدي لنفسك مساحة تنفس وتوازن ✨
(تفاصيل الورشة في اول كومنت)
#قلق
10/09/2025
ورشة اونلاين، بتكلفة مخفضة، وكمان خصم للحجز المبكر
مدتها ساعتين بس لكن مليانين فهم وتطبيق
في انتظاركم ان شاء الله 🌹
📌 هتتعلم فيها:
✅ إزاي توقف دوامة التفكير الزائد في وقت قصير
✅ خطوات عملية تهدي يومك وتخليك تركز
✅ تمارين سريعة من العلاج بالفنون ومدارس علاجية اخري تقدر تطبقها فورًا وتناسبك انت مخصوص.
✅ Restart حقيقي يخليك تكمل يومك بهدوء
⏳ المدة: ساعتين (الاربعاء ١ اكتوبر من 7م ل 9:00م)
📍 أونلاين – من بيتك
*مقدمة الورشة:*
ا. دعاء فتحي
اخصائية نفسية، معالج EMDR وتعبير بالفنون والحكي والدراما
---------
ابعتلنا علي الخاص للتسجيل او الاستفسار
العدد محدود لضمان جودة التفاعل
يوجد خصم خاص 20٪ للحجز المبكر.
للحجز:
+20 109 9460395
07/09/2025
✨ العلاج النفسي مش عصاية سحرية ⏳
هو رحلة فيها محطات مختلفة: أوقات راحة وأوقات وجع.. خطوات سريعة وأحيانًا خطوات بطيئة
لكن في النهاية، دي رحلة بتوصلك لمكان أهدأ وأوضح جواك
🤝 وأجمل ما فيها إنك مش ماشي لوحدك.. فيه دعم بيسندك طول الطريق 🌱
03/09/2025
هو الجلسات النفسية هتخليني اتكلم عن حاجات مش عايز افتكرها؟
23/03/2025
اتمسك بمصادر دعمك
سواءا كنت ناجي من صدمة اساءة في الطفولة.. او معالج بيتعامل مع حالات ويستمع لإساءات متكررة
حتى لو متعرضتش بنفسك للموقف بس المشاهد والكلام دخلك في صدمة ثانوية بسبب هول ما تراه وتسمعه
ف الحل اللي يدعمك ويسندك ويعدي الوقت دة عليك بجانب اي مساعدة متخصصة ممكن تحتاجها حسب تجربتك
الحل.. هو انك تتمسك بمصادر دعمك
سواء أشخاص بترتاح في وجودهم، وبتحس بتشجيع ودعم وانبساط
او أنشطة بيتهديك وتفرق معاك لما تمارسها
او أماكن بتحس بالراحة والفصلان لما تتواجد فيها
او أشياء لما بتكون قدام عينك او قادر تلمسها او تشمها بتطمنك وتفكرك بذكريات حلوة وداعمة ومشاعر لطيفة
او مساحات فيها تواصل روحاني مع ربنا.. في الشهر الكريم دة.. تقدر تدعمك وتفكرك بإنك مش لوحدك وانه دايما سندك ومعاك وأكبر من كل اللي بيحصل، وشاهد علي كل اللي بتمر بيه
وغيرهم من مصادر الدعم
مارسهم، تواصل معاهم، كتر منهم ف يومك.. ماتسيبش نفسك لوحدك مع مشاعر وذكريات تقيلة
لاقي النجاة لنفسك.. دي مسئوليتك عنك دلوقتي
اللي فات مكانش ليك ذنب فيه.. لكن دلوقتي انت تقدر تخفف أثره في الحاضر، وتمنع تأثيره في المستقبل
حمايتك لنفسك أولوية
Be the first to know and let us send you an email when Doaa Fathi - EMDR Therapist posts news and promotions. Your email address will not be used for any other purpose, and you can unsubscribe at any time.
القصة بدأت على أرض الواقع من 2014 .. وبدأت جوايا من الطفولة
حبي وشغفي لكل ما يتعلق بعلم النفس، اعرف نفسي أكتر واكتشفها واعبر عنها..
ولأني طول عمري لحد اللحظة دي مؤمنة ومصدقة تماما اني محتاجة اجرب واعيش وامشي للآخر في أي سكة قبل ما اقول لحد عنها او ارشحهاله، او اقرر اوصلها للناس وابدأ اتعلمها على أصولها بهدف التدرب، عشان مش بس اجرب تفاصيلها واطمن ان السكة دي ساعدتني فممكن تساعد غيري، لأ كمان عشان ابقى مقدرة الصعوبة والوقعات والتحولات والمقاومة اللي مريت بيها في السكة واشوف دة واحترمه واقدره فيما بعد مع الناس وهي ف رحلتها للوعي والتعافي.
ولأن أعلى قيم بتحركني في حياتي هي الوضوح والحرية والشجاعة
بدأت في سكة التعافي الشخصي، وفخورة انها بدأت من 2014 لحد اللحظة دي، ومتزامنة مع الدراسة والإشراف والتعلم المستمر عن نفسي وعن التخصص وان شاء الله دائمة لا تتوقف
لأن تاني حاجة صدقتها في الرحلة دي، ان ماينفعش حد يشتغل مع الناس - خصوصا في المهنة دي - من غير ما يكون مكمل في رحلة تعافي شخصي والشغل على نفسه ف نفس الوقت.
ومن هنا بدأت اعيش ومن بعدها أدرس واتعلم كل حاجة تقريبا تتعلق بالعلاج النفسي (جلسات فردية- جروب علاجي- سايكوداما- علاج بالفن/ بالدراما والحكي/ بالرقص.. وكمان بالتمثيل) كل الأشكال اللي فيما بعد اختارت منها أجزاء للدراسة والممارسة أكتر واقدر اساعد بيها الناس
وحاليا.. اعرفكم بنفسي ^_^
دعاء فتحي - مشير واخصائي نفسي
خريجة مدرسة المشورة دفعة 2017 (House Of Counseling) للدراسة المتخصصة في تقنيات إدارة الجلسات المشورية والمدارس العلاجية المختلفة ( التحليلية – السلوكية – المعرفية – الإنسانية – العلاج الجمعي)
تدرس بكلية الآداب قسم علم النفس
معالجة متدربة بتقنية ال EMDR تحت إشراف قسم الصحة النفسية بكلية طب القصر العيني.
طالبة بمدرسة Mesarpac للتعامل مع حالات الصدمات النفسية والإساءات الجنسية.
حاصلة على تدريب قيادة المجموعات العلاجية تحت إشراف د. عادل مدني.
أتمت برنامج مسرح إعادة التمثيل وعضو مؤسس في فرقة (بدرية لمسرح إعادة التمثيل) للدراما والمسرح التفاعلي.
حضرت العديد من ورش العلاج بالرقص والحركة بقيادة لياندرا وزوشيا دومنت وانزو، وكذلك العديد من ورش السايكودراما بقيادة د. بن ريفرز ويورج بورمايستر.
حاصلة على دبلومة طرق التنشيط والفنون المجتمعية (CAM) للتعبير بالفنون والحكي والدراما والحركة، من مؤسسة دوار، تحت إشراف العديد من المتخصصين في مصر والعالم.
عملت كمستشار نفسي مع بعض المنظمات الدولية، حيث قدمت العديد من محاضرات التوعية النفسية عن العنف القائم على النوع الاجتماعي، وكذلك جلسات الدعم النفسي الفردي للاجئين والمصريين مع (هيئة Care وهيئة Plan)
اعمل كميسرة ورش عمل بالحكي والدراما والفنون والحركة.
مسئولة فريق الصحة النفسية بشركة تحويلة لحياة أصح.
اخضع للإشراف من أطباء وأساتذة متخصصين سواء في الجلسات الفردية او العمل الجماعي.
والصفحة هنا مش مركز علاجي أو مؤسسة
هي بالنسبة لي طريق... هي قصة شغف وعلاج ورحلة اتمنى نوصل فيها كلنا مع بعض.. فهشارك فيها تفاصيل الرحلة.. وهشارك فيها كل حاجة بحبها ومؤمنة بيها، وممكن تفرق في وعي الناس
شعاري ف دة ” ولا شيء يعطر حياتنا يمد في مداها، غير سيرة عاشت هنا أكتر صاحبها ما عاش“
Be a Giver and have Courage
واتمنى تستمتعوا معايا في الرحلة، وتكون جزء يساعدكم في رحلتكم :)
