16/06/2025
في أي علاقة أوقات بيكون في طرف بيغلط..بيخبي.. بيتجاوز…
ومش شرط يكون خيانة فيه أنواع كتير من الغلط.
ومع مرور الوقت هيحصل واحد من اتنين:
🔹 يا يتوب ويتراجع ويحاول يصلح اللي بوظه..
وساعتها ربنا يستره والحياة تمشي
🔹 يا يفضل مستمر ويفتكر إن الستر دايم وإن محدش هيعرف…
بس رصيد الستر بيخلص
وفجأة المعلومة بتوصل للطرف التاني على طبق من فضة…
من غير ما يسأل ولا يدور ولا يفتش
🎯 لأن جزء كبير من لطف ربنا في البلاء… هو "توقيت" البلاء
المعلومة بتوصلك وقت ما تبقى جاهز تعرفها
إحنا بنبوظ المنظومة الإلهية دي… لما نتجسس.
بنستعجل الوجع
وبنعرف حاجات مش مستعدينلها
وبنفتح أبواب ما كناش هنفتحها لو مشينا على وصية ربنا
ولا تجسسوا... ( الحجرات: 12)
ربنا أمرنا نمتنع عن التجسس مش بس عشان نرضيه
لكن عشان يحمينا من الحقيقة قبل أوانها
ومن الصدمة وهي لسه مش جت وقتها.
🔐 لو الأزواج بطلوا يفتشوا في خصوصيات بعض
نسب الطلاق هتنزل للنص
لأن التجسس ما بيكشفش "الحقيقة"…
هو بس بيقتل الثقة والستر والرحمة اللي المفروض العلاقة تتبني عليهم.
التجسس قاتل للعلاقات الزوجيه والعلاقات بشكل عام ..
Eman Talaat
