02/12/2025
النهارده عيد ميلادي.. 🥳..ويمكن مبقاش يهمني اني بكبر قد ما بقت تلمسني سرعة الأيام.😊
بس الحمدلله حبي للتعلم والتطوير الذاتي خلاني كل سنة بتعدي عليا… بكتشف وبتعلم حاجات جديده غيرت ادراكي ومفاهيمي اتجاه كل اللي حواليا وفي مواقف كتير بتحصل معانا يوميا وبقيت بشوف الحياة بوعي اكتر
من الحاجات اللي فرقت معايا اوي إني أتقبل الناس زي ما هما بأختلاف طباعهم… كل حد بطريقته بتربيته وبخبراته اللي شكلته. حتي العيوب اتقبلها وده مش استسلام بس أدركت أن الكمال مش عند حد والتغيير مش فرض
دي حاجه ريحتني في التعامل جدا وده بينطبق خصوصا على العلاقة الزوجية… إحنا مختلفين وبنكمل بعض بالاختلاف ده.
واني محمكش علي حد ابدا واحسن الظن ديما ومقولش لو كنت مكان فلان لأن محدش يعرف ثقل تجربة غيره ولا الظروف اللي خاضها بقي عندي وعي أن الرحمه اسبق من الحكم ..
وفهمت وادركت معنى التحرر الحقيقي…
اني احب الناس واحب الاشياء ومتعلقش تعلق مرضي واعمل اللي عليا اتجاه كل حاجه ومتعلقش بنتائج كل دي حاجات خلت نظرتي للحياه مختلفه
وانا حقيقي ممتنه لكل الناس الجميله اللي في حياتي
اسرتي وعيلتي وأصحابي..🙏❤️
وبجد لأني بقيت حاسة بأنتماء كبير للبيدج بتعتي و الناس اللي عليها حبيت اشاركم حاجات غيرت فيا بجد
ومن كل قلبي بتمني لكل الناس الخير والسعاده وصلاح الحال ولا استثني احدا ❤️❤️
#حياةـارقي
Eman Talaat
