01/07/2025
"ماما، يعني إيه أوضاع جنسية؟!"
سألها وسط العيلة...
تيتا بتشرب الشاي، وخالك بيكح، وإنتِ بتفكري تهربي من البلكونة!
بس الحقيقة؟
السؤال ده مش عيب... العيب إننا نسيبه يسمع الإجابة من التيك توك.
"قبل ما تردي… اسألي نفسك: هو عنده كام سنة؟"
اللي ينفع لطفل 5 سنين، ما ينفعش لمراهق عنده 15!
الرد مش لازم يكون كامل، بس لازم يكون ذكي ومناسب لعقله.
اختصري، بس ما تكدبيش!
"لو عنده 5 سنين وقالك الجملة دي!"
👉 3: 5 لـ 6 سنين
"الرد السحري للسن الصغير"
السؤال: ماما يعني إيه أوضاع جنسية؟
الرد:
"دي كلمة للكبار، مش للأطفال. لما تكبر هفهمك. دلوقتي تحب نرسم مع بعض؟"
ليه؟
الطفل مش محتاج تفاصيل، محتاج أمان وإنك ما تتوتريش.
👉 4: 7 لـ 9 سنين
"ابني بدأ يفهم… أرد أقول إيه؟"
السؤال: ماما يعني إيه أوضاع جنسية؟
الرد:
"دي حاجة بيعملها الزوج والزوجة لما يكونوا بيحبوا بعض. ودي حاجات خاصة بالكبار، ولما تكبر هنتكلم فيها سوا."
المفتاح:
احترام عقل الطفل، من غير ما تفتحي له باب مش وقته.
👉 5: 10 لـ 12 سنة
"دخل على المراهقة… وهنا لازم نتكلم!"
الرد:
"الأوضاع الجنسية دي طرق مختلفة بيختارها الزوجين علشان يقربوا من بعض. ودي حاجات بتحصل في الجواز، بس لازم نتعلم عنها بطريقة محترمة وصحيحة."
نصيحة:
اسأليه سمع الكلمة فين؟ واعرفي هو بيدور على إيه.
"هو مش قليل أدب… هو بيدوّر على حد يفهمه."
👉 6: 13 سنة وما فوق
"المراهق اللي عايز إجابة… مش محاضرة!"
الرد:
"اللي سألته جزء من العلاقة الحميمة بين الزوجين. لو حابب تعرف بطريقة صح، أنا موجودة، ونعرف سوا من مصادر محترمة."
إياكِ تقولي:
"عيب، بلاش كلام فاضي!"
قولي:
"فهمك مسؤولية علينا إحنا… مش السوشيال ميديا."
