Dr Maha-Eldesoky

16/08/2025

https://www.facebook.com/share/p/1G6PBpxoW1/?mibextid=wwXIfr

⚡️⚡️الاستعداد للبطولة ⚡️⚡️

تتشرف اكاديمية سوارم للسباحة
بعودة كل اولياء امور سباحين قطاع البطولة
بحضور ملتقي التغذية الاول للرياضيين في بني سويف
بعنوان ‼️
**من الطبق إلى المنصة **
*** التغذية التي تصنع الأبطال ***
****غذاء متوازن للأبطال****

وسوف يحاضرها الدكتورة / مها الدسوقي
أخصائي التغذية للرياضيين

وذلك يوم السبت الموافق ١٦-٨
الساعه ٧ م في مقر مجلس حقوق الانسان
آخر شارع المدارس - صلاح سالم

🌸 🌸 محتويات المحاضرة 🌸 🌸
👈اساسيات التغذية الصحية
👈 أهمية التغذية الصحية للأبطال
👈هنتعلم ازاي نغذي ولادنا صح عشان نرفع من ادائهم في التمرين
👈ازاي ننظم الوجبات مع موعد التمرين
👈 هنتعرف علي أمثلة لوجبات أساسية ووجبات خفيفة تساعدنا
👈هنعرف ناكل ايه قبل وبعد التمرين
👈واخيراً ازاي ننسق اليوم في التغذية وقت الايفنت واللي بيكون يوم يتوج تعب أبطالنا باذن الله

الحضور لاولياء الأمور فقط لان لهم دور كبير في العملية الغذائية للسباح

لتاكيد الحضور ابعت اسم السباح هنا👇👇👇
‏wa.me/201092496972 ⁨⁩

04/03/2025

ورك شوب أكلك بذكاء في رمضان هنتقابل يومين علي زووم و هنتكلم فيها عن اساسيات التغذية الصحية وهنعرف سوا أنواع الجوع المختلفة وازي نتعامل معاها بدون ما يكون الأكل سبب للقلق او الضغط وازاي نظبط نفسنا في العزومات والتجمعات وهنتعلم أدوات نعرف بيها امتي ناكل وامتي نوقف مش بس كده احنا هنطبق سوا عشان نوصل لأقصي استفادة من اللي اتعلمناه وهنمشي سوا خطوات توصلنا أننا ناكل بوعي

09/01/2025

15/12/2024

لحظة فخر واحتفال! 🎓✨

تخرجت اليوم بشهادة الهيلث كوتش من
Intellect
وهنبدأ رحلة جديدة في عالم الصحة والعافية

العلم والمعرفة هم مفتاح النجاح

وأنا جاهزة نحقق التغيير الإيجابي! 💪🧠

د/مها الدسوقي ​✨
أخصائي التغذية العلاجية وعلاج السمنة والنحافة ​

ICF, SCOPE CERTEFIED ​

12/12/2024

أسوء غلطة ممكن تعملها أما تقرر تعمل دايت 🥲
اول ما بدأت اشتغل مع العملاء وأسمعهم وهما بيتكلموا عن مشكلتهم مع وزنهم لقيت نمط تفكير بيتكرر إن العميل عايز ينزل وزنه نزول سريع ١٠ ولا ٢٠ كيلو 🙂
وهنا كان بيقابلني تحدي مهم مع افكار العميل ومعتقداته عن الدايت .
ازاي أساعده يوصل انه يعدل توقعاته من النظام ويغير فكرت عن نزول الوزن وان الموضوع مش مجرد رقم علي الميزان .🧐
نزول الوزن له ارتباط قوي بالصحة وحماية أجسامنا من عدد كبير من الأمراض مرتبط بالسمنة وان عاداتنا اليومية و النوم والحركة وكمان الضغط العصبي ليهم تأثير قوي علي نزول الوزن .

ولأني مؤمنة ان الفكرة في تعديل أسلوب الحياة (لايف ستايل ) وان الكوتش الشاطر مهمته يسمع ويسأل اسئلة تخلي العميل يفكر ويقدر يصيغ هدفه في نزول الوزن بشكل صحيح وواقعي
ومع كل مرة كنت بقبل ادخل التحدي مع الأفكار دي كان العميل بيبهرني بافكار جديدة نورت معاه ويبدء يعدل هدفه ويقسمه لخطوات صغيرة ونتفق علي اول خطوة ناحية هدفه واللي كانت تحقيقها بيبقي دافع ليه انه يكمل ويحدد الخطوة اللي بعدها ❗
شاركيني في التعليقات ايه اول خطوة عقلك بيفكر فيها اما تنوي تبدء دايت📩

د/مها الدسوقي ​✨
أخصائي التغذية العلاجية وعلاج السمنة والنحافة ​

ICF, SCOPE CERTEFIED ​

10/12/2024

يا ترى ليه عايز تخس ؟🤔
نصيحة فعالة لتحقيق هدف نزول الوزن ⬇
🟩 كتير مننا بياخد قرار انه يقلل وزنه وبيبدأ فورا يفكر إزاي يحصل علي نظام غذائي يساعده في تحقيق هدفه بس بينسي يسأل هو أنا ليه عايز اخس؟

خطوة مهم تطبقها في خطة وصولك للهدف
وهي انك تعرف هو ليه الهدف ده مهم بالنسبة ليك وايه الدافع من تحقيقه
هل مثلا عايزة اخس عشان صحتي
ولا عشان اعرف البس براحتي
ولا عشان اقدر العب مع ولادي

الحقيقة إن اجابة السؤال ده مهمة جدا نعرفها مش بس كده مهم كمان ان الدافع ده يكون داخلي يعني ايه؟ 🤔

يعني أوقات وأنا بتكلم مع العميل يقولي عايز اخس عشان أتقبل في الوظيفة ولا عايزة تخس خايفة جوزها يسيبها عشان شكلها

الدافع هنا خارجي وده للأسف مش بيقدر يكمل المشوار طيب تفتكروا نستسلم يعني ؟
اكيد لا

عادي العميل يبدء وياخد خطوة ناحية هدفه ونتكلم في كل جلسة ونستكشف لحد ما يقدر هو يطلع دافع داخلي تجاه هدفه ووقتها ده بيكون نجاح كبير لأن الدافع ده هو اللي هيشجعه يكمل مشواره ويفرح بالنتيجة

احب تشاركوني ايه الدافع ورا هدف نزول الوزن📩

د/مها الدسوقي ​✨
أخصائي التغذية العلاجية وعلاج السمنة والنحافة ​

ICF, SCOPE CERTEFIED ​

28/11/2024

لو بتتجاهل مشاعرك ومش بتتعامل معاها يبقي البوست ده ليك 🫵
الشعور اللي مش بنتعامل معاه بيفضل موجود في جسمنا مش بيروح في حتة👌

تعالي نتخيل سوا ان قدامك كوباية ميه وكل ما يجيلك شعور مش مريح وتتجاهله تحط جواها معلقة ملح وتقلبها

هتلاقي الملح ظاهريا اختفي وهو ده الشعور اللي أنت تجاهلته 😁

وكرر ده مع اي شعور غير مريح يجي سواء خوف او غضب او حزن حط معلقة الملح ودوبها لحد ما تختفي🙂

تعالي بقي آخر اليوم اشرب المية
هتلاقي انك بالرغم من انك مش شايف الملح لكن تأثيره علي المية موجود 🥹

هو ده بالظبط اللي بيحصل في المشاعر اللي بنكتمها 😖

احنا مش شايفينها ولكن تأثيرها موجود

وتلاقي نفسك عايز تأكل عشان تنمل وتخدر وجعك وحالات كتير بيكون ده سبب رئيسي لمرض السمنه عندهم مش بس كده

ده كمان بتسبب مشاكل صحية كتير زي الضغط والسكر والأمراض المناعية
يعني الخلاصة مشاعرنا مهمة وجاية لينا عشان تقولنا رسالة معينة محتاجين نتعلم نفهمها ونديرها عشان صحتنا تستاهل

د/مها الدسوقي ​✨
أخصائي التغذية العلاجية وعلاج السمنة والنحافة ​

ICF, SCOPE CERTEFIED ​

19/11/2024

ده الهدف اللي محتاجين نوصله ان الأكل ميكونش سبب ضغط ويرجع انه بس وسيلة أننا نغذي جسمنا باستمتاع ❤️

د/مها الدسوقي ​✨
أخصائي التغذية العلاجية وعلاج السمنة والنحافة ​

ICF, SCOPE CERTEFIED ​

17/11/2024

شكرا جدا على رأيك المميز جدا بالنسبة لينا
انا مبسوطة جدا على الإنجاز اللي وصلتي ليه
هدفنا دايما هو الدعم النفسي علشان تبني حياة افضل وبصحة أحسن 🥰

د/مها الدسوقي ​✨
أخصائي التغذية العلاجية وعلاج السمنة والنحافة ​

ICF, SCOPE CERTEFIED ​

07/11/2024

السمنة مش مجرد رقم على الميزان ❗
والخسسان بردو مش رقم على الميزان 🥹

وزنك الزائد مش بس رقم على الميزان هو كمان مؤثر على شكل جسمك وصحتك وصحة أعضاءك الحيوية 🧐

وكمان على حالتك النفسية ومخليك مش اجتماعي وبيصيبك بقلة الثقه بالنفس

علشان كده بننصحك انك متحبسش نفسك في دايرة الميزان وتتواصل معنا علشان تبدأ رحلتك من اولها 🥰
وتعرف اكتر ايه سبب الزيادة الحقيقية ووقتها نقدر نوصل لهدفك ✨

د/مها الدسوقي ​✨
أخصائي التغذية العلاجية وعلاج السمنة والنحافة ​
ICF, SCOPE CERTEFIED ​