لقد وقعنا في الطب

لقد وقعنا في الطب هنا حكايات من قلب المستشفى..
أطباء… مرضى… ومواقف لا تُدرَّس في الكتب ...
نحكي الطب كما نراه…واقعًا، علمًا، وتجارب من قلب الحياة اليومية .

الدنيا لسه بخير 😄
13/04/2026

الدنيا لسه بخير 😄

“كانت بتاكل فراولة… وبعد 48 ساعة كانت في الرعاية بين الحياة والموت”طفلة صغيرة… ضحكتها مالية البيتأمها جابت فراولة… شكلها...
13/04/2026

“كانت بتاكل فراولة… وبعد 48 ساعة كانت في الرعاية بين الحياة والموت”

طفلة صغيرة… ضحكتها مالية البيت
أمها جابت فراولة… شكلها يفتح النفس
غسلتها بسرعة… وقدّمتها لبنتها

محدش كان متخيل إن اللحظة دي هتبدأ كابوس

بعد ساعات…

مغص
ترجيع
إسهال

الأم قالت: نزلة معوية بسيطة
زي اللي بتيجي وتروح

لكن اللي حصل بعدها… مكنش بسيط خالص

اليوم التاني…

الترجيع زاد
كل حاجة بتدخل بتطلع
الطفلة بتعيط… وبعدين فجأة سكتت

سكون مرعب

مش بتطلب حاجة
مش بتشتكي
بس بتبص… وكأنها بتغيب

الأهل حاولوا يدوها أدوية بالعافية
لكن جسمها كان بيرفض كل حاجة

لحد اللحظة اللي قلبت كل حاجة:

الطفلة بقت مش قادرة تفتح عينيها كويس
إيدها ساقعة
بولها شبه اختفى
ونبضها ضعيف

وصلت المستشفى…

والتشخيص كان صادم:

جفاف شديد جدًا
هبوط حاد في الدورة الدموية (Shock)
اضطراب في درجة الوعي
بداية فشل في وظائف الجسم

طفلة كانت بتاكل فراولة من يومين…
بقت محتاجة إنقاذ فوري

دخلت الرعاية المركزة

محاليل بتجري بسرعة في عروق صغيرة
أجهزة متابعة… أرقام بتطلع وتنزل
فريق كامل واقف بيحاول يسبق الوقت

كل دقيقة كانت فارقة

أول 24 ساعة…

حالة غير مستقرة
ضغط واطي
بول قليل
وعي متذبذب

أهلها واقفين بره… بين الدعاء والخوف

اليوم التالت… بصيص أمل

بدأت تفتح عينيها
تحرك إيدها
تستجيب

اليوم الرابع… رجوع للحياة

الضغط اتحسن
الجفاف اتعوض
بدأت تاخد سوائل بسيطة

اليوم الخامس… معجزة صغيرة

خرجت من الرعاية
واقفة على رجليها
وكأنها بتبدأ حياة جديدة

كل ده… بسبب فراولة ما اتغسلتش كويس

رسالة لازم توصل لكل بيت:

الفاكهة مش دايمًا آمنة زي ما شكلها
ممكن تكون شايلة بكتيريا خطيرة زي
E. coli و Salmonella

ونزلة معوية بسيطة… ممكن تتحول لصدمة قاتلة في ساعات
خصوصًا عند الأطفال

خد بالك من العلامات دي:
• ترجيع مستمر
• خمول أو نوم زيادة
• قلة التبول
• جفاف واضح
• دوخة أو عدم تركيز

دي مش نزلة عادية… دي حالة طوارئ

اعمل ايه؟
• اغسل الفاكهة كويس جدًا تحت مياه جارية
• انقعها في ماء وخل أو محلول مخصص
• ما تدّيش أدوية بالفم بالعافية مع الترجيع
• لو في أي علامة خطر → مستشفى فورًا

الخلاصة:

في أطفال… حياتهم ممكن تتغير بسبب غلطة بسيطة
غسلة واحدة كويسة… كانت ممكن تمنع كل ده

خلي بالك…
لأن اللي حصل ده… ممكن يحصل في أي بيت

Dr Karim sharaby

" بعضُ الحقائقِ إذا تأخرت، لم تَعُدْ خيرًا من غيابِها."في نهاية نباطشية عناية هادئة وفاضل ساعتين قبل م أسلم الشيفت وامشي...
12/04/2026

" بعضُ الحقائقِ إذا تأخرت، لم تَعُدْ خيرًا من غيابِها."

في نهاية نباطشية عناية هادئة وفاضل ساعتين قبل م أسلم الشيفت وامشي..

بييجي نداء من أوضة المناظير عندنا : الحقوا في مريض تبع حد في المستشفى تعبان وعنده Hematemsis بيرجع دم

صحيت جري ورحت أشوف المريض ولقيته متعصب جدًا وبيزعق و agitated والناس حواليه بتطمنه واللي جنبه واللي بيجيبله ماية يشرب عشان يهدا

بيطلع أستاذ بيهديه ويقول للي تبعه انه هنحجزه في العناية كام ساعة يتحط على PPI infusion وبعدها نعمله upper endoscopy منظار معده . عشان نطمن على سبب ال Hematemsis ده

سلمت زميلي انه اتحجز في سرير 1 في العناية الفلانية ومشيت

جيت تاني يوم استلم ف لقيت المريض على سرير 1 ده intubated, ventilated and sedated ولقيت واصل بيه علاجات كتير و و..

ف بسال زميلي هو فين البيشنت التاني اللي سلمتهولك؟ عمل المنظار ومشي ولا راح فين؟

قالي لا م هو ده نفس البيشنت، الوعي بتاعه ازداد سوءًا، تشنجات كتير، بدأ يحصله aspiration ف كان الأكثر أمانًا إنه يتحط على جهاز التنفس الصناعي مع ال sedation و Anticonvulsant وباقي العلاج ال supportive

المريض معندوش تاريخ مرضي بأي حاجة مزمنة، كل التحاليل بتاعته مفيهاش سبب Metabolic يفسر التدهور السريع في الوعي، نزل عمل اشعة مقطعية عالمخ مفيهاش أي حاجة significant

يوم اتنين تلاتة مكملين على العلاج ال supportive مع محاولات التشخيص اللي موصلتش لأي حاجة..

يشاء القدير إنه يكون في أستاذ ما بيمر معايا ونجيب زوجة المريض تاني ناخد منها هيستوري مفصل وبدأنا نسأل عن كل حاجة حتى في تصرفاته مؤخرًا، أي حاجة ولو بسيطة

بعد قليل من الحوار بترمي الزوجة قنبلة عظيمة وهي : أصله هو مش مظبوط من ساعة م الكلب عضه في ايده!

طب هل اخد مصل السعار وقتها؟ لا م الجرح كان صغير ومنزفش كتير ويعني كانت حاجة بسيطة خالص..

جه في مخك اللي في مخي صح؟ ايوا هو..

المريض بتاعنا أصيب بما يسمى السعار أو Rabies

المرض ده قاتل قولًا واحدًا

بدأ يتفسرلنا بقا سبب ان المريض في الأول كان متعصب، لما جابوله ماية عشان يهدوه كان very agitated وده طبعًا بسبب ال Hydrophobia الشهيرة مع ال Rabies.

ال Hematemsis مطلعتش Hematemsis دي طلعت انه لما اتشنج كان عاضض لسانه ف بقه كان فيه دم

ومن أعراض السعار المعروفة:
سخونية وصداع، تعب عام، ألم أو تنميل أو وخز مكان العضة، وبعدها يبدأ القلق والهياج انتقالًا لاضطراب الوعي، زيادة اللعاب، صعوبة البلع، الخوف من الماية hydrophobia، وأحيانًا التشنجات أو الشلل.

لكن هدفنا إننا نلحق الجرح والمرض نفسه من لحظة العضة أو الخربشة عشان أصلا منشوفش الاعراض دي

للأسف مع مريضنا كان الوقت اتاخر عن العلاج، لأن ال Rabies لو متلحقش بدري فمعدل الوفاة بيكون قريب من 100%


التصرف الصح من أول لحظة:
غسيل مكان العضة أو الخربشة كويس جدًا بالماية والصابون، والتوجه فورًا للمستشفى عشان تقييم الحاجة لمصل السعار والتطعيم..

فناخد بالنا؛ واللي عنده حيوان في بيته يطعمه، واللي يتعض او يتخربش ميتأخرش ولا يكسل ولا يستهون..

لأن السعار بعد ما يظهر، الفرصة بتكون شبه منعدمة لكن قبل ما يظهر، نقدر نمنعه..

ربنا يحمينا جميعًا، واقعدوا بالعافية ❤️

دكتور / أسامة الدسوقي

كل الناس تعرف إن رسم القلب عبارة عن تخطيط لكهرباء القلب يتم من خلال أسلاك متصلة بالسطح الخارجي لصدر المريض و ذراعيه و سا...
12/04/2026

كل الناس تعرف إن رسم القلب عبارة عن تخطيط لكهرباء القلب يتم من خلال أسلاك متصلة بالسطح الخارجي لصدر المريض و ذراعيه و ساقيه.

و لكن هل حد فيكم سمع عن رسم القلب بيتعمل من خلال أسلاك متصلة بظهر المريض مش بصدره ؟

إقرأ القصة دي ….

جالي مريض في الستينات من العمر بيشتكي من ألم شديد جداً في صدره مسمع في ضهره و دراعاته الاتنين.

وصف يتطابق تماماً مع أعراض جلطة القلب لدرجة إن و أنا بعمل له رسم القلب قولت أكيد رسم القلب هيبين جلطة واضحة و صريحة في الشريان التاجي.

عملت رسم القلب للمريض بس المفاجئة كانت إن رسم القلب طبيعي جدا ً و مش ظاهر فيه أي أثر لوجود جلطة في الشريان التاجي.

بصراحة بقيت هتجنن لان من شبه المستحيل إن الأعراض اللي عند المريض ده تكون موجودة في أي حالة تانية إلا حالة الجلطة.

قفز إلى ذهني في اللحظة دي نوع من جلطات القلب مش بنشوفه كتير و هو جلطة الجدار الخلفي لعضلة القلب و ده بيكون في جزء من عضلة القلب ناحية ظهر المريض مش ناحية صدره.

بدأت انقل التوصيلات بتاعة جهاز رسم القلب من على صدر المريض إلى الجانب الأيسر من ظهر المريض.

ضغطت على زر طباعة رسم القلب أثناء وجود التوصيلات من ناحية ظهر المريض.

و كانت المفاجئة..!!

رسم القلب أظهر حدوث تغيرات مؤكدة تثبت وجود جلطة مكتملة في الجدار الخلفي للقلب و هي المتسببة في الأعراض اللي المريض بيشعر بيها.

إديت للمريض بسرعة أدوية الطوارئ اللي بنستخدمها في تجهيز المريض للقسطرة و كتبت له تحويل على مستشفى التأمين الصحي اللي المريض تابع لها.

المريض في خلال أقل من ساعة كان في المستشفى و عمل القسطرة و ركب دعامة و تم إنقاذ حياته بفضل الله و توفيقه.

الشاهد …
جلطات الجدار الخلفي للقلب من أخبث أنواع الجلطات اللي كتير مش بتبان في رسم القلب لما بيتعمل بالطريقة المعتادة و التقليدية على صدر المريض و بيحتاج في أغلب الأحيان عمل رسم القلب من خلال طريقة خاصة يتم توصيل الأسلاك فيها بظهر المريض.

عدم اكتشاف هذه النوعية من الجلطات مبكرا قد يهدد حياة المريض أو يعرضه لمخاطر كبيرة لان المريض هيتكتب له شوية مسكنات و يتقاله انت عندك شوية برد في ضلوعك روح بيتك و على بكرة هتبقى زي الفل و لكن للأسف بكرة ده مش هيجي عليه.

دكتور محمد هيكل

واحنا في امتياز العظام ماكنّاش بننام أصلاً.. أول شهرين في العظام بعد التخرج والحماس والنشاط كله بأه.. من العيادة للقسم ل...
12/04/2026

واحنا في امتياز العظام ماكنّاش بننام أصلاً..
أول شهرين في العظام بعد التخرج والحماس والنشاط كله بأه.. من العيادة للقسم للدم لمتابعة الحالات ضغط ونبض...
فلما كنا بندخل السكن ننام كنا فعلاً بنبقي مقتولين ومش حاسين بالدنيا..
واحد زميلي حصلت معاه الحكايه دي بحذافيرها..
الساعه ٣ بالليل ولما الاستقبال فضي شويه قال للتمريض أنا بقالي ٢٤ ساعه صاحي مش شايف وعندي عياده الصبح.
هنام ساعتين قبل النهار مايطلع ولو فيه اي حاله دخلت الاستقبال صحوني فوراً..
بعد مادخل بنص ساعه بس لقي الممرض واقف على دماغه بيصحيه. قوم يادكتور فيه حاله بره.. قام الراجل..!
طبعاً مش شايف قدامه وهايمو.ت قدام العيان.
خير ياحاج..؟؟
قال له ان شاء الله خير يادكتور بس أنا كنت معدّي من قدام المستشفى قلت أطمن على إيدي؟؟
قال له مالها إيدك !!
قال عندي ٤ صوابع لما آجي أطقطقهم بيطقطقوا عادي..
إنما الخامس فيه مشكلة..مابيطقطقش..
أقسم بالله حصل..
ولك أن تتخيل ماذا حدث بعدها..
أقسم بالله شفنا بلاوي..

Khaled Nour El Din

من المآسي اللي بنشوفها بشكل متكرر .. مريض يحصله ضعف حاد في ايده أو رجله يقوم حد من اهله يقول دي جلطه ويقوم مديله اسبوسيد...
12/04/2026

من المآسي اللي بنشوفها بشكل متكرر ..

مريض يحصله ضعف حاد في ايده أو رجله يقوم حد من اهله يقول دي جلطه ويقوم مديله اسبوسيد وبلافكس وغيرهم

طبعاً دي كارثة ممكن تعمل مشكله كبيره للمريض
لانك انت متعرفش الضعف دا سببه اي وارد تكون جلطه ووارد برضو تكون نزيف في المخ تخيل بقي يبقي نزيف وانت تديله أدوية سيوله تزود النزيف بدل ما ياخد أدوية توقف النزيف 🙃

انا دكتور أهه بس لو شوفت مريض قدامي وحصله كده والله ما هديله اي حاجه هاخده اروح بيه المستشفى وهناك نعمل مقطعية ونقرر ندي علاج اي

دا مثال بسيط مريضه مره واحده حست بضعف في الايد والرجل علي الجانب الأيسر من الجسم
والتشخيص نزيف حاد بالمخ وهنا لو اديت اسبوسيد أو بلافكس أو اي أدوية سيوله تانيه هتزود النزيف وانت كده هتكون بتضر للمريض ومش بتنفعه زي منت فاكر

طاب اي الحل ؟! ولا تديله اي حاجه انت فورا روح اقرب مستشفى جنبك الوقت هو اللي بيفرق في الحالات دي متعملش حاجه غير انك تحافظ على المريض لحد ما توصله المستشفى وفقط..

دمتم بخير ❤️
د محمد السيد حسونه

نايم في المستشفى في أمان الله،ورد اتصال من الإستقبال :سيدة ثلاثينية معندهاش أي أمراض سابقة عندها سمنة بس،نفسها اتكتم مرة...
11/04/2026

نايم في المستشفى في أمان الله،ورد اتصال من الإستقبال :سيدة ثلاثينية معندهاش أي أمراض سابقة عندها سمنة بس،نفسها اتكتم مرة واحدة من ساعتين ووقعت عالأرض،وقبل ما أفكر كتير زميلي بيبلغني:الأكسجين عالمونيتور ٨٠%
وضغطها ٩٠/٥٠
الحمد لله كان أول ما دار بخاطري الجلطة الرئوية،العيانة كانت من ساعتين سليمة فده في الغالب مش التهاب رئوي، ومعندهاش لا ضغط ولا سكر،
ابعتلي رسم القلب:ده لما شوفته حلفت انها جلطة رئوية لأنها ناقص يتكلم يقولي الحقني😭
بفضل الله اتحركنا بسرعة،وفي الحالات اللي زي دي الأكسجين بيروح والضغط بيقع معندكش وقت تعمل مقطعية على الشرايين فمفيش حل غير مناظرة سريعة جدا بأشعة الأيكو لأنه متاح عندي جنب سرير العناية،
في دقائق كانت المريضة في العناية،مع أول نظرة بالايكو تأكدت من الأمر،اتساع شديد بالبطين الأيمن وشبه شلل في حركته مما يعني ان الجلطة قافلة الشريان الرئوي اللي هو مخرجه تماماً
(
الفكرة ان دقايق بسيطة وممكن نقول البقاء لله،
قبل ما أطلب كان تمريض العناية الشاطرين حلوا العقار المذيب للجلطات "ستربتوكيناز"🫂
ووصلنا المريضة بأكسجين استجابت عليه ومحلول ملح لمحاولة ارواء البطين الأيمن ومنع هبوط الضغط الحاد.
يعطى مذيب الجلطات في خلال ساعتين،لم نلتقط خلالهما أنفاسنا،كلنا يراقب،نقيس الضغط مرارا،نراقب الأكسجين على المونيتور ومعدل تنفس المريضة إلى أن انتهت الساعتان بفضل من الله كبير❤
هدأت الأنفاس
هدأت ضربات القلب
ارتفع الأكسجين إلى ٩٢%
بدأ الضغط يتماسك
حمد الله على السلامة 🌹
كانت من أصعب الحالات علي،فأحببت أن لا تمر بلا ذكرى.

د محمود بكري مسلم

أسوأ حاجة تقدمها لنفسك هي قلة الحركة قلة الحركة يعني أمراض بدري يعني عجز بدري وقالوا زمان: الحركة بركةالصورة اللي فوق بت...
11/04/2026

أسوأ حاجة تقدمها لنفسك هي قلة الحركة
قلة الحركة يعني أمراض بدري يعني عجز بدري
وقالوا زمان: الحركة بركة
الصورة اللي فوق بتمثل قلة الحركة
واللي تحتها بتمثل الحركة .

الحركة المطلوبة نوعين:
حركة عادية طول اليوم
+
30 دقيقة مشي سريع أو 20 دقيقة رياضة زي لعب الكورة أو الحديد وهكذا ! على الأقل 5 أيام في الأسبوع .. مجمل 150 دقيقة في الأسبوع

حاول تغير نظامك في المجهود وابدأ بالتدريج .

ولعلمك:
قلة الحركة من أشهر أسباب الإجهاد المزمن والإمساك ووهن وألم العضلات .
دمتم بخير .
Dr Ahmed Alaskary

"لما يكون العلاج اللي المفروض ينقذك.. هو السبب في انهيارك! أحياناً الحقيقة بتكون مستخبية ورا تشخيص صح.. بس ناقص." 🕵️‍♂️🔥...
10/04/2026

"لما يكون العلاج اللي المفروض ينقذك.. هو السبب في انهيارك! أحياناً الحقيقة بتكون مستخبية ورا تشخيص صح.. بس ناقص." 🕵️‍♂️🔥

الحكاية بدأت لما باب العيادة خبط، ودخلت عليّ مريضة جاية "مشوار" من الإسكندرية لحد عيادتي في مدينة المحلة الكبرى.
قالت بوجع مكتوم: "يا دكتور أنا تعبانه جداً .. رحت لدكاترة كتير وقالوا لي عندي خمول في الغدة الدرقية، وآخد العلاج من هنا.. وحالي يتدهور أكتر من هنا! ضغطي بيقع، جسمي مش شايلني، ونفسي بيتقطع.. أنا جايالك والمحلة هي محطتي الأخيرة."

كلامها كان فيه "لغز" استفز الطبيب اللي جوايا.. 🧐
قعدت قدامها…
مش بس كدكتور…
لكن كواحد بيحاول يفهم “إشارة استغاثة” مش واضحة.
تحاليلها كلها بتقول:
قصور الغدة الدرقية
والعلاج معروف…
ليفوثيروكسين
بس الغريب… إن كل ما تاخده… حالتها بتسوء!
المفروض إن برشام (الثيروكسين) يخليها "تتحسن".. ليه معاها هي بيعمل العكس؟!

بعد ما فحصت المريضة بدأت أقعد مع نفسي وأسأل "الأسئلة المسكوت عنها":
ليه مريضة خمول غدة ضغطها "واطي" جداً كده؟ (المفروض يكون عالي أو طبيعي).
ليه لون جلدها فيه "اسمرار" غريب في مفاصل إيديها، كأنها كانت في المصيف وهي أصلاً مش قادرة تخرج من باب بيتها؟
ليه السكر عندها بيقع فجأة؟
ليه هي نحيفة خالص رغم إن خمول الغده الدرقيه المفروض بيقلل الحرق فالمريض يتخن؟!

هنا اللمبة نورت في دماغي.. 💡
قلت لنفسي: "يا أحمد، دي مش مجرد غدة كسلانة.. دي مؤامرة من المناعة على أكتر من مكان في الجسم!"
شكيت فوراً في "متلازمة شميت" (Schmidt Syndrome).
إيه هي المتلازمة دي بتبسيط؟
تخيل إن "جهاز المناعة" اللي المفروض يحميك، اتجنن وراح ضرب "مصنعين" في وقت واحد:
مصنع الغدة الدرقية: فعمل خمول (وده اللي الكل شافه).
مصنع الغدة الكظرية: (المسؤولة عن الكورتيزول والضغط).. وده اللي مفيش حد خد باله منه!
وهنا كانت الكارثة.. ⚠️
لما بتاخد علاج الغدة الدرقية وأنت عندك قصور في الكظرية، الجسم "بيحرق" شوية الكورتيزول اللي فاضلين فيه بسرعة، فالمريضة تدخل في انهيار تام! أنت بتبني دور.. وبتهد السقف فوق دماغها.
لما بتدي "ثيروكسين" لمريض غدته الكظرية ميتة.. أنت كأنك بتضغط "بنزين" لآخر سرعة في عربية "موتورها" محروق!

طلبت منها تحاليل دقيقة جداً (كورتيزول وأجسام مضادة)، وطلعت الشكوك في محلها.. "متلازمة شميت" كاملة الأركان.

الحل؟
كان لازم نوقف "الترتيب الغلط".
بدأنا نعوض الغدة الكظرية الأول (الهرمون الناقص)، وبعدها بـ ٣ أيام بدأنا علاج الغدة الدرقية بحذر شديد.. وكأننا بنرجع الحياة لآلة كانت واقفة ومصديّة.

النهاية.. ❤️
بعد أسبوعين، المريضة كلمتني وصوتها فيه "حياة".. الضغط اتظبط، النهجان اختفى، والوش الشاحب رجع يرد فيه الدم تاني.
قالت لي جملة أثرت فيا: "يا دكتور أنا كنت فاكرة إن المشوار من إسكندرية للمحلة بعيد.. بس طلع هو ده أقصر طريق لعمري اللي كان بيضيع."

"مش كل خمول غدة هو مجرد كسل.. أحياناً الجسم بيبعت رسايل مشفرة محتاجة طبيب يسمعها بتفكيره وعقله وعلمه قبل ما يكتب علاج."

دمتم بصحة وعافية، ونورتي المحلة يا ست الكل.

د/ أحمد عبد الجواد

10/04/2026

قاعد ع القهوة في امان الله بعد صلاة الجمعة أحملق في السماء وحيدا ..
أحتسي الشاي بحليب في صمت ..
لقيت ست بتقولي ساعدني ارجوك جوزي محتاج عملية عاجلة في القلب ..
لفيت الناحية التانية ..
قالتلي بص ع الورق لو مش مصدقني ..
بصيت للسماء و ابتسمت ..
قالتلي يا استاذ بص ع الورق بقولك و اتاكد ..
بصيت لحضرتها و ابتسمت و بعدين ضحكت ..
قالتلي في غضب بتضحك ليه بقولك جوزي تعبان و محتاج جراحة قلب عاجلة و انت بتضحك ..
قولتلها اصل حضرتك حظك قليل قوي ..
قالتلي في تشكك ليه ..
قولتلها اصل انا و الله جراح قلب ..
الست بصتلي شوية في شك ..
ندهت محمود ، يا حودة ، قول للست الطيبة دي انا بشتغل ايه ، قالها خير يا ست ، الدكتور جراح قلب ..
الست سكتت شوية و بعدين فضلت تضحك بلا توقف ..
و محمود ضحك و انا ضحكت ..
طلعت اللي فيه النصيب و اديتهولها ..
فقالتلي بس انت عرفت ان الكلام مش حقيقي بتديني ليه ..
قولتلها اصلك نحس جدا ، جدا يعني ، بتفكريني بنفسي ..
ضحكت و قالتلي طب طالما حضرتك جراح قلب ما تديني ورق عيان يكون فعلا محتاج جراحة عاجلة في القلب علشان لما أقع في دكتور غتيت ، و بصتلي جامد كده ، ميقفشنيش 😄😄
Dr Alaa Omar

دخلوا بيه الساعة 2 الفجر…طفل عنده 3 سنين… شايلينه وهو شبه نايم… لا بيعيط ولا بيتحرك.الأم مرعوبة:“كان كويس من شوية… فجأة ...
10/04/2026

دخلوا بيه الساعة 2 الفجر…
طفل عنده 3 سنين… شايلينه وهو شبه نايم… لا بيعيط ولا بيتحرك.

الأم مرعوبة:
“كان كويس من شوية… فجأة بقى كده!”

في الاستقبال:
• الطفل disturbed (مش واعي/مضطرب في الوعي)
• hypotonic (ارتخاء شديد في العضلات)
• مش مركز… واستجابته ضعيفة

أول انطباع؟
ممكن seizure post-ictal (بعد تشنج)؟
ممكن hypoglycemia (هبوط سكر)؟
ممكن intoxication (تسمم)؟

لكن في لحظة بسيطة…
حد بص في عينه.

Pupils dilated (حدقة العين متوسعة).

وهنا القصة بدأت تتغير.

سألنا تاني بهدوء:
“في حاجة ممكن يكون بلعها؟ دوا؟ أكل غريب؟”

الأم مترددة… وبعدين قالت:
“كان فيه شوكولاتة غريبة عندنا في البيت… تبع حد من قرايبي…”

القطعة اتوصلت.

دي مش شوكولاتة عادية…
دي كانت cannabis (حشيش)
⸻

دخل الطفل الرعاية:
• مراقبة مستمرة للوعي والتنفس
• دعم سوائل
• متابعة vital signs (العلامات الحيوية)
• وعمل urine toxicology (تحليل بول للكشف عن السموم) اللي أكد التشخيص

لحظات كانت متوترة…
لأن بعض الحالات ممكن توصل لـ respiratory depression (تثبيط في التنفس).

بعد ساعات طويلة…
الطفل بدأ يفوق تدريجيًا…
بدأ يتحرك… يعيط… يرجع

الأم كانت بتبكي…
مش بس خوف عليه…
لكن صدمة إنها كانت ثواني ممكن تضيع ابنها.

⸻

الرسالة لكل دكتور طوارئ:
طفل داخل بـ hypotonia (ارتخاء) أو altered consciousness (تغير في الوعي)…
وبالذات لو pupils dilated (حدقة العين متوسعة)

ما تستسهلش.
فكر فورًا في cannabis toxicity (تسمم بالحشيش)… حتى لو الأهل مش واخدين بالهم.

وتاني بص في عين الطفل…
ممكن تكون هي المفتاح الوحيد للتشخيص

Dr Karim sharaby

بوست تحذيري مهم جدًا لكل بيتطفل شرب حاجة من دول؟ملمع زجاج – منظف سجاد – بادي ميست – مزيل مكياج – مزيل طلاء الأظافر – معط...
08/04/2026

بوست تحذيري مهم جدًا لكل بيت

طفل شرب حاجة من دول؟
ملمع زجاج – منظف سجاد – بادي ميست – مزيل مكياج – مزيل طلاء الأظافر – معطر جو – منظف أجهزة – سائل فرامل – مانع تجمد

الموقف ده ممكن يتحول لكارثة في دقائق…
والتصرف الغلط أخطر من المادة نفسها

أولًا: افهم إن المواد دي ممكن تكون
• مهيجة شديدة للمعدة والجهاز التنفسي
• أو مواد كاوية تحرق الفم والمريء
• أو مواد سامة للجهاز العصبي والقلب

التعامل الصح في البيت قبل المستشفى:
1. أهم خطوة: متخليش الطفل يرجع
ممنوع تمامًا تحفيز القيء
لأن المادة ممكن تحرق المريء مرتين (وهي طالعة ونازلة)
وكمان ممكن تدخل على الرئة وتعمل التهاب خطير

2. اشطف الفم فورًا
خليه يتمضمض ويبصق لو يقدر
ولو طفل صغير امسح الفم بقطعة قماش مبلولة

3. لو المادة لمست الجلد أو العين
اغسل فورًا بمياه جارية لمدة 10–15 دقيقة
بدون أي مواد إضافية

4. لو الطفل واعي ومفيش ترجيع
ممكن تديله رشفات صغيرة مياه أو لبن
(لكن بكمية بسيطة، مش إجبار)

5. راقب العلامات الخطيرة

• كحة أو صعوبة تنفس
• قيء متكرر
• نعاس أو تشنجات
• حروق أو ألم شديد بالفم
• تغير في الوعي

أي علامة من دول = حالة طوارئ فورًا

6. احتفظ بالعبوة وخدها معاك
عشان الطبيب يعرف نوع المادة بالظبط ويتصرف بسرعة

ممنوعات لازم تتفهم كويس:
• ممنوع لبن بكميات كبيرة أو “لتخفيف السم”
• ممنوع أي أدوية من نفسك
• ممنوع الانتظار لو في أعراض

نقطة مهمة جدًا:
مواد زي سائل الفرامل ومانع التجمد خطيرة جدًا
ممكن تسبب فشل كلوي أو تسمم شديد حتى بكميات صغيرة

الخلاصة:
الدقايق الأولى هي اللي بتحدد النتيجة
تصرف صح = تنقذ حياة
تصرف غلط = ممكن يسبب كارثة حتى لو الكمية قليلة

احفظ البوست… لأنه ممكن يفرق في لحظة حرجة
Dr Karim sharaby

Address

Cairo

Website

Alerts

Be the first to know and let us send you an email when لقد وقعنا في الطب posts news and promotions. Your email address will not be used for any other purpose, and you can unsubscribe at any time.

Shortcuts

Share

Category