عيادة الطب النفسى وعلاج الادمان بالمعادى

  • Home
  • Egypt
  • Cairo
  • عيادة الطب النفسى وعلاج الادمان بالمعادى

عيادة الطب النفسى وعلاج الادمان بالمعادى عيادة الطب النفسى وعلاج الادمان بالمعادى
#التغيير _ اكسر قيودك و ابدأ من جديد
_ Make the Leap
#جودة الحياة تستحق
of Life is Worth

27/07/2025

(42) فعلُ الواجبِ مُقَدَّمٌ علَى فعلِ مَا تُحِبُّ🤔
صباح الأُصُول المَرْعِيَّة🌹

17/07/2025

(26)ثلاثة لا تتخذهم أولياء ** وتُلْقِى إليهم بالمودة من كان يستطيع مساعدتك وانت محتاج ؛ فعمل أنه من بنها 🤗 وآخر أسديت له معروفا ضخما ؛ فلم يُقدِّر معروفك وعمل أنه من مالطة😏 والثالث من تَنَمَّرَ عليك لنقصٍ مادىٍ أو ضعفٍ بِنْيَوِىٍ ؛فهذا من سفلة القوم ليس له بلد 🤔 ولا تجعل هذه التجارب المريرة تمنعك من مساعدة المحتاج ؛ وإسداء المعروف ؛ ورفع المعنويات ؛ ولا تنسَ فى كل الأوقات قواعد الإنسانية♥️
مساء المودة للطيبين🌹

09/07/2025

جلسات نفسية اونلاين صباحا ومساءا

للحجز 01204331517
فون وواتساب .

07/07/2025


★★★
★★ اضطرابات المزاج (الإكتئاب و اضطراب ثنائى القطب) .
★★ اضطرابات القلق و الوسواس القهرى و قلق ما بعد الصدمة .
★★ اضطرابات الفصام .
★★ اضطرابات المراهقة .
★★ اضطرابات الزواج / مشاكل العلاقات .
★★ الإضطرابات الجنسية و الجنسية المثلية .
★★ برامج لعلاج الإدمان و إعادة التأهيل .
★★ اضطرابات الشخصية .
★★ اضطرابات الشيخوخة .
★★ إختبارات نفسية لتحليل الشخصية .
★★ إختبارات نفسية لتقييم التوافق الزوجى .
.



25/06/2025

#مَبْحَثٌ_فِى_العَشَمِ_و_الخُذْلَان ...!!
☺️أن الكلمة المفتاح فى العلاقات الإنسانية من أول الزمالة مرورا بالجيرة والصداقة وصولا للحب وطبعا تاج العلاقات الإنسانية الأخوة الكلمة المفتاح هى {العشم}🌹 كلمة العشم فى اللغة العربية الفصحى تعنى الطمع الحميد والأمل فى شخص ما وفى الإستخدام الشائع يُفهم {العشم} على أنه ترقب وتوقع الخير من شخص ما غالبا ما يكون مقرونا بالحب وحسن الظن به بالإضافة إلى المفهوم والغير مكتوب فى ميثاق العلاقات الإنسانية المتبادلة من (إن الناس لبعضيها)♥️ يُستخدم العشم غالبًا في اللهجة العامية للدلالة على الأمل والطموح في تحقيق شيء من شخص ما ؛ وقد يتقاعسُ المَرءُ عن إجابةِ سائلٍ أو يتوان عن نصرَةِ صديقٍ أو قريب ؛ فيلقى منه الَّلومَ والعتاب، وتكون العبارةُ الخالدة: "ما كانش العَشَم" أبلغَ ما يُقال ؛ والمعنى أن الفعلَ قد جاء ضئيلًا بما لا يُلائم التوقُّعات الضَّخمة ؛وأن الفجوةَ بينهما قد صنعت جَفوة💔أما الكلمة التى لا تكتسب معناها إلا من وجود كلمة {العشم} فهى {الخذلان} كلمة "خذلان" في اللغة العربية تعني ترك النصرة والمساعدة، والتخلي عن شخص في وقت حاجته😥 أصل الكلمة من الفعل "خذل" الذي يدل على الترك والتخلية، ويأتي أيضًا بمعنى التثبيط والإضعاف ؛ الخَذُول هو الشخص الذي يترك غيره ويتخلى عنهم دائما وهى صيغة مبالغة من الفعل "خذل" وطبعا الخذول الأكبر هو الشيطان وقد جاء فى سورة الفرقان :
[لَقَدْ أَضَلَّنِي عَنِ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلْإِنْسَانِ خَذُولًا (29)]🌹♥️
☺️وأعلم أن من ينتظر منك السند والمساندة فهو كمن يحتاج إلى عكاز يستند عليه فى مشوار صعب المسير
و والله لن تندم وسوف يُيَسِّرُ اللهُ لك مَنْ تَسْتَنِدُ إليهِ فى
مشواريك الصعبة🤲♥️

09/06/2025

الإمتنان لِمَنْ يُساعِدُكَ ؛ و التَعَاطُفُ مَعَ مَنْ يَحتاجُ مُساعَدِتَكَ ؛ و عَدم التَدَخَّل فيما لا يَعنيكَ🤔
كرر السلوك ده كتير لغاية ما يبقى طبع فيك وكأنه دائرة كهربية فى مخك(Circuit in your brain) و استمتع بحب الناس لك
و سلامك النفسي و ادعيلى♥️

13/04/2025

☺️ ...
★★ من ضمن الأسباب اللى ممكن تعكنن عليك حياتك و احتمال تدخلك فى اكتئاب أنك تشعر أنك اضحك عليك و لا مؤاخذة كنت مغفل كبير و ده بيحصل أحيانا (و ممكن يكون كتير) فى العلاقات الإنسانية و فى علاقات البزنس ...!
★★ أنا حاسس بيك و عارف أن شعور البنى آدم أنه غبى أو أنه كان غبى شعور مؤلم و بيوجع أكتر من الخسارة نفسها ...!
★★ بس أنا حابب أقولك أن حضرتك مش غبى و لا حاجة لأنك دخلت العلاقة بناءا على معطيات معينة كانت واعدة و زى الفل فمن فضلك لا تتهم نفسك بالغباء ...!
★★ أمال إيه إللى حصل ؛ إللى حصل أن الطرف الآخر نصاب سيكوباتى حط الفاكهة السليمة على وش القفص و المعاملة كانت فوق الممتازة عشان يخبى الفاكهة المعطوبة و حضرتك بحسن نية افتكرت القفص كله مليان فاكهة سليمة ...!
★★ لغاية هنا حضرتك مش غلطان ؛ الغلط الأول عندما لا تهتم بالتاريخ تاريخ الشخص إللى بتتعامل معاه ؛ خللى بالك أن التاريخ بيلقى أضواءا قوية على الحاضر و المستقبل ...!
★★ تانى غلطة بتيجى أول ما ايدك تمسك حبة فاكهة معطوبة و يتكرر هذا و تعديها على أنها خطأ غير مقصود و لا تحاول المراجعة و إعادة النظر ...!
★★ و هكذا إلى أن يأتى الوقت الذي تكتشف فيه أنك خسرت حاجات كتيره أهمها مشاعرك أو كرامتك أو حتى فلوسك ...!
★★ إللى عاوز أؤكد عليه أن حضرتك مش غبى و لا حاجة
و عاوز أقول لحضرتك على شوية حاجات تحطهم حلقه فى ودنك ...!
★★ زى ما كلنا عارفين أنك لو لقيت منتج غالى قوى (ايفون مثلا) حد بيبيعه بتراب الفلوس فده يخللى الفار يلعب في عبك كذلك العواطف المبالغ فيها فى فترة قصيرة يجب أن تجعلك تراجع الموقف كله ...!
★★ كمان حاجة مهمة جدا ؛ الإشارات الأولى ؛ خللى بالك من الإشارات الأولى و أول ما تلتقط إشارة (تمسك واحدة فاكهة معطوبة) لازم تراجع كل القفص أقصد كل العلاقة ...!
★★ إذا اكتشفت العيوب كن حاسما و تراجع فورا مهما كانت الخسائر و لا توهم نفسك أنك هتغير الطرف الآخر لأنه غالبا محدش بيقدر يغير حد (ده عمل المتخصصين و لازم يكون فيه استعداد من البنى آدم للتغيير) ...!
★★ على فكره كل ما يكون التراجع أسرع كل ما تكون الخسائر أقل ...!
★★ آخر حاجة مهما كانت الخسائر فهى مش خسائر و لكنها دروس مستفادة ...!
★★ معلش حاجة كمان أنت مش غبى أنت شخص محترم بس مالكش فى اللوع (النصب و خداع الآخرين و السهوكة) ...!
★★ بجد آخر حاجة خللى بالك أنه أكيد الطرف الآخر أستاذ فى اللوع و الضحك على الدقون و العقول و القلوب و لكن غالبا هيغلط غلطه تخلص منه القديم و الجديد ؛ زى ما قال عمنا الراحل صلاح جاهين :
"علم اللوع أضخم كتاب فى الأرض .....
بس إللى يغلط فيه يجيبه الأرض"
و عجبى !!

02/04/2025

اعلم أيها الفتى أن كلمة السر هى "التضحية"🤔و لا تحسبَنَّ أن التضحية خسارة و لكنها استثمار لكى تكسب حاجة أهم و أكثر مما ضحيت به ؛ أنت بتضحى بفسحة مع أصحابك عشان تنجح
و بتضحى بشوية نوم عشان تطلع الأول وبتضحى بشوية مجهود زيادة فى العمل عشان بيتك ما يحتاجش حاجه و بتستحمل شوية شريك حياتك🤗عشان أولادك يتمتعوا بحياة أسرية سعيدة
و بتضحى بشوية إغراءات دنيوية عشان تخش الجنة و بتضحى بشوية مما أعطاك الله عشان تسعد ناس قد تكون لا تعرفهم
و بتضحى بشوية من النرجسية عشان تكسب قلوب إللى بتتعامل معاهم و بتضحى بشوية من وقتك و مجهودك عشان تساعد الآخرين و إذا جد الجد ممكن تضحى بنفسك عشان بلدك♥️كل ما تتعب فكر أنت بتضحى ليه و عشان مين ده هيخفف عنك
و هيخللى حياتك ليها معنى☺️🌹
🌹♥️

12/03/2025

☺️
★★ رباعية الأمراض النفسية ديه مرتبطة ببعض ؛ يعنى لما واحد بيحصل ممكن جدا يتسبب فى حدوث الباقى :
#الإكتئاب
#الإدمان


★★ الترتيب فى الرباعية ديه مش مهم يعنى أى إضطراب في الأربعة إضطرابات ممكن أن يكون سببا فى حدوث الإضطرابات الأخرى أو يكون نتيجة للإضطرابات الأخرى ...!!
★★ إذا كان لدى أحد الوالدين أو كليهما إضطرابات نفسية ؛ أو أن هناك مشاكل زوجية فذلك ربما يتسبب فى إضطرابات نفسية للمراهقين و الشباب ...!!
★★ هؤلاء الشباب إذا لم يتم مساعدتهم نفسيا قبل تكوينهم أسر جديدة فغالبا سوف تتكرر رباعية الإضطرابات النفسية السابق ذكرها ؛ و تستمر الدائرة المفرغة التى تؤثر على جودة الحياة ...!!

#التغيير
🌹🌹

27/02/2025

☺️
★★ فى مؤسسة الزواج إذا لم يكن كلٌ من الطرفين على رأس اهتمامات الطرف الآخر ؛ و أهم من كل الآخرين بما فيهم الأولاد ؛ فهو مشروع فاشل حتى و إنْ استمر ...!!
★★ مش بس كده و لكن هذه المؤسسة الفاشلة (فى هذه الحالة) بيكون لها تأثير ضار جدا على صحة الأولاد النفسية عاجلا
و آجلا ...!!

♥️♥️

13/02/2025

☺️
🤔
★★ حضرتك بين التلاتين والخمسين ...تمام وبتشتغل وحر نفسك وامورك المادية تسمح ليك أن تحصل على ما تريده ولما بتعوز تاخد أجازة مفيش حد بيأنبك أنك أجازاتك كترت (مالناش دعوة بتصرفات مديرك معاك) أنا بتكلم عن الأسرة وطبعا حضرتك متزوج وفيه مودة بينك وبين الهانم الكبيرة يعنى احتياجاتك العاطفية والحيوية ليست مُهملة وكمان أنت بقالك سنين كتير فى شغلك يعنى بقيت خبير أو على الأقل فاهم الشغلانة وراضى عن نفسك ولك أصدقاء ولك مُطلق الحرية تخرج مع أصحابك أو تزور حماتك (أنا عارف زيارة حماتك واجب ضرورى بس تقيل حبتين🤗) تمام بس ممكن تزورها وتخرج مع اصدقائك وممكن تقعد على القهوة أو تشتغل شغل إضافى أو تقرأ حاجة مفيدة أو تتفرج على التلفزيون أو تقعد طول الوقت تقلب فى الفيسبوك كل ده باختياراتك على الأقل ظاهريا طيب بذمتك مش بييجى عليك أوقات تبقى مضايق ومخنوق ومفيش حاجة عاجباك وساعات تبقى عاوز تقعد لوحدك وساعات تبقى عاوز تهيص وساعات بتظبط نفسك وانت بتاكل مش عشان جعان ولكن عشان تتطلع زهقك فى الأكل وكل ده ما حدش يقدر يقول لك ده غلط أو صح وطبعا كل قلناه بصيغة المذكر يجوز قوله تماما بصيغة المؤنث😏★★ زى الفل يا أيها الآباء والأمهات والله العظيم كل المشاعر إللى بتحسوها أنتم أولادكم بيحسوا بمشاعر زيها بالضبط دى مشاعر عالمية بيشعر بيها الجميع ومن كل الأعمار ولكن الكبار زى حضرتك وحضرتها عندكم مميزات أقلها حرية الإختيار وحرية عدم الفعل أو الفعل وميزة الإشباع العاطفي والحيوى ودى مميزات مش موجودة عند الأطفال والشباب إللى مازال فى الدراسة متفقين تمام متفقين ...!!
★★ يبقى لما تلاقي ابنك مضايق شوية أو خرج مع أصحابه شويه أو برنامج المذاكرة اتلخبط شوية أو نام ساعة زيادة أو سهر ساعة زيادة مش لازم خالص مش لازم أبدا أن يكون أول رد فعل ليك هو التأنيب والزعيق والإهانات من قبيل (أنت مش مقدر المسئولية ؛ أنت مهمل ؛ أنت مش نافع أنت مش شايف ولاد عمو عبد السميع ولا ولاد طنط محاسن عاملين ازاى وأنت ما بتعملش حاجة) لغاية الخمس كلمات الكارثة كارثة بجد (أنا باشقى وباحرم نفسى عشانك) خمس كلمات كارثة بجد ...!!
★★ خللى بالك ده ابنك وده واجبك فياريت سعادتك تبطل مَنْ ومُعايرة فى الواد واحنا اتفقنا أنه عنده مشاعر واحتياجات فالإهانات والزعيق والضرب حتى مش هايحلوا حاجة ولكن غالبا هيزيدوا الأمر سوءا ...!!
★★ اقعدوا مع عيالكم اسمعوهم احترموهم عبروا عن حبكم ليهم ولا تنخدعوا بأن العيال طبيعي هيعرفوا أنكم بتحبوهم عشان أنتم بتتعبوا فى الفلوس إللى بتصرفوها عليهم لا يا افندم قلل من تعبك شوية وكتر من جلوسك معاهم شوية وخلليك حريص أنك وانت قاعد معاهم تظهر اهتمامك بيهم واحترامك لآرائهم واحضنوهم كتير وده مع الولاد ومع البنات الاتنين بيحتاجوا حضن الأب وأوعى سعادتك تفتكر أن الأحضان شغل الأم فقط ...!!
★★ آخر حاجة التربية مش يوم وهيعدى ولا فعل واحد وخلاص ولا واجب بيتعمل زى ما يكون لأ التربية مشروع ومشروع صعب ومحتاج نفس طويل وصبر ومثابرة ووقود كل ذلك الحب وأنه يكون فى ذهن سعادتك دائما الجائزة الكبرى أنك بتقدم للمجتمع منتج مفيد لنفسه وللآخرين والله أعلم 🌹♥️
☺️🤗
♥️

Address

Cairo

Opening Hours

Monday 5pm - 11pm
Tuesday 5pm - 11pm
Wednesday 10am - 2pm
5pm - 11pm
Thursday 5pm - 11pm
Saturday 10am - 2pm
5pm - 11pm
Sunday 5pm - 11pm

Telephone

+201204331517

Website

Alerts

Be the first to know and let us send you an email when عيادة الطب النفسى وعلاج الادمان بالمعادى posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to عيادة الطب النفسى وعلاج الادمان بالمعادى:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category