http://www.talentcenter.top/, http://www.edugames.site/

عمرو صقر Amr Sakr, Cairo (2026)

01/04/2026

🚨 هو فين دورك يا بابا؟!
تسع حاجات بابا لازم يعملهم للمراهق
النهارده الرسالة عن دور الأب بقى في تربية مراهق جيل z.
بس اول ماما اعملي تاج دلوقتي لبابا … لأن الكلام الجاي مهم ليه هو 👇

بص بقي يابا وركز معايا
ابنك مش محتاج فلوسك بس…
ابنك محتاجك أنت 👊

✔️ كل يوم جلسة متابعة ربع ساعة ع الأقل
مش مجرد أوامر… حوار
اسأله، اسمعه، افهمه… حتى لو ساكت

✔️ محتاج “خروجة الثقة” كل أسبوع وياريت مع الصلاة
مش خروجة عادية…
دي جلسة دردشة، فضفضة، بدون حكم…
ابنك لازم يحس إنك أمانه

✔️ المواقف الاجتماعية محتاج يشوفك… مش بس يسمعك
بتتعامل إزاي؟
بتتحكم في غضبك إزاي؟
بتواجه مشاكل الحياة إزاي؟
هو بيتعلم منك… حتى لو أنت مش واخد بالك

✔️ المسجد والجماعة والتربية بالقدوة… مش بالكلام
ابنك مش هيتعلم الرجولة من نصايحك
هيتعلمها من تصرفاتك

✔️ التحكم في الغضب؟
مش هيتعلمه من فيديو…
هيتعلمه منك لما تغضب وتعرف تمسك نفسك

✔️ الحزم منك بيفرق 🔥
ساعة شدة من الأب = مية ساعة من الأم
وجودك… كلمتك… قرارك… لازم يكونوا واضحين

✔️ التوعية مسؤوليتك
مش بس دراسة وشغل
لا… كمان المشاعر 💔
وكمان التوعية الجنسية… بشكل واعي ومحترم
لو أنت ما اتكلمتش… غيرك هيتكلم!

✔️ عرّفه على الحياة
خده معاك… شوفه بتتعامل مع الناس إزاي
علمه الشغل… المسئولية… الاعتماد على النفس
ده اللي بيبني هويته كرجل

✔️ حمّله مسؤولية
فيه مهام يومية وأسبوعية
لازم يحس إنه له دور… له قيمة

❌ من غير أب حاضر…
صعب يبقى عندنا ابن سوي ومتوازن

🔥 ختام مهم جدًا:
ابنك مش محتاجك تبقى كامل…
هو محتاجك تبقى موجود

ــــــــــــــــــــــــــــ

لو حابب تعرف أكتر عن تربية المراهق 👇
و تحضر أمسياتنا المجانية عن تربية المراهق
ابعت كلمة "بناء" وهبعتلك 🎁 هدية: دليل تعديل السلوك للمراهق

31/03/2026

محتاج رأيكم جداً كأباء وأمهات جدا وكمان زمايلي المتخصصين 👇

أنا بقدّم برنامجي التدريبي للمراهقين، وحابب آخد رأيكم في محتوى حلقة فعلية من البرنامج علشان لو فيه مشاكل معينة بتقابلكم ممكن أضيفها او أغير واطور من الواقع 👌

📌 **مثال لحلقة من البرنامج (كما هي):**

⏱ **10 دقائق – افتتاح الحلقة**

* مراجعة المهام
* نقاشات حرة حول مشاكل أسبوعية
* سؤال: *إيه أكتر الحاجات اللي عطلتك الأسبوع ده أو معرفتش تتصرف فيها؟*
* مفاهيم عامة ومراجعة على العبادات والمهام

⏱ **10 دقائق – شخصية وخُلق**

* قصة (لصديق أو شخصية عظيمة مناسبة للمرحلة العمرية)
* مثال: شخصية ابن عباس

⏱ **15 دقيقة – تدبر آية ومعنى إيماني**

* شرح حديث
* مثال: *"يا غلام احفظ الله..."*
* أو آية: *"اهدنا الصراط المستقيم"*

⏱ **10 دقائق – حدث وتوعية**

* توعية بالأحداث حولنا
* وكيف نستعد لها إيمانيًا

⏱ **10 دقائق – Break**

* استراحة

⏱ **30 دقيقة – مهارات بناء واتزان نفسي**

* مهارات الحفظ والذاكرة
* التعامل مع القلق (خصوصًا قلق الامتحانات)
* تنظيم المذاكرة
* الالتزام

⏱ **10 دقائق – تدريبات عملية**

* تدريبات على الذاكرة والمذاكرة
* تدريبات على التحكم في القلق

⏱ **10 دقيقة – معنى وعبادة**

* معنى الصلاة (إعادة ربط بالمحتوى)

⏱ **10 دقائق – تلخيص**

* تلخيص الحلقة
* إعطاء مهام أسبوعية للمتابعة

---

💬 **محتاج رأيكم في :**

* هل ترتيب الحلقة مناسب؟
* المحتوى مناسب للمراهقين؟
* في حاجة تتضاف أو تتشال؟

رأيكم هيفرق معايا فعلا 🙏

🎁 **ولو حابب تجرب لابنك مرة هدية :**
اكتب "بناء" في التعليقات
وهنبعتلك تفاصيل وموعد حلقة مجانية بإذن الله ❤️

مستني آراءكم 👇

30/03/2026

🔥 عاوز تعرف ايه العقاب اللي يليق بالمراهق (مش إهانة… لكن تربية)

المراهق مش طفل…
فالعقاب لازم يكون فيه احترام + مسؤولية + وضوح

لكن قبل ما نطبق 😳

⚠️ خدّي بالك…
مفيش حزم = مش هتعرفي تربي
ومفيش شدة محسوبة = مش هتوصلي لنتيجة

التربية مش طيبة بس…
التربية محتاجة أم حازمة وواعية وحنونه 👌

تعالي نشوف أنواع العقاب الصح 👇

---

# # 1️⃣ عقاب بالتوبيخ والتأنيب (بهدوء) ⚖️

مش شتيمة… لكن توضيح الغلط بحزم

📌 مثال:
"الأسلوب ده مش مقبول… أنا متوقعة منك أحسن من كده"

💡 الهدف:
يحس بخطأه بدون ما تكسّريه

---

# # 2️⃣ عقاب بتحميل التكاليف 💰

غلط؟ يبقى يصلحه

📌 مثال:
كسر حاجة 👉 يشارك في إصلاحها أو يدفع جزء من تمنها

💡 الهدف:
يتعلم إن كل تصرف له نتيجة

---

# # 3️⃣ عقاب بالحرمان المؤقت ⛔

مش حرمان دائم… لكن رسالة واضحة

📌 مثال:
موبايل / خروج 👉 يتمنع يوم أو أسبوع حسب الغلط

💡 الهدف:
يحس بقيمة الحاجة

---

# # 4️⃣ عقاب بتقييد الحريات 📵

مش عقاب وخلاص… ده تنظيم

📌 مثال:

* تحديد وقت للموبايل
* منع استخدامه في الأوضة
* تقليل وقت الألعاب

💡 الهدف:
تتحكمي في المصدر الأساسي للمشكلة

---

# # 5️⃣ عقاب بإضافة مسؤوليات 💪

بدل ما تعاقبيه… خلي عنده دور

📌 مثال:
يهمل 👉 يتحمل مسؤولية زيادة (ترتيب – مساعدة – مهمة يومية)

💡 الهدف:
يبقى ناضج ويتحمل نتيجة أفعاله

---

# # 6️⃣ عقاب بالتجاهل الذكي 🤫

مش كل حاجة تستاهل رد فعل

📌 مثال:
استفزاز / رد رخِم 👉 تجاهل + هدوء

💡 الهدف:
ما تكبريش المشكلة

---

# # 7️⃣ عقاب بإعادة التصحيح 🔁

غلط؟ يصلحه بنفسه

📌 مثال:
كلمك بأسلوب وحش 👉 يعيد الكلام بأسلوب محترم

💡 الهدف:
يتعلم السلوك الصح مش بس يخاف من العقاب

---

# # 8️⃣ عقاب بالحرمان من الامتيازات 🎯

في فرق بين "حق" و"امتياز"

📌 مثال:
مقصر 👉 مفيش خروج / مفيش نت / مفيش حاجة بيحبها

💡 الهدف:
يفهم إن الالتزام = امتيازات

---

🔥 الخلاصة:

العقاب الصح مش بيكسر ابنك…
العقاب الصح "بيبنيه"

لكن لازم تفكري كده 👇
فكري بالحزم… مش بالعاطفة بس

---

🎁 لو حابة نظام واضح تمشي عليه بدون خناقات
وتتعلمي إزاي تبقي أم حازمة بذكاء 👇

✨ عندنا:
📘 دليل عملي كامل لتعديل سلوك المراهق
🎤 + أمسية مجانية عن تربية المراهقين

📩 ابعتي رسالة أو اكتبي "بناء" في الكومنت
وهنبعتلك كل التفاصيل 💬

28/03/2026

📌 ازاي نحل أزمة الموبايل مع اولادنا دي بقي مشكلة كبيرا !
لكن خليني الاول أوضح كام نقطة 👇

🔥 فتنة الموبايل أقوى من تحمّل المراهق…
فليه نرميه فيها ونستغرب إنه بيتغيّر؟!

⚠️ و الحقيقة:
المراهق مش عنده النضج الكافي يتحكم في الموبايل…
فلو إنتي مش حازمة… الموبايل هو اللي هيتحكم فيه!

💡 الحل مش منع الموبايل او الخناقات …و لكن
هي “شخصية حازمة وواضحة”

تعالي أقولك تعملي إيه 👇

💡 المراهق مش هيسيب الموبايل عشان قولتي له سيبه …
ومش هيقوم يذاكر والموبايل ف ايدة وهو المتحكم فيه ليه بقي
قلنا نفسيا دي اكبر من قدراته

✅ هو محتاج “نظام حاااااااازم ” مش أوامر!
يعني ايه 👇

يعني قبل تنفيذ كل اللي جاي لازم يكون متاكد ومقتنع وعارف وفاهم
ان الام والإبد هما المتحكمين ف الموبايل مش هو وإنك تقدري تسحبيه
في اي وقت وترجعيه انتي مهما كانت العواقب
نكمل بقي

و تعالي نشوف بقي بعض النقطة دي بعض الحلول 👇

1️⃣ كمان مرة لازم يكون فيه “شخص حازم” ⚖️
أب أو أم… بس يكون واضح وقاطع
📌 قوانين مش قابلة للتفاوض وقت التنفيذ
(وقت استخدام – نوع المحتوى – أماكن الاستخدام)

2️⃣ مفيش حاجة اسمها “ملكية خاصة” للموبايل 🚫
الموبايل مش ملكه… ده أداة تحت إشرافك
📌 يدخل غرفته؟ لأ
📌 يقفله؟ لأ
📌 يخبيه؟ لأ
لازم يبقى في النور وتحت عينك

3️⃣ الموبايل “بمقابل” 🎯
مش حق مكتسب… ده امتياز
📌 خلص مسؤولياته؟ ياخده
📌 قصر؟ يتحرم منه
كده بيتعلم إن المتعة ليها تمن

4️⃣ ماتعرضيهوش للفتنة أكتر من اللازم 🔥
كل ما الوقت زاد… التأثير بيزيد
📌 حددي وقت واضح ومحدود
وقطعي الاستخدام قبل ما هو يطلب

5️⃣ الحزم مع حب ❤️
مش قسوة… لكن وضوح + متابعة + اهتمام
📌 ابنك محتاج حدود عشان يحس بالأمان

6️⃣ اتفقي… مش تأمري 🤝
اقعدي معاه وحددي قواعد سوا (وقت استخدام – أماكن – أولويات)
📌 لما يحس إنه مشارك… بيلتزم أكتر

7️⃣ اربطي الموبايل بالحياة مش بديل عنها ⚖️
مفيش موبايل قبل المذاكرة / الرياضة / المسؤوليات
📌 كده بيتعلم التوازن مش الحرمان

3️⃣ خلي في بدائل حقيقية 🔥
رياضة – نشاط – صحاب كويسين
📌 لأن الفراغ هو أكبر سبب للإدمان

8️⃣ كوني “موجودة” مش “لوامة وناقدة” 👀❤️
اسأليه بيشوف إيه… اتكلمي معاه… ادخلي عالمه
📌 الرقابة الذكية أقوى

9️⃣ خليكي قدوة 📱
لو إنتي طول الوقت على الموبايل… هو هيعمل زيك
📌 التربية مش كلام… دي سلوك

⚠️ أهم نقطة:
الموبايل ممكن يكون عدو يإذي مستقبل ابنك …
من غير وعي… يبقى أخطر مؤثر في حياة ابنك
فتعاملي معاه كدا بدون تهاون

👇 لو حابة تعرفي نظام واضح وسهل
تمشي عليه مع ابنك بدون خناقات ولا شد أعصاب…

اكتبي "بناء" في الكومنت 👇

27/03/2026

من ابتعد عن الوسادة أقتربت له السيادة
ايه رايكم في الكلام دا 👌

26/03/2026

خليني أقولك حاجة يمكن تستفزك شوية في موضوع محمد صلاح…
أنا مش من هواة الكورة…❌
لكن من عشّاق النجاح.✔️

محمد صلاح فعلا و بالأرقام هو الأفضل عربيًا…🧐
لكن هل هو أكتر واحد موهوب؟ طبعًا لا.

وقبل ما تختلف أو تتفق…
البوست ده مش عن محمد صلاح كشخص،
ولا عن رأيك فيه أصلًا.

البوست ده عن حالة نجاح كبيرة …👌
لو تجاهلتها، ممكن تكون بتضيّع على نفسك درس مهم جدًا.✅

فركّز معايا كويس…
خصوصًا لو أنت لسه في بداية طريقك، سواء في الرياضة أو أي مجال تاني.

لو بصيت بتركيز، هتلاقي إن فيه 4 كلمات سر وراء النجاح ده…4️⃣
مش شعارات، لكن قواعد حقيقية بتتكرر في أي قصة نجاح.👇👇👇

# # # 🔹 1- التركيز على نقطة القوة

أكبر غلطة ناس كتير بتقع فيها…
إنها عايزة تبقى كويسة في كل حاجة.

لكن الحقيقة؟
مفيش حد مميز في كل شيء.

محمد صلاح مكانش أكتر واحد موهوب في العالم،
ومكانش الأقوى بدنيًا في بدايته…

لكن كان عارف هو شاطر في إيه،
وركّز عليه جدًا… وفضّل يطوره لحد ما بقى سبب ظهوره.

مكانش الأقوى…
لكن بقى صاحب أفضل أرقام عربيًا…
وده مش أي حد يقدر يوصله.

نقطة قوتك ممكن تكون:

* مهارة بسيطة
* موهبة متوسطة
* أو حاجة الناس مش شايفاها مميزة

لكن السر مش في قوة الموهبة…
السر في قد إيه بتديها تركيزك ووقتك وطاقة حياتك.

لما تركز على نقطة واحدة بعمق…
الـ “عادي” بيتحوّل لـ استثنائي.

---

# # # 🔹 2- الالتزام (Discipline)

الناس بتحب تتكلم عن الحماس…
لكن النجاح الحقيقي مبني على الالتزام، مش المزاج.

الالتزام يعني:

* تتمرن حتى وأنت مش عايز
* تكمل حتى لما مفيش نتيجة سريعة
* تشتغل في صمت لفترات طويلة

أي حد ممكن يبدأ…
لكن قليل جدًا اللي يقدر يكمل بنفس المستوى يوم ورا يوم.

الفرق بين شخص ناجح وشخص عادي؟
مش الذكاء…

غالبًا هو:
الاستمرارية والانضباط.

---

# # # 🔹 3- طريقة التفكير (Mindset)

العقلية هي اللي بتحدد كل حاجة.

فيه نوعين من الناس:

* ناس بتشوف الفشل نهاية
* وناس بتشوفه Feedback

اللي بينجح فعلاً:

* بيقبل الضغط
* بيتعامل مع النقد
* بيحوّل الإحباط لدافع

محمد صلاح فشل واترفض قبل كده…
لكن الفرق إنه ماخدش ده كحكم نهائي،
خدّه كمرحلة يتعلم منها.

سؤالك مش:
"هل هتفشل؟"

السؤال الحقيقي:
"هتتعامل مع الفشل إزاي؟"

---

# # # 🔹 4- القيم والأخلاق والاحترام

ممكن توصل بالمهارة…
لكن مش هتستمر غير بالقيم.

القيم هي اللي بتخلي:

* الناس تثق فيك
* الفرق تعتمد عليك
* والنجاح يكمل معاك مش يختفي

الاحترام، الالتزام، التواضع…
دي مش “كلام مثالي”…

دي أساس أي نجاح حقيقي طويل المدى.

نجاح بدون قيم = نجاح مؤقت.

---

# # # 🔥 في النهاية…

الموضوع مش محمد صلاح.

الموضوع:
هل أنت عندك الجرأة إنك تطبق الأربع مفاتيح دول في حياتك؟

* تركز على نقطة قوتك؟
* تلتزم حتى بدون حماس؟
* تطور طريقة تفكيرك؟
* وتتمسك بقيمك؟

لو قدرت تعمل ده…
أنت كده ماشي في نفس الطريق.

وده هو المعنى الحقيقي للبوست.

---

لو حابب أعمل محاضرة عن مفاتيح النجاح…
اكتب بس: "نجاح" 👇
وهنجهز ليها بإذن الله 🔥

26/03/2026

هو جو العيد ورمضان دا مش عاوز يخلص بقي
حد زيي لسه عايش المود دا ولا أنا لوحدي 😂🤓

24/03/2026

المراهق محتاج حواليه 4 شخصيات متكاملة… لو واحدة منهم غابت، التوازن كله بيقع! 💔

فلو ابنك المراهق بيربيه شخصية واحدة بس… فأنتي كده بتخاطري بمستقبله من غير ما تاخدي بالك!

خليني أقولك السر اللي أغلب الأمهات مش واخدين بالهم منه 👇

👤 1. الواعظ 🧠
الشخص اللي بيوجهه ويقوله الصح من الغلط
مش طول الوقت… لكن وقت ما يحتار
📌 ده اللي بيبني ضميره

مين ممكن يكون؟)
مدرس… شيخ… كوتش
📌 ده الشخص اللي بيوجهه وقت اللخبطة يفضل برا البيت
ولو مش موجود؟
ابنك ممكن ياخد نصايحه من صحاب مش فاهمين… أو السوشيال ميديا!

👤 2. الحازم ⚖️
اللي بيحط حدود واضحة… ويعرفه إن في قوانين
📌 ده اللي بيأمنه من الانحراف

مين ممكن يكون؟)
أب قوي… أم واضحة… معلم ملتزم يفضل جوا البيت
📌 ده اللي بيحط حدود وقوانين
ولو مش موجود؟
المراهق بيعيش بدون ضوابط… ويجرب كل حاجة لوحده!

👤 3. الصديق ❤️
اللي يسمعه بدون حكم… يحتويه وقت ضعفه
📌 ده اللي يخليه يرجع يحكي بدل ما يهرب

(مين ممكن يكون؟)
أم واعية… أخ أكبر… خالة قريبة… صديق ناضج. ممكن جوا او برا البيت
📌 ده اللي يسمعه بدون ما يحكم
ولو مش موجود؟
هيدور على الاحتواء بره… ويمكن يحكي أسراره لناس تأذيه!

👤 4. المراقب 👀
شايف كل حاجة من بعيد… فاهم التغيرات
بيتدخل قبل ما المشكلة تكبر
📌 ده خط الأمان الأخير

المراقب 👀 (مين ممكن يكون؟)
أم ذكية… أب متابع… مدرس مهتم… قريب قريب منه الأفضل جوا البيت
📌 ده اللي شايف التغيرات وبيتحرك في الوقت الصح
ولو مش موجود؟
المشكلة بتكبر… لحد ما تبقى خارج السيطرة!

💡 الحقيقة المهمة:
مش لازم تكوني إنتي الأربعة طول الوقت…
بس لازم الأربعة يكونوا موجودين في حياة ابنك

لأن المراهق لو ملقاش “الصديق” عندك… هيدور عليه بره
ولو ملقاش “الحازم”… هيتوه
ولو ملقاش “الواعظ”… هيغلط وهو فاكر إنه صح

✨ التربية في السن ده مش دور واحد… دي منظومة كاملة

👇 لو حابة تعرفي إمتى تستخدمي كل دور بالظبط
وإزاي توازني بينهم من غير ما تتعبي أو تلخبطي ابنك…

اكتبي "بناء" في الكومنت 👇
وهقولك الطريقة خطوة بخطوة 💬

22/03/2026

✨ هو إحنا فعلا بنفكر كده فعلًا؟

🔆 كتير مننا كان مستني رمضان يخلص…
علشان “نرجع بقى” لشغلنا، مذاكرتنا، ومصالحنا!

لكن الحقيقة اللي محتاجة وقفة…
إن الفكرة دي محتاجة إعادة نظر 🤍

❗️ هل فعلًا رمضان كان بيعطلنا؟

✅ خلينا نفكر مع بعض بهدوء:

🔹 أولًا:
رمضان ماجاش يعطلنا…
رمضان جه يفكرنا إن علاقتنا بربنا هي الأولوية الأولى في حياتنا.

والمفروض التحدي الحقيقي يبدأ بعد رمضان:
كيف نحافظ على الإحساس ده وسط زحمة الحياة؟

🔹 ثانيًا:
رمضان كان فيه وقت… ووقت كتير كمان!

من بعد الفطار للسحور ساعات طويلة…
وبيني بينكم الشباب الصغير اغلبه كان بيضيع الوقت دا
جزء راح بين موبايل ومسلسلات وتيه ذهني.

فهل المشكلة في رمضان؟
ولا في طريقة إدارتنا لوقتنا؟

🤔 طيب نعمل إيه بعد رمضان؟

مش محتاجين نبدأ بداية مثالية…
لكن محتاجين نبدأ بداية صادقة ❤️

🌱 خطوات بسيطة تغيّر كل حاجة:

1️⃣ ابدأ يومك بسؤال:
“أنا هعمل إيه النهارده علشان أرضي ربنا؟”

2️⃣ حافظ على الفروض
الصلاة أول ترتيب في يومك…
هي الميزان الحقيقي لأي نجاح.

3️⃣ خد حاجة واحدة من رمضان تكمل بيها:
مش لازم كتير…
✔️ ركعتين قيام
✔️ ورد قرآن بسيط
✔️ صيام يوم في الأسبوع

المهم الاستمرار 🤍

4️⃣ ارجع لشغلك ودنيتك… بس بوعي جديد
وأنت فاهم إن البركة والتوفيق
جايين من التلات خطوات اللي فاتوا.

💡 طيب تعرف إنك ماشي صح إزاي؟

اسأل قلبك:
🔸 لو شغلك وهمومك واخدين كل تفكيرك → راجع نفسك
🔸 لو رضا ربنا هو الأول → أنت على الطريق الصح

🌙 آخر رسالة:

اجبر قلبك إنه يبدأ بحقوق ربنا…
وهتتفاجئ قد إيه ربنا بيسهّل لك باقي حياتك 🤍

🤲 اللهم أعنّا على ذكرك وشكرك وحسن عبادتك،
وأعنّا على هموم الدنيا بما يرضيك عنا

21/03/2026

💔 رسالة من القلب… يا شباب انتوا عارفين
إن الحدث العظيم اللي حصل دا كان قريب جدا قريب من باب بيتي وباب بيوت ناس كتير منكم في مدينتنا دمياط الجديدة…
ويمكن في ناس منكم كانت هناك فعلًا… أو كانت ناوية تكون هناك، وحاجة بسيطة هي اللي منعتها…
يمكن زعلت وقتها… لكن الحقيقة؟
ده كان لطف من ربنا.

⏳ يا شباب… نستعد للقاء الله
كتير لما بنتكلم إننا نستعد للقاء ربنا، بيبقى الرد:
"لسه صغيرين…"
وفعلًا… صغيرين بمقياس العمر
لكن في الزمن ده…
العمر مش ضمان…
والعقل مش الميزان الوحيد…
اليقين في الله هو الأساس.

🤍 فكروا بس…
كام شاب… وكام طفل… ماتوا في دقائق؟
كام طفل كان بيفكر هيلعب إيه في العيد؟
كام أم كانت شايلة هم مستقبل أولادها؟
كام شاب كان بيحلم… وبيخطط… وبيجري ورا مستقبله؟
كام أب وأم كانوا بيقولوا: "لسه بدري… قدامهم وقت"؟

👀 الحقيقة اللي شفناها
أغلبكم شاف بعينه…
اللي حصل كان على بعد خطوات منكم
وشفنا برضه اللي بيحصل حوالينا في بلاد تانية…
وده مجرد جزء بسيط جدًا من معاناة غيرنا
والحقيقة المؤلمة:
مفيش حاجة بعيدة في الزمن ده… وكل واحد فينا كان ممكن يكون مكانهم.

⚠️ رسالة واضحة
اللي مش بيصلي… يلحق نفسه
اللي مقصر في حق ربنا… يرجع
اللي كان بيأجل الطاعة… يعرف إن التأجيل ممكن ينتهي فجأة
خصوصًا في رمضان…
يمكن كان ده آخر رمضان لناس كتير…
يا شباب… استعدوا للقاء ربنا في أي وقت.

👨‍👩‍👧‍👦 رسالة للأهالي
حفظ الله أولادكم 🤍
من فضلكم اقعدوا معاهم…
افهموهم… وعلّموهم المعنى الإيماني اللي ورا الأحداث دي
مش بس خوف…
لكن فهم… وقرب من ربنا

🤲 لا تنسوهم من دعائكم
ادعوا للشباب اللي توفوا…
موت الفجأة صعب جدًا…
وكانوا زينا بالضبط…
محتاجين دعاء… وصدقة…
لأنهم ماكانوش متوقعين… ولا مستعدين…
لكنه قدر الله.

💔 لأهل المصابين والمتوفين
ربنا يصبّركم ويعينكم…
مصابكم عظيم… وألمكم لا يشعر به إلا أنتم
نسأل الله أن:
يتقبلهم في الصالحين
ويجعل قبورهم روضة من رياض الجنة
ويؤنسهم بصيامهم وقيامهم وقرآنهم
ويستقبلهم بروح وريحان وربٍ راضٍ غير غضبان

🤍 ياشباب…
الدنيا أقصر مما نتخيل…
والفرصة لسه موجودة…
فاللي يقدر يقرّب من ربنا… يبدأ دلوقتي.

03/03/2026

ياجماعة البنات حاجة تانية والله ❤️
لما بنيجي نعلم بنت الاخلاق والقيم في برامجنا بتلاقي استجابات مختلفة تماما عن الشباب ✔️
البنات .. يعني الرقة.. والضحكة الجميلة .البهجة والالتزام
وخاصة لما يكون كمان المدرب اخصائي ومعالج وفنان بتكون النتيجة حاجة تانية
Radwa Ahmed
مجموعة البنات في Talent Center حاجة تانية
اخلاق.. قيم .. بناء شخصية .. تربية .. تطوير مهارات

و محدش يزعل من الشباب انتو حبايبي 😂😉👌

03/03/2026

كيف نعالج أنفسنا وأبنائنا من القلق من القرآن ⁉️👌
من أخطر وأعمق “العلاجات النفسية” للقلق والتوتر
للصغار والكبار معًا…
هو هذا المعنى، وهذه الآية

﴿فَمَا ظَنُّكُم بِرَبِّ الْعَالَمِينَ﴾ [الصافات: ٨٧]

فمن أشد أسباب:
▪️ الهشاشة النفسية
▪️ القلق المزمن
▪️ التوتر المستمر

هو: سوء الظن بالله.

نحن نضع أنفسنا تحت يد الطبيب…
فقط لأننا نثق في مهارته.

فكيف لا نضع
قلوبنا وحياتنا
بين يدي من خلقها وأتقن صنعها؟

﴿فَمَا ظَنُّكُم بِرَبِّ الْعَالَمِينَ﴾ [الصافات: ٨٧]

علِّم ابنك:
✔️ التسليم لا الاستسلام
✔️ التوكّل مع السعي
✔️ العمل مع الثقة
✔️ الدعاء مع الأخذ بالأسباب

حينها:
🕊 يطمئن قلبه
🧠 يهدأ عقله
💛 تقوى نفسه

وتُبنى بينه وبين الله
علاقة:
ثقة… لا خوف
رجاء… لا قلق
يقين… لا اضطراب

فما ظنك أنت برب العالمين؟

عمرو صقر Amr Sakr

01/04/2026

31/03/2026

30/03/2026

28/03/2026

27/03/2026

26/03/2026

26/03/2026

24/03/2026

22/03/2026

21/03/2026

03/03/2026

03/03/2026

Address

Telephone

Website

Alerts

Contact The Practice

Shortcuts

Share