نماء لأمراض النمو والسكر والغدد الصماء للأطفال والمراهقين

  • Home
  • Egypt
  • Cairo
  • نماء لأمراض النمو والسكر والغدد الصماء للأطفال والمراهقين

نماء لأمراض النمو والسكر والغدد الصماء للأطفال والمراهقين المركز الاول المتخصص فى أمراض النمو و السكر والغدد الصماء للأطفال فى مصر

💡 فى يوم التوعية بـ متلازمة كوشينجبنأكد ان 👇مش كل زيادة وزن عند الأطفال سببها أكل زيادة…في بعض الحالات النادرة، زيادة ال...
08/04/2026

💡 فى يوم التوعية بـ متلازمة كوشينج
بنأكد ان 👇

مش كل زيادة وزن عند الأطفال سببها أكل زيادة…

في بعض الحالات النادرة، زيادة الوزن ممكن تكون علامة على خلل هرموني ⚠️

📌 إمتى نشك؟ لو لاحظت على طفلك:
▪️ زيادة وزن سريعة خصوصًا في البطن والوجه
▪️ وجه دائري ممتلئ (Moon face)
▪️ ضعف في العضلات
▪️ بطء أو توقف في زيادة الطول
▪️ خطوط تمدد بالجلد لونها أحمر داكن
▪️ ظهور حب شباب أو شعر زائد
▪️ إرهاق وتغيرات في المزاج

📍 مهم جدًا:
الأعراض دي ممكن تتشابه مع السمنة العادية… لكن الفرق الأساسي إن الطول بيتأثر بشكل واضح 👈

⚠️ الحالة دي تشخيصها
متلازمة كوشينج
ودى بتحصل نتيجة ارتفاع هرمون الكورتيزول لفترة طويلة في الجسم

🩺 لو لاحظت أي من العلامات دي، يجب استشارة طبيب الغدد الصماء

✨ التشخيص المبكر بيفرق جدًا
وبيساعد في تقليل المضاعفات وتحسين النمو والصحة على المدى الطوي

سهيله عبدالرحمن دغيدى
مدرس واستشارى امراض النمو والغدد الصماء وسكر الاطفال والمراهقين
عضو الجمعية المصرية والعربية للغدد الصماء وسكر الاطفال

كل سنة وأنتم طيبين وبخير وسعادة 💚
19/03/2026

كل سنة وأنتم طيبين وبخير وسعادة 💚

02/03/2026

رسالة لأمهات وآباء أطفال سكر النوع الأول ❤️

إحنا عارفين قد إيه القلق ممكن يكون مسيطر…
ومتفهمين إن أي أسرة تتمسك بأي أمل يساعد طفلها يعيش بأمان.

لكن مهم جدًا إن خوفنا على أولادنا ما يخليناش نصدق كلام من ناس بتدّعي الطب بدون أساس علمي حقيقي.

في ناس بتتكلم بثقة وبتستخدم مصطلحات طبية، وده يخلي كلامهم يبان مقنع…
لكن ده في الحقيقة مجرد pseudoscience — علم غير مثبت وغير قائم على أدلة.

ومدّعي الطب بيكونوا أخطر من الدجالين الواضحين،
لأنهم ممكن يخلّوا الأسرة في لحظة ضعف تاخد قرار خطير — زي إيقاف الإنسولين.

ونأكدها بوضوح شديد:
سكر النوع الأول حتى الآن ملوش علاج يغني عن الإنسولين.
وأي كلام غير كده هو كلام غير علمي .

وده لا يعني إن مفيش أمل.
الأمل موجود في الأبواب اللي ربنا فتحها لنا من خلال العلم الحقيقي —
زي تكنولوجيا متابعة السكر، مضخات الإنسولين، التطور المستمر في أنظمة العلاج،
وكمان الأبحاث الواعدة مستقبلًا زي الإنسولين بطرق إعطاء مختلفة، أو أبحاث الخلايا المنتجة للإنسولين.

إحنا بنشوف النتائج الخطيرة جدًا لما يتم إيقاف الإنسولين بناءً على معلومات غير صحيحة…

وعشان كده اطلبوا العلاج بالعلم الحقيقي…
والشفاء من الله.

ودمتم وأطفالكم سالمين 💙



18/02/2026

رمضان كريم 🌙

أسأل الله أن يكون شهر خير وبركة علينا جميعًا

كل عام وأنتم بخير �

نتقدم بأصدق التهاني للدكتورة دينا رضا ابو عاصي بمناسبة اجتيازها البورد الأوروبي للغدد الصماء والسكر والأيض،خطوة مهمة وإ...
29/01/2026

نتقدم بأصدق التهاني للدكتورة دينا رضا ابو عاصي بمناسبة اجتيازها البورد الأوروبي للغدد الصماء والسكر والأيض،
خطوة مهمة وإنجاز يُضاف لمسيرتها المتميزة �

حدوتة نماء 🌱حالتنا النهارده مراهق عمره 16 سنة حضر إلى مركز نماء وهو بيعاني من سمنة مفرطة، بوزن وصل إلى 158 كجم، وكان في ...
08/01/2026

حدوتة نماء 🌱

حالتنا النهارده مراهق عمره 16 سنة حضر إلى مركز نماء وهو بيعاني من سمنة مفرطة، بوزن وصل إلى 158 كجم، وكان في مضاعفات صحية ونفسية واضحة:
• ❤️ عوامل خطورة على القلب
• 🩺 ارتفاع في ضغط الدم
• 🦵 آلام وخشونة مبكرة بالمفاصل
• 😔 تدهور نفسي وانسحاب اجتماعي وتوقف عن الدراسة

التقييم الطبي

بعد تقييم طبي شامل ودقيق، ومع وجود محاولات سابقة للعلاج الغذائي وتعديل نمط الحياة بدون استجابة كافية — وهو أمر معروف علميًا في حالات السمنة المفرطة عند المراهقين — تم وضع خطة علاجية متكاملة مبنية على الدليل العلمي.

خطة العلاج

✔️ برنامج تغذية علاجية فردي يناسب حالته الصحية
✔️ تعديل تدريجي ومدروس لنمط الحياة
✔️ إضافة علاج دوائي من فئة GLP-1 receptor agonists
🔬 وهي أدوية معتمدة علميًا للاستخدام في المراهقين من سن 12 سنة طبقًا للإرشادات الدولية، وتُستخدم فقط تحت إشراف طبي متخصص

النتائج خلال 4 أشهر

📉 الوزن انخفض من 158 إلى 122 كجم
🌟 تحسن ملحوظ في الحركة وتقليل آلام المفاصل
🌟 تحسن نفسي واضح وعودة الثقة بالنفس وجودة الحياة

وأهم نتيجة… رجوع الابتسامة 🙏

رسالة لكل أم

🌱 السمنة عند الأطفال والمراهقين، خصوصًا السمنة المفرطة، مرض مزمن …
🌱 التدخل المبكر والعلاج العلمي الصحيح بيحمي صحة أولادنا على المدى الطويل

في مركز نماء بنشتغل دايمًا وفق الطب المبني على الدليل، وبنختار لكل حالة العلاج المناسب في الوقت المناسب، علشان ندي أولادنا فرصة حقيقية لحياة صحية أفضل.

د. مروة غريب
مدرس واستشاري الجهاز الهضمي والتغذية الإكلينيكية للأطفال






صحة_أولادنا
الأم_المصرية
التغذية_العلاجية
نرجع_الضحكة

مشاركه د ساره الشال إستشاري غدد صماء و سكر الأطفال فيمؤتمر 3rd ENDO-ABPC – الإسكندريةومتابعة أحدث التطورات في غدد صماء و...
27/12/2025

مشاركه د ساره الشال إستشاري غدد صماء و سكر الأطفال في
مؤتمر 3rd ENDO-ABPC – الإسكندرية
ومتابعة أحدث التطورات في غدد صماء وسكر الأطفال.

المحاضرة بعنوان اعتلال الغدة الكظرية وتاثيرها على الأعضاء التناسلية للأطفال



⚠️جت لنا استفسارات كتير عن البوست الى فات وايه هو السكر الجينى ⚠️😊فى البوست دا هنجاوب على كل استفساراتكم🤔 ايه هو السكر ا...
25/12/2025

⚠️جت لنا استفسارات كتير عن البوست الى فات وايه هو السكر الجينى ⚠️

😊فى البوست دا هنجاوب على كل استفساراتكم

🤔 ايه هو السكر الجيني

السكر الجيني هو نوع نادر من السكري،
بيحصل بسبب طفرة جينية معيّنة بتأثر على إفراز الإنسولين

❓ إمتى نشك في السكر الجيني؟

👇نبدأ نفكر فيه لو لقينا واحد أو أكتر من دول:

🔹 ظهور السكري في أول 6 شهور من عمر الطفل
(وأحيانًا ممكن يظهر لحد عمر سنة)
🔹 وجود تاريخ عائلي قوي للسكري
🔹 تشخيص السكري قبل سن 25 سنة
مع:
عدم وجود سمنة واضحة
وغياب الأجسام المضادة

🔹 وجود أعراض مصاحبة للسكري
زي ضعف السمع أو ضمور فى العصب البصرى
🔹 استمرار كفاءة البنكرياس
ووجود C-peptide طبيعي بعد مرور 5 سنوات من التشخيص

🧬 إزاي بنشخّص السكر الجيني؟
لو في اشتباه،
بنأكد التشخيص عن طريق التحاليل الجينية
لتحديد الطفرة المسؤولة عن المرض.

⭐ ليه تشخيص السكر الجيني مهم؟
لأن التشخيص الصح ممكن يغيّر خطة العلاج بالكامل.
🔸 بعض أنواع السكر الجيني:
مش بتحتاج إنسولين
وممكن تتعالج بـ أدوية فموية
🔸 كمان معرفة الطفرة الجينية بتساعد في:
تحديد طريقة الوراثة واحتمالية انتقال المرض للأبناء
تقييم إصابة باقي أفراد العيلة
توضيح التوقعات المستقبلية للحالة
التخطيط والمتابعة المبكرة

💚 ولأن التشخيص الصح هو أول خطوة في العلاج

في مركز نماء من خلال معرفتنا و خبرتنا الممتدة على مدار سنين بفضل الله بنساعد الحالات المشتبه بإصابتها بالسكر الجيني على التشخيص و العلاج المناسب

وده إلى حصل فى حالة الأسبوع ده مع حدوتة نماء



حدوتة نماء⚠️ (مش كل سكر اطفال هو سكر نوع اول)⚠️🧬 حالتنا النهاردة (حالة نادرة)بنوتة عندها 13 سنة متشخصة بالسكري من سنتين ...
23/12/2025

حدوتة نماء⚠️ (مش كل سكر اطفال هو سكر نوع اول)⚠️

🧬 حالتنا النهاردة (حالة نادرة)

بنوتة عندها 13 سنة متشخصة بالسكري من سنتين
و كانت ماشية على انسولين

🔍اول ما جت لنا المركز
👇 لاحظنا:
وجود تاريخ عائلي قوي للسكري من ناحية الأم
البنت وزنها طبيعي
لا توجد سمنة أو علامات مقاومة إنسولين

🧪 تم عمل تحاليل الأجسام المضادة الخاصة بالسكري،
وكانت النتيجة سلبية.

📌 هنا بدأ الاشتباه إن السكر ليس من النوع الأول (الأكثر انتشارا فى الاطفال)
وإنه ممكن يكون سكر جيني.

🤝 و بالتعاون مع د/ هبة داوود (أستاذ مساعد طب الاطفال والامراض الوراثية والتمثيل الغذائى) واستشاري الوراثة بمركز نماء

تم إرسال عينة لعمل تحليل جيني فى معمل متخصص للحالات الوراثية النادرة بالخارج ( بألمانيا)

🔬 واللى أثبت وجود طفرة جينية نادرة عند الطفلة

MODY 3 mutation (HNF1A)

وهي من الطفرات الجينية المعروفة باستجابتها الجيدة للأدوية الفموية😊

💊 وبناءً عليه:
✅️تم تغيير بروتوكول العلاج بالكامل
✅️إدخال اقراص من مجموعة Sulfonylurea (اقراص محفزة لافراز الانسولين)وسحب الإنسولين تدريجيا

🌟 حالتنا النهاردة سكر الدم مظبوط ومستقر الحمد لله على بروتوكول العلاجى الجديد💚

👌برغم ان الغالبية العظمى من حالات سكرى الاطفال بتكون من النوع الاول و الى علاجه الوحيد الانسولين

الا ان نادرا بعض حالات السكر الجينى ( وهو نوع نادر فى الاطفال) ممكن تستجيب لأنواع معينة من الأقراص و ده طبعا بأمر طبيب سكر الأطفال فى هذه الحالات النادرة فقط

و بنأكد مرة ثانية ان ده ممنوع فى حالات سكر النوع الأول الى معتمدة اعتماد كلى على الأنسولين.

👌عشان كدة دايما التشخيص الصح هو اول خطوة فى العلاج

دكتورة سهيله دغيدى
مدرس واستشارى امراض النمو والغدد الصماء وسكر الاطفال والمراهقين



مشاركة اد احمد عرفه حسن فى فعاليات المؤتمر التاسع للسكر والغدد الصماء في الأطفال بالمنصورة و محاضرة عن البلوغ المبكر فى ...
21/12/2025

مشاركة اد احمد عرفه حسن فى فعاليات المؤتمر التاسع للسكر والغدد الصماء في الأطفال بالمنصورة و محاضرة عن البلوغ المبكر فى الأطفال



بكل الفخر يهنئ مركز نماء الدكتورة سهيله دغيـدي لحصولها على درجة الدكتوراه، داعين لها بدوام التفوق والمكانة العلمية الرفي...
09/12/2025

بكل الفخر يهنئ مركز نماء الدكتورة سهيله دغيـدي لحصولها على درجة الدكتوراه، داعين لها بدوام التفوق والمكانة العلمية الرفيعة.

#نماء


Address

Cairo

Telephone

+201028534050

Website

Alerts

Be the first to know and let us send you an email when نماء لأمراض النمو والسكر والغدد الصماء للأطفال والمراهقين posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to نماء لأمراض النمو والسكر والغدد الصماء للأطفال والمراهقين:

Shortcuts

Share

Category