09/12/2025
من كام يوم وانا بطبخ كنت جعان مش قادر استنى اغرف والأكل يبرد
فجيت اخد ملعقه وهو لسه على النار و نفخت فيها عشان تبرد .. وانا بنفخ جه في دماغي حديث الرسول ﷺ:
"لا يتنفس أحدكم في الإناء"
ساعتها استغربت… وقلت لنفسي: هو ليه الرسول نهانا عن حاجة شكلها بسيطة كده؟!
طبعا على طول عملت بحث القطاقيط عشان لازم افهم
لقيت ان الدكاتره و الدراسات
اثبتت ان النفخ في الأكل أو الشرب مش بس بيخلّي النفس يلمس الأكل… لأ ده النفس بيحمل معاه بكتيريا، ولو الواحد عنده جرثومة المعدة – حتى من غير ما يحس – بتخرج مع النفس..
والكارثة إن البكتيريا دي لما تقابل الحرارة مش بتموت… الحرارة بتعمل حاجة عكس المتوقع
بتدخل في حالة اسمها "التّحوصل Cyst form "، يعني تلبس نفسها درع يحميها من الحرارة، والتحوصل بيخليها تعيش وتوصل للمعدة بسهولة
أول ما توصل المعدة وتلاقي ظروف مناسبة (حموضة قليلة أو خلل في توازن البكتيريا النافعة)، تبدأ تخرج من التحوصل وترجع نشيطة وتتكاثر.
النتيجة: النفخ في الأكل بيبقى طريق مباشر لنقل جرثومة المعدة بشكل أقوى من الطرق العادية، وده اللي يفسر ليه عادة صغيرة جدًا زي دي ممكن تسبب مرض كبير ومزمن.
ساعتها حسيت بعظمة كلام سيدنا محمد ﷺ
إزاي كلمة بسيطة من سيدنا محمد ﷺ من أكتر من ١٤٠٠ سنة كانت إنقاذ لينا من مرض منتشر دلوقتي والدكاترة لسه بيحذروا منه!
النهارده العلم بيثبت إن كلامه كله حق، وكل توجيه منه فيه رحمة وحماية لينا.
سبحان الله ❤️… كل ما نرجع للسنة ونسمع كلامه ﷺ، نلاقي فيه الصحة، والوقاية، والحياة الطيبة.
✅️ د.ياسمين بكر _dr.Yasmeen Bakr
