Dr. Kirollus Nagi - Alethiotherapy Clinic

23/03/2025

لو انت من الناس اللي بتحب الدهون في الاكل (من عشاق السمين والزبدة البلدي)، يبقي في نظام غذائي هيبقي مناسب جدا ليك هو انك تقلل الكارب وتزود الدهون مع استعمال دواء بيقلل امتصاص الدهون زي "الاورليستات"، حتي مش لازم يبقي كيتو دايت كامل (بمعني انك تمنع تماما النشويات)، لكن مجرد انك تزود البروتين والدهون وتقلل الكارب مع استعمال الاورليستات مرتين يوميا قبل الوجبات الرئيسية، يبقي انت بكدا بتمنع امتصاص 40% من الدهون اللي في الوجبات.

جرب الطريقة دي وادعيلي، هتلاقي انخفاض ملحوظ في الوزن في وقت قصير🙏🙏

19/01/2025

الشعور بالخزي هو اكبر عائق للتعافي من ادمان الطعام والعلاج الجمعي هام للغاية

27/12/2024

https://www.youtube.com/watch?v=_Yad-7wANnA&ab_channel=ALETHIOTHERAPY%7CDr.KerollusNagi

19/12/2024

مقاومة هرمون الشبع Leptin لدي مرضي السمنة - لماذا شهيتك مفتوحة دائما وحرقك منخفض؟

17/12/2024

انشالله هنبدأ في السلسة دي نكلم عن كل النواحي النفسية للسمنة وزيادة الوزن وهنشرح باستفاضة الصراع النفسي اللي الشخص بيبقي عايشه وازاي يقدر يكون بيساعد نفسه ويتحرر منه..

مشكلة زيادة الوزن هي مشكلة معقدة جدا والجانب النفسي فيها هو فمنتهي الأهمية.
وعلشان كدا انا قررت ادخل بالعلاج النفسي للمجال ده ومكنش مجرد متخصص في التغذية، لكن كمان في علم النفس واقدم الخدمتين في نفس الوقت!

08/12/2024

"الطريق الوحيد للتخلص من اغراء هو ان تخضع له.."

استنو فيديو تحت عنوان "الثمرة المحرمة: اصل الداء"

هنكلم فيه عن سيكولوجية السلوكيات القهرية و"الادمانات" المختلفة في الطعام مثل نوبات نهم الطعام "Binge Eating" وايضا في الجنس Compulsive Ma********on" .

وكيفية ازالة العنصر القهري منها..

وهنكون بنعرض افكار واستراتيجات علاجية غريبة جدا انا شخصيا استغربتها اول مرة قريتها، لكن واضح من الابحاث ان دي الطريقة الوحيدة للتحرر..

29/11/2024

كلام مهم جدا عن 18 مرض بيسببهم تذبذب مستوي سكر الدم و10 طرق للحفاظ عليه مستقرا..

دكتور كيرلس ناجي هو صيدلي اخصائي تغذية ومعالج نفسي دارس للدبلومة الدولية في التعامل مع السلوكيات الادمانية ويقدم خدمة متميزة تدمج ما بين الجانب الجسدي والجا...

27/11/2024

دكتور Jessie بتكلم في كتابها عن ان التذبذب في مستوي سكر الدم يعتبر السبب الرئيسي وراء نسبة كبيرة جدا من الامراض.

ومن اكتر الامور المفهومة خطأ في مجتمعنا هي ان تنوال السكر الطبيعي من مصادر زي عسل النحل او عصير القصب او بعض الفواكه، يختلف عن تناول السكر الابيض..لكن في الحقيقة مفيش فرق اطلاقا من حيث تأثيرهم علي مستوي سكر الدم زي وا واضح في الصورة.

استنونا في الفيديو اللي جاي هنكلم بالتفصيل عن مستوي سكر الدم، الامراض اللي بيسببها و10 طرق للحفاظ عليه مستقر طول الوقت.

25/11/2024

مشكلة السمنة وزيادة الوزن مشكلة معقدة جدا وعلشان كدا حلها لابد انه يتضمن احتراف في الجانب الجسدي وايضا احتراف في الجانب نفسي..
وده بالظبط اللي هكون بقدمه في Alethiotherapy Clinic.

هنا لأول مرة هتحصل علي نظام تغذية احترافي وكمان علاج ودعم نفسي،
لأني مش بس دكتور صيدلي دارس تغذية لكني كمان دارس لعلم النفس وفاهم كويس اوي من دراستي لدبلومة الادمان(مركز الحرية)، ان جزء كبير جدا من مشاكل الناس مع الاكل ورائها عوامل نفسية كتيرة اوي قد تصل الي ان الطعام يكون ادمان بالنسبالهم.

الحقيقة ان من زمان وانا واعي جدا بقد ايه المشكلة دي معقدة من صراعنا الشخصي كعائلة مع مرض السمنة، امر كان صعب جدا لدرجه انه كان واحد من العوامل اللي ادت ان اخويا يدخل في اكتئاب ويموت بالانتحار في النهاية!

وعلشان كدا انا فاهم وواعي كويس اوي قد ايه الموضوع اعقد بكتير من مجرد نظام غذائي وممارسة رياضة معينة.. وقد ايه هو يتطلب تدخلات نفسية علاجية متنوعة ورحلة علاج ودعم نفسية طويلة.

وده بالظبط اللي هكون بقدمه في Alethiotherapy Clinic، علاج حقيقي يتعامل مع كل جوانب مشكلة السمنة وزيادة الوزن..

ومقدرش كمان اتجاهل فرع جديد من العلوم الخاصة باستخدام الاكل في علاج الامراض النفسية اسمه Metabolic Psychiatry اللي احدث ضجة كبيرة جدا مؤخرا في مجال الصحة النفسية ككل.
نظرية اثبتت ان جزء كبير جدا من الامراض النفسية ممكن يقل او حتي يتم معالجته تماما عن طريق اصلاح الأيض Metabolism داخل خلايا المخ.

ده مجرد اختصار شديد للخدمات اللي هكون بقدمها في العيادة..
لو محتاج مساعدة تقدر تحجز جلسة اونلاين عن طريق ارسال رسالة،
والمفأجاة ان الجلسة الاولي مجانية لفترة محدودة!