أعرفكم بنفسي أنا د. مروة زكي خريجة صيدلة القاهرة ٢٠٠٢
بعد تخرجي مقدرتش أقاوم شغفي في التعليم و التعليم
بدئت رحلتي في التنمية الذاتية سنة ٢٠٠٥ و حصلت علي اول اعتماد رسمي كمدرب محترف معتمد من المركز العالمي الكندي سنة ٢٠٠٨
و وصلت لدرجة مدرب معتمد في مجالات مختلفة و منهم مدرب معتمد في البرمجة اللغوية العصبية و مدرب معتمد في برنامج الكورت لمهارات التفكير و مدرب معتمد في مهارات التفوق الدراسي و
مدرب معتمد في القراءة السريعة
في ٢٠١٦ بدئت اهتم بعلم النفس و اخدت دبلومات في العلاج المعرفي السلوكي و الصحة النفسية و علم النفس الايجابي
في ٢٠١٨ قررت اطبق اللي بدربه علي نفسي في تحدي صعب بواجهه و هو دوامة فشل الرجيم و فعلا قدرت انزل ٤٠ كيلو في حوالي سنتين و محافظة عليهم
ده غير اني دخلت الرياضة حياتي بعد سن الاربعين رغم الاصابات الناتجة عن سنوات زيادة الوزن بس الحمد لله قدرت اخلي الرياضة عادة و بجدد اشتراك الجيم بالسنه
لما نجحت في اني انزل وزني الناس طلبت مني أساعدهم في نزول الوزن فدرست التغذية سمنه و نحافة و تغذية رياضين و تعاونت مع الدكتور اللي درس لي التغذية في اننا نشتغل مع عملاء عايزين ينزلوا في الوزن و عملنا جروبات مجانية لمتابعة الحالات و حققنا نتائج بهرت اخصائين التغذية اللي كانوا بيتابعوا الجروب عشان يتعلموا من صاحب الاكاديمية اللي درسوا معاه التغذية و أخصائين التغذية طلبوا مني اعلمهم اللي بعمله مع الحالات
و فعلا دربتهم علي مهارات من اللي كنت بستخدمها مع العملاء
و درست منهج الهلث كوتشنج و حاجات كثيرة من علم نفس التدريب الصحي و CBT obesity
و بقيت بعمل جروب كوتشنج للاخصائين من خلال الكورسات اللي بقدمها وبساعد الاخصائين انهم يطوروا من نفسهم و يتغلبوا علي التحديات اللي بتقابلهم تحديدا سواء تحديات داخلية خاصة بيهم او تحديات بسبب العملاء
و قدرت أوظف اللي كنت بدربه أكثر من عشرين سنة في أني اساعد الأخصائين مش بس انهم يمارسوا التدريب الصحي لكن كمان يقدروا يبنوا البزنس بتاعهم و يحققوا دخل مستمر
في انتظار تواصلكم عبر الصفحة و يسعدني أني استقبل اسئلتكم و استفساراتكم
